https://www.facebook.com/sein.aung.58

Sein’s daily notes, Plzen (2025)

08/02/2025

အားလုံးပဲ မင်္ဂလာပါရှင့်😇
🔹အခုတခါ မျှဝေပေးချင်တဲ့ ခေါင်းစဉ်လေးကတော့ Pneumonia လို့ခေါ်တဲ့ အဆုတ်ရောင်ရောဂါပဲဖြစ်ပါတယ်ရှင့်။ ဘက်တီရီးယား၊ ဗိုင်းရပ်စ်နဲ့မှို စတဲ့ပိုးကူစက်ခြင်းကြောင့်အဆုတ်တစ်ရှုးလေးတွေ ယောင်ရမ်းလာပြီး လေအိတ်ငယ်လေးအတွင်း အရည်/ပြည်တွေနဲ့ ပြည့်လာသဖြင့် gas exchange ကိုကောင်းမွန်စွာ မလုပ်နိုင်တော့တဲ့ ရောဂါတမျိုးဖြစ်ပါတယ်။
🔹ပုံမှန်အဖျားလက္ခဏာမျိုးနှင့်လည်း တွေ့နိုင်သလို အရေးပေါ်အခြေနဲ့ကုသမှုမခံယူလျှင် အသက်ဆုံးရှုံးနိုင်တဲ့အထိဖြစ်စေနိုင်တဲ့အတွက် ပေါ့ဆလို့မရတဲ့ရောဂါတမျိုးဆိုလည်း မမှားပါဘူး၊ မကြာသေးခင်ကမှ ထိုင်ဝမ်မင်းသမီးတယောက် pneumonia နဲ့အသက်ဆုံးရှုံးရတဲ့အထိ ဖြစ်ခဲ့တာလည်း သိကြပြီးထင်ပါတယ်ရှင့်
👇ဒီလိုလက္ခဏာတွေရှိလာပြီဆိုရင်_
၁)အဝါ/အစိမ်း သို့မဟုတ် သွေးရောင်လို သလိပ်ပါတဲ့ ချောင်းဆိုးခြင်း
2)အဖျားကြီးခြင်း/ချွေးစေးထွက်ခြင်း/ချမ်းတုန်ခြင်း
3)မောပန်းလွယ်ခြင်း၊စားမဝင်ခြင်း
4)အသက်ရှုမဝခြင်း၊အသက်ရှုမြန်ခြင်းနဲ့ နှလုံးခုန်မြန်ခြင်း
5)အသက်ရှုတဲ့အခါ သို့မဟုတ် ချောင်းဆိုးတဲ့အခါ ဗိုက်/နံရိုး/ရင်ဘတ် အောင့်/နာခြင်း
6)ခြေသည်း/လက်သည်း/နှုတ်ခမ်းတို့ ပြာနှမ်းခြင်း
စတဲ့ အချက်တွေ သတိထားမိပြီဆိုရင်တော့ ကိုယ်တိုင်ဖြစ်စေ တပါးသူဖြစ်စေ နီးစပ်ရာ ဆေးရုံ/ဆေးခန်းမှာ ကုသမှုခံယူဖို့ တိုက်တွန်းသင့်ပါတယ်ရှင့်။
🔹စမ်းသပ်စစ်ဆေးမှုအနေနဲ့ကတော့ lung sounds နဲ့တင် pneumonia ရှိမရှိသိနိုင်ပြီး ဖြည့်စွက်အတည်ပြုဖို့အတွက် သွေးစစ်ခြင်း၊ သလိပ်စစ်ခြင်း၊ X ray ရိုက်ခြင်း၊ အဆုတ်အလုပ်နိုင်မှုသိရှိရင် arterial blood gas စစ်ဆေးခြင်းတို့ပြုလုပ်နိုင်ပါတယ်။
🔹ကုသမှုအနေနဲ့ကတော့ ဖြစ်ရတဲ့ရောဂါပိုးပေါ်မူတည်ပြီး ထိရောက်တဲ့ကုထုံးလိုအပ်ပါတယ်။
ပုံမှန်အားဖြင့် ဘက်တီရီးယားကြောင့်ဖြစ်တဲ့ နမိုးနီးယားက လက္ခဏာပိုပြင်းထန်တတ်ပြီး ပိုးသတ်ဆေးကိုမှ နှစ်မျိုးပေါင်းပြီး onရတဲ့အနေအထားရှိပါတယ်၊ တခါတရံ ဗိုင်းရပ်စ်ကြောင့်ဖြစ်တာဆိုရင်တော့ ပိုးသတ်ဆေးမလိုပေမယ့် ဗိုင်းရပ်စ်ပိုးကိုမှ ဒုတိယအနေနဲ့ ဘက်တီးရီးယားပိုးပါထပ်ဝင်တယ့်အနေအထားဆိုရင်တော့ oxygenကို High flow အထိပေးရတတ်ပါတယ်။
virus ကြောင့်ဖြစ်တာဆိုရင်တော့ seasonal flu လား covid လားစတဲ့ အမျိုးအစားအပြင် ဖြစ်တဲ့ကြာချိန်ပေါ်မူတည်ပြီး antiviral medication ပေး မပေးဆိုတာကိုတော့ ဆရာဝန်ကဆုံးဖြတ်မှာပါရှင့်။
လူနာအများစုက သွေးတွင်း oxygen ကျတတ်တဲ့အတွက် ပြင်ပoxygen ပေးဖို့လိုအပ်တတ်ပြီး oxygen ပမာဏကိုလည်း အမြဲ monitor လုပ်ဖို့လိုအပ်ပါတယ်၊ pulse oxymetry နဲ့တိုင်းတာအပြင် သွေးတွင်းO2 နဲ့ CO2 ကိုသိရပြီး oxygen ဆက်ပေးသင့် မပေးသင့်ဆုံးဖြတ်နိုင်ဖို့အတွက် arterial blood gas ကိုလည်း စစ်ကြည့်သင့်ပါတယ်၊ အဆုတ်နဲ့ အဆုတ်နံရံမှာ အရည်အများစုရှိနေရင်တော့ အရည်ကိုစွန့်ထုတ်ပစ်ဖို့ drain လုပ်ရတတ်ပါတယ်၊ ထို့အပြင် ထိုလူနာတွေမှာ breathing exercise ကလည်း မပါမဖြစ်လိုအပ်ပါသေးတယ်ရှင့်။
(အဆုံးထိ ဖတ်ပေးလို့လည်း ကျေးဇူးပါရှင့်😇)
Photos crd

11/01/2025

မင်္ဂလာပါရှင့်
အခုတခါကတော့ နှလုံးသွေးကြောဆိုင်ရာရောဂါရှာဖွေတဲ့နည်းတခုဖြစ်တဲ့ coronary angiogram ဆိုတဲ့အကြောင်းလေးကို ပြောပြသွားချင်ပါတယ်ရှင့်။ သူ့ကို အများအားဖြင့်နှလုံးသွေးကြောကျဉ်းရောဂါရှာဖွေခြင်းအနေနဲ့အသုံးပြုပြီး ဒုတိယတခုအနေနဲ့ coronary angioplasty ဆိုတဲ့ ကုသခြင်းနည်းလမ်းအဖြစ်လည်း အသုံးပြုကြပါတယ်။ ကုသခြင်းမှာတော့ နှလုံးရုတ်တရက်ရပ်ခြင်း(attack or myocardial infarction)မှာ ပထမဆုံးလက္ခဏာပြပြီးပြီးချင်း ၁၂ နာရီအတွင်း အသက်ကယ်အနေနဲ့ primary PCI(percutaneous coronary intervention) ကျဉ်းသွားတဲ့သွေးကြောမှာ အရေးပေါ်ပြန်ချဲ့ဖို့stentထည့်တာရယ် နောက်တခုအနေနဲ့အရ ရောဂါရှာဖွေပြီးတော့မှ လိုအပ်လို့ထည့်တာရယ် နှစ်မျိုးရှိပါတယ်။

