عياده دكتوره ليلى ناجى Dr Laila Nagy clinic

18/10/2025

👇الطفل أقل من ١٢سنه متغطي بتطعيم التيتانيوس اللي اخده وهو صغير يعني لو دخل ف رجله مسمار اي حاجه تانيه مش هياخد التطعيم تاني لكن ياخد مضاد حيوي احتياطي ومسكن
👇أما لو الطفل اكبر من ١٢سنه لازم يروح المستشفي ياخد التطعيم
دكتوره ليلي ناجى اخصاءي اطفال وحديثى الولاده
مدينه الحمام ميدان الغزاله
ت ١٢٧٢٧٢٤٤٠٣
٠١٠٠١٣١٦٣٠٧

15/06/2025

20/05/2025

التطعيمات الاضافيه للاطفال👇👇

🔔 نركز شوية عشان السؤال ده انا اتسألته كتير وناخد بالنا
انه له اوقات محدده لو مالحقتهاش راحت عليك التطعيم .

⁦☢️⁩ ملحوظة التطعيمات دى ف مصر بس اختيارى
انما كتير منها أساسى طبعا فى الخارج .

⁦⬅️⁩ تطعيم الروتا عشان النزلات المعويه
نص او واحد مللي بالفم

موجود في جرعتين وف تلاته
غالبا المتوافر والمتعارف عليه الجرعتين Rotarix
مش بتاخد قبل شهر ونص ومش بعد ٨ شهور
الجرعه الاولى اخر ميعاد ليها ٤ شهور لو عدوا خلاص
بين الجرعتين ميقلش عن شهر

⁦⬅️⁩ المكورات الرئويه 👌

شهرين واربعه وسته شهور
او اربعه وسته وتمانيه شهور
او سته تمانيه وعشره شهور
وجرعه تنشيطيه عند ١٥ الى ١٨ شهر
لو عمره م سنه لاتنين ياخد جرعتين بينهم شهرين وخلاص
ولو عمره م ٢ ل ٥ ياخد جرعه واحده فقط

⁦⬅️⁩ تطعيم الجديري👌

ممنوع قبل سنه
تحت ١٣ سنه جرعتين بينهم 3 شهور
اكتر م كدا جرعتين بينهم شهر
واللي جاله جديري مياخدش خلاص
حقنه عضل

⁦⬅️⁩ تطعيم الانفلونزا الموسميه ⁦👌

⁦🖍️⁩مهم جدا لأنه بيحمي بنسبه كبيره م مشاكل الجهاز التنفسي للاطفال والتهابات الحلق المتكرره والتهابات الودان

للاطفال م اول سن 6شهور

مهم جدا للحامل واللي بترضع ويوصي بيه بشده للحامل

مهم لمرضي القلب والكلي والكبد والأعصاب ونقص المناعه🛌⁦🗣️⁩

مهم للي بيعانوا م السمنه المفرطه
🧟🧟
للناس فوق ٥٠ سنه

⁦🖍️⁩نيجي للاطفال
اللي متطعمش قبل كدا هياخد جرعتين بينهم شهر طول ماهو تحت ٩ سنين
اللي اتطعم هي جرعه واحده فقط
الطفل فوق ٩ سنين جرعه واحده فقط
⁦🖍️⁩الجرعه :
م ٦شهور ل ٣سنوات نص الحقنه يعنى ربع مللي وتعاد بعد شهر لو اول مره او متتعادش لو اخدها قبل كدا⁦🕴️⁩👌👌
فوق ال٣ سنوات الحقنه كامله يعني نص مللي وتعاد بعد شهر لو اول مره او متتعادش لو اخدها قبل كدا

⁦🖍️⁩موانع التطعيم الدائمه
ف حاله حساسيه البيض
أو حساسيه م أي مكون م مكونات التطعيم

⁦🖍️⁩موانع التطعيم المؤقته
لو ف أي التهاب موجود او دور تعب او سخونيه

⁦⬅️⁩ تطعيم الالتهاب الكبدي A👌
مبيتاخدش تحت سنه
جرعتين بينهم م ٦ ل ١٨ شهر
نص مللي حقنه عضل

👥 مكان التطعيمات دى : بعض الصيدليات الخاصة وكل مراكز المصل واللقاحعياده دكتوره ليلى ناجى لطب الاطفال وحديثى الولاده
مواعيد العياده يوميا من الساعه ٤ل٩ والجمعه كمان
للحجز الاتصال بالرقم
ت 01272724403
ميدان الغزاله بجوار عياده دكتوره شيماء حسين

17/03/2025

🔹اللى فى الصورة ده حاجة اسمها Sacral dimple او الغمازة العجزية بنشوفها فى بعض الاطفال حديثى الولادة بيكونوا مولودين بيها
🔹 فى اغلب الاحيان بتكون حاجة عادية مفيش منها اى قلق بس احيانا بتكون معاها عيوب فى الفقرات Spina bifida

🔹امتى نقلق منها و نحتاج نعمل اشعة👇👇

1-لو حجمها اكبر من 5 مل
2-لو بتبعد عن فتحة الشرج اكتر من 2.5 سم
3-لو اكتر من واحدة
4-لو مش موجودة فى النص يعنى على جانبى العمود الفقرى
5-لو معاها وحمة دموية او شعر فى المنطقة نفسها
6-لو الفحص العصبى للطفل فى حاجة مش طبيعية

