Cabinet de cardiologie Dr Mahdjoubi

06/11/2025

06/11/2025

⛔️⛔️مالازمش نتأخرو فعلاج #الإمساك عند الطفل وخصوصا الرضع

💯لعدة أسباب تعرفوها لاحقا

😌الامساك مشكل شائع بصح منعطوهش حقه فالعلاج
يترك الطفل لمدة طويلة و هو يعاني لأنو يبانلكم مشكل صغير .

🤔واش هي أسباب الإمساك ؟ :
↩️الإمساك يقدر يكون عضوي يعني كاين مشكل
ملموس ومرضي يمد الإمساك مثل :

♊️maladie d'hirschsprung
و هو خلل ف تكوين جزء من الأمعاء الغليظة
♊️ Hypothyroïdie نقص هرمون الغدة الدرقية
و Anomalie de la moelle épinière♊️ أمراض النخاع الشوكي
♊️Maladie coeliaque السيلياك

كل هذه الأمراض و غيرها هي 5 % من أسباب الإمساك عند الأطفال

↩️ أما السبب الأكثر شيوعا لي يسبب الإمساك عند 95 % من الأطفال و لي يتغاضى عنه الكثير
هو
la constipation fonctionnelle
او الإمساك الوظيفي اي مصران فنيان كيما يسميه البعض

هاذ المشكل يقدر يبان في 3 مراحل عمرية :
🎈 عند إدخال الاكل الصلب
🎈 عند بدأ تعليم الطفل النظافة الشخصية ونزع الحفاظ
🎈عند الدخول المدرسي ولا الروضة.

و هنا تبدا المعاناة
و يعتبر الطفل انو التبرز تجربة سيئة
لانو مؤلم و بالتالي يبدى يحكم الفضلات و مايروحش للمرحاض عند قدوم إشارات من جسمه بلي لازم يروح


و راح تبدا مرحلة المضاعفات التي تزيد الطين بلة و نذكر منها :

⬅️اول حاجة و اشهرها هي المصران الطويل و العريض و هذي راهي نتيجة عدم علاج الإمساك و ليست سببا له يعني قد ما يقعد إبنك بدون علاج قد ما المصران يطوال و يعراض و بالتالي وصول البراز إلى المخرج راح يطلب وقت أكثر وراح ييبس أكثر و يكبار أكثر و إخراجه يصعب أكثر

⬅️تشققات الشرج fissure a***e
و هي جد مؤلمة و بالتالي راح تخلي الطفل يرفض إخراج البراز
و ندخل في حلقة مفرغة cercle viscieux

⬅️انتفاخ الأوعية الدموية من كثرة الضغط
أو ما يعرف بالبواسير hémorroïdes

⬅️تدلي المستقيم prolabsus re**al
من كثرة الضغط أحيانا تتطلب جراحة

⬅️خروج البراز السائل المحيط بالبراز الصلب لا إراديا و تلطيخ الملابس الداخلية بشكل مستمر و رائحة كريهة للطفل incontinence fécale أو encopresie

⬅️الالتهابات البولية المتكررة
⬅️التبول اللاارادي
⬅️رائحة الفم الكريهة
⬅️الديدان المعوية
⬅️الام البطن المزمنة
⬅️فقدان الشهية و نقص النمو

كل هذي المشاكل الكبيرة راهي تبدأ من إمساك اهملناه
و قلنا خليه ربما مصرانو طويل ⛔️

👌العلاج موجود و الهدف اننا نرجعو المصران لحجمه الطبيعي و نخليوه ينحي التفنيين 🥱و يخدم بالسيف عليه 😡

اذا الطفل لي يعاني من الإمساك لازمو تشخيص خفيف لابعاد الأسباب العضوية اذا شكينا فيها و نبداو العلاج لي يعتمد على 2 حوايج :

الدواء
و النظام الغذائي والحياتي

😇و من بين الأشياء لي تعجبني في خدمتي كطبيبة أطفال
انو نشوف فرحة الطفل وراحتو
حتى كي يتخلص من الإمساك
و يولي المرحاض بالنسبة ليه صح مكان راحة و ليس مكان ألم و نزول دم و بكاء

نصيحة 😀
لي وليدها عندو إمساك ماتخليهش يطول معاه
قد ما يطول قد ما علاجو يطول و المضاعفات تزيد

🩺د-بلحاج إسمى #طبيبة #أخصائية في طب #الأطفال والرضع و #حديثي الولادة .