🔹သူက လက်ကောက်ဝတ်/ပေါင် သွေးလွှတ်ကြောမှ နှလုံးထောက်ပို့သွေးကြောလေးတွေဆီရောက်တဲ့အထိ ပိုက်သေးသေးလေးထည့်ပြီး contrast လို့ခေါ် ပုံရိပ်ဖော်ကြည့်လို့ရတဲ့ ဆေးထည့်ပြီး ပြင်ပ X ray စက်နေ နှလုံးသွေးကြောနဲ့ နှလုံးပင်မသွေးလွှတ်ကြော၊ နှလုံးအဆို့ရှင် ဒါတွေကိုစစ်ဆေးတဲ့ နည်းတမျိုးပဲဖြစ်ပါတယ်။ လက်ရှိဆေးရုံမှာ အတွေ့များတာကတော့ လက်ကောက်ဝတ်သွေးလွှတ်ကြော radial artery ကနေ အထည့်များပါတယ်၊ ဘာလို့ဆို ပေါင်သွေးလွှတ်ကြော femoral artery ထက်သေးတာကြောင့်နောက်ဆက်တွဲသွေးယိုစိမ့်မှုပြဿနာနည်းနိုင်သမျှနည်းအောင်ရယ်၊ လက်သွေးကြောကဆို စစ်ဆေးပြီးသွားတဲ့အခါ လူနာကပုံမှန်လှုပ်ရှားမှုကိုပြုလုပ်နိုင်မှာမို့ဖြစ်ပါတယ်။

🔹အဲ့လိုစစ်ဆေးရှာဖွေမှုမှာ ဘာတွေတွေ့နိုင်လဲဆိုရင်_
🔸နှလုံးထောက်ပို့သွေးကြောပုံကြမ်းနဲ့ ကျဉ်းတဲ့ပမာဏ
🔸သွေးကြောကျဉ်း/ပိတ်တဲ့နေရာ နှင့် ထိခိုက်တဲ့သွေးကြောအရေအတွက်
စတာတွေကို မြင်နိုင်မှာ ဖြစ်တဲ့အပြင် တချို့နှလုံးအားနည်းတဲ့သူတွေမှာဆိုရင် ventriculography ဆိုတဲ့ နှလုံးအခန်းကနေ ဘယ်လောက်သွေးထုတ်လွှတ်မှုလုပ်နိုင်လဲဆိုတဲ့ ရာခိုင်နှုန်းကိုလည်း သိရှိနိုင်မှာဖြစ်တဲ့အပြင် နှလုံးအဆို့ရှင်တွေနဲ့ မွေးရာပါနှလုံးရောဂါတွေကိုလည်း သိရှိနိုင်ပါတယ်။ ပုံမှန်အားဖြင့်တော့ မိနစ် ၃၀ ကနေ ၆၀ အထိပဲကြာနိုင်ပြီးတော့ လူနာကအဲ့တာမလုပ်ခင် အရင်ဆုံးကျန်းမာရေးစစ်ဆေးမှုလည်း လုပ်ရပါသေးတယ်။

🔹ချက်လိုကတော့အတိုကောက် SKG လို့ခေါ်ပါတယ်၊ ယခုဆေးရုံမှာတော့ လူနာဆယ်ဂဏန်းလောက်နေ့စဉ်လာစစ်ဆေးကြပါတယ်၊ ထိုစစ်ဆေးမှုကတော့ လူနာဆန္ဒအရစစ်ဆေးတာမဟုတ်ပဲ လူနာမှာ နှလုံးရောဂါအခံရှိပြီးသား၊ ECHO အဖြေအရလည်း ejection fraction ဆိုတဲ့ နှလုံးကသွေးထုတ်လွှတ်မှုနည်းတယ်/ဆိုလိုရင်းက နှလုံးကအလုပ်ကောင်းကောင်းမလုပ်နိုင်ဘူး၊ လူနာမှာ အဖြေရှာမရပဲ ရင်ဘတ်ခဏခဏအောင့်တယ် unstable angina pectoris၊ ECG အဖြေအရ myocardial infarction ရှိတယ်လို့ သံသယရှိတယ်၊ နှလုံးခုန်မမှန်တဲ့ရောဂါရှိနေတယ်၊ နောက်တခုသွေးထဲမှာ cardiac enzyme တွေတက်နေတယ် စတဲ့အချက်အလက်တွေရှိနေပြီး နောက်ဆက်တွဲကုသမှုအတွက် ပိုမိုတိကျတဲ့အဖြေရှာဖို့အတွက် သက်ဆိုင်ရာ GP ဒါမှမဟုတ် သူပြနေကြ၊ သွားနေကြ ဆေးရုံဆေးခန်းက ဆရာဝန်မှတဆင့် interventional cardiologist နဲ့တိုင်ပင်ပြီး လွှတ်လိုက်မှ ပြုလုပ်နိုင်တာဖြစ်ပါတယ်။

🔷ထိုစစ်ဆေးမှုပြီးရင်တော့ လူနာက နှလုံးသွေးကြောကျဉ်းရောဂါတွေကို primary prevention လား secondary prevention လုပ်ရမှာလား၊ ဒါမှမဟုတ် atherosclerosis ကိုကာကွယ် or ကုသတဲ့အနေနဲ့ပဲ သွေးတွင်းအဆီကို အဓိကtarget ထားရမှာလား၊ ဒါမှမဟုတ် နောက်ဆက်တွဲကုထုံးက ဆေးဝါးနဲ့ပဲလား တခြားခြား intervention(ဥပမာ stent ထည့်တာ…) လိုလားပေါ့ လိုတယ်ဆိုရင် တခါတည်း stent ထည့်ပါတယ်။ stent ထည့်ပြီးရင်တော့ လူနာက ၆ လလောက်အထိ သွေးမခဲစေတဲ့ antiplatelet drugs two combination နဲ့ proton pump inhibitors ကို ၆ လလောက်အထိတွဲသောက်ရပါတယ်။
ဒီလိုprocedure တွေကိုတော့ cath lab လို့ခေါ်တဲ့ operation theatre အမျိုးအစားတခုဖြစ်တဲ့ catheterisation laboratory မှာပဲလုပ်ကြပါတယ်။
(အဆုံးထိဖတ်ပေးတဲ့အတွက် ကျေးဇူးပါရှင့်😇)
Photos Crd.

