Naturheilpraxis Monika Linder

Startseite
Schweiz
Solothurn
Naturheilpraxis Monika Linder

Monika Linder, eidg. dipl. Naturheilpraktikerin/Naturärztin TEN mit EMR-Anerkennung, Langendorf

11/02/2026

Mi nöchscht Birkehäxliworkshop findet am Donnschtig, 26.2.26 vo 19.00 - ca. 22.00 Uhr statt.Thema dasmol isch bi de Böim d Esche, bi de Chrütter dr Kümmel und bi de Stei dr Aquamarin. Härstelle tüemer dasmol Apero-Kümmelstange und es Kümmelöl für Buchmassage bi Buchweh und Blähige. Derzue bechömet ihr es Aquamarinarmband wie ufem Foti und wie immer es Skript, Znüni, vil zuesätzlichi Infos und s Material zum die obige Sache mache. D Teilnähmerzahl isch beschränkt, drum mäld di grad gli aa, wenn derbi si möchtsch! D Amäldig isch verbindlich und dr Kurs wird am Kursobe diräkt bar oder per Twint zahlt. Dasmol choschtet dr Kurs inkl. obig erwähnte Sache 70.- Fr.
I freu mi uf en wieder wunderschöne Obe mit dir/euch! Hebet afe e wunderschöni Fasnacht... Liebi Grüessli Moni 😘🎉🍄❤️✨

11/01/2026

Mi nöchscht Birkehäxliworkshop findet am Mittwuch, 28.1.26 vo 19.00 - ca. 22.00 Uhr statt. Thema dasmol sind bi de Böim dr Mammutbaum, bi de Chrütter dr Schachtelhalm und bi de Stei dr Bärgkristall. Mir stelle es Amulett usem Mammutbaum här (siehe Bild = mis Birkeamulett und s rohe Holz unde dra wär de Mammutbaum), au s Läderband bechömet ihr grad derzue. Bim Bärgkristall bechömet ihr es Säckli mit 2-3 Trommelstei, wie ufem Bild. D Kurschoschte sind dasmol 60.- und wärde am Kursobe bar oder per Twint diräkt zahlt. D Amäldig isch wie immer verbindlich und d Platzzahl beschränkt. Drum mäld di grad aa, wenn derbi si möchtsch... I freu mi sehr uf en stärkende, kreative Obe mit euch und wünsch euch afe vil Spass im Schnee! Liebi Grüessli Moni 🤗😘❤️❄️✨

20/11/2025

Mi nöchscht Birkehäxliworkshop findet am Donnschtig 18.12.25 vo 19.00 - ca 22.30 Uhr statt.Thema dasmol isch bi de Böim d Arve, bi de Chrütter dr Ingwer und bi de Stei dr Karneol. Ihr bechömet es Karneolchügeliarmband und mer bache Kokos-Limette-Ingwer-Makrönli. Bringet darum e grossi Gutzidose mit zum se chönne hei nä. Dr Kurs choschtet dasmol 70.- Fr. inkl. Skript, Armband, Gutzizuetate, Znüni und ganz vil Infos über Böim, Chrütter, Stei und Naturheilkund allgemein. Zahle chönder am Kursobe diräkt bar oder per Twint. D Kursamäldig isch wie immer verbindlich und Teilnehmerzahl beschränkt. Drum mäldet euch grad aa, we dr sicher derbi si wend... I freu mi scho wider sehr! Gniesset die erschte Schneeflocke bimne warme Tee und Cherzeschyn! Härzlichi Grüessli Moni 🍂🍁🌲❄️🔥🫖🤗😘❤️✨

02/11/2025

Mi nöchscht Birkehäxliworkshop findet am Mittwuch 19.11.25 vo 19.00 bis ca. 23.00 Uhr statt. Thema dasmol isch bi de Böim d Ulme, bi de Chrütter dr Hafer und bi de Stei dr Granat. Es git dasmol es Granatarmband und mir mache Hafertaler mit Orange und schwarzer Schoggi. Nähmet darum e grossi Gutzidose mit zum se chönne hei näh. Znüni und Skript mit vil Infos sind natürlich au wider derbi. Dr Kurs isch nach Amäldig wie immer verbindlich, choschtet dasmol 60.- Fr. (was am Kursobe diräkt bar oder per Twint zahlt wird). D Teilnähmerzahl isch beschränkt, drum mäld di grad aa, we derbi si möchtsch. I freu mi sehr! Und allne zäme wünschi afe gmüetlichi Stunde bi Cherzeschyn, warmem Tee und vilich bald au scho vo de meeega feine Hafertaler! Härzlichi Grüessli Moni 🍁🦉🍂🦔❤️😘⭐✨

