BHW Essence : Beauty , Health & Well-being

BHW Essence : Beauty , Health & Well-being Atelier artisanal de production des huiles Végèales 100% Naturelle, Pression à Froid

مساء الخيرات نهاية الأسبوع… وقت نهتمو برواحنا شوية ❤️الويكاند هو الفرصة لي نبطّؤو فيها الريتم ونعودو نسمعو لجسمنا وبشرتن...
04/12/2025

مساء الخيرات
نهاية الأسبوع… وقت نهتمو برواحنا شوية ❤️
الويكاند هو الفرصة لي نبطّؤو فيها الريتم ونعودو نسمعو لجسمنا وبشرتنا.
وأبسط حاجة تقدري تديريها هي جلسة صغيرة مع نفسك و مع جسمك تشوفي شعرك ، بشرتك كيفاش راهي ، الهالات السوداء ، ظفارك كيفاش راهم من الطبخ و مواد التنظيف ، يديك كيفاش راهم مع هذا البرد، رجليك أكيد راهم متشققين، شفايفك أيضا محتاجة عناية .
مالا أرواحي نعطيك روتين بسيط يقدر يخلصك من كل المشاكل لي قتلك عليها لفوق ، جيبي مجموعة الزيوت لي شريتيها علي و مازلتي ما ستعملتيهاش، و اذا مازال ماشريتيش واش راكي تستناي 😁
أول حاجة سخني ماء وديري معاه ملح و بيكربونات و يا سلام لو عندك زيوت أساسية زيدي ديريها و حطي فيها رجليك يتنقعوا
في نفس الوقت حطي أمامك
ماء الورد ، زيت جوز الهند، زيت اللوز الحلو ، زيت بذور التين الشوكي دك نقولك واش ديري بيهم
أولا أمسحي وجهك بماء الورد مليح مليح أمسحي و عاودي و خليه رطب بعدها في قطن مبلل حطي شوي زيت جوز الهند و أمسحي وجهك مليح بحركات دائرية(واحكيلي كيفاش يرجع لون القطنة🤭)
هاذ الطريقة البسيطة راكي درتي التنظيف المزدوج double cleansing لي ينظف وجهك من الشوائب
بعدها زيدي امسحي بماء الورد باش تنحي زيت جوز الهند ، و رطبي وجهك بأي زيت مناسب تحبي زيت السمسم ، لوز حلو ، نواة المشمش لي عندك و يكون مناسب لنوع بشرتك
زيدي ديري قطرات من زيت بذور التين الشوكي على الهالات السوداء و طبطبي عليهم بشوي
و زيدي حطي شوي زيت جوز الهند في الشفايف لترطيب و ازالة التشققات .
نروحو دك للشعر جيبي المشط تاعك من الأفضل يكون خشبي ديري شوي زيت جوز الهند و سرحي شعرك من الأعلى للأسفل عدة مرات تحركي الدورة الدموية و ترطبي شعرك و تغذيه
خلال هاذ الوقت يكونو رجليك تنقعوا جيبي الأداة لي تنحي التشققات و لا الحجرة العادية حكي مليح رجليك نحي الجلد الميت ، بعدها نشفيهم مليح و ديريلهم زيت جوز الهند و غلفيهم بسيلوفان ترقدي و تنوضي تلقايهم كيما تاع البيبي 🥰
يبقاو يديك و ظفارك نص حبة قارص تفي بالغرض، حكي مليح بيها ظفارك راح ترجعهم يلمعو و تنحليهم أي كحولة و بعد ما تنشفيهم دهنيهم بزيت اللوز الحلو لي يقوي الأظافر و يحافظ عليها، رطبي يديم بزيت جوز الهند.
جلسة صغيرة و مواد بسيطة من قلب الطبيعة تقدر تغيّر مزاجك كامل و تخليك بشرتك و شعرك في أحسن حالة ❤️

تذكري… العناية ماشي دايما لازم تكون معقدة. أحيانا قطرة زيت تكفي ✨🌿
هدية تحفيزية من منتجاتي لكل واحدة دير روتين عناية كيما قلتلكم بمنتجاتي تبعثلي صورة و عندها الهدية
في انتظاركم غدا 🥰🥰❤️