28/12/2024

အားလုံးပဲ မင်္ဂလာပါရှင့်
🔹အခုတခါမှာတော့ Chronic Obstructive Pulmonary Disease (COPD) လို့ခေါ်တဲ့ နာတာရှည် အဆုတ်လေပြွန် ရောင်/ကျဉ်း/ပိတ်/ပျက်စီးခြင်းဆိုတဲ့ ရောဂါအကြောင်းကို ဝေမျှချင်ပါတယ်ရှင့်။
COPD ဆိုတာ အဆုတ်လေပြွန်တွေက ပုံမှန်ထက်ကျဉ်းလာပြီး အသက်ရှုရတာခက်ခဲခြင်း အသက်ရှုမဝခြင်းတို့ဖြစ်စေတဲ့ အဆုတ်နဲ့ဆိုင်တဲ့ရောဂါအစုအဝေးကိုခေါ်တာဖြစ်ပါတယ်။

🔹သူ့အုပ်စုမှာ အများဆုံးတွေ့ရတဲ့ ပုံစံနှစ်မျိုးကတော့ Chronic Bronchitis ဆိုတဲ့ နာတာရှည် အဆုတ်လေပြွန်ရောင်ခြင်း နှင့် Emphysema လို့ခေါ်တဲ့ အဆုတ်ရဲ့ လေအိတ်လေးတွေဖြစ်တဲ့ alveoli နံရံလေးတွေပျက်စီးသွားပြီး သွေးသို့အောက်ဆီဂျင်မပို့နိုင်တော့ပဲ အဆုတ် tissues များ တဖြည်းဖြည်း ထိခိုက်ပျက်စီးခြင်း စသည့်ရောဂါတို့ပါဝင်ပါတယ်။

🔹Chronicဟု ခေါင်းစဉ်တပ်ထားရခြင်းကတော့ ပျောက်ကင်းအောင်ကုသနိုင်ခြင်းမရှိတဲ့အတွက်ကြောင့်ပဲဖြစ်ပါတယ် သို့သော်ငြား ကြိုတင်ကာကွယ်ခြင်းသော်လည်းကောင်း စောစီးစွာကုသမှုခံယူပြီး ကျန်းမာရေးနဲ့အညီနေထိုင်ရင်သော်လည်းကောင်း လူ့သက်တမ်းစေ့နေထိုင်နိုင်မှာပဲဖြစ်ပါတယ်။

🔹COPD ဘာကြောင့်ဖြစ်ရသလဲ???
1. ၈၀-၉၀ရာခိုင်နှုန်းလောက်က ဆေးလိပ်/ဆေးပေါ့လိပ်/ဆေးရွက်ကြီးတို့ကို အချိန်ကြာမြင့်စွာ သို့မဟုတ် အလွန်အကျွံသောက်သုံးခြင်း
2. စက်ရုံ/အလုပ်ရုံတို့မှ ဓာတုပစ္စည်းပါဝင်သော လေ၊ဓာတ်ငွေ့ကိုရှုရှိုက်ခြင်း
3. မျိုးရိုးလိုက်ခြင်း တို့ကြောင့်ဖြစ်နိုင်ပါတယ်။

🔹ဘယ်လိုလက္ခဏာတွေရှိတတ်လဲဆိုရင်_
1. ၃ လကျော်ကြာထိ ချောင်းဆိုးခြင်း/ချောင်းမကြာခဏဆိုးပြီး ချွဲသလိပ်ပါခြင်း
2. နေ့စဉ်ပုံမှန်လုပ်ငန်းဆောင်တာလုပ်နေစဉ်မှာတောင် မောပန်းနွယ်ခြင်း၊အသက်ရှုမဝခြင်း
3. အသက်တဝကြီးရှုသွင်းရှုထုတ်လုပ်ဖို့ ခက်ခဲခြင်း၊ အသက်ရှုသွင်း ရှုထုတ်ချိန်တိုတောင်းခြင်း၊ အသက်ရှုမဝခြင်းနှင့် အသက်ရှုချိန် “wheezing”ဟုခေါ်သော တရွှီရွှီမြည်သံကြားရခြင်း
4. မကြာခဏဖျားနာတတ်ပြီး ပျောက်ကင်းရန် ပုံမှန်ထက်ကြာရှည်တတ်ခြင်း
5. ခြေကျင်းဝတ်၊ခြေထောက် ဖောရောင်ခြင်း
6. ကျောဘက်ရင်ဘက်အောင့်ခြင်းနဲ့ သွေးတွင်းအောက်ဆီဂျင်နည်းလာသည့်အတွက်ကြောင့် နှုတ်ခမ်း၊လျှာ၊ လက်သည်းခြေသည်းများ ပြာနှမ်းခြင်း စသည့်လက္ခဏာတွေခံစားရလျင် အထူးကုသို့မဟုတ် နီးစပ်ရာ အထွေထွေရောဂါကုဆရာဝန်တို့နှင့် စမ်းသပ် စစ်ဆေးသင့်ပါတယ်ရှင့်။

🔹အကောင်းဆုံးနဲ့ အထိရောက်ဆုံးကာကွယ်နည်းကတော့ ဆေးလိပ်သောက်သုံးတာရပ်ပစ်ဖို့နဲ့ secondhand smoke လို့ခေါ်တဲ့ အနံ့ရှုရှိုက်မိခြင်းနှင့် တခြားအဆုတ်ကိုထိခိုက်စေနိုင်တဲ့ အရာတွေကိုလည်း ရှောင်ရှားခြင်းပဲဖြစ်ပါတယ်။
COPD ရှိတဲ့လူနာတွေဟာ အဆုတ်နဲ့ဆိုင်တဲ့ကူးစက်ရောဂါများ ပိုဝင်လွယ်ပါတယ်၊ ဥပမာ အဆုတ်ရောင်ရောဂါ pneumonia နဲ့ Covid လိုရောဂါမျိုး ပိုကူးစက်ခံရတတ်ပါတယ် အဲ့ဒါကြောင့်မို့ ညွှန်ကြားထားတဲ့ကြိုတင်ကာကွယ်ဆေးတိုင်း ထိုးထားဖို့၊ အသက်ရှုလမ်းကြောင်းဆိုင်ရာရောဂါပိုးတွေကူးစက်ခြင်းမှ ကာကွယ်ရန်အလို့ဌာ လက်မကြာခဏဆေးကြောခြင်း၊ အဖျားရာသီများတွင် လူထူထပ်သောနေရာများ သွားခြင်းမှရှောင်ကြဉ်ခြင်းနဲ့ လိုအပ်လျှင် နှာခေါင်းစည်းအသုံးပြုခြင်းတို့ပဲဖြစ်ပါတယ်။

🔹ထပ်မံဖြည့်စွက်ချင်တာကတော့ အဆုတ်လေပြွန်ရောင်/ကျဉ်းတာခြင်းအတူတူ Asthma နဲ့ COPD ကဘာခြားနားလဲဆိုရင် ရင်ကျပ်ပန်းနာဆိုတဲ့ asthma ကကလေးဘဝမှာတည်းက ဖြစ်တတ်ပြီး သူ့ပုံစံကတော့ ရုတ်တရက် လေပြွန်ရောင်တယ်ကျဉ်းတယ် ပြီးရင် ဆေးကြောင့်ပဲဖြစ်စေ သူ့အလိုလိုပဲဖြစ်စေ ပြန်သက်သာတယ်၊ COPD ကတော့ နာတာရှည်ဆိုတဲ့အတိုင်း လက္ခဏာက အချိန်နဲ့အမျှတဖြည်းဖြည်းဆိုးဝါးလာပြီးတော့ နောက်ဆုံးလေပြွန်ကလုံးဝပိတ်သွားအထိဖြစ်နိုင်ပါတယ်၊နောက်တချက်က COPD ကအသက်ကြီးပိုင်းမှ အဖြစ်များပါတယ်ရှင်။

(အဆုံးထိ ဖတ်ပေးလို့ကျေးဇူးပါရှင့်😇)
Photo Crd.

