Cabinet d'orthophonie Guettaf

27/11/2025

للمزيد من تفاصيل تواصلو معنا عبر الرسائل او الرقم🌼😊

26/11/2025

وزارة الصحة أطلقت في اواخر شهر نوفمبر ، حملة وطنية للتطعيم ضد شلل الاطفال،
la poliomyélite
وتهدف هذه الحملة إلى تلقيح الأطفال التي تتراوح اعمارهم بين شهرين و59 شهرا.
سيتم التلقيح عن طريق تقرب القوافل الطبية من منازلكم في أغلب الولايات و خاصة المناطق الريفية ، يعني مدابيكم اخواني تكونو واعيين شوي وتساعدونا باش نقومو بتطعيم هذه الفئة الصغيرة من المجتمع لي متلقاتش هد النوع من اللقاح ، لأن راه مرض خطير جدا يقدر يسبب شلل لأبنك و للأسف ضهرت إصابات في بعض ولايات الوطن بعد ماقلنا أن هد المرض خلاص تخلصنا منه ومعادش كاين .
نتمنى ما تمنعوش أولادكم من اللقاح بسبب فكرة أنه يسبب التوحد أو تأخر النمو، لأنها مجرد إشاعات وما عندها حتى أساس علمي. حافظوا على صحة أولادكم 🌸🌸

21/11/2025

الفيديوهات القصيرة (Short-Form Video
ولاّت منتشرة بزاف ويدورو كامل الوقت وهذا خلا الباحثين يشوفو
هل هذا النوع من المحتوى يؤثر على التفكير، التركيز، الذاكرة، والمشاعر؟
دارو دراسة جمعت 71 بحث فيها 98,299 مشارك،وخرجت بعدّة نتائج
🧠 أهم النتائج
استعمال الفيديوهات القصيرة مرتبط بضعف في القدرات المعرفية
الأشخاص اللي يشوفو بزاف هذ الفيديوهات عندهم
انخفاض في قدرات الانتباه
ضعف في التحكم الذاتي
صعوبات في الذاكرة والتركيز
استعمالها مرتبط بتدهور الصحة النفسية
الناس اللي يستعملوها بزاف
يكونو أكثر عرضة للقلق والاكتئاب
الإدمان على التصفح بلا توقف (scrolling)
إحساس أقل بالرضا على النفس


d'orthophonie Guettaf

18/11/2025

فيديوهات الذكاء الاصطناعي خطر على الأطفال… وبرّرها الواقع
اليوم جاتني أم إلى العيادة مع طفلها عمره 3 سنوات، مازال ما يهدرش.
وهي تحكيلي قالتلي جملة خلتني نتأكد أكثر بلي الخطر وصل لبيوتنا
"ولدي يقلّد كلش يشوفو في الفيديوهات… حتى دخل للمرحاض يقلّد قط ويحوس يدخل فيه كامل ، ومرة أخرى طيش الخبز فيه وحب ياكلو."
للعلم هذا الطفل ما هوش توحدي او تخلف اومشاكس ولا قاصد.
هو طفل في مرحلة الاكتساب
يتعلم بالتقليد المباشر، وما عندوش القدرة يفرّق بين الصح والغلط، الخطر والآمن
---
💡 لماذا هذا يحدث
لأن فيديوهات الذكاء الاصطناعي اليوم
تبين الحيوانات كأنها تتصرف كبشر
تبين أطفال يديروا أشياء خطيرة بطريقة مضحكة
تخلي السلوكيات غير الواقعية تظهر عادية
تستهدف الطفل بصور وألوان وصوت يجذب انتباهه
والطفل الصغير يخزن كل هذا كسلوك قابل للتقليد
---
⚠️ لهذا السبب نقول ونعاود ونكرّر: ممنوع الشاشات على الأطفال، وخاصة هذه الفيديوهات
في سن 0–6 سنوات
🧠 الدماغ ما يميّزش الخيال من الواقع
🧠 الإدراك مازال ما تطورش باش يفهم العواقب
🧠 الطفل يتعلم أساسًا بالتقليد، وهذا أخطر نقطة
والسلوكيات لي يشوفها في reels مايش لعب
هي أوامر يتلقاها الدماغ ويقلدها مباشرة.
---
✔️ سلوك الطفل اليوم كان نتيجة مباشرة للفيديوهات
ومش أول حالة… ولن تكون الأخيرة
إذا تحبوا ولادكم يتعلمو، يلعبو، يتطوروا، ويتجنبو الأخطاء الخطير
ابعدوهم عن الشاشات، وخاصة فيديوهات الذكاء الاصطناعي

