10/09/2025
بعيدا عن الدولة و البلدية و الولاية و المير و الوالي و المسؤولين گاين أمور في يد الشعب يعني هو لي يتحمل المسؤولية كاملة تاعها النظافة مثلا يعني المسؤول ليس مسؤول عنك كي تشرب القهوة و ترمي الڨوبلي برا هو مسؤول عن الڨوبلي كي تحطو في مكان القمامة و البلدية ما تهزش القمامة المسؤول غير مسؤول عن تربيتك كي تدخل المرحاض اكرمكم الله و ما تصبش الماء من وراك هاذي ترجع للتربية الشخصية المسؤول غير مسؤول عنك كي تڨعد برا مڨابل ديار الناس و تكحل و تسب و طيح و تظلم و تبيع المهلوسات هو مسؤول عن توفير الأمن و الأمان انت ك مواطن شريف و تخاف ربي ما تزرطيش قبل الوقت من الخدمة انت ك مواطن تخاف ربي ما تسرقش انت ك مواطن شريف تخدم خدمتك ك موظف بما يرضي الله ما ديرش البيروقراطية و تدي الرشاوي و من بعد تجي الفايسبوك تعلق و تكتب كليتو لبلاد يا سراقين الشعب جزء من الفساد لي رانا عايشين فيه و المسؤولين الفاسدين هم عصارة هذا الشعب لانهم من الشعب المير الوزير الوالي و المسؤولين لكبار في الدولة كلهم من عندنا،، في بيوت الله نلقاو الشمة تحت سجادات الصلاة و مراحيض المساجد تتعاف و تحت ديارنا لخماج تاعنا حنا لي نرميوه من البالكوات كيفاش تحب تحاسب مسؤول فاسد و انت فاسد؟