08/12/2024

အားလုံးပဲ မင်္ဂလာပါရှင့်
ယခုတခါကတော့ ဆီးလမ်းကြောင်းပိုးဝင်ခြင်းအကြောင်းဝေမျှသွားမှာပဲဖြစ်ပါတယ်ရှင့်။
🔹ဆီးလမ်းကြောင်းပိုးဝင်ခြင်းဆိုတာ ကျောက်ကပ်မှသည် ဆီးစွန့်ပြွန်အထိ လမ်းကြောင်းတလျှောက်တနေရာရာမှာ ပိုးဝင်ခြင်းကိုခေါ်ပါတယ်။
🔹ဆီးလမ်းကြောင်းကိုပြောရမယ်ဆို နှစ်မျိုးခွဲပြောရမှာဖြစ်သလို လက္ခဏာတွေကလည်း မတူညီနိုင်ပါဘူး။
🔹ဆီးလမ်းကြောင်းအောက်ပိုင်း(ဆီးစွန့်ပြွန်၊ဆီးအိတ်)မှာ ပိုးဝင်ရင်တော့_
➡️ဆီးပူ/ဆီးကျဉ်ခြင်း
➡️ဆီးကျန်သလို ခံစားရပြီးမကြာခဏသွားခြင်း
➡️ဆီးအနည်ပါခြင်း/ဆီးအနံ့ပြင်းခြင်း
➡️ဆီးသွေးပါခြင်း
➡️ဆီးခုံတဝိုက် တင်းသလို၊နာသလိုခံစားရခြင်းတို့ပဲဖြစ်ပါတယ်။

🔹ဆီးလမ်းကြောင်းအပေါ်ပိုင်း(ကျောက်ကပ်နဲ့ဆီးပို့ပြွန်)မှာ ပိုးဝင်ပြီဆိုရင်တော့ လက္ခဏာကပိုပြင်းထန်သလို့ အများအားဖြင့် ဆီးလမ်းကြောင်းအောက်ပိုင်းမှတဆင့် ပိုးကူစက်လာခြင်းပဲဖြစ်ပါတယ်၊လက္ခဏာများကတော့_
➡️အဖျားတက်ခြင်း/ချမ်းတုန်ခြင်း
➡️ခါးတဝိုက်ကိုက်ခဲခြင်း ထိုမှတဆင့်အရှေ့ဘက်ခြမ်း ဗိုက်အောက်ဘက်ခြမ်းနာခြင်းကိုက်ခဲခြင်း
➡️မူးမော အော့အန်ခြင်းတို့ဖြစ်ပါတယ်။

🔹ဘယ်လိုသူတွေမှာ ဆီးပိုးဝင်တာအဖြစ်များတတ်လဲဆိုရင်
➡️အမျိုးသမီးများ
➡️sexually active ဖြစ်သူများ
➡️သွေးဆုံးပြီးတဲ့ အမျိုးသမီးများ
➡️ကျောက်ကပ်တွက်ကျောက်တည်နေသူများ၊ ဆီးကျိတ်ကြီးသောအမျိုးသားများ
➡️ဆီးပိုက်ထည့်ထားသူများ အစရှိသောသူများတွင် ဆီးလမ်းကြောင်းပိုဝင်ခြင်းအဖြစ်လွယ်ပါတယ်။

🔹ဆီးပိုးဝင်ခြင်းကို မကုသပဲထားလျှင် နောက်ဆက်တွဲဖြစ်နိုင်တာတွေကတော့_
➡️ဆီးပိုးမကြာခဏဝင်တတ်ခြင်း
➡️ကျောက်ကပ်ထိခိုက်၊ပျက်စီးခြင်း
➡️ကိုယ်ဝန်ဆောင်သည်အမျိုးသမီးများတွင် ကိုယ်အလေးချိန်မပြည့်သော သို့ လမစေ့ပဲ ကလေးမွေးဖွားခြင်း
➡️သွေးဆိပ်တတ်ခြင်းဆိုတဲ့ ဆီးလမ်းကြောင့်မှတဆင့် ပိုးမွှားများသွေးတွင်းအထိတကိုယ်လုံး ပျံံ့နှံ့လာခြင်းဆိုတဲ့ အသက်အန္တရာယ်ပါစိုးရိမ်ရတဲ့အထိ ဖြစ်စေနိုင်ပါတယ်။

🔹ဆီးလမ်းကြောင်းပိုးဝင်ခြင်းမှ ဘယ်လိုကာကွယ်နိုင်သလဲ_
➡️ရေများများသောက်ခြင်း
➡️ဆီးသွားပြီးရင်ဖြစ်စေ ဝမ်းသွားပြီးရင်ဖြစ်စေ အရှေ့မှအနောက်သို့သန့်ရှင်း ဆေးကြောခြင်း
➡️လိင်ဆက်ဆံပြီးသည့်အခါတိုင်း ဆီးသွားခြင်း
စသည်တို့ဖြင့်ကြိုတင်ကာကွယ်ခြင်းပြုနိုင်ပါတယ်။
➡️အမျိုးသမီးသုံးသန့်စင်ရည်များ အလွန်အကျွံ့အသုံးပြုခြင်းမှ ရှောင်ရှားခြင်း
➡️အမျိုးသားများတွင်တော့ ဆီးလမ်းကြောင်းဆိုင်ရာ တခုခုခံစားရပြီဆိုရင်တော့ ဆီးကျိတ်ကိုထည့်သွင်းစဉ်းစားပြီး ကုသမှုခံယူသင့်/မသင့်ကို ကျွမ်းကျင်ပညာရှင်များနှင့် တိုင်ပင်ဆွေးနွေးကြည့်ပါရှင်။
(အဆုံးထိဖတ်ပေးလို့ ကျေးဇူးတင်ပါတယ်ရှင့်😇)
Photo Crd.