🏨 #المصلى عمارة باربار مقابل كلية الحقوق #المدية.

📞0554 24 72 73
📞0669 88 36 31

27/10/2025

🟣1-ياك قلنا #الحمى نقيسوها بالترمومتر في فتحة الشرج .. ماشي نمسو الصغير بيدينا .

🟢2-ياك قلنا قادر راس الصغير يكون سخون بصح درجة الحمى تع الجسم الحقيقية تكون عادية الترمومتر يأكدلك .

🔵3-ياك قلنا الحمى عمرنا منهبطوها بالخل هذي من أخطر الحلول .

🟨4-ياك قلنا منمدوش aspegic والاسبيرين ولا مضادات الالتهاب للحمى دايما نخمو فالباراسيتامول كأول حل .

⛔️5-ياك قلنا انقسو الحوايج للصغير قدما نقدرو او ما نغطوهش حتى وهو بالرجى باش تهبط الحمى .

🔴6-ياك قلنا الصغير قادر يدير لاكريز من الحمى لازم نهبطوها قبل ومنبعد نحوسو نتعرفو على سبب الحمى .

🔻7- ياك قلنا ايه لازم نهبطو الحمى باش الصغير مايديرش لاكريز بصح ماشي نجروا للمضادات الحيوية خاطر مراهيش هي اللي راح تهبطلو الحمى
ولا هي اللي تحبس لاكريز.


🔷 9-ياك قلنا الباراسيتامول هو البراسيتامول
حبيتي تمديه سيرو، ولا شميعة ،ولا أكياس،
ولا تمديه مرة بمرة هو نفسو
يعني لازم نباعدو المدة بيناتهم 6 سوايع وإلا تكون جرعة زاءدة .

🔺 10-ياك قلنا ردوا بالكم تحطوا الصغير داخل الماء بارد ولا مجمد لازم فاتر باش تحبطولو الحمى ..الفرق الكبير تع الحرارة خطير جدا عليه.

🔶-ياك قلنا
الأمومة هي أكثر فترة تمد فيها المرأة الحب والحنان وتقدم فيها تضحيات كثيرة دون إنتظار المقابل😌.

ياك قلنا اذا تعرفي وحدة راح تفيدها المعلومة ابعتيهالها 😊ودعيلنا دعوة خير🤲

🩺بلحاج إسمى #طبيبة أخصائية في #طب #الأطفال والرضع و #حديثي الولادة.
🏨 #المصلى عمارة باربار مقابل #كلية الحقوق #المدية
📞0554 24 72 73
📞0669 88 36 31

16/10/2025

صباحكم خير وبركة❤️❤️❤️

تنظيف الأنف بالسيروم( lavage nasal)
نديروه 💉 :
قبل النوم 🛌 باش يرقد مرتاح👌

عند الاستيقاظ 🌅 باش يبدأ نهارو بتنفس صافـي👌

وقبل الرضاعة أو الوجبات 🍼 باش يقدر يرضع👌 ويأكل مليح

وعلاش نديروه؟؟؟
لانو تنظيف أنف الطفل بانتظام يساعدو يتنفس مليح✅️ 😌

ويتهنّى من الانسداد خاصة في أيام الزكام ✅️

يحميه من اغلب الالتهابات الفيروسية ✅️

اذا ✅️كان عندو حساسية راهو من بين الأسلحة
.العلاجية

💧 الاستعمال المنتظم للمحلول الملحي (sérum
physiologique) آمن وفعال 👍

داوموا عليه راح تلاحظو الفرق 😊☺️

د-بلحاج إسمى #طبيبة #أخصائية في #طب #الأطفال و #الرضع و

المصلى عمارة باربار مقابل #كلية #الحقوق #المدية

☎️0554 24 72 73
☎️0669 88 36 31

16/10/2025

16/10/2025

اذا الطفل يشخر بفترات
و الشخير يتوقف بالعلاج الطبي …👈🏻ممكن جدًا
تكون حساسية أنف
(Rhinite allergique)…

