Abderazak Ouali

28/11/2025

الهمّ كي يكثّر على الواحد يثقلو، يخلّيه ما يقدرش يتحرّك، شغل مربوط فاللرض... تسقسي علاه ما يرميش هذوك الحوايج لي تعبّو باش يرتاح ويتنفّس؟

فالصح باش الواحد يبعد على حاجة توجّعو ولا تنقّص من قيمتو… ماهيش حاجة ساهلة. ومنيش نحكي على المسؤوليات تاعو، هذوك لازم يتواجهو. راني على الحوايج لي تضرو و تستهلك فيه.

أول شي هي يقتنع بلي هذيك الحاجة ما ولاتش تناسبو. ويشدّ ديسيزيو باينة: “هذي الحاجة خلاص، ما تزيدش تكمل معايا”. .

وأي حاجة—أي حاجة بلا استثناء—تطيّحو ولا ما تهموش و يشوف روحو طايح بيها… لازم يبعد عليها بلا ما يرجع يشوف وراه.

16/11/2025

رجعتلكم بعد انقطاع بملخص لوش كنت نكتب
و بعدها رح نغيب، اقراو
1- راح تفهم باللي الناس ما يتعاطفوش مع تعبك، يحترمو غير النتيجة لي تلحق ليها.
حياتك صعيبة؟ اتعب وابكي وحدك وما تستنى حتى واحد يرحمك، خاطر الناس تشوف غير النتيجة، ولازم تخدم مهما كانت حالتك.

2- راح تستوعب باللي مش كل واحد يدخل حياتك رح يكمل معاك. كاين ناس تروح، كاين لي يبعد، وكاين لي يبدّل طريقو.
ماشي psk نتا ناقص… بصح هي طبيعة الناس، يتبدّلو… وحتى نتا تتبدّل.

3- راح تفهم باللي الحب ما يوكلش الخبز وما يكفيش.
لازم تلقى الاستقرار والأمان قبل كلشي، ولازم تبني روحك قبل ما تبني علاقة مع أي واحد.

4- راح تبدأ تحس بلي الوقت يجري… ورح تندم على كل لحظة ضيّعتها بكلمة “من بعد”.
شحال من فرصة راحت عليك psk ما كنتش واجد؟
وهذا كامل يحتاج منك حركة وسرعة ومبادرة.

5- راح تتأكد باللي الراحة خداعة… تريح اليوم وتندم غدوة.
الانضباط والالتزام يبانولك يعيوو، بصح النتيجة تقدر تقلب حياتك. (هذا ما يعنيش بلي ما ترتاحش قاع).

6- راح تولّي تميّز الناس ومعدنهم، وتولي فاهم تصرّفاتهم.
وتتعلم تعامل كل واحد على حساب بلاصتو في حياتك… كاين لي معاك خطش يحبك،
وكاين لي معاك غير على جال مصلحة.

7- صحتك راح تولّي أغلى من أي حاجة.
وتفهم باللي المال ماشي كلش، خاطر كي تمرض ولا تتحرق نفسياً… كلشي يسماط د.

8- النجاح ما هوش حلو ديما… مرات يجيّب معاه الوحدة.
بصّح إذا كاين ناس ما يشاركوش أحلامك وطموحاتك، خروجهم من حياتك رحمة.
كون واجد تكمل طريقك وحدك إذا تحتمت.

9- راح توصّل لقناعة باللي ما كاين حتى واحد يسحبك من القاع،
وما كاين حتى واحد يوريلك الطريق .
… لازم توقف على رجليك، تخدم عليه، وتشمّر على ذراعك.

ايا تهلاو

20/08/2025

15/08/2025

أينما تضعك الحياة ، أشرق
Wherever life places pour, shine