ده طبعا الطبيب هو اللى يحدده بالفحص و لو فى حاجة من اللى ذكرتها بنعمل اشعة سونار على الفقرات لو مش طبيعية بنعمل اشعة رنين مغناطيسى ،،،
ولازم دكتور اطفال يكون عنده خبره في التعامل مع الحالات دي ويعمل الفحص العصبي بشكل سليم قبل ما نلجأ للأشعه والفحوصات

10/03/2025

لبس الأطفال اليومين دول ميزدش عن ٣ قطع كت وكم وقطعه خارجيه رجاءً وبلاش خلاص طواقي وشرابات وبطاطين تقيلة وشكراً

09/03/2025

موعدنا يوميا بعد الفطار من الساعه ٧ حتى ١٠ مساء فى رمضان ماعدا الخميس
عياده د.ليلى ناجى اخصاءيه طب الاطفال وحديثى الولاده
ميدان الغزاله بجوار عياده د.شيماء حسين
01227274403

08/03/2025

08/03/2025

"لاعب ولدك سبعاً، وأدِّبه سبعاً، وراقبه سبعاً، ثم اترك حبله على غاربه".. من أجمل ما قرأت..

️فأول مرحلة (لاعبه سبعاً)... يعني أول سبع سنوات
لا يصحُّ فيها أن تؤدبه (التأديب بليونة) طفل صغير يا عزيزي ويا عزيزتي...
هناك آباء لو أن ابنهم بكى في الليل يضربه وعمره سنتان !!
- فأول مرحلة لا يجدي فيها إلا الإكرام وأن تلاعبه فقط مع ترسيخ القيم اثتاء اللعب

وثاني مرحلة (أدِّبه سبعاً)... يعني من سن سبعة إلى أربعة عشر..
إذا تكلم كلمة غير صحيحة، كلمة غير لائقة، معه حاجةً ليست له، يحب أن تبالغ في تأديبه .
- فبعد الوعي وترسيخ القيم يجدي التأديب .

️أما المرحلة الثالثة (راقبه سبعاً)... يعني من سن أربعة عشر إلي واحد وعشرين (سن المراهقة)..
بعد أن بلغ الرابعة عشرة، شعر بكيانه، فلا هو راشد فيرضيك، ولا هو صغير تعلّمه، هناك حساسية كبيرة جداً في هذا السِنّ..
هذا السِنّ يُحير الآباء والأمهات، إن عاملته كراشد يُخيب ظنّك، وإن عاملته كطفل لا يحتمل !!
لذلك هنا جاء التوجيه (وراقبه سبعاً)..

️والرابعة (إترك حبله على غاربه)... يعني بعد سِنّ الواحد وعشرين كُن صديقاً له..

فإن نجحت في المراحل الثلاث الأولى، يغلب على الظن أنك تنجح في المرحلة الأخيرة ويكن ولداً صالحاً إن شاء الله.

اللهم اخرج من اصلابنا ذرية صالحة تكون ذخرا لنا يوم نلقاك.

16/02/2025

بمناسبه دخول شهر رمضان والأطفال اللى هتصوم من سن ٨سنوات لازم ياخدو فيتامينات تقوى مناعتهم بدايه من دلوقتى وطول شهر رمضان زي limetless kids syp
Multi vitamin
دا ياخدوا منه كل يوم ٥سم
وكمان الاطفال اللى بينزلوا مدارس وبيتعرضوا للبرد وبيجيلهم نزلات برد كتير ونزلات شعبيه وحساسيه على الصدر ياخدوا حاجه تقوى مناعتهم وتققل الاصابه من البكتيريا والفيروسات زى
Broncho vaxom. Sach
كيس على كوب ماء او لبن كل يوم الصبح على الريق
وكل سنه وانتم جميعا بخير
رمضان كريم 🌜💫🎇

04/02/2025

بمناسبة دخول المدرس عملين خصم ع كشف الاطفال ٥٠% من السبت الى الاربعاء

وخصم ع ٥٠%

جلسة النفس
اختبار الحساسية

العنوان ميدان الغزالة خلف سوبر ماركت الطيب

المواعيد من السبت الى الاربعاء من الساعة ٤الى ٩

رقم التلفون /٠١٢٧٢٧٢٤٤٠٣.
و أن شاء الله معانا فى العرض الاسبوع القادم اى اشعه للاطفال عاديه أو سونار أو حتى ايكو خصم 50%لحالتنا الاطفال بمركز الساحل سكان للاشعه خلف صيدليه دكتور بليغ حمدى أمام مستشفى الحمام المركزى
رقم التليفون 01210784711

21/01/2025

علامات الخطر عند حديث الولادة .
هناك بعض العلامات إذا ظهرت على الطفل حديث الولادة يجب التوجه إلى أقرب مستشفى مثل :
- عدم نزول البول لمدة ٢٤ ساعة بعد الولادة .
- عدم نزول البراز لمدة ٤٨ ساعة بعد الولادة.
- ارتفاع او انخفاض فى درجة حرارة الجسم .
- حدوث تشنجات.
- عدم القدرة على الرضاعة أو رفض الرضاعة مرتين متتاليتين .
- قئ مستمر .
- انتفاخ ملحوظ فى البطن عن المعدل الطبيعى .
- صعوبة التنفس .
- زرقان بالجسم .
- إصفرار بالوجه والجسم .
- نزول دم أو صديد من السرة.

د. ليلى ناجى
اخصاءيه اطفال وحديثى الولاده
مدينه الحمام . ميدان الغزاله
مواعيد العمل من الساعه ٤ل٩