Dr. Lokmane

21/11/2025

أطفال فضنون -ايليزي 😍

رانا فالقافلة الطبية - لولاية ايليزي - المنضمة من طرف و زرنا قرية فضمون، اللي تبعد حوالي 100 كم عن ولاية إليزي و درنا زيارة لابتدائية القرية 👀

زيادر على التوعية الصحية سقسينا أطفال السنة الخامسة
“واش حابين تولّيو كي تكبرو؟”

وكانت الإجابات تفرّح القلب أحلام كبيرة… وطموحات تسبق العمر 🤩

زيارة خلات فينا أثر كبير… قبل ما تكون إحنا اللي زرناهم، همّا اللي لمسونا بكلامهم وين تحس راك عايش حلمهم و الكثير منهم يستناو فيك بالريق الناشف وقتاش جي لويلايتهم وقريتهم باش تفحصهم و تكون سبب في علاجهم ❤️

الحمد لله الذي وفقنا لخدمة الناس 🩺

06/12/2024

26/09/2024

كلمات عليك أن تقرأها قبل 15 يوم من إمتحان التخصص ❤️

في هذه الفترة بالذات وين تبقى أيام معدودة على الإمتحان المرشحين يبداو يعيشو ستراس رهيب كاين حتى اللي ما يقدرش يركز باش يقرى و كاين اللي فهاذ المرحلة يستسلم و يقول علاه عليا و ما يروحش أصلا يجوز الإمتحان وكاين اللي خلال العام مر بظروف صعبة ماخلاتوش يخبش بزاف

فالأيام القادمة راح تبدا تجيك وحد التساؤلات في راسك هل راح نكلاسي هل التعب تاع العام كامل سيكلل بالنجاح هل الآخرين رام محضرين كثر مني؟

إذا راك تعيش هاذ الحالة النفسية 😣

أطمئنك هذا هو العادي و طبيعي كامل جزنا عليه ماراكش وحدك و ماشي غير انت اللي راك تحس بيه

البنادم يخاف من المجهول و يخاف من الفشل خاصة إذا تعب طوال السنة وين الناس تبحر و هو يخبش الناس تحوس هو من لي ينود حتى يرقد و هو يخبش و ماراهش أصلا ضامن بلي راح يكلاسي

جهاد كبير ماشي كامل الناس حباهم الله بهذه النعمة فعليك أن تخلص نيتك لله في سعيك ولو في الأيام القليلة المتبقية بإذن الله راح يجازيك ربي على تعبك سواء تحصلت على نتيجة مليحة أو لا نقول عيانية بل نقول في نضرك و تقدريك أنت كعبد ضعيف عيانة لكن في تقدير الله العزيز الحكيم فيها خير ليك في كل الأحوال

و هنا حبيت نفكرك بلي كاينة قاعدة ربانية تقول بلي أنت عليك السعي ماشي النتيجة ( كيماقررينا فالطب الشرعي الطبيب لا يحاسب على النتيجة بل يحاسب على السعي في تطبيق آخر ما أتفق عليه العلم كي يكون سببا في شفاء المريض فإذا دار كامل واش نص عليه العلم و فالأخير توفى الشخص لن يحاسب لكن إذا قصر في شيء من الأمور او إستعمل بروتوكولات من راسو و ماسعاش سيحاسب)

نعم دير في بالك النتيجة بيد الله و مكتوبة لك قبل أن تولد بأكثر من خمسين الف سنة

عَنْ عَبْدِ اللهِ بْنِ عَمْرِو بْنِ الْعَاصِ، قَالَ: سَمِعْتُ رَسُولَ اللهِ صَلَّى اللهُ عَلَيْهِ وَسَلَّمَ، يَقُولُ: "كَتَبَ اللهُ مَقَادِيرَ الْخَلَائِقِ قَبْلَ أَنْ يَخْلُقَ السَّمَاوَاتِ وَالْأَرْضَ بِخَمْسِينَ أَلْفَ سَنَةٍ، قَالَ: وَعَرْشُهُ عَلَى الْمَاءِ". [رواه مسلم

و زيد الرزق اللي كتبهولك الله عز وجل واحد ماراح يديهولك بل راو يجري موراك كيما راهي تجري موراك الموت