21/10/2025

Mi nöchscht Birkehäxliworkshop findet am Donnschtig 30.10.25 vo 19.00 bis ca 22.00 Uhr statt. Thema dasmol isch bi de Böim d Eibe, bi de Chrütter d Schofgarbe und bi de Stei dr schwarzi Turmalin (Schörl). Ihr bechömet dasmol es Armband us scharzem Turmalin (en super Beschützer). Härstelle tüemer es Chrüttersalz us verschiedene Wildchrütter, u.a. au Schofgarbe. Derzue mache mer vor Ort no en Schofgarbe-Läberewickel. Drum bringet dasmol e Bettfläsche, es Duschtuech, es Handtuech, es Lavettli (Wöschlumpe) und en Plastiksack (zum s nasse Züg heinä) mit. Ihr bechömet wie immer au es usfüehrlichs Skript und Znüni mit Tee/Steiwasser. Choschte tuet dr Kurs dasmol inkl. em Armband, Skript, Chrüttersalz, etc. 60.- Fr. Zahlt wird diräkt am Kursobe bar oder per Twint. D Amäldig isch wie immer verbindlich. I freu mi uf en sicher wider wundervolle Obe mit euch! Gniesset die herbstlichi Farbepracht und es Tee bi Cherzeschyn... Liebi Grüessli Moni 🍂🍁🦔🐿️🦉🦌❤️😘🍄✨

04/09/2025

Mi nöchscht Birkehäxliworkshop findet am Mittwuch 17.9.25 vo 19.00-22.00 Uhr statt. Thema dasmol isch bi de Böim dr Haselnuss, bi de Chrütter dr Spitzwegerich und bi de Stei dr Topas. Härstelle tüemer es Haselnusspesto und ihr bechomet en chline, wärtvolle Goldtopas, wie ufem Bild mithei. Wötsch derbi si, de mäld di grad aa, d Teilnähmerzahl isch wie immer beschränkt. D Amäldig isch au wie immer verbindlich und d Kurschoschte dasmol 70.- Fr. wägem türe Stei. Ir bechömet wie immer es Skript, Stei, s Pesto im Glas, Znüni und vil Infos mithei. I freu mi sehr! Es herbstelet scho merklich, gönnet euch e warme Tee und es Cherzeliecht und machet Spaziergäng i de sich färbende Wälder🍄🌞💧🍁🍂🌼... ❤️Moni

15/08/2025

Mi nöchscht Birkehäxliworkshop findet am Donnschtig 28.8.25 vo 19.00 - ca. 22.00 Uhr statt. Thema dasmol isch bi de Böim d Eiche, bi de Pflanze d Kapuzinerkresse und bi de Stei dr Hämatit. Härstelle tüemer dasmol e Kapuzinerkressetinktur, damit dr für d Winterchäfer- Erkältige gwappnet sind und bi de Stei gits dasmol es Säckli mit Hämatitministeinli, wo dir dehei ines Holz- oder Keramikschäli fülle chönd und aschliessend sämtlichi Stei, wo dr scho hend, regelmässig entlade chönd. D Teilnehmerzahl isch wie immer beschränkt und d Amäldig verbindlich. Choschte tuets dasmol inkl. Skript, Steinli, e Pflanze imne alte Topf, Tinktur im Glas mit Grappa oder Vodka, Tropffläschli, Znüni und vil Infos 70.- Fr. Das wird diräkt am Kursobe bar oder per Twint zahlt. Wötsch derbi si, denn mäld di grad aa... I freu mi uf dä Obe mit euch, bis bald und allne gnue Möglichkeite zum bim Bade, Trinke, Glace ässe, im Baumschatte, etc. Abchüelig z finde... Liebi Grüessli Moni 🌊🌞🤗😘❤️🌸🌹🍄✨⭐

02/07/2025

Mi nöchscht Birkehäxliworkshop findet am Mittwuch 30.07.25 vo19.00 - ca 22.00 Uhr statt.Thema dasmol si bi de Böim/Strücher dr Lorbeer, bi de Chrütter d Ringelblueme und bi de Stei dr Sunnestei. Ihr bechömet en Sunnestei- Handschmichler mithei (si sind rund wie die hintere ufem Foti, nid so flach wie vorne ufem Foti) und härstelle tüemer e Ringelbluemesalbi zum heinä. Dr Kurs choschtet 60.- Fr inkl. Skript, Stei, Salbi und Znüni. Zahlt wird am Kursobe diräkt bar oder per Twint. D Amäldig isch wie immer verbindlich und d Teilnähmerzahl beschränkt. Drum mäld di grad aa, we derbi si möchtsch!
Jetz wünschi euch allne trotz Hitz e wunderbari Zyt und dene wo hend schöni Ferie! Liebi Grüessli Moni 🌊🌞🌴🍉😘✨

