12/10/2025
وليدك مازال يكح مور ما برى من الزكام؟ 🤒 ما تقلقيش روحك، كملي اقراي.
بزاف مرات، #الكحة تقعد شادة في #الطفل لمدة توصل حتى لـ 3 أو 4 أسابيع بعد ما يفوتو الزكام (1).
هاد الشي معروف بإسم "الكحة بعد العدوى الفيروسية" وهو أمر شائع و ما يخلعش، بصح بشرط! لازم تتأكدي بلي طفلك:
✅ ما عندوش السخانة.
✅ ما يخرجش إفرازات من نيفو ولا صدرو لونها ماشي طبيعي (أخضر ولا أصفر بكثرة) (2).
✅ راهو ياكل ويشرب مليح، نشيط، و يلعب كالعادة.
✅ التنفس تاعو عادي، ماشي سريع ومشي متعب.
إذا كان كلش طبيعي، هاي ليك واش تقدري تديري في الدار باش تهدنيها طبيعياً وتعاونیه يرتاح:
🍲 ركزي على المشروبات الدافيين لي يرطبو الحلق، الشوربة اختيار ممتاز. الترطيب مهم بزاف (3).👃 نقّي النيف تاعو دايماً بمحلول الملح (sérum salé)، خاصة قبل ما ياكل وقبل ما يرقد. هذا ينقص من السيلان الأنفي الخلفي لي يسبب الكحة (2).
🌬️ ابعدي عليه كامل المهيجات لي تزيد عليه الكحة كيما: العطور، البخور، دخان السجائر، معطرات الجو، و الغبرة (3).
و طبعاً، إذا شفتي الكحة زادت، ولا ظهرت عليه السخانة، ولا حسيتيه تعبان وماش في حالتو، لازم تستاشري الطبيب ديالك بلا ما تستناي.
👨⚕️💬 شاركينا في لي كومونتار تجربتك مع كحة الدراري الصغار.
↪️ بارطاجي البوسط مع ماما تعرفيها باش تطمنيها.
💾 و ما تنسايش تسجليه بالاك تحتاجيه من بعد!
#أمومة #وقاية