23/11/2024

အားလုံးပဲ မင်္ဂလာပါရှင့်😇
ယခုတခါ ဝေမျှချင်တာကတော့ လူတိုင်း ကျန်းမာရေး ဗဟုသုတအနေနဲ့ သိထားသင့်တဲ့ septicemia or sepsis လို့ခေါ်သော ၅ ယောက်မှာ တစ်ယောက်သေဆုံးနိုင်တဲ့ ကျန်းမာရေးအရေးအပေါ်အခြေအနေတခုအကြောင်းပဲ ဖြစ်ပါတယ်ရှင်။
🔹Sepsis ဆိုတာဘာလဲဆိုရင် ခန္ဓာကိုယ်အစိတ်အပိုင်းတခုမှာ ကူးစက်ပိုးဝင်ရောက်ရာကနေ ခုခံအားစနစ်က မလုံလောက်တဲ့အတွက် ကိုယ်အတွင်းအင်္ဂါတွေပါ ပျက်စီးချို့ယွင်းလာပြီး သေဆုံးတဲ့အထိဖြစ်တဲ့အခြေအနေဖြစ်ပါတယ်၊septicemia လို့ခေါ်ကြတာကတော့ ဝင်ရောက်လာတဲ့ပိုးတွေက သွေးထဲပါပျံနှံ့လာပြီး ထိုရောဂါပိုးတွေကြောင့် သွေးအဆိပ်ဖြစ်စေပြီး နောက်ဆက်တွဲ sepsis and septic shock ထိဖြစ်စေတဲ့ အလားတူအခြေအနေပဲဖြစ်ပါတယ်။
🔹အများအားဖြင့် ဘယ်လိုကူးစက်ရောဂါတွေမှာဖြစ်တတ်လဲဆိုရင်
၁)အသက်ရှုလမ်းကြောင်းဆိုင်ရာ ပိုးဝင်ခြင်း
၂)ဆီးလမ်းကြောင်းဆိုင်ရာ ပိုးဝင်ခြင်း
၃)အရေပြားဆိုင်ရာ ပိုးဝင်ခြင်း
၄)အူလမ်းကြောင်းဆိုင်ရာ ပိုးဝင်ခြင်းတို့မှာ အဖြစ်များပါတယ်။
🔹ခန္ဓာကိုယ်ရဲ့ ခုခံစနစ်ကြောင့်ဖြစ်ပေါ်လာတဲ့ အတွက် ဘယ်လိုသူတွေမှာ အဖြစ်များလဲဆိုရင် နာတာရှည်ရောဂါရှိသူများ၊ တစ်နှစ်အောက်ကလေးငယ်များနှင့် အသက်ကြီးရွယ်အိုနှင့် ကိုယ်ဝန်ဆောင်သည်တွေမှာ အဖြစ်များပါတယ်။
🔹ဘယ်လို လက္ခဏာတွေရှိလဲဆိုရင်
၁)မူးမော အော့အန်ခြင်း
၂)အဖျားအရမ်းကြီးခြင်း (သို့) ခန္ဓာကိုယ်အပူချိန်သိသိသာသာကျလာခြင်း
၃)အသက်ရှုမြန်လာခြင်း
၄)နှလုံးခုန်နှုန်းမြန်လာခြင်း
၅)သွေးပေါင်ချိန်ထိုးကျလာခြင်း
၆)ဆီးသွားနည်းလာခြင်း
၇)စိတ်ရှုပ်ထွေး၊ ပုံမှန်စိတ်အခြေအနေမရှိခြင်း တို့ပဲဖြစ်ပါတယ်။
🔹Sepsis ဖြစ်မဖြစ်ကိုအမြန်သိနိုင်တဲ့ သုံးချက်ကတော့ qSOFA(quick sepsis organ failure assessment) လို့ခေါ်တဲ့
၁)အသက်ရှုနှုန်း တစ်မိနစ်ကို ၂၂ကြိမ်ထက်မြင့်ခြင်း
၂)အပေါ်သွေးပေါင် ၁၀၀ အောက်ထိကျလာခြင်း
၃)ပုံမှန်သတိမရှိခြင်း တို့ပဲဖြစ်ပါတယ်။
ဒီလိုအချက်တွေရှိလာပြီဆိုရင်တော့ sepsis လို့သတ်မှတ်လို့ရနေပြီ ဖြစ်တဲ့အတွက် အမြန်ဆုံးလျင်မြန်ထိရောက်တဲ့ ကုသမှုမရှိလျင် အသက်ချက်ချင်းဆုံးရှုံးနိုင်တဲ့အတွက် အသိသတိဝေမျှပေးပါရစေ။
(အဆုံးထိဖတ်ပေးလို့ကျေးဇူးပါရှင့်🫶)

Photo crd.

16/11/2024

အားလုံးပဲ မင်္ဂလာပါရှင့်
အရင်ရက်က heart failure အကြောင်းပြောထားတာနဲ့ စပ်လျဉ်းပြီး လက်ရှိကိုယ့်လူနာတယောက်ရဲ့ case အကြောင်းဝေမျှပေးသွားမှာပါရှင့်။

🔹အသက်လတ်ပိုင်းအမျိုးသမီး၊ obese လည်းဖြစ်၊ medical history မှာလည်း ရောဂါတော်တော်စုံစုံပဲ၊ ဆေးရုံ ရောက်လာတဲ့အကြောင်းအရင်းက heart failure, urinary tract infection နဲ့ pneumonia သုံးမျိုးနဲ့ ဆေးရုံရောက်လာတာပေါ့။

🔹ဘယ်လိုမျိုးdiagnose လုပ်လည်းဆိုရင် Echo မှာ cardiac output ကပုံမှန်ထက်ကို နည်းနေခြင်း၊ cardiac markers တွေတက်နေခြင်း၊ X ray မှာ heart size ပုံမှန်ထက်ကြီးပြီး lung congestion ရှိနေခြင်း၊ ထို့အပြင် လူနာခံစားနေရတဲ့ လက္ခဏာတွေနှင့်အတူ physical findingsပါ ပေါင်းကြည့်မယ်ဆိုရင်တော့ heart failure ဖြစ်ခြင်းကို diagnose လုပ်ဖို့ လုံလောက်တာထက် ပိုပါတယ်။ ထို့အတူ X ray မှာ lung infection ပါရှိနေပြီး၊ pathogen အနေနဲ့ chlamydia ပါရှာတွေ့ခြင်း၊ ဆီးမှာလည်း E. coli ပါရှာတွေ့ခြင်း။

🔹ကုသမှုအပိုင်းကလူနာက ဆေးရုံစတက်တဲ့ ရက်ကတော့ အသက်ရှူမဝပဲ အောက်ဆီဂျင်ပါကျနေတဲ့အတွက် O2 ပါပေးထားရပါတယ်၊ နောက်တချက်က infection ပါရှိနေတော့ Antibiotic ကိုနှစ်မျိုး on ထားရတယ်၊ ပိုးသတ်ဆေးဆိုတော့ probiotics ကလည်း အရေးကြီးသေးတာမို့ ထည့်ပေးရတာပေါ့။

🔹heart failure အတွက်ကတော့ fluid overload မဖြစ်ဖို့အတွက် အရေးကြီးတာမို့ negative balance ဖြစ်အောင်ထိန်းထားပြီး ပုံမှန်monitor လုပ်ရတာပေါ့ အဲ့အတွက်diuretics ကတော့ မပါမဖြစ်ပဲ။ diuretics အတွက် နောက်ဆက်တွဲအချက်က ခန္ဓာကိုယ်တွင်း minerals တွေက balance ညီရဲ့လားပါ ထပ်ကြည့်တော့ လူနာက Na/Cl က တော်တော်နည်းနေတာမို့ heart failure သမားမို့ infusion နဲ့ပေးလို့မဖြစ် အဲ့တော့ tablet အနေနဲ့ပဲ ထပ်ပေါင်းထည့်ပေး။

🔹လူနာက ဒုတိယရက်ကျတော့ ပိုးသတ်ဆေး တမျိုးကိုမတည့်ဘူးဆိုတာထက် မခံနိုင်တဲ့သဘောပဲ ဗိုက်အောင့်တယ်ပြောတော့ ပိုးသတ်ဆေးကိုပဲ နောက်တမျိုးလဲပြီး ပြန်ပေး၊ တတိယမြှောက် နေ့ကြတော့ rehabilitation ပါလုပ်ခိုင်းထားလိုက်တယ်။

🔹တစ်ပတ်အတွင်းမှာ တော်တော်လည်းကို သိသိသာသာ သက်သာလာတယ်၊ ပိုးသတ်ဆေးလည်း dosage ပြည့်လို့ ရပ်လိုက်ပြီ၊ အောက်ဆီဂျင်လည်း မလိုတော့ဘူး၊ သွေးတွင်း အောက်ဆီဂျင်လည်း ပုံမှန်ပြန်ဖြစ်သွားပြီ၊ ခြေထောက်တွေလည်း မယောင်တော့ဘူး လမ်းလည်း လျှောက်နိုင်နေပြီ၊ lung sound ကလည်း ပုံမှန်ပြန်ဖြစ်သွားပြီမို့ စိတ်ချရသွားပါပြီ။