بوكس العناية بالجسم ❤️مساء الخيرات على كل أنثى تهتم بنفسها و جمالها ، اليوم راح نعطيكم روتين بسيط لكنه فعال جدا و يخلصك ...
17/11/2025

بوكس العناية بالجسم ❤️
مساء الخيرات على كل أنثى تهتم بنفسها و جمالها ، اليوم راح نعطيكم روتين بسيط لكنه فعال جدا و يخلصك من أكبر المشاكل لي تعاني منها كل أنثى.
البوكس هذا فيه ثلاث منتجات لي يحتاجها جسمك
🌿نبداو بزيت السعد و هو أهم واحد في هذا البوكس لأنه راح يخلصك من مشكل الشعر الزائد و الخشن
زيت السعد المعصور على البارد يساعد على تخفيف الشعر و حتى كي ينوض يكون خفيف و ماشي خشين .
🌿المنتج الثاني هو مزيل العرق الطبيعي لي يخلصك من مشكل رائحة العرق الكريهة للأبد ، يجفف العرق و يخلي فيك عطر الورد و الليمون مع تبييض منطقة تحت الابط .
🌿المنتج الأخير زيت جوز الهند للتقشير و الترطيب ، تستعمليه كمقشر تزيدلو السكر أو القهوة و تقشري جسمك كامل من الخلايا الميتة
و تستعمليه أيضا كمرطب للجسم تاعك يخليه رطب و مرن ❤️

حقيقة هذا أكثر بوكس أنثوي ضروري يكون عند كل أنثى لأنك تستاهلي تكون دايما في أحسن حالاتك 🥰
سعر البوكس 3500دج فقط ❤️
التوصيل متوفر لكل الولايات

مساء الخيرات ❤️أخطاء شائعة عند استعمال الزيوت النباتية يجب الانتباه لها و تجنبها.
15/11/2025

مساء الخيرات ❤️
أخطاء شائعة عند استعمال الزيوت النباتية يجب الانتباه لها و تجنبها.

و أنا أجمل إحساس في الدنيا كي يوصلوكم منتجاتي و يعجبوكم و تلقاو نتائج مرضية و تزيدو تطلبوهم و ماتستغناوش عليهم 🥰🥰غايتي د...
15/11/2025

و أنا أجمل إحساس في الدنيا كي يوصلوكم منتجاتي و يعجبوكم و تلقاو نتائج مرضية و تزيدو تطلبوهم و ماتستغناوش عليهم 🥰🥰
غايتي دائما إرضائكم و أني نريحكم و نعطيلكم حلول لمشاكلكم على شكل منتجات طبيعية 100%
قولولي المنتجات لي راكم حابين تكون من الماركة تاعنا ، منها ندي أفكار و في نفس الوقت لي جيب إجابة صحيحة على المنتج لي راح يكون مستقبلا ان شاء الله عندها هدية ❤️ (لمحت من قبل في منشورات على المنتج لي حابة نديرو للمتابعين الأوفياء 😉)

مساء الخيرات ❤️ علبالكم الفرق بين واحدة بشرتها رطبة مافيهاش حبوب ، مافيهاش عيوب مشرقة نضرة ، و بين واحدة بشرتها باهتة غي...
14/11/2025

مساء الخيرات ❤️
علبالكم الفرق بين واحدة بشرتها رطبة مافيهاش حبوب ، مافيهاش عيوب مشرقة نضرة ، و بين واحدة بشرتها باهتة غير موحدة اللون ماتقدرش تخرج بدون ماكياج
هو المداومة على بعض التصرفات الصحية فقط حتى تصبح روتين، و ما أدراك ما الروتين يعمل المعجزات ببساطة ، فقط تصرفات بسيطة نداومو عليها ، والله ما كان سر كبير و لا منتجات باهضة الثمن ، كاين التصرفات الصحية داخليا و خارجيا نبداوها من الغذاء الصحي ، شرب الماء بكثرة ، الترطيب ، التنظيف الدوري يعني ماشي شرط يوميا ، التغذية الدورية أيضا ماشي شرط يوميا مرة في الأسبوع تكفي .
الرسول عليه الصلاة و السلام قال "خير الأعمال أدومها و إن قل "
دمتم_بخير ❤️

