Cabinet Dr Beroual Abdelhak

28/10/2025

اليوم نجاوبو على الصورة هذي . علاش رسمتها ؟ ولمن رسمتها ؟ وعبارة عن ماذا ؟
جاتني مريضة ( خرساء ماتسمع ماتهدر) وحالتها كانت عبارة عن فراغ كبيييير بين القاطعتين الاماميتين. جاية مسكينة تقولي على حساب اشاراتها ركبلي سنة فالنص . ارواح انت ضرك وفهمها بالي حالتها تاع تقويم مهيش تاع تزيد سن فالنص لانو راح تجي باشعة ومهيش حالة تاع كومبوزيت وين نغلقو الفلجة لانو المسافة كبيرة بزاف راح تجي باشعة ثاني ( راح يظهرو اسنان عراض بزاف) . عيطت للفرملية قتلها معمن جات؟ قاتلي جات معاها وحدة. ايا فرحت قلت نفهم المرافقة تاعها وهي تحاول تفهمها . ايا كي دخلت المرافقة لاحتلي السلام بلغة الاشارة ..🤧ايا ردتيلها وعليكم السلام وقعدت نرسملهم في زوج ونحاول نفهمهم في زوج . والحمد الله بعد جهد فهموا عليا بالي متصلحش 😎 واكتشفت بالي انا نفهم لغة الصم وهما يفهموا عليا والدنيا هانية والبط يعوم

26/10/2025

خفيف ظريف دايلي روتين 🎨😊🖌️

د/ عبد الحق بروال
العنوان نهج مسجد العربي التبسي على بعد 100 متر من مكتب بريد بارك افوراج بجوار مدرسة البنات باتنة
رقم الهاتف 0674333945
اوقات العمل
السبت للاربعاء : 8.30 - 12. 1.30 - 5
الخميس : 8.30 - 12
رابط موقع العيادة
https://maps.app.goo.gl/QN2hYDD26xkkMJCm6

23/10/2025

23/10/2025

L'art de la sculpture 🖌️🎨👌

د/ عبد الحق بروال
العنوان نهج مسجد العربي التبسي على بعد 100 متر من مكتب بريد بارك افوراج بجوار مدرسة البنات باتنة
رقم الهاتف 0674333945
اوقات العمل
السبت للاربعاء : 8.30 - 12. 1.30 - 5
الخميس : 8.30 - 12
رابط موقع العيادة
https://maps.app.goo.gl/QN2hYDD26xkkMJCm6

23/10/2025

عندي بزاف محطيتلكمش حالات النحت على الضرس مبعد ان شاء الله نحطلكم وحدة واعذرونا على نشر الحالات، التصوير وهز من الكاميرا وحط فالتلفون ووو يدي شوي وقت

22/10/2025

هذي ثاني مليحة سيرتو لجماعة التقويم تنحي بقايا الطعام الي لاصقة . اشرو برك النوعية المليحة