10/06/2025

Mi nöchscht Birkehäxliworkshop findet am Donnschtig, 26.6.25 vo 19.00 - ca. 22.30 Uhr statt. Thema dasmol isch bi de Böim dr Chirsibaum, bi de Chrütter d Melisse und bi de Stei dr Türkis. Härstelle tüemer en Chirsistreuselchueche und ihr bechömet es Türkisarmband mithei, näbscht Skript, vil naturheilkundliche Infos au usserhalb vo dene zwei Pflanze und em Stei, es Znüni und natürlich au en Chirsistreuselchueche zum heinä. D Teilnähmerzahl isch wie immer beschränkt, drum mäld di grad aa, we derbi si möchtisch. Choschte tuet dr Kurs inkl. allne obe erwähnte Sache dasmol 60.- Fr. Zahlt wird wie immer bar oder per Twint am Kursobe und d Amäldig isch verbindlich. I freu mi uf en wider wunderschöne und fröhliche Obe mit euch! Bis denn gniesset afe die summerlichi Sunne, dr Lindeblüeteduft, d Rose, wo das Joor bsunders üppig blüihe, s Vogelgezwitscher, es Glace, s Wasserspörtle und no vil meh... Härzlichi Grüessli Moni 🌊🌞🍓🌸🌹😘

07/05/2025

Am Mittwuch 28.5.25 vo 19.00 - ca. 22.00 Uhr findet mi nöchscht Birkehäxliworkshop statt. Thema dasmol isch bi de Böim dr Flieder, bi de Chrütter dr Waldmeister und bi de Stei dr Rosequarz. Ihr bechömet wie immer es usfüehrlichs Skript, es Znüni, vil Infos zum Baum, Chrut, Stei und allgemein Naturheilkundlichem, dasmol en Rosequarzstei und mir stelle zäme en Waldmeistersirup zum heinä här a däm Obe. Choschte tuet dr Kurs inkl. allem Material dasmol wider 60.- Fr. und wird am Kursobe bar oder per Twint zahlt. D Amäldig isch wie immer verbindlich und d Teilnähmerzahl beschränkt (dr Ender isch dr Gschwinder). I freu mi sehr, wenn au derbi bisch a däm bluemige, duftende, fröhliche, üppige und liebliche Obe! Liebi Grüessli und bis bald ... Moni 🌸🌹🤗😘😍✨

30/03/2025

Mi nöchscht Birkehäxliworkshop findet am Donnschtig 24.4. vo 19.00-ca. 22.00 Uhr statt. Thema dasmol isch bi de Böim d Birke, bi de Chrütter d Brennnessle und bi de Stei dr Chrysopras. Härstelle tüemer e Brennnesslesuppe und ihr bechömet im Kursgäld inkl. ei bis zwei Chrysoprasstei mit hei. Es hät au no Chügeliarmbänder, wo me derzue chauffe chönnt (die si nid im Kursgäld inbegriffe). Zu dr Suppe gits Zopf und Chäs, de wärs grad es Znacht. Ihr bechömet wie immer Skript, Stei, Material (dasmol zum d Suppe und Co. mache), Znüni und vil Infos no näb de dasmolige Theme. S Kursgäld isch dasmol 70.- Fr und wird am Kursobe diräkt bar oder per Twint zahlt. D Amäldig isch wie immer verbindlich und d Teilnehmerzahl beschränkt. I freu mi, we derbi bisch! Wötsch en Platz ha, de mäld di grad aa. Startet guet und mit gstärchtem/entschlacktem Körper in Früehlig! Liebi Grüessli Moni 🤗😘🌱🌿❤️🍄⭐✨

09/03/2025

Am Mittwuch 26.3.25 vo 19.00 - ca. 22.30 findet mi nöchscht Birkehäxliworkshop statt. Thema dasmol isch bi de Böim d Kiefer/Föhre, bi de Chrütter dr Bärlauch und bi de Stei dr Rubin. Das heisst, s goht bi allne 3 um s Chraft tanke. Härstelle tüemer es Bärlauchpesto, wo dir heinä chönd. Bi de Stei bechömet ihr en Rubin Trummelstei wie ufem Foti. D Teilnähmerzahl isch beschränkt (drum mäld di grad aa, wenn derbi si wotsch) und d Amäldig verbinlich. Da dr Rubin zu de türe Stei ghört, isch s Kursgäld dasmol usnahmswys 80.- Fr. inkl. Skript, Stei, Pesto, Znüni. Ihr chönds diräkt am Kursobe bar oder per Twint zahle. Hebet e guete Start in Früehlig, vil Sunneschyn, Früeligsblueme in voller Pracht und Vogelgezwitscher... Liebi Grüessli Moni 😘🌹🌸🌷✨

Adresse

Bährenackerweg 21
Solothurn
4513

Telefon

+41326211939

Webseite

http://www.praxis-linder.ch/

Benachrichtigungen

Lassen Sie sich von uns eine E-Mail senden und seien Sie der erste der Neuigkeiten und Aktionen von Naturheilpraxis Monika Linder erfährt. Ihre E-Mail-Adresse wird nicht für andere Zwecke verwendet und Sie können sich jederzeit abmelden.