نهاركم طيب ❤️قبل ما نديرو أي روتين للبشرة و لا نستعملوا أي منتج لازم نعرفو بالضبط نوعية البشرة تاعنا ، لأنه نقدرو نغلطو ...
13/11/2025

نهاركم طيب ❤️
قبل ما نديرو أي روتين للبشرة و لا نستعملوا أي منتج لازم نعرفو بالضبط نوعية البشرة تاعنا ، لأنه نقدرو نغلطو في نوعية البشرة تاعنا على حسب الخصائص تاعها ، نعطيكم أمثلة باش تفهموا
مثلا واحدة تنوض الصباح تلقى البشرة تاعها مزيتة فيها طبقة واضحة من الزيت مباشرة راح تقول انا البشرة تاعي دهنية ، لكن في الحقيقة تقدر تكون جافة و سبب تشكل الطبقة الزيتية أنه المسامات عندها معمرة و بالتالي افراز المادة الدهنية راح يكون على السطح
مثال ثاني لواحدة البشرة تاعها تشقق بزاف راح تقول مباشرة بلي بشرتها جافة و هي تقدر تكون بشرتها عادية أو مختلطة و إنما التشققات هذيك من نقص الترطيب المائي ، لأنه الترطيب يجي من الماء و من المادة الدهنية
لذلك حبيبت نبهكم انكم تعرفوا نوعية البشرة تغعكم بالضبط باش تقدرو تخيروا المنتجات لي تخرج عليها
و سهلت عليكم درتلكم بوكسات خاصة بكل نوع بشرة و شعر فيها الزيوت لي تحتاجها بالضبط مع الصابون الطبيعي المناسب ليها من أجل التنظيف .
دمتم_جميلات ❤️

زيت نباتي و زيت أساسي ، علبالي تسمعوهم و بزاف منكم يديروهم نفس الشئ و لا ميعرفوش الفرق بيناتهم مع أن الفرق بينهم كبير و...
11/11/2025


زيت نباتي و زيت أساسي ، علبالي تسمعوهم و بزاف منكم يديروهم نفس الشئ و لا ميعرفوش الفرق بيناتهم مع أن الفرق بينهم كبير واستعمالاتهم كذلك.
أرواحوا ليوم مالا نشرحلكم الفرق بين زيت نباتي و زيت أساسي.

- الزيوت النباتية:
🍂 هي مواد دهنية تستخرج من الثمار أو البذور فقط 🥥🍊🥑
🍂يتم استخراجها عن طريق العصر على البارد
🍂تتميز بدرجة لزوجة عالية تختلف من نوع لآخر
🍂 تستخدم في الطبخ مثل زيت الزيتون، زيت عباد الشمس(زيت المائدة) وفي مستحضرات التجميل مثل زيت نواة المشمش، زيت اللوز، زيت الجوز، زيت التين الشوكي، زيت الخروع....
🍂 لا تحتوي على مواد فعالة كثيرة ، لا تتجاوز عشرة

الزيوت الأساسية :
🍂مستخلص مركز جدًا من أجزاء النبات (الزهور، الأوراق، القشور...)
🍂 سائل لزج غير دهني يطلق عليه مجازا فقط زيت لكنه لا يحتوي على أي مادة دهنية
🍂يتم استخلاصها عن طريق التقطير على البخار
🍂تحتوي على مواد فعالة كثيرة مكوناتها كثيرة تصل أحيانا إلى مئتين
🍂درجة لزوجتها منخفضة وكثافتها أقل من كثافة الماء. معروفة بخاصية التبخر ولذلك نقول عنها زيوت طيارة.
🍂تستعمل في كثير من المجالات نذكر منها: مــواد التجمــيل، مواد التنضيف، صناعةالأدوية، العلاج بالروائح Aromathérapie.