(အဆုံးထိ ဖတ်ပေးလို့ ကျေးဇူးပါရှင့်၊ လိုအပ်တာရှိလည်း ဖြည့်စွက်၊ သင်ပြပေးနိုင်သလို၊ သိချင်တာဆိုလည်း ဆွေးနွေးလို့ရပါရှင့်😇)

13/11/2024

အားလုံးပဲ မင်္ဂလာပါရှင့်
🔹ယခုတခါကတော့ congestive heart failure ဆိုတဲ့ နှလုံးကခန္ဓာကိုယ်လိုအပ်သလောက် သွေးထောက်ပို့မှု မလုပ်နိုင်တော့တဲ့ အခြေအနေနဲ့ ကုထုံးအကြောင်း ဝေမျှသွားချင်ပါတယ်ရှင့်။

🔹Heart failure ဆိုတာကို ထပ်ခွဲရမယ်ဆိုရင် Right or left or both ဆိုပြီး နှလုံးညာဘက်ခြမ်း အလုပ်ကောင်းကောင်းမလုပ်တာလား၊ ဒါမှမဟုတ် ဘယ်ဘက်ခြမ်းလား ဒါမှမဟုတ် နှစ်ဖက်လုံးလားဆိုပြီး လက္ခဏာပေါ်မူတည်ပြီး ထပ်ခွဲကြည့်လို့ရပါတယ်ရှင့်။

🔹ဆိုတော့ ခြုံကြည့်လိုက်ရင် ဘယ်လို လက္ခဏာတွေ ရှိတတ်လဲ_
၁)အသက်ရှူမဝခြင်း၊ မောပန်းလွယ်ခြင်း
၂)လှဲအိပ်တဲ့အခါ အသက်ရှူမဝတဲ့အတွက် ထထိုင်ရခြင်း၊ ထိုင်နေချိန်မှ သက်သာသည်ဟု ခံစားရခြင်း
၃)ဗိုက်/ခြေထောက်တွေ ဖောယောင်ခြင်း
၄)ချောင်းဆိုးခြင်း
၅)ခန္ဓာကိုယ်အလေးချိန် ထိုးတက်လာခြင်း
၆)သွေးပေါင်ထိုးကျခြင်း
၇)ခြေဖျား၊လက်ဖျားတွေ အေးစက်နေခြင်း
ပထမ အချက်လေးချက်ကတော့ heart failure ဖြစ်တဲ့ သူတိုင်းနီးပါးမှာ တွေ့ရတတ်ပါတယ်။

🔹ဒီလိုလက္ခဏာတွေဖြစ်ပေါ်ရတဲ့ အကြောင်းအရင်းကတော့ နှလုံးကလိုအပ်တဲ့ သွေးထုတ်လွှတ်မှုနဲ့ သွေးပြန်ပို့မှု မလုပ်နိုင်တော့တဲ့အခါ ခန္ဓာကိုယ်အတွင်းမှာ body fluid တွေစုလာခြင်း၊ ထို့အတူခန္ဓာကိုယ်မှာ လုံလောက်တဲ့ သွေးထောက်ပို့မှု မရှိတော့တဲ့အတွက် ခန္ဓာကိုယ်အစိတ်အပိုင်းတွေပါ အလုပ်မလုပ်နိုင်တော့ခြင်း ဥပမာ ကျောက်ကပ်တို့ အသည်းတို့ပါ ထိခိုက်လာခြင်း။

🔹ပိုသေချာဖို့ဆို X ray ရိုက်ကြည့်နိုင်ပါတယ်၊ နှလုံးEcho ရိုက်ကြည့်ရင်လည်း နှလုံးက output လုပ်နေတဲ့ နှုန်းကိုပိုတိကျစွာကိုသိနိုင်ပြီး၊ blood test အနေနဲ့တော့ BNP/ NTproBNP စစ်ကြည့်မယ်ဆိုရင်လည်း အထောက်အကူပြုနိုင်ပါတယ်။

🔹ကုထုံး အနေနဲ့ကတော့ နှစ်ပိုင်း ခွဲပြီး စဉ်းစားရမှာဖြစ်ပြီး ပထမဆုံးကတော့ ခန္ဓာကိုယ်အင်္ဂါအစိတ်အပိုင်းတွေမှာစုနေတဲ့ fluid တွေကို စွန့်ထုတ်ပစ်ဖို့လုပ်ရမှာဖြစ်ပြီး၊ နောက်တပိုင်းကတော့ cardiac output ပိုင်းကို target ထားရမှာဖြစ်ပါတယ်။

(အဆုံးထိဖတ်ပေးလို့ ကျေးဇူးပါရှင့်😇)

07/11/2024

မင်္ဂလာပါရှင်
ဟိုနေ့က ရေးခဲ့တဲ့ case ကိုဆက်ရမယ်ဆိုရင်၊ အဲ့ရက်ပြီးတည်းက လူနာကသွေးအန်တာ အရင်ကလို digested blood မဟုတ်ပဲ fresh bloodကိုအန်တာ။ ကင်ဆာဆဲလ်က အစာအိမ်နဲ့ အူလမ်းကြောင့်မှာပါ ပျံ့နေတော့ အဲ့ကနေ သွေးယိုစီးပြီး ပြန်အန်ထွက်တော့ နှာခေါင်းကနေ အစာအိမ်ပိုက်တပ်ထားရတယ်။ လူနာက နောက်ဆုံးအဆင့်ရောက်နေပြီမို့ အတတ်နိုင်ဆုံးလူနာကို နာကျင်မှု မခံစားရအောင်ပဲ ထားတော့တယ်။
မနက် round လှည့်တော့ လူနာက သိပ်မကြာလောက်တော့ဘူး ဆုံးတော့မယ်ဆိုပြီး သူနာပြုတွေတောင်ပြောဖြစ်လိုက်သေးတယ်။ စိတ်မကောင်းစွာနဲ့ပဲ နေ့လည် ၁၂:၅၀ မှာexpire ဖြစ်သွားပါတယ်။