قال رسول الله ﷺ ، لو أنَّ ابنَ آدمَ هرَبَ من رزقِهِ كما يهرَبُ من الموتِ ، لأدْرَكَهُ رزْقُهُ كما يُدْرِكُهُ الموتُ . صحيح الجامع

فنصيحتي لك واصل السعي و ماتخممش فالنتيجة و بعدما تخرج النتيجة مهما كانت كن فخورا بنفسك و راضيا حامدا شاكرا الله في كل الأحوال

نعم في كل الأحوال انت طبيب لاتحتقر انجازك اللي حققتو من قبل

ثق بالله و أكثر من العبادات في هذه الأيام و احرص على عدم تفويت الصلوات في أوقاتها وأدعي الله و أكثر الدعاء وصدقني راح تحس بوحد الطمأنينة عجيبة ربي سبحانو يقول

إِنَّ الْإِنْسَانَ خُلِقَ هَلُوعًا ۝ إِذَا مَسَّهُ الشَّرُّ جَزُوعًا ۝ وَإِذَا مَسَّهُ الْخَيْرُ مَنُوعًا ۝ إِلَّا الْمُصَلِّينَ ۝ الَّذِينَ هُمْ عَلَى صَلَاتِهِمْ دَائِمُونَ.

و في الأخير لا تنسى أن تجدد دائما نيتك في طلب العلم و نفع الأمة و أستمتع بهاذ الأيام نعم اقول إستمتع فستبقى لك كذكرى تحكيها مستقبلا كي تكون تحكي على مشوارك و طريقك للنجاح و أستمتع بقربك من الله فأنا متيقن أنك قريب من الله بكثير من اللذين لن يجتازو الإمتحان لأنك تشعر بأنو رغم دراستك و خبيشك علابالك بلي التوفيق من عند الله وحدو و خلينا نستفادو من قربك و أدعي لخوتنا في 🇵🇸

دعواتي لكم جميعا بالتوفيق في الإمتحان و بإذن الله ستعودون لهاذ المنشور بعد الإمتحان و تبشرونا بواش من تخصص خيرتوه ❤️

✍️ Dr. Lokmane

طبيب مقيم تخصص جراحة أذن أنف و حنجرة

31/05/2024

تم و الحمد لله القيام باللايف اللي وعدناكم بيه حول التحضير للريزيدانا في الأشهر المتبقية و طريقة التعامل مع الضغط و الستراس✅

تجدون ربط اللايف مسجل في أول تعليق 👇

نتمنى لكم التوفيق جميعا و إن شاء الله نكونو قدرنا نجاوبو على اسئلتكم و نحفزوكم شويا باش تواصلو ❤️

30/05/2024

الحاضر يعلم الغايب 📣

رانا عاودنا برمجنا اللايف الخاص بالتحضير للريزيدانا فالأشهر المتبقية و كيفة التعامل مع الضغط لغدوة ان شاء الله ✅

وبما أنو حسابي تم حضره من طرف الإنستا و ما نقدرش ندير بيه live اللايف قررنا انو اللايف راح يكون في حساب .store و .belbey.ikram ف👌

غدوة بعد المغرب ان شاء الله كونو في الموعد 👊

17/05/2024

دورة جديدة لتعلم الألمانية باستعمال الذكاء الإصطناعي 🎁

ماعليك غير تخلي كلمة allemand في تعليقات الريلز فالإنستغرام يصولك الرابط باش تسجل مجانا ✅

07/05/2024

باقي خمس أشهر على الريزيدانا وراي تالفتلك !؟ ⏳

بزاف طلبو مني شويا نصائح و لايف حول كيفية التحضير و كيفاه نغتانمو الأشهر الباقية باش نتحصلو على ترتيب مليح 👌

صراحة انا نسيت شويا على كيفاه حضرت شفيت بلي خبشت بزاف و حليت بزاف les qcm و les sujtes بصح الطريقة و التعب هذاك تنساه بمجرد انك تلحق لوين حبيت توصل بتوفيق الله عز وجل طبعا

ايا تواصلت مع شويا خباشين باش يفيدونا كاين اللي اعتذر كاين اللي ما شافش الرسالة و كاين الدكتورة بلباي لبت الدعوة و راح تكون معانا في بث مباشر يوم الجمعة 10ماي 2024 على الساعة 20:00 في الإنستغرام ✅