Cabinet d'orthophonie Guettaf

12/11/2025

10/11/2025

تعلن عيادة قطاف للتكفل والتأهيل الارطفوني عن اتفاقية تعاون علمي وتكويني
بفضل الله
، يشرفنا إعلامكم بأنه تم عقد اتفاقية تعاون مهني وتكويني بين
عيادة Guettaf للتأهيل الأرطوفوني
Seghier Abdelillah Ortho-Kiné
مختص أرطوفوني
، صاحب خبرة ميدانية تفوق 15 سنة في المجال
معتمد
من جامعة وهران تخصص الارطفونيا
جامعة مونبلييه فرنسا كلية الطب _ارطفونيا
مستشفى لوكسمبورغ الدولي .....................الهدف من هذا..............
تطوير وتبادل الخبرات المهنية، وتقديم تكوينات عالية المستوى لفائدة
الطلبة في مرحلة التكوين الجامعي في تخصص الأرطوفونيا
المختصين الارطفونيين في الميدان
لذا ندعوكم كمختصين وطلبة مشاركتنا واقتراح المواضيع والاضطرابات التي تهمكم في التعليقات
شاركو المنشور لتعم الفائدة 😊

08/11/2025

صباح الخير
حصص اليوم ملغاة لظرف صحي
دعواتكم لنا

06/11/2025

04/11/2025

كامل راكم شفتو الفترة الأخيرة انتشار ريلز وقصص كرتونية تاع قطط وشكلها بريء… لكن المحتوى تاعها عنيف غريب ومش طبيعي أصلاً
ريلز فيها شخصيات كرتونية تتق.....اتل تنجرح تتعذ...ب وتعبيرات مش مفهومة
الطفل يشوفها وهما ضاحكين لكن الداخل راه يدخّل فكرة العن...ف عادي
والطفل أصلاً
فضولي
يتأثر بسرعة
وينجذب لأي حاجة ملوّنة ومتحركة
يعني من الآخر
المحتوى هذا يضرب في الجهاز العصبي والتخيّل عند الطفل
وفي خلال أسابيع فقط
التركيز ينقص
السلوك يتغير
النوم يتلخبط
العصبية تزيد
والطفل يبدأ ينفصل عن الواقع
وحتى لو دير 100 فلتر وكونترول للأسف هذي الفيديوهات مدرجة في فئة محتوى أطفال
يعني تخرج له وحدها بلا ما يبحث عليها
من فضلكم
متخليوش اليوتيوب ولا الريلز يربّي أولادكم
متسهلوش وتقولوا نخليه يشوف باش نرتاح شوية
الراحة تاع 10 دقايق، قدامها أشهر تاع تعب في تعديل سلوكاته
Cabinet d'orthophonie Guettaf

#لا يأخذ المنشور دون اذن صاحبه

02/11/2025

26/10/2025

هل لاحظتِ أن طفلك ينطق بعض الحروف صحّ وحدها، لكن يغلط فيها داخل الكلمات؟
مثلاً يقول "س" صحّ لما تطلبين منه ينطقها داخل كلمات لكن يقولها "ث"
🤔 السبب مش أنه ما يعرفش، بالعكس
لكن عقل الطفل تعوّد على النطق الغلط، وسجّله كأنه هو الصحيح
نسمي هذا الشيء بـ العـادة اللغـويـة 🧠💬
يعني حتى لو تعلّم المخرج النطقي الصحيح، تلقايه يرجع للنطق القديم خصوصًا لما يكون مش مركز أو متحمّس في الكلام
الحل بسيط لكن يحتاج صبر
أولا عليك الذهاب عند الارطفوني لانو هنا المشكلة راهي في الادراك والذاكرة السمعية
ثانيا كل مرة يغلط، صححيه بلطف وخلّيه يعاود الكلمة فورًا
ثالثا كرري معاه التصحيح في مواقف مختلفة
أخيرا خليه يسمع كلمات صحيحة بزاف وبروية(منك، من القصص، من الفيديوهات التربوية...)

لأن عقل الطفل يسجل كل شيء، فخليه يسجل النطق الصحيح مكان الغلط

#قطاف

#ماتنسخش المنشور وتنحي اسم صاحبه 🙂