28/07/2025
Después di e morto di Hesus, e esensia di su enseñansa – ku ta basa riba amor, stimashon, humildat i komunión interno direkto i kontinuo ku Dios a kuminsá plama.
Hesus no a prediká riba hierarkía: ken ta mas ku ken, ken tin mas poder ku ken. Su enseñansa tabata basa riba amor: stima bo prójimo meskos ku bo ta stima bo mes y sinja pordona.
Hesus a invitá tur hende pa bira un tempel di DIOS bibu. Su enseñansanan tabata y ta poderoso.
Pero pa e império Románo di e tempu ei, esaki no tabata akseptabel. E enseñansanan aki tabata duna hende demasiado poder. Roma a mira un oportunidat pa hasi di dje un moveshon popular, i a institucionalisá e enseñansanan di Kristu Hesus.
Durante e tres siglonan siguiente, e mensahe di Hesus – ku tabata sagrado, limpi, i puro – a wordu kambia poko poko den un império.
Komishon tras di komishon a wordu formá pa interpreta, tradusi i formalisa su enseñansanan. E enseñansanan den parábolanan ku Hesus a usa a wordu interpreta y konvertí den lei i reglanan.
E lokual ku El a prediká – pa bai den bo mes i konektá diariamente ku Dios – a wordu remplasá pa seremonia i ritualnan eksterno, pa bista di hende y basa riba obedensia i miedo, lubidando e base espiritual real.
Mas o ménos 325 despues di Kristu, na e Konseho di Nicea, e autoridad di Roma a inisiá un kristianismo nobo. No pa represéntá e Spíritu di Dios – e Spíritu Santu – pero pa implementá kontrol.
Enseñansa mistiko a wordu remplasá ku strukturanan rígido. Meditashon silensioso pa konektá ku Dios interno a wordu kambia pa seremonia i reglanan struktura. Esun ku faja ku e reglanan, kastigu severo por sigui.
E Reino di Dios, ku originalmente e ensejañsanan di Hesus ta bisa ku ta den nos tur su Kurason, a wordu kambia y dirigí pa un grupito privilegiá
Te ku awe tin hendenan ku ta jama nan mes pastor, profeta, apóstel, etc i ta uzando e enseñansanan aki pa pone nan mes komo superior riba otro. Kristianismo a bira simbolo di supremasía úniko... un institushon organisá ku su hierarkía. Hopi ta bisa ku nan ta Kristian usando e tono di supremasía y no di humildad.
E enseñansanan di Hesus a wordu kambia. Hesus a baña nos den un oseano di Amor, limpia nos pikanan i a enfatisa no-violensia, reverensia, simplisidad y humildat i praktiká interno di meditashon i konekshon ku Dios.
Pero esaki a wordu remplasá ku reglanan, dominio, esklavisashon, opreshon di nashonan, dominio absoluto dor di e ser maskulino, opreshon di hende muhe, i otro struktura eksterno.
E enseñansanan sagrado a wordu usa manera un bandera lora rond di spada y arma, pa destrui otro, i pa mustrá superioridat.
Mensagenan ku mester a sirbi pa liberashon i sanashon, ta wordu usa pa kontrolá i hinka miedu den otro.
No laga nos perde e esensia di e enseñansa.
Nos tur ta yu di Dios. Un Dios bibu mei mei di nos. No ta importa kwa religión bo a skohe pa sigi, konektá ku bo kurason – pasobra ei ta kaminda Dios ta biba.
Konektá ku e energia di Dios, i laga E ta bibu den bo alma. Konektá tur dia y tur momentu ku ne den meditashon, i sali for di bo kas tur dia manera un profeta, proklamando bo mes profesia y -SA ku bo TA STIMA i ku bo ta un Yu di Dios.
Gisette M. Wedervoort MA
Psychology /Spirituality