الزيوت الأساسية نستعملوها عادة بتخفيفها في زيت نباتي و منقدروش نستعملوها وحدها.
اذا راكم مهتمين بمعرفة تفاصيل زيت نباتي أو زيت أساسي معين خلولي في التعليقات و نديرلكم عليها منشورات مفصلة ❤️
دمتم_بخير 🥰

البشرة الجافة و البشرة العادية ، أكثر أنواع البشرة لي لازم تهتموا بيهم بزيادة في فصل الشتاء و برودة الجو بصفة عامة لأن ا...
09/11/2025

البشرة الجافة و البشرة العادية ، أكثر أنواع البشرة لي لازم تهتموا بيهم بزيادة في فصل الشتاء و برودة الجو بصفة عامة
لأن انخفاض درجة الحرارة راح يعرض البشرة للتشقق و الجفاف أكثر ما هي جافة ، و طبعا كي نقولو جفاف البشرة نقولو تجاعيد مبكرة بلا ما نحكيو على المظهر الغير مناسب و الاحساس الغير مريح
لذلك الترطيب ثم الترطيب للبشرة الجافة و العادية
نقترحلكم هذا البوكس لي فيه كل ماتحتاجي للقيام بروتين صحي للبشرة تاعك .
البوكس يحتوي على
🌿صابون الجزر المناسب للبشرة الجافة و ميخليهاش تفقد الرطوبة
و لي هو ضروري للتنظيف حتى نتجنب تشكل الرؤوس السوداء
🌿ماء الورد الدمشقي لي يعتبر كتونر ينشط البشرة و يفتح المسام و ينظفها قبل استعمال أي زيت عليها
🌿زيت السمسم و زيت اللوز الحلو زيوت مرطبة غنية بالأحماض الدهنية تعطي ليونة للبشرة و تغذيها جيدا ، نستعملوهم بالتناوب لترطيب البشرة يوميا
🌿زيت بذور التين الشوكي دوره الأساسي في الوقاية من التجاعيد يعطي مرونة للبشرة و يجدد الخلايا باستمرار كما أنه مرطب رائع

البوكس متوفر بسعر رائع بخمس منتجات 4000دج
لا تترددوا في الطلب مرحبا بكم ❤️❤️❤️
التوصيل متوفر لكل الولايات 🥰

زبائني الأعزاء في ولاية برج بوعريريج أعلمكم أنه أصبح لدينا نقطة بيع في محل في حي لاقراف بجانب المكتبة الحضارية مرحبا بك...
08/11/2025

زبائني الأعزاء في ولاية برج بوعريريج أعلمكم أنه أصبح لدينا نقطة بيع في محل
في حي لاقراف بجانب المكتبة الحضارية

مرحبا بكم ❤️❤️❤️

هل جربت من قبل المضمضة بزيت جوز الهند 🥥؟في الحقيقة كي نسمع بعادة جديدة و لا ترند يدور بزاف نحب نجربو قبل ما نهدر فيه رغم...
08/11/2025

هل جربت من قبل المضمضة بزيت جوز الهند 🥥؟
في الحقيقة كي نسمع بعادة جديدة و لا ترند يدور بزاف نحب نجربو قبل ما نهدر فيه رغم أنه ظاهريا تبان عادة مفيدة ، لكن بعد ما جربتها لمدة أسبوع فقط انبهرت من النتائج و نتائجها راح تكون أفيد و أكبر كل ما طولت المدة .
عادة المضمضة بزيت جوز الهند هي عادة قديمة من الطب الهندي "الأيورفيدا"، تساعد على تنظيف الفم بطريقة طبيعية ولطيفة
بما أن زيت جوز الهند غني بحمض اللوريك لي هو مضاد للبكتيريا و الفيروسات و بالتالي يقضي على البكتيريا المسببة لرائحة الكريهة للفم
🥥تساهم في تبييض الأسنان بلطف و ازالة الطبقة الصفراء
🥥تدعم صحة اللثة وتحارب الالتهابات.
🥥تترك الفم منتعشًا ونظيفًا و فيه ذوق لطيف ذوق جوز الهند
طريقة الاستعمال:
1️⃣ ملعقة كبيرة من زيت جوز الهند البكر.
2️⃣ مضمضي بها من 5 إلى 15 دقيقة.
3️⃣ تخلصي من الزيت، ثم نظّفي أسنانك كالمعتاد.

