14/11/2025
هي واحدة من اقوى ادوات العلاج المعرفي لأنها تخليك تشوف الفكرة اللي راك تصدقها وكأنها حقيقة مطلقة وبعدها تبدأ تفحصها بعين باردة وتعرف إذا هي فعلا صحيحة ولا خاطئة الفكرة جي عادة مشحونة بالخوف او بالحكم القاسي على الذات وهنا يجي دور التقنية باش تفصل بين الاحساس والحقيقة
الطريقة تبدا كي تسقسي نفسك واش هو المعتقد اللي راه يحكم عليا مثال نقول انا انسان فاشل او الناس كامل يشوفوني ناقص ومن بعد تبدا الخدمة خطوة خطوة اول حاجة تجيب الفكرة وتحطها قدامك كي ورقة بيضاء وتقول هل عندي دليل قوي يثبت هذا الكلام هل عندي مواقف كثيرة تؤكد هاذ النظرة ولا غير مواقف معزولة ثم تسقسي سؤال ثاني هل كاين ادلة تعاكس هذا المعتقد هل كانت عندي نجاحات صغيرة او كبيرة هل كاين ناس شافوني بطريقة مختلفة هل كاين مواقف حسيت فيها بروحي قادر ومن بعدها تنتقل لسؤال ثالث مهم جدا وهو هل هذا المعتقد يخدم مصلحتي ولا يضرني لأن بزاف معتقدات تكون مش مبنية على حقيقة لكن مبنية على خوف قديم ولا على تجربة مؤلمة في الماضي
بعد ما تجمع الأدلة اللي معاه واللي ضده تبدأ تقارنهم وتشوف الميزان يميل وين وإذا لقيت الدليل اللي يعاكس الفكرة اقوى ترجع تعيد صياغة المعتقد بطريقة واقعية مثلا بدل ما تقول انا فاشل تقول انا نغلط كي كامل الناس وعندي جوانب نقدر نطورها وعندي قدرات واضحة
الفكرة من التقنية هي انها تعلمك توقف قدام الفكرة بدل ما تصدقها مباشرة تخليك تشوف المعتقد كي فرضية لازم تتأكد منها مش حقيقة مسلمة وهكذا يبدأ الدماغ يتعود يفحص ويميز بين التفكير الواقعي والتفكير المشوه وفي كل مرة تعاود التقنية راح تلاحظ باللي الافكار الثقيلة تبدى تخف ويتبدل الاحساس معها تدريجيا