03/11/2024

မင်္ဂလာပါရှင့်
လက်ရှိ လူနာတယောက်ရဲ့ case အကြောင်း sharing လုပ်ပေးရင်း အသိ/သတိဝေမျှချင်လို့ပါရှင့်။
🔹၄၇ နှစ်အရွယ်လူနာ ဆေးရုံရောက်ရောက်လာတုန်းကတော့ acute renal failure နဲ့ hypertension ကြောင့်ရောက်လာတာ။ lab မှာ renal markers ကတော်တော်ကြီးကိုတက်နေတာ ပထမရက်ပိုင်း treatment ကို သိသိသာသာ တုံ့ပြန့်မှုမရှိ၊ inflammatory markers တွေကလည်း တက်တော့ ATB ကို combination နဲ့ပေးထားရ၊ ဗိုက်ကလည်း ascites ပါရှိနေ၊ X ray ရယ် ultrasound ရိုက်တာရယ်မှာ ဖြစ်ရတဲ့အကြောင်းအရင်းရှာမတွေ့၊ လူနာက ဝမ်းချုပ်၊ ဆီးကတော့ ပုံမှန်သွားတာပဲ lab findings ကလည်း တောက်လျှောက်တက်နေတော့၊ dialysis လုပ်ဖို့ထိပါ စဉ်းစားပြီး ပြင်ဆင်ထားရတယ်။
🔹နောက်တဆင့်အနေနဲ့ urologist ဆီ consultation လှမ်းယူတော့ CT အရင်ရိုက်ကြည့်ပါဆိုတာနဲ့ ချက်ချက်း native CT ရိုက်တော့ peritoneal carcinomatosis တဲ့လေ (Peritoneal carcinomatosis ဆိုတာ GI tract မှာဖြစ်တဲ့ ကင်ဆာတွေရဲ့ နောက်ဆုံးအဆင့်ကင်ဆာဆဲလ်ပြန့်တာမို့ palliative treatment ပဲရတော့တယ်၊ အသက်ရှင်နှုန်းက ရက်ပိုင်း လပိုင်းပဲ)
🔹အဖြေသိရရချင်းပဲ ဘာကင်ဆာလဲသိရအောင် ascites ကို puncture လုပ်ဖို့ ultrasound နဲ့အမှတ်အသားပေးပြီး liquid biopsy ယူဖို့ လုပ်တာ sample ကလိုသလောက်မရလိုက်၊ လူနာကလည်း နာတယ်ပဲအော်နေတာဆိုတော့ ဆက်မလုပ်တော့ဘူး။ လူနာကမခံမရပ်နိုင်အောင်နာတယ်အော်ငိုတော့ puncture လုပ်တာ အထဲမှာများ တခုခုထိခိုက်သွားလားဆိုပြီး X ray ရိုက်တော့ ထိခိုက်မှုမရှိ။
🔹အဲ့ညပဲ လူနာက တောက်လျှောက်အန်တာ digested blood ပုံစံမျိုး အဲ့ဒါနဲ့ nasogastric tube တပ်ထားတော့ အန်တာ 400ml လောက်ရှိတယ်။
🔹လူနာရှင်ကိုလည်း ရောဂါအခြေအနေရှင်းပြ၊အကြောင်းကြားရတာပေါ့၊ အဲ့တော့မှ မိသားစုထဲမှာ လူနာ့အဖေကလည်း re**al cancer နဲ့ဆုံးသွားကြောင်း၊ မိသားစုထဲက နောက်တယောက်ကလည်း အစာအိမ်ကင်ဆာရှိကြောင်း။
🔹ဒီနေရာမှာ အသိ/သတိချင်တာကတော့ မိသားစု၊မျိုးရိုး မှာ ကင်ဆာရောဂါရှိထားရင်တော့ နောက်မျိုးဆက်တွေအတွက် ကင်ဆာဖြစ်နိုင်ချေမြင့်တာမို့ အထူးသတိပြုသင့်ကြောင်းပါရှင်။

အဆုံးထိဖတ်ပေးလို့ ကျေးဇူးပါရှင်😇

02/11/2024

မင်္ဂလာပါရှင့်
အခုရေးချင်တဲ့ အကြောင်းအရာလေးကတော့ လက်ရှိအလုပ်လုပ်နေတဲ့ ဆေးရုံမှာ မြင်တွေ့ရတဲ့ တာဝန်ယူရတဲ့အပိုင်းလေးတွေကို အကျဉ်းချုံးမျှဝေသွားချင်တာပါရှင့်။
🔹ကိုယ်တွေဌာနက internal medicine/ medical ward အဲ့မှာမှ floor A/B/ ICU ဆိုပြီးထပ်ခွဲထားတယ်၊ ပြီးရင် ကိုယ်တွေဌာနအောက်မှာ emergency နဲ့ opd လည်းရှိပါတယ်။
🔹internal medicineဆိုတော့ ရှိသမျှ ရောဂါပေါင်းစုံနဲ့ လူနာတွေ ရောက်လာကြတာပေါ့။ တစ်ဌာနလုံးကို ဦးစီးတာဆရာဝန်အမျိုးသမီး၊ ဌာနမှူးပေါ့။ မနက်တိုင်း ဌာနမှာရှိတဲ့ ဆရာဝန်တွေအကုန်လုံးက ဌာနမှူးဆီ report တင်ရတယ်၊ ပြီးရင် X ray report ထပ်လုပ်ရတယ်။ ပြီးတာနဲ့ ကိုယ်တာဝန်ယူရတဲ့ လူနာတွေလိုက်ကြည့်ပြီးရင် အခြေအနေပေါ်မူတည်ပြီး ဆေးကုသမှုအပိုင်း ပြောင်းဖို့လိုလား ဒီတိုင်းဆက်သွားရမလား စဉ်းစားပြီးဆေးမှတ်တမ်းရေး။ ကိုယ်တိုင်မသိ နားမလည်လို့ မရှင်းလင်းဘူးဆို အထူးကုတွေဆီ consultation လှမ်းယူပြီး သူတို့ညွှန်ကြားချက်အတိုင်း ကုသမှုလုပ်၊ ပြီးရင် ဆေးစစ်၊ရောဂါရှာဖွေဖို့လိုအပ်တယ်ဆိုရင် သက်ဆိုင်ဟာဌာနတွေနဲ့ချိန်ပြီး appointment ယူ၊ urgent case ဆိုချက်ချင်းလုပ်ဖို့ request လုပ်၊ ဆေးရုံဆင်းမယ့်လူနာတွေအတွက်လေး ဆေးမှတ်တမ်းထိုင်ရေး ပြီးရင် အဲ့မှတ်တမ်းက ဌာနမှူးက ပြန်စစ်သေးတာဆိုတော့ လိုအပ်ချက်မရှိအောင်တော့ ပြင်ဆင်ရတာပေါ့။
🔹ဆေးရုံဆင်းပြီး ကျန်းမာရေးအရ နောက်ဆက်တွဲ အနီးကပ်ကြည့်ရှု့ပေးမယ့်သူလိုအပ်တဲ့ လူနာမျိုးဆို မိသားစုဝင်တွေမှာ လူနာအတွက် ဘယ်လိုplan ရှိလည်းမေး၊ ဒီမှာက အသက်ကြီးတဲ့အရွယ်တွေက သားသမီးတွေနဲ့ မနေပဲ သီးသန့်သက်သက်စီခွဲနေတာ များတာမို့ အဲ့လိုနေလို့ စိတ်မချရရင် တခုခုစီစဉ်ပေးဖို့ပါ မိသားစုတွေကို သေချာပြောရတာဆိုတော့ လူနာရှင်နဲ့က အမြဲcontact လုပ်။ ဆေးရုံဆင်းလို့ အိမ်ပြန်ရင်လည်း ဘာနဲ့ပြန်မှာလည်း လာခေါ်မယ့်သူရှိ/မရှိ၊ မရှိရင် ဆေးရုံကားစီစဉ်ပေး။
🔹နေ့တိုင်း လူနာသတင်းမေးတဲ့ ဝင်လာသမျှဖုန်းကောတွေလည်း ဖြေရတယ်။ သောကြာနေ့ဆို တပတ်စာကုသမှုအပိုင်း အကျဉ်းချုပ်ရယ် ရှေ့ဆက်မယ့် treatment အကြောင်းကို လူနာတယောက်ချင်းစီအတွက် အကျဉ်းရေးတင်ရတယ်။
🔹ဌာနမှူးကကျတော့ ဌာနမှာသူကတာဝန်အရှိဆုံးဆိုတော့ သူ့လက်အောက်ကတယောက်ယောက် နေမကောင်းလို့ အကြောင်းတစုံတရာရှိလို့ ပျက်ကွက်တယ်ဆိုရင်လည်း အဲ့တယောက်နေရာ အစားဝင်ပြီး သူ့တာဝန်တွေယူရတယ်၊ duty ချိန်ပြီးလို့ အလုပ်ကိစ္စမပြတ်သေးရင်လည်း ဌာနမှူးပဲ ကျန်ခဲ့ပြီး သူပဲဆက်လုပ်တယ်၊ ကျန်သူတွေကိုတော့ အချိန်ကွက်တိပြန်ခိုင်းတာပဲ။
🔹နေ့စဉ်လည်း အထပ်တိုင်းမှာ ဌာနမှူးက round လှည့်တယ်၊ လူနာလိုက်ကြည့်ပြီးရင်လည်း တာဝန်ကျဆရာဝန်တွေနဲ့ လူနာတယောက်ချင်းစီရဲ့case ဆွေးနွေးပြီး အကြံပေး၊ ပြီးရင် ကိုယ်တွေလို junior အငယ်တွေအတွက်လည်း သင်ပေးစရာရှိတာလည်း သင်ပေးရတယ်။
🔹အလုပ်ဝန်တဲ့ဆရာဝန်တိုင်းက rotation နဲ့ အလှည့်ကျတစ်ဌာနပြီး တစ်ဌာနပြောင်းပြီးဆင်းရတာဆိုတော့ အဲ့အတွက်လည်း တယောက်ချင်းစီအတွက် individual plan လုပ်ထားပေးရတယ်။ တခုခုအလွဲအချော်ဖြစ်ခဲ့ရင် ရာထူးအကြီးဆုံးမို့ သူကပဲတာဝန်ယူရတာဆိုတော့ လူနာမှတ်တမ်းတွေလည်း ဆေးရုံဆင်းခါနီးပြီဆို သူကိုယ်တိုင်တခါထပ်စစ်တယ်၊ အဲ့မှာမှ opd လည်းထိုင်ရတယ်။ ဌာနမှာ အလုပ်အများဆုံးနဲ့ တာဝန်အယူရဆုံးက ဌာနမှူးပဲ၊ ရာထူးကြီးလေလေ တာဝန်ယူရတဲ့အပိုင်းတွေများလေလေပဲဆိုတာ အမှန်၊ ဌာနမှူးက ဝဝတုတ်တုတ်နဲ့ တနေ့တနေ့ အထပ်တိုင်းကို တက်လိုက်ဆင်းလိုက်နဲ့ ဘယ်နေရာမှ မလျစ်ဟာစေရ။
အဲ့လိုမျိုးဆိုတော့ ရာထူးပေးထားတာကနေရာ၊ငွေကြေးတစုံတရာအတွက်တင်မဟုတ်ဘူး တာဝန်ယူမှု၊ တာဝန်ခံမှုကိုပါ ပေးထားတာမို့ ခေါင်းကြီးတာပဲလို့ ….
အဆုံးထိ ဖတ်ပေးလို့ ကျေးဇူးပါရှင့်😇