⚠️ ملاحظة:1- لا تبتلعي الزيت، ولا تتركيه في الحوض لأنه قد يتجمد، تخلصي منه في سلة المهملات .
2-هذه العادة لا تغني عن غسل الأسنان بالطريقة المعتادة

ابدئي صباحك بهذه العادة البسيطة و شوفي الفرق 🥰

نهاركم طيب ❤️نعرفكم بمشروعنا و ورشتنا بلاك راكم نسيتونا 🫣🥰 BHW...
08/11/2025

نهاركم طيب ❤️
نعرفكم بمشروعنا و ورشتنا بلاك راكم نسيتونا 🫣🥰
BHW Essence مشروع
هو مشروع يخدم الجمال و الصحة و الراحة النفسية و الجسدية B :Beauty , H:health W:Well-being
بكل ما هو طبيعي و من قلب الطبيعة و بالضبط الزيوت النباتية و الأساسية بالاعتماد على علم الأروماثيرابي Aromathèrapie
لأن الأروماثيرابي رحلة نحو التوازن والراحة
بمجرد استنشاق رائحة طبيعية يمكن أن يُعيد لجسمك وعقلك التوازن
الأروماثيرابي أو العلاج بالزيوت العطرية huiles essentielles فن استخدام الزيوت الأساسية لتحسين الحالة النفسية والجسدية
كل قطرة من الزيت العطري تحمل طاقة النبات ورائحته وخصائصه العلاجية
لهذا السبب، الأروماثيرابي ليست مجرد عطر… بل أسلوب حياة
و أنا حبيت في مشروعي نوفرلكم هذه الزيوت و في نفس الوقت نخليكم تتعرفو على هذا العلم الواسع و تستفادو من خيرات الطبيعة لي رزقنا ربي بيها
مشروعنا مازال في بدايته في هذه المرحلة رانا نقومو بانتاج الزيوت النباتية المعصورة على البارد بنوعية جيدة صافية طبيعية 100% بدون اضافات، و عندنا بعض التركيبات باستعمال الزيوت الأساسية
مثل تركيبة انبات الشعر، و تركيبة مزيل العرق و مضاد القمل...
و الكثير من المنتجات لي مازال ما شفتوهاش لي راهي في مرحلة التجريب و ان شاء الله تشوف النور قريبا .
المشروع فكرة و رسالة قبل أن يكون مشروع تجاري و أنا هدفي ببساطة حابتكم تدخلوا هذا العالم الجميل عالم الزيوت الأساسية و الأروماثيرابي .
اذا عجبتكم فكرة المشروع أنشروا الصفحة و ادعيوا أصدقائكم لي مهتمين بهاذ المجال ، لأنه دعمكم يعني التحفيز و الاستمرارية ❤️

نهاركم طيب ❤️"مَنْ عَمِلَ صَالِحًا مِّن ذَكَرٍ أَوْ أُنثَىٰ وَهُوَ مُؤْمِنٌ فَلَنُحْيِيَنَّهُ حَيَاةً طَيِّبَةً ۖ وَلَنَ...
03/11/2025

نهاركم طيب ❤️
"مَنْ عَمِلَ صَالِحًا مِّن ذَكَرٍ أَوْ أُنثَىٰ وَهُوَ مُؤْمِنٌ فَلَنُحْيِيَنَّهُ حَيَاةً طَيِّبَةً ۖ وَلَنَجْزِيَنَّهُمْ أَجْرَهُم بِأَحْسَنِ مَا كَانُوا يَعْمَلُونَ "
صدق الله العظيم

Adresse

Bordj Bou Arréridj
Bordj Bou Arreridj

Site Web

Notifications

Soyez le premier à savoir et laissez-nous vous envoyer un courriel lorsque BHW Essence : Beauty , Health & Well-being publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.

Contacter La Pratique

Envoyer un message à BHW Essence : Beauty , Health & Well-being:

Raccourcis

Partager

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram