Quelles sont les heures d'ouverture ?

Lundi 07:00 - 16:30 Mardi 07:00 - 16:30 Mercredi 07:00 - 16:30 Jeudi 07:00 - 14:00 Samedi 07:00 - 16:30 Dimanche 07:00 - 16:30

مخبر صالحي للتحاليل الطبية بريكة

Page d'Accueil
Algérie
Barika
مخبر صالحي للتحاليل الطبية بريكة

laboratoire d'analyses médicales

05/12/2025

نذكركم أن مخبرنا أنجز الآلاف من تحاليل المني spermogramme منذ أكثر من ستة سنوات
كنا السباقين بنظام CASA في بريكة
في وقت كان التحليل يروح لعين ولمان !!

05/12/2025

لماذا في الطب

الخير مرتبط بالمجانية ، أليس الإحسان في العمل من الخير

04/12/2025

❌️ عندي الحكة ... هاذي ماشي حساسية ... هاذي الكبدة و المرارة ... كفاش ‼️

⛔️ اكيد نهار مجسمك ياكل فيك ،راح تقول هاذي حساسية هذا كاش مكليت، معلابالكش بلي قادر المشكل ماشي حساسية خلاص

🔴 واش دخل الكبدة و المرارة ⁉️
في العادة الأحماض الصفراوية يخدمها الكبد من اجل الهضم و تروح للمرارة
في حالات مرضية يتبلوكا الطريق مبيناتهم
و الأحماض الصفراوية تخرج للدم

🟠 كفاش حتان تجي الحكة ‼️
الأحماض الصفراوية تروح لوحد النهايات العصبية في الجلد و دير الحكة

⚠️ حكة خفيفة قادر تمر بصح اذا لقيت الحكة قوات عليك لازملك استشارة طبية ، لا تهاون

04/12/2025

مبدئيا يعطيكم الصحة🤗، برافو 👏 انتظرت إجابة كاملة متكاملة ، كاين محاولة راح نعتبرها صحيحة
❌️كاين شكلين للإجابة
👈الإجابة العلمية الطبية الميتافيزيقية... الخ : فقر الدم الانحلالي ( عموما !)
👈و كاين الإجابة تاع : فقر دم البحر الأبيض المتوسط طالاسيمي thalassémie لي هو واحد من فقر الدم الانحلالي
❌️ العضو المعني لقيتوه هو الطحال ، برافو 👏
الطحال العضو المثالي ، ميحبش لعوج يشوف كرية حمراء متعجبش يقتلها ، فعند الناس لي كرياتهم اصلا ماشي ملاح ، يديرلهم فقر دم حاد ،
ففي حالات يضطرو يستأصلولهم الطحال
⚠️ذلك فقط في الشكل المعقد من فقر دم البحر المتوسط .

04/12/2025

⛔️ حالة جاتنا : عريس حكموا السكر قبل عرسو ‼️

❌️عندها سنوات ، مريض كان عرسه قريب و كان تعبان طبيبه كتبلو مجموعة تحاليل من بينهم سكر الصيام

❌️خرج تحليل سكر الصيام مخيف 7 غرامات ، انا عيطتلو و نسيت حتى مقدمتي ( معاكم الطبيبة صالحي تاع المخبر ) قتلو اسمو و قتلو راك لباس ، ضحك و قالي لباس شوية تعبان بصح لباس الحمد لله ، انا لحظتها جاني التوسويس ، قتلو اذا تقدر تجي نعاودلك تحليل السكر و نزيدولك السكر التراكمي اذا حبيت ، بصح أرواح بمرافق ، قالي بصح كليت ، قتلو واش كليت قالي التمر 😵
لحظتها سكتت من الصدمة ، الحمد لله راح للمستشفى و فات الأمر سلامات

❌️❌️ نوضحلكم أمر ‼️
جسمنا عندو نظام التأقلم و هذا لي يخلي بزاف حالات مرضية تتدهور
👈لما الشخص يكون العادي تاع السكر مرتفع أو منخفض تلقى جسم نوعا ما يتأقلم،
أما الشخص لي متعود يكون مليح و يطلعلو او يهبطلو فجأة فإنه يتضرر اكثر أو بالأحرى يبان عليه أكثر

👈 الناس لي عندها فقر دم وراثي تلقاه يخدم يقرى بأرقام منخفضة في حين شخص عادي يجيه فقر دم حاد و يوصل لنفس الرقم يلحق حتى المستشفى و حالته الصحية تتدهور

⚠️ واش حبيت نقول ⁉️
اسمع لجسمك ، مش لأنو يعيطلك بصوت منخفض مهوش متضرر بزاف

⛔️ نرجع لمريضنا لي أصبح بعدها من أوفياءنا ، و بطل يقولي راني لباس .
المحزن انو نجى من 7 غرامات ، و لكنه توفي في حادث مرور رحمة الله عليه

04/12/2025

نايض عيان😵‍💫 من النوم

دير تحليل الفيتامين د

03/12/2025

في مخبركم
60% من الناس لي حللو من أجل التشخيص عن جرثومة المعدة🦠 هم مرضى 🤕
نسبة كبيرة ‼️

03/12/2025

🚫 ️تحليل الحمل عند الفراعنة 🧐
إيه كيما سمعتو حتى الفراعنة كانو يحللو
❌️كفاش ‼️
تحليل الحمل كان يديروه على عينة البول كيما لي يتباعو في الصيدليات

