11/08/2025
معظم شعب تيعنا يحكمو وجاع في جنبو كي يجي يتنفس
وهذا الوجاع يحكمو فجاة
وش سبب تع هذي الوجيعة؟ وكفاش الحل تيعها؟
عندنا بين كل ضلع وضلع فالقفص الصدري، عضلات سموهم العضلات الوربية (muscles intercostaux).
هاذو يخدمو ليل و نهار مع التنفس، يوسعوا ويضيقوا القفص الصدري باش يدخل ويخرج لهوا.
كي تبقى قاعد بزاف، ولا تكون ، متوتر، ولا التنفس تاعك غير منتظم، العضلات هاذي تقدر تتشنج (spasme musculaire)... وهنا يجيك الوجع
وكل مرة تتنفس، يزيد الألم، خاطر الرية توسع وتجر معاها هاذوك العضلات.
وين يوجع؟
الجنب (يمين ولا يسار)
يقدر يوصل للظهر، وخصوصًا في منطقة تربط الضلوع بالفقرات
الألم يزيد كي تتنفس بعمق، تكح، ولا تحرك جسمك بزربة
علاش يخافو منو الناس ؟
خاطر يشبه بزاف لآلام القلب، الرئة، ولا حتى الصدرية لكن الفرق:
الألم تاع العضلات هاذي يكون موضعي ويزيد مع الحركة والتنفس
ما يكونش مصاحب بأعراض كيما السخانة، ضيق نفس شديد، ولا دقات قلب سريعة
وش تقدر تدير باش تنقص منو؟
جيب حاجة تشبه للبالون تع تنس مدورة لفها بكاش منشفة ولا وحطها بيدك وين بلاصة لوجاع وقربها شوي للعمود الفقري تعك وارقد باخا على سرير وابقا تنفس مليح شهيق وزفير بشويييي وحرك معاها رجليك يمين ويسار بشوية ونشاله يخف الالم
برطاجي لمعلوممة للعزاز عليك
#منقول