الدكتورة بلباي الغنية عن التعريف هي طبيبة مقيمة تخصص طب نساء و توليد كانت ف top 100 واللي قالت من قبل بلي حضرت للإمتحان بجدية خلال شهرين فقط فاللايف هذا راح تحكيلنا كثر على تجربتها 💯

ومنه الحاضر يعلم الغايب ماتراطوش الفرصة هاذي ❤️

تنبيه الباب مفتوح لكمال الأطباء المقيمين اللي حابين يطلعو فاللايف و يشاركونا تجربتهم فقط تواصلو معي باش نبرمجوكم فاللايف

06/04/2024

طريقة سهلة لتعلم الخياطة الجراحية باليد 🧵

تابع حسابي على الإنستغرام للمزيد من المحتوى ❤️

21/12/2023

شكون قال طلبة التخصصات الطبية ما يقدروش يستفادو من منح للدراسة في الخراج ! 🤔

اذا كنت طالب في تخصص طبي ولا في مجال آخر ماتراطيش الڤسرة تاع نهار السبت وين راح يشاركونا زوج طلبة طب في الجزائر كيفاه قدرو يستفادو من منح و الذهاب لأمريكا و أوروبا تحت إطار برامج التبادل 😍

طاڤي صحابك فالتعليقات وشارك هاذ الإعلان باش يحضرو معانا أكبر عدد ممكن من الطلبة ما تدري يقدر واحد يشوف اللايف يسجل و يقبلوه 👌

كيما برنامج MEPI SLP راهم فاتحين باب التسجيل و يغلق يوم 03 جانفي 2024 راح تكون فرصة هايلة باش تدو نظرة عامة على البرنامج و كيفاه تقدر تسجل و تزيد حظوظك باش يتم قبولك 🤝

و من هاذ المنبر حبيت نشكر أكرم و مهدي على المبادرة و دعوتهم لي للمشاركة في هاذ البث و نشكر نجمة اللي راح تكون معانا كذلك و تعاونا في طرح الأسئلة باش يكون البث ثري و نستفادو الماكسيموم 🫶

البث سيكون على الإنستغرام و الرابط في أول تعليق 👇

02/12/2023

فرصة توظيف أطباء عامين في مستشفى بني مسوس ✅

آخر أجل لإيداع الملف 13 ديسمبر 2023 ⏳

شاركو الخبر مع الأطباء اللي تعرفوهم لعل فيه خير وتكونو سبب في توظيفهم ❤️

Dr. Lokmane

05/11/2023

لقاء العمالقة غدا على الثامنة و النصف مساء في بث مباشر 😍🔥

بث راح يجمع أطباء مقيمين قدمو الكثير لطلبة الطب و عاونو
بزااف الدفعات الماضية بملخصاتهم و كتبهم 🤝

وين راح يحكونا على التخصصات اللي خيروهم ووعلاه خيروهم 👌

البث هذا ماايحتاجش اعلان لأنو اللي يراطيه مايعرفش صلاحو 🤭

Mohammed Menacer
Adam Roumani
Dr Adel Naidji
Islam Dilmi


❤️ شكرا لتلبيتكم الدعوة

04/11/2023

البث المباشر تاع اليوم فيه أكثر من ساعتين وين حكينا على بعض التخصصات الطبية بالترتيب الآتي 👇

Gastro-entérologie et hépatologie

Rea anesthésie

Medecine du travail

Pediatrie

Dermatologie

Psychiatre

نشكر مرة أخرى كل الأطباء المقيمين اللي حضرو معانا وفادونا بأكبر قدر من المعلومات حول تخصصاتهم ❤️

تجدون رابط التسجيل تاع البث في اول تعليق و جرو شويا البداية لأنو كان تغلق اللايف و عاودنا واحد جديد 🤷‍♂️

بالنسبة لغدوة مذابينا نصيبو أطباء مقيمين فالتخصصات البيولوجية يشاركونا تجربتهم ويهدرونا على هذه التخصصات اللي المعلومات عليها قلال فاذا كنت طبيب مقيم في تخصص بيولوجي ولا تعرف واحد قولو يتواصل معي بارك الله فيكم ❤️