Psychologie Praktijk Sisu

21/02/2026

Awor si bo sa

Nos famianan ta lanta nos ku pensamentunan ku ta influensiá nos manera di mira bida, desishonnan i komportashon.

Tin di e pensamentunan aki ta yuda nos avansá den bida i otronan ta stroba nos.

Pensamentunan ku ta stroba nos pa avansá por ta lo siguiente:
- Bo ta estranhero tuma kiko ku ta ku bo haña
- Tuma fakansi ta pa hende floho
- Bo no mester tin amistat, famia mes ta sufisiente.

E pensamentunan aki por kausa:
- Strès
- Konflikto
- Insiguridat

Puntra bo mes...
E pensamentunan aki ta bèrdat? Nan ta sirbi mi ahinda?

Kòrda ku bo por kibra e siklo i pasa pensamentunan mas efektivo i konstruktivo pa e siguiente generashon.

20/02/2026

Trauma finansiero

Un hende por desaroyá un trauma finansiero despues di a eksperensia pa un tempu largu inseguridat finansiero. Konsekuensia di esaki ta ku e persona por eksperensiá anshedat, tristesa, ta insigur di su mes, tin difikultat pa gosa di éksito i por eksperensiá burnout.

Ta rekomendabel pa tin diferente fuente di entrada i eduká bo mes finansieramente. Tambe ta rekomendabel pa kambia bo pensamentunan no funshonal pa pensamentunan funshonal. I tambe siña maneranan kon pa relahá bo mes manera hasi ehersisio i arte.

Contact: +5999520-7125

19/02/2026

18/02/2026

Misplaced anger

"Misplaced anger" ta na momentu ku bo baha bo rabia riba un hende ku no a kausa e rabia. Por ehèmpel bo mènedjer a primintí bo algu i no a kumplí. Esaki a pone bo rabia mashá hopi mes. Bo ta yega kas i baha bo rabia riba bo yu.

Esaki ta pone ku e yu por haña miedu di bo. Ta bon pa siña maneranan pa kalma i ta asertivo ku e persona ku a kausa e rabia.

Number di kontakto: +59995207125

17/02/2026

Eror den pensamentu

No tur bia loke bo pensa ta bèrdat.
Nos tin eror den pensamentu. Kaminda bo ta kere algu ku no ta bèrdat.

Nan ta lo siguiente:

-Pensa pretu i blanku
Si e no ta perfekto e ta un frakaso.

-Tin un perspektiva selektivo:
Bo ta mira solamente e kos negativo i lubidá loke ta bai bon.

- Generalisá
Un eksperensia malu ta nifiká ku tur kos lo bai ta malu.

- Lesa pensamentu di hende
Bo ta kere ku bo sa kiko otro hende ta pensa.

- Rasoná emoshonal
Mi ta sinti asina, asina mester ta bèrdat.”

-Personalisa
Bo ta tuma tur kos personal òf pensa tur kos ta bo falta.

📍 Psychologie Praktijk Sisu
📞 5207125
We care for you and your family

16/02/2026

Kiko ta “curling parenting”?

“Curling parenting” ta ora un tata of mama ta purba kita tur opstákulo for di kaminda di e yu. Pa asina e yu no haña niun problema òf frustrashon.
Manera den e deporte “curling”, na unda nan ta limpia e ijs pa e "piedra" pasa mas fásil.

Problema ku esaki (e “curling trap”) ta lo siguiente:
- E yu no ta desaroyá abilidat pa por yude manehá difikultat.
- Ora tur kos ta fásil , e yu no ta siña kon pa solushoná e problemanan su mes.
- E no ta desaroyá resilensia.
- Ménos oportunidat pa krese

Mucha nan mester eksperensia:
- Frustashon
- Hasi eror
- Konfrontá situashon sosial ménos agradabel.

Alternativa:
- Guia bo yu na lugá di hasi tur kos pe.
- Ta un coach
- Enkurashe i apoye
- Dune espasio pa e tuma inisiativa i siña su mes.
- Splike ku momentunan difísil ta parti di bida.
- Yude nombra i regulá su emoshonnan.

Contact: +5999 520 7125

13/02/2026

Awor si bo sa

Tin hende por hasi mal uzo di nan poder.. Dependé kwa ròl, dinámika di poder i e karakteristikann di un sirkunstansia.

Esaki e sikólogo Zimbardo a konkluí despues di a eksperimentá ku duna partisipantenan e ròl di wardadó di prezu òf prezu. E wardadónan di prezu a kuminsá maltratá e prezunan na un manera hopi kruel. Konsekuensia di esaki ta ku mester a stòp e eksperimento.

12/02/2026

Un felis dia,

Martha Mitchell effect ta na momentu ku konsiderá un hende ku e tin disturbio mental paso e ta papia informashonnan fuera di normal. Ku tòg ta resultá di ta bèrdat.

Contact: +59995207125

09/02/2026

Un felis siman,

Abo sa kiko bo ta super bon den dje i kiko por traha riba bo nèrvio? Esaki ta un di e modèlnan ku Psychologie Praktijk Sisu ta uza pa por elaborá di esakinan durante terapia.

Contact: 9 520 7125

06/02/2026

Un felis dia,

Ta importante pa pordoná.
Esaki ta nesesario pa bo propio pas mental.

Contact: 9 520 7125

05/02/2026

Un felis dia,

Muchanan tambe por eksperensiá depreshon.
Ta importante pa siña e mucha regulá su emoshonnan, resolve problema i kambia perspektiva.

Contact: +59995207125