Chrafteggä - Pilates und Personaltraining

14/03/2026

° Nur wer sich auf den Weg macht, wird neues Land entdecken. - Henry Ford °

Für üs heisst erfolgriich sii: im Lebä vo Menschä öbis chönä bewürke. Das mir immer wieder de Muet findet uszprobiere, umzgheie, wiiter z probiere. Dörffe anderst sii, unkonventionelli Weg izschloh, au mol ahzeggä, immer mitm Wüsse für üs fühlt sich s richtig ah. Erfolg heisst, inspirierende Lüüt z begegne, au mol vom Weg abcho & wieder chöne e Richtig ischloh wo üs guet duet!

Mir sind unglaublich danggbar für üsi Kund:innä - für d Ehrlichkeit & d Treui, für üsi Fründ:innä - für d Unterstützig & Ermuetigunge, danggbar das mir in Winti d Möglichkeit hend so en erfolgriiche Ort z erschaffe. Danggä für de wunderschön Obig zum 4-Jöhrige. Mir sind unglaublich stolz 💜🫶🏻

24/04/2025

24/04/2025

Üsi Wert Teil 4: Glasseheit

° Nimm dir Zeit, still zu werden. In der Stille liegt die Antwort. - Rumi °

Glasseheit isch für üs e Haltig - nid alles zu ernst z'neh - mir möchted es Studio wo mer cha em Alltag e Pause geh - en Ruum zum Duureschnuufe - en Ort wo, au wenns turbulent isch, Rueh und Offeheit usstrahlt - will Veränderig Ruum und Ziit bruucht.

15/04/2025

15/04/2025

Üsi Wert - Teil 3: Loyalität

° Loyalität bedeutet nicht, blind zu folgen, sondern sich für die richtige Sache einzusetzen. - John Wooden

Üs gohts um meh als Bewegig, s söll Platz ha für Ehrlichkeit und Vertraue, nid nume üsne Kunde gegeüber - sondern au üs selber gegeüber.

Mir möchtend üs selber treu bliebe und Verantwortig für üses eige Wohlergehe überneh, damit mir gnueg Energie händ eu ufriichtig z begegne und Freud a dem chönd bhalte wo mir gschaffe hend.

15/04/2025

17/03/2025

17/03/2025

Üsi Wert - Teil 2

° Es muss von Herzen kommen, was auf Herzen wirken soll. - Johann Wolfgang Goethe °

Mir möchtend en Ort schaffe, wo mer sich willkomme und wohl fühlt. En Ort wo mer Energie tanggä chan und mit Freud und Liechtigkeit assoziiert wird. Mir versuechend de Bligg uf ds Positive z lenggä und üsi Chunde mit üsere Energie und Liideschaft z inspiriere.

📸: .fotografiert

13/03/2025

Üsi Wert - Teil 1: Respekt

° When you are content to be simply yourself and don't compare or compete, everybody will respect you. - Lao Tse °

Mir versuechend üs prinzipiell mitm Motto gegeübetrettä "Jeda vo üs hätt sini eige Gschicht – s söll und döff Platz ha" -
au wenn mir nid gliicher Meinig sind - s söll und döff Platz ha für üsi Einzigartigkeit -
au wenn Sache nid glingend - s söll und döff Platz ha, für üsi Grenzä -
au wenn mir Sache beduurend - s söll und döff Platz ha für Fehler -
UND das mir üs trotzdem oder drum erst recht mit Wertschätzig begegnend.

📸: .fotografiert

20/12/2024

° Manchmal muss man einfach loslegen und schauen, was passiert. Winnie Pooh °

Mir wünschen eu ganz e schöni Wiehnachtsziit -
Ziit für Menschä wo ihr gärn hend. -
Ziit für Sache wo eu Freud machend. -
Ziit zum eifach chöne Sii.

Vo Herzä
Larissa Gabriela & Mila

20/12/2024