03/12/2025
بالنسبة للتسجيل في ال adf راح نجاوب هنا باه يستفيد الجميع ، لانه كاين لي يقلكم نجيباكم دعوة رسمية بدراهم من أجل فيزا وانت تقدر ديرها وحدك .
أولا : بالنسبة لل ADF كل سنة والتسجيل يفتح باكرا يعني شهور قبل ، لهذا يجب التسجيل باكرا من أجل طلب الفيزا .
طريقة التسجيل سهلة تدخلو موفع adf في google ، جيكم الصفحة رئيسية كاين هنا فرعين كاين لي يحب يسجل للمحاضرات وهذه بالدراهم وقد ما يكون تسجل مع الأوائل كاين تخفيض وقد ما يقرب المعرض يزيد السعر ، وكاين المعرض باطل فقط دهل معلوماتك الشخصية ويجيك بادج دخول .
بالنسبة للفيزا لازم حجز موعد فيزا عمل ماشي touristique باه تكون مصداقية أكثر خاصة لي راح يدفع أول مرة ، حجز موعد مع capago اولاين ، لازم يكون عندك حاجة تبين بلي انت طبيب اسنان ولا طبيب وغيرها. Carte professional مثلا agreement بالنسبة للناس لعندهم عيادة ، حساب بنكي اورو ودينار يكون فيه دراهم وc 20 يكون طالع شوي ، بالنسبة les salariés تسحقو fiche de paie . المهم ملف الفيزا للطلبة تقدرو ديرو والديكم يتكفلو بيكم يمدولكم fiche de paie تاعهم . المهم والأهم تقدرو ديرو ملش وحدكم متسحقوش تخلصو خمس ملاين على حاجة باطل 😃 اذا فايضين عليكم دراهم اعطيوهملي ليا نديرلكم 😌 😂😂
دمتم في رعاية الله وحفظه الله يوفق الجميع