25/10/2024

အားလုံးပဲ မင်္ဂလာပါရှင့်
အရင်ရက်က ACS အကြောင်းရေးထားတာဆိုတော့ အခုကိုယ့်လူနာထဲကတယောက်ရဲ့ ဖြစ်ရပ်ကို case study သဘောမျိုးမျှဝေချင်လို့။
🔹 အသက် ၈၇နှစ်အရွယ်၊ heart attack ရထားဖူးတယ့် history ရှိတဲ့ အဖိုးတယောက်၊ တနင်္လာနေ့ နေ့လည် (၁၁) လောက်တည်းက ရင်ဘတ်အောင့်တာ အဲ့ကနေ တဆင့် ဘယ်ဘက်လက်ကိုပြန့်တယ်တဲ့၊ isoket ပထမအကြိမ် (၃)ခါသုံးတယ်၊ မသက်သာဘူး ဒုတိယအကြိမ် (၃)ခါ ထပ်သုံးမှ သက်သာလာတယ်။ အဲ့ဒါနဲ့ အရေးပေါ်ကားခေါ်ပြီး ဆေးရုံရောက်လာတာပေါ့။
🔹ရောက်ရောက်ချင်း ECGနှစ်ကြိမ် ဆွဲတယ်၊ သွေးစစ်တယ် cardiac enzymes တွေပါထည့်စစ်တယ်၊ Troponin နဲ့ NTproBNP. အားလုံးက ပုံမှန်ပဲ၊ Troponin က သူ့ရဲ့changes ကအရေးကြီးတော့ နောက်ထပ်သုံးနာရီကြာ ထပ်စစ်ကြည့်လိုက်တယ် အဖြေကအတူတူပဲ မပြောင်းလဲဘူးဆိုတာ သေချာတော့မှ ACS မဟုတ်ဘူးလို့ စိတ်အေးနိုင်တယ်။
🔹တကယ်လို့ ACS ဖြစ်ခဲ့ရင် အရေးပေါ်နဲ့ cardiac centre ကိုပို့ပြီး သွေးကြောချဲ့ stent ထည့်တာတွေလုပ်ရမှာဆိုတော့ နာရီပိုင်းတွင်း အဖြေသိဖို့အရေးကြီးတယ် အဲ့ဒါမို့ အချိန်မီအသက်ကယ်နိုင်မှာမို့။
🔹ဒုတိယအဆင့် ဘာစဉ်းစားလဲဆိုတော့ လူနာက heart attack ရထားဖူးတဲ့ history ရှိတော့ heart failure များရနေမလားဆိုပြီး X ray ရိုက်ကြည့်တော့ cardiac congestion မရှိသလို NTproBNP ကလည်း negative ပြ၊ physical examination အရ lungs sound ကလည်းပုံမှန်ပဲ၊ ခြေထောက်တွေလည်း ဖော်ယောင်ခြင်းမရှိဆိုတော့ heart failure မရဘူးဆိုတာလည်း ထပ်ကောက်ချက်ချလိုက်တယ်။
🔹ဆက်ပြီးစမ်းသပ်တော့ right tapotement က positive ဖြစ်နေပေမယ့် သွေးနဲ့ဆီးကတော့ ပုံမှန်ပဲ၊ အဲ့ဒါနဲ့ လောလောဆယ် anticoagulant ရယ် symptomatic therapy ပဲပေးထားပြီး၊ နောက်ရက်မနက်ပိုင်း ဆီးစစ်တော့ သွေးအများကြီးပါနေလေရဲ့။
ဆီးပိုးဝင်တာလည်းဟုတ်မနေပြန်ဘူး၊ အဲ့ဒါနဲ့နေ့လည် ဆီးစစ်ကြည့်တော့ အဖြေက ပုံမှန်ပဲ။
🔹အဲ့ဒါနဲ့ လူနာကိုနေ့စဉ် rehabilitation လုပ်ခိုင်းထားရင်း၊ ultrasound ရိုက်ကြည့်တော့ အဖြေကလည်းကောင်းတယ်။ လူနာကလည်း တဖြည်းဖြည်းနဲ့ခါးနာတာသက်သာလာပြီ တခြားဖြစ်နိုင်ချေရောဂါတွေလည်းမဟုတ်တော့စိတ်ချရပြီဆိုတော့ ဒီနေ့ပဲဆေးရုံပေးဆင်းလိုက်တယ်။

(အဆုံးထိ ဖတ်ပေးလို့ကျေးဇူးပါရှင့်🫶)

Sein’s daily notes

08/02/2025

11/01/2025

28/12/2024

08/12/2024

23/11/2024

16/11/2024

13/11/2024

07/11/2024

03/11/2024

02/11/2024

25/10/2024

Adresa

Internetová stránka

Upozornění

Odkazy

Sdílet

Kategorie