22/10/2025

السلام عليكم.اليوم جيت نعطيكم الزبدة تاع حكاية معجون الاسنان .
اولا كاين معجون الاستعمال اليومي الي ننصح بيه اي واحد معندو حتى مشكل في اسنانو، يكون هدفو الوقاية والحفاظ على اسنانو . ننصحكم ب natri bifluor ، هذا فيه مادة الفليور الي تحمي طبقة الميناء من التسوس بالاضافة الي سعرو الزهيد الي في متناول الجميع وهذا يعطيه avantageومصنوع فبلادنا ثاني
ثانيا: معجون لحساسية الاسنان ، باختصار الحساسية هذي تجي كي تنكشف طبقة الميناء ايا كان السبب وتولي طبقة العاج معرضة للعوامل الخارجية، وعند هذو الناس كاين واحد الثقوب في هذ الطبقة يكونو مفتوحين بزاف على بيها تلقاهم يتحسسوا بزاف للبرد السخانة الحامض الحلو ...المهم كاين واحد المعجون يفرز في حالات الحساسية ( ان نقول حساسية مش تسوسات لانو كي تتسوس السنة حبيبي روح للدونتيست متبقاش تعقر في روحك وكشما تخترعلنا سحر جديد منلقاولوش التعويذة تاعو ) كاين sensodyne وفيه بزاف انواع اقراو انتم تاع الحساسية،هذا فيه واحد les particules يسكرو المسامات هذيك ، انا جربتو ف المرضى تاعي وجاب نتيجة ان نقول ونعاود في حالات الحساسية مش التسوس
ثالثا: حالات التهابات اللثة ، خويا ومشي صاحبي parodontax مليح بزاف très efficace ملاحظة اخرى مش تغسل بيه وتقول للثة ارتاحي رانا نمدوه بعد مانديرو nécessaire من ازالة للجير وجراحات وادوية وووو تسمى هو يعاون بزاف اللثة باه ترتاح بصح مهوش هو الي يرتحها ،وراهو من نفس الشركة gsk تاع sensodyne والذوق تاعو مالح شوي تسمى كي ديرو مع الاول متبداش تقزقز وتقولي منحبوش ، ان ديما نقولها للمرضى تاوعي العلاقة بينكم وبين العلاجات الي نمدولكم مهيش علاقة حب ، راهي علاقة مصلحة ديرو واسكت
رابعا: نجيو للسؤال الي مهبلني الطبيب المعجون الي يبيض الاسنان . خاوتي لازم تفهمو بالي المعجون الي يبيض صح او مكاش ، كاين بعض منهم الي فيهم زعما مكونات تبيض كما peroxyde d'hydrogène بصح الهدف تاعها تندار انو يحميلك شوي اسنانك من التصبغات الخارجية وينقص منها شوي ، تستعملو مثلا بعد مادير التبييض عند طبيب الاسنان باه طول شوي النتيجة تاعو ، واذا درت حاجة في فمك وخرجتو ابيض صح ناصع افهم بالي المادة هذي راهي بنسبة كبيرة وراهي قعراتلك طبقة الميناء ، عملية التبييض راهي عملية حساسة نديرو فيها des produits فيهم peroxyde d'hydrogène مايفوتش 32%. لذلك عزيزي المريض كي تحب تبيض اسنانك روح للطبيب وماتروحش لعلجية beauty ديرهولك لانو راح تشعلك ب l acide تاع batterie. والي يسقسي على ماركة تاع معجون من هذا النوع والله ماجربت باه منخرطش عليكم. جربو انتم وقولولي
اخيرا : معجون للاطفال . تاع الاطفال نسبة الفليور فيه تكون مدروسة تكون قليلة شوي باه مايذيوش السن . يكون فيه نكهة باه يتقبلو الكفل وديرو بكمية صغيرة برك اشرو aquafresh ولا colgate السن من 2-6 سنوات
فرشاة الاسنان اشروا وحدة medieum حك تربح وصاي الي يحوس مارك مليحة كاين Oral B وبدلوها كل 3 اشهر
غسول الفم عندو استعمالاتو يكتبهولك الطبيب وكي تشري اشرو listerine مليح ولد فاميليا
اخيرا الصح ف الحك تربح action mécanique تسمى مام خلصلك المعجون اغسل لشتا بالفرشاة هكك المهم نحي la plaque متخليش فمك لزج بالماكلة والبكتيريا
كان معاكم طبيبكم الي ميحبش عليكم ويشتي يحلبكم الدكتور بروال عبدالحق الى الملتقى في موضوع اخر عندي مواضيع بزاف الي عجبكم اقتارحوه ( كفاه متموتلكش double 6 في يدك ...كفاه تتجنب la su***de فالبيار ...كفاه تتريشي فال poker ...كفاه تحتملو ياكل سيف فالضامة...كيفاه تخلي 1.9 ميسخنش ...كفاه تجي روطار للعيادة ...) المهم نحن في الخدمة مرحبا بكم 😅

22/10/2025

العشوة ان شاء الله نحكيلكم شوي على انواع معاجين الاسنان انا وش نكتب وبواه ننصح . ابقوا متابعين

22/10/2025

خاوتي راني نسكن فالهند والطريق الرابط بين باتنة والهند طريق منحوس وديما فيه السركالة وليجوندارم والكشافة والحماية والحوادث ....تسمى منجي نروح قيس مانصلي ونرجع نلقا العصر اذن ...طاوعوني وخلاص 😔

09/07/2025

نذكركم ان فحوصات التقويم تتم بدون موعد . والفحوصات في العيادة بمختلف انواعها تتم ايضا بدون موعد . تسمى ارواح واحكم دالتك وفقط
د/ عبد الحق بروال
العنوان نهج مسجد العربي التبسي على بعد 100 متر من مكتب بريد بارك افوراج بجوار مدرسة البنات باتنة
رقم الهاتف 0674333945
اوقات العمل
السبت للاربعاء : 8.30 - 12. 1.30 - 5
الخميس : 8.30 - 12
رابط موقع العيادة
https://maps.app.goo.gl/QN2hYDD26xkkMJCm6