Le Cabinet Ortho-Psy

23/02/2026

أخطاء نطيحو فيها بلا قصد في رمضان… ونأثرو بها على نفسية وكلام ولادنا:

1️⃣ نقلبو نظام النوم كامل:
يسهر حتى 1 ولا 2 صباحًا، ويقوم مع الصباح للمدرسة وهو مازال نعسان.
الطفل اللي ما يرقدش مليح، ما يركزش مليح، وما يتعلمش مليح.
النوم ضروري لتثبيت اللغة والذاكرة.

2️⃣ نكثرولو حلويات رمضان:
زلابية، قلب اللوز، (شامية)، بقلاوة، و مشروبات بعد الفطور.
السكر الزايد يزيد الحركة، ينقص التركيز، ويأثر على التحكم في السلوك.

3️⃣ نخليوه قدام الشاشة طول الليل:
“خليه يتفرج حتى نكملو.”
التلفاز ما يبنيش لغة.
اللغة تتطور بالحوار، مش بالمشاهدة.

4️⃣ نخلطو الروتين اليومي :
ماكانش وقت ثابت للنوم، للأكل...
الطفل يحتاج استقرار باش يحس بالأمان.
غياب الروتين يزيد القلق والعصبية.

5️⃣ نطلبو منو يتحمل فوق طاقتو:
نفرضو عليه الصيام كامل وهو صغير.
نطلبو منو صبر وسلوك راشد.
الطفل ماشي راشد صغير، عندو حدود نفسية وجسدية.

6️⃣ نقصرو في الحوار بحجة التعب:
نهدروا غير أوامر: “اسكت”، “روح”، “ما تزعجش”.
وين راح النقاش؟ وين راح الوقت العائلي؟
رمضان فرصة ذهبية للحديث وبناء اللغة.

7️⃣ نهملو الجانب التربوي نهار كامل ونركزو غير على الليل:
الدين ماشي غير صلاة التراويح.
هو سلوك، أخلاق، صبر، تنظيم.
الطفل يتعلم بالمثال، مش بالكلام فقط.

🟢 رمضان يقدر يكون شهر فوضى…
ويقدر يكون شهر تربية وتنظيم.

طفل مرتاح نفسيًا،
راقد مليح،
عندو روتين واضح،
وعندو حوار يومي مع والديه…

يتعلم أحسن،
يهدر أحسن،
ويكون أكثر توازن.

لحجز موعد معنا يرجى التواصل على الرقم : 0797459975

19/02/2026

🌙 رمضان شهر هدوء، دفء، ولمّة عائلية.

شهر تتبدّل فيه الأجواء،
وتقرب فيه القلوب لبعضها أكثر،
وتقرب فيه القلوب من ربي.

في هاد الأجواء الجميلة،
حتى اللحظات الصغيرة مع أولادنا يكون عندها معنى كبير:
كلمة طيبة،
سؤال بسيط،
ضحكة،
جلسة قصيرة نحكيو فيها مع بعض.

🧠 التواصل اليومي، ولو كان بسيط،
يساعد الطفل يحس بالأمان،
ويتطوّر في لغته وثقته بنفسه.

رمضان فرصة نهدّو فيها الوتيرة شوية،
ونربّيو أولادنا بالهَدرة الطيبة، بالقدوة، وبالرحمة،
كما يحبّها ربي.

ربي يجعله شهر خير وطمأنينة وقرب من الله على الجميع 🤍

17/02/2026

منذ متى تُقرِّر الموضة عن أطفالنا؟
ومنذ متى يقرِّر خوفنا من كلام الناس بدلًا عنا؟
الهاتف ليس لعبة.
إنه باب مفتوح على محتويات غير مناسبة، وإدمان، ومقارنات، وفراغ.
هذا الفيديو يلمس شعورًا يعيشه كثير من الآباء
لكنهم لا يجرؤون على قوله:
👉 قول “لا” صعب،
👉 لكن قول “نعم” دون تفكير أخطر
#اضطرابات #نطق

15/02/2026

أوقفوا الرسوم المتحركة الحديثة.

ليس كل محتوى مناسبًا لدماغ الطفل.
الرسوم المتحركة الجديدة غالبًا سريعة جدًا، صاخبة، ومفرطة في التحفيز.

➡ تضعف القدرة على التركيز.
➡ تقلل من مساحة الخيال.
➡ تطبع سلوكيات مثل الاندفاعية وعدم الاحترام وردود الفعل المبالغ فيها.
➡ تستبدل الحوار العائلي بالشاشة.

الطفل في مرحلة النمو يحتاج إلى:

✔ تفاعل حقيقي
✔ لغة غنية وحوار يومي
✔ لعب رمزي وخيال
✔ لحظات ملل بنّاءة
✔ قراءة وقصص

ما يشاهده طفلك اليوم يشكّل طريقته في التفكير والكلام والتصرف.

إيقاف بعض الرسوم اليوم

هو حماية لانتباهه، لغته، وتوازنه غدًا.

15/02/2026

15/02/2026

استخدام الهاتف في سنّ مبكرة يمكن أن يضر بنمو دماغ الطفل لأن الدماغ في هذه المرحلة يكون في طور التشكّل. التعرض المستمر للشاشات يقلل من التركيز، ويضعف الذاكرة، ويجعل الطفل يعتاد على المتعة السريعة بدل التفكير العميق والصبر. مع الوقت، يصبح الدماغ أقل قدرة على التعلّم الهادئ وحلّ المشكلات

يحدث ذلك لأن الهاتف يستبدل أنشطة أساسية لنمو الدماغ مثل اللعب الحر، القراءة، التفاعل الاجتماعي المباشر، وحتى الشعور بالملل الذي يحفّز الإبداع. الإشعارات والألعاب السريعة تُرهق الدماغ وتمنعه من بناء روابط عصبية صحية وطبيعية

سهولة الوصول إلى محفزات الدوبامين عبر الهاتف (مثل الفيديوهات القصيرة، الألعاب، والإشعارات) تجعل الدماغ يعتاد على المتعة السريعة دون جهد. هذا يضعف الدافع الداخلي للتعلّم والعمل، ويجعل الأنشطة الطبيعية مثل الدراسة أو القراءة تبدو “مملة” بالمقارنة

مع الوقت، يحتاج الطفل إلى تحفيز أقوى ليشعر بالمتعة، مما يزيد التشتت، العصبية، وصعوبة التحكم في السلوك والانتباه

لإدارة ضغط الأطفال ورغبتهم في امتلاك هاتف قبل سن 16، يجب على الأهل أن يكونوا واضحين وحازمين مع التعاطف

الشرح الهادئ لأسباب الرفض، ووضع قواعد ثابتة، وