11/03/2026
حطيت منشور خطرة * بلي فـ la garde جانا corps étrangers oesophagien * وكي ماعندناش طبيب مختص فالتخدير تاع الاطفال لانو تتقلع تحت تخذير عام ، قلنا للاب اذا دخلنا راح تتسنى حتى اليوم لي بعده يكون فيه طبيب التخذير بش نقدروا نقلعوه …
الاغلبية هاجوا فالتعليقات ، قالك كيفاه وڤاع وتمسخير ، اولا هادي مش مشكلة الجراح و ثانية ضك نعذرهم على جهلهم بالمعلومة ، بصح ثان كي نفهمك ماطيحش بطاطا خشينة ومسنطح .. وتهدر في حاجة مش اختصاصك …
واحد كي يبلع جسم غريب ويفوت فالمريء ( وين تفوت الماكلة ) مكانش خطورة ومكانش risque vital ( يعني حياة المريض ليست مهددة) الا في حالات خاصة ( كيما لي يبلع les piles بيسك بالخف يديروا des dégats ولا يسرط شيء حاد يقدر يدير perforation ) ..
من غير هادوا الجسم الغريب هذا عنده tendance بنسبة 60% بش يهبط وحده للمعدة و من بعد يخرج مع البراز ..
في حالة مابقى حاصل عندنا بزاف حلول ، سواء تبقى تعس فيه مدة 24h حتى يهبط وحده .. ولا تمد ادوية ترخي عضلات المريء وتعاون الجسم الغريب يهبط ..
ولا دير exploration endoscopique وهادي لي نديروها غالبا ..تدخل بوحد الانبوب وتشوف الجسم وين راه من بعد تدخل بوحد pince تجي طويلة وتقلعه …
لي فالفوطو هادي crabe cheveux و الطفلة كي دخلت فهمنا اهلها راح تتسنى يوم لانو مكانش طبيب تخذير اطفال مناوب .. واليوم لي بعده قلعناها والطفلة لاباس بيها ..