كانو عينة البولة يحطوها على الشعير و القمح اذا نبتت فالمرأة راهي حامل ، اذا منبتش فهي غير حامل

❌️❌️علاش الشعير و القمح‼️
على حسابهم باش يعرفو نوع الجنين ، الشعير ذكر ، القمح أنثى

👈لو كنا في وقتهم كان راح يكون مخبر الشعير و القمح للتحاليل الطبية 😄

03/12/2025

⛔️ من التحاليل المظلومة :
الفحص المجهري للدم
في مجموعة التحاليل المظلومة راح نحكي على تحاليل قليلة الطلب في منطقتنا ، بالرغم من انها مهمة بل و أساسية، و ذلك من باب التنبيه

المرة هاذي راح نبدى بالفحص المجهري للدم frottis sanguin

أي خلل في تحليل تعداد الدم يستوجب فحص مجهري
🔴 واش الفايدة ⁉️
👈 أننا نتأكدوا من المعطيات لي مدهالنا تحليل تعداد الدم
👈 ملاحظة الخلل في أشكال الخلايا لي قادر حتى تكون خلايا سرطانية

⚠️ ياما شفنا فقر دم ، نقص صفائح دموية كان من وراءهم سرطان دم حاد
🚫 في مخبركم الدكتورة صالحي 🤗 لي عندها خبرة في المستشفى الجامعي مصطفى باشا و مركز مكافحة السرطان هي لي تقوم شخصيا بالفحص المجهري للدم

02/12/2025

هل أنا كعامل في مخبر تحاليل مجبر نتحمل هبال الناس كل يوم
لأي سبب يديرو فوضى ،

نحكيلكم على مثال اليوم :
جابولنا 500 دينار ملطخة بالدم ، رفضناه، زادو مسحوها رفضناها ، قلنالهم مدو 200 دينار و راكم تكملوا الباقي من بعد ، يدخلنا رب الأسرة انسان مش متربي مكاش وصف آخر يعيط علينا ،

و الله سألت منا واش راني نشوف فيه عندنا و الله مش طبيعي
لذلك نقولكم صراحة من الآن و صاعدا بالقانون تسجيل الفيديو ، و عند الشرطة راك تفرغ هبالك

، راهو مخبر ، انت ملزم بإحترامنا
راك تخلص دراهم مقابل خدمة ، مراناش عبيد عند أي بشر
واش لاحظت راهم كي يشوفو نسا يستقواو

على كل قد أعذر من أنذر

01/12/2025

⛔️درت فاكسا 💉لقيت روحي مريض و أنا ماشي مريض ، كفاش‼️
❌️ هي بالأحرى لقيت روحي مريض في التحاليل
⚠️ قبل نحكيو على اللقاح الفاكسا
الفاكسا في العموم نوعين رئيسين
👈فيروس غير فعال
👈او جزء منه حقيقي و لا مصنع
في كلتا الحالات جهازنا المناعي راح يدافع باش نتعرفو عليه كي يحكمنا في الصح

🔴 واش علاقتها في التحاليل ⁉️
في التحاليل الروتينية للفيروسات
التعرف على هدف التحليل يكون بجزء منه ( مثلا محمد نيفو كبير ، كي نشوف النيف نعرفو بلي محمد 😄)

❌️ لما دير لقاح كاين إحتمالين :
👈 تمد لجسمك نفس الجزء لي في الفيروس لي نحوسو عليه في التحليل مثلا دير فاكسا إلتهاب الكبد ب من بعد دير تحليل ألتهاب الكبد ب ، احتمال كبير يخرجلك انك حامل لفيروس .

👈 تحفيز الجهاز المناعي يخليه يخرج أجسام مضادة تتداخل في التعرف على الفيروس فقادر تمد نتائج موجبة يعني الشخص مريض و هو مش مريض.

⛔️من بين ماسمعت في الواقع ، صرات مع نوع من لقاح كورونا في العاصمة ،
إحدى المخابر الكبرى يخرجو الكثير من المرضى مصابين بالسيدا، تأكدوا ان المشكل مش من عندهم فتواصلوا مع الشركة المنتجة لمادة التحليل ، قالولهم شوفو اذا دارو اللقاح مؤخرا ، لقاوهم صح داروه أيام قبل التحليل ( للأسف منتذكرش اسم اللقاح ) لكن كان في الموجة الأولى

🟡 و الحل ⁉️⁉️
إذا عندك فاكسا ، حاول دير تحاليلك قبل
و إذا مضطر تعلم المخبر و طبيبك

01/12/2025

تفصيلة صغيرة في تحليل ميكروب البول تحدث الفرق ،
القطرات الأولى يترماو و مديروهمش في القرعة المعقمة

Adresse

Cité Hmam
Barika
05400

Heures d'ouverture

Lundi	07:00 - 16:30
Mardi	07:00 - 16:30
Mercredi	07:00 - 16:30
Jeudi	07:00 - 14:00
Samedi	07:00 - 16:30
Dimanche	07:00 - 16:30

Téléphone

+213659989512

Site Web

http://salhilab.com/

Notifications

Soyez le premier à savoir et laissez-nous vous envoyer un courriel lorsque مخبر صالحي للتحاليل الطبية بريكة publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.