عيادة الدكتورة دباب ليلى طب الأطفال وحديثي الولادة

24/11/2025

08/11/2025

26/06/2025

✅ السبب الثالث : الضغط النفسي والتوتر في سن مبكر

الجيل الجديد يعيش في محيط فيه مشاكل، صدمات، عنف، طلاق، و حتى محتوى غير مناسب فالميديا

✳️ وش يدير الضغط النفسي؟

يزيد إفراز هرمون القلق لي هو Cortisol (كورتيزول)

الكورتيزول يقلّل الميلاتونين > بالتالي : يزيد إفراز GnRH الحاجة لي تخلي البلوغ يتسرّع

🔬 النتيجة؟

الطفل ولا الطفلة يكبرو نفسيا وجسديا بكري، كرد فعل بيولوجي على المحيط الخطير

📚 نظرية Belsky تسمي هاد الشي "psychosocial acceleration" = الجسم يسرّع النمو باه يتكيّف مع التهديد

✅ السبب الرابع: مواد كيميائية تتصرف كيما الإستروجين

كاين مواد في حياتنا اليومية تدخل للجسم وتقلّد عمل الهرمونات نذكرو منها :

BPA
في البلاستيك (قراعي، الميكرووند...)

Parabène
في الشامبوهات والكريمات

Phtalates
في العطور، المكياج، وحتى بعض اللعب

✳️ وش تدير هاد المواد؟

تدخل للجسم عن طريق الجلد، الأكل، التنفس

تروح للخلايا وتربط مع مستقبلات الإستروجين (هرمون الأنوثة) > لأنو عندها نفس بنية الإستروجين

الجسم يظن بلي الإستروجين راه زاد

> بصح في الصح هديك الحاجة لي تسركل في الدم مهيش إستروجين حقيقي إنما غير مادة صناعية تشبه للإستروجين في الشكل

الجسم ما يفرقش بيناتهم لأنهم عندهم تقريباً نفس البنية

المخ كي توصلو هاد المعلومة (تع الإستروجين راه ⬆️)، يعتقد أنو الجسم راهو كبر و ولّى واجد باه يبدا مرحلة البلوغ وهنا يطلق الهرمونات اللي تحفّز المبايض ( تعاود نفس الدورة تع Hypothalamus تمد GnRH لي يحفز الغدة النخامية باه تفرز LH و FSH و تكمل كيف شرحنا الفوق خلاص )

تبدا التغييرات في الجسم: كيما نمو الثدي عند البنات، أو تغيّر الصوت عند الأولاد، حتى لو الطفل مازال صغير في السن

بمعنى بسيط: الجسم تخلّط عليه الأمر، ويفكر باللي راهو واجد لأنو الإستروجين زاد (إستروجين مزيف مش حقيقي)، رغم أنو هادي المواد جاية من خارج الجسم وماشي حقيقية (هو مش رح يفرق بيناتهم لأنهم عندهم نفس البنية)

وبهدا الشكل، البلوغ يتسرّع، والطفل يدخل لمرحلة حساسة قبل وقتها الطبيعي

📚 دراسة NHANES لقات أن البنات اللي عندهم تركيز عالي من BPA في البول (مادة تكون في القراعي البلاستيكية تع الما) يبلّغو أبكر من غيرهم

🪷

01/05/2025

نعلم زبائننا الكرام أن العيادة في خدمتكم يوم الفاتح ماي مرحبا بكم

23/02/2025