إذا ماعلاجناهاش راح يبقى الشخير مزمن
ويهيئ لاضطراب نوم
فم مفتوح دائمًا
تشوه فكي مبكر
وتراجع في التركيز الدراسي

د-بلحاج إسمى #طبيبة #أخصائية في #طب👩‍⚕️ #الأطفال و #الرضع و

المصلى🏨 عمارة باربار مقابل #كلية #الحقوق #المدية

☎️0554 24 72 73
☎️0669 88 36 31

06/10/2025

انت أم👩 وحديثة عهد بالتربية ؟ 👈

ماديريش على هدرة الناس🧓🧑‍🦱👩‍🦱🧑‍🦰👱‍♀️ اللي دايرين بيك :

وحدة تقولك أنا وليدي سنن في الشهر 😬
ولخرا تقلك وليدي بدا يمشي في 4 اشهر و يجري🏃 في 9 أشهر
و
🤔الأخرى بنتها بدات تهدر في 6 أشهر.

و وحدة قاتلك انا نهار اللي مرضت في العيد الكبير اللي فات صدقيني بنتي الصغيرة في عمرها 5 سنين هي اللي غسلت الكرشة وعصبنتها 😏وحدها !

ومنبعد يدوروا ليك يقولولك وأنت ابنك واش بيه😂 مايهدرش!

😏وبنتك علاه محباتش..😁و وليدك علاه ماينتبهش......

غدوا من داك تروحي تجري عند طبيب الأطفال وانت قلبك يخبط في 180 خايفة يأكدلك بلي 🙃وليدك ماهوش نورمال

عيشي أمومتك🤱 وافرحي بولادك👨‍👩‍👧‍👦 وتبعي طبيب أطفالك
و خلاص.

🩺د-بلحاج إسمى🩺 #طبيبة #أخصائية في #طب #الأطفال و #الرضع و

المصلى عمارة باربار مقابل #كلية #الحقوق #المدية🏨

☎️0554 24 72 73
☎️0669 88 36 31

07/09/2025

عندك مزيود جديد👼 حاسة معندكش 🤱الحليب

وراكي حايرة اذا تبدايلو الحليب 🍼و ماعرفتيش اذا
حليبك راه 🤔يكفيه
:تبعي واش راح نقول

🔸رضيع حديث الولادة معدته بحجم حبة الكرز اليوم الاول وحبة الجوز اليوم الثالث وعليه متتسرعيش في اظافة❌️ الصناعي
او❌️ ماء وسكر
خوفا عليه من الجوع❌️
وانما✅️ نكتفي بارضاعه من الثدي
معدته راح تتكيف مع الكمية الموجودة فالثدي
و✅️تزيد الكمية وحجم المعدة كلما زادت عدد الرضعات.

🔸 و ماكان حتى ام عندها حليب من اليوم الاول❌️
بعد الولادة ✅️كل الامهات تبدأ بقطرات شفافة
ثم لبا قليل اصفر
ثم حليب ابيض مصفر
ثم حليب ابيض ناصع
عادة ابتداء من الاسبوع الاول ✅
️فكلما ارضعت اكثر كلما زادت الكمية المفرزة اكثر

✅️عملية الرضاعة تحتاج ست اسابيع من الارضاع
الحصري المتواصل ليلا ونهارا حتى تستقر جيدا،

فقط الثدي❌️ لا لهاية❌️ ولا صناعي و❌️لا تيزانة حتي يحفز الثدي جيدا ويصل قمة عطاءه بتطوير اكبر عدد من مستقبلات البرولاكتين علي اغشية الخلايا المنتجة الحليب وبالتالي ضمان ادرار الحليب

متتقلقيش👌 وتبداي حليب الاصطناعي بدون ما تتأكدي👌 وتناقشي الحالة مع طبيب أطفالك كل
صغير وحالته وكل ام ووضعيتها

معا للتحفيز على #الرضاعة #الطبيعية

#بلحاج 🩺إسمى
#طبيبة #أخصائية في #طب #الأطفال و #الرضع و
#المدية #المصلى عمارة باربار مقابل كلية الحقوق

☎️0554 24 72 73
☎️0669 88 36 31

23/08/2025

العيادة مغلقة إبتداءً من يوم غد الأحد 24/08
والعودة للعمل يوم السبت المقبل بإذن الله 31/08/2025

25/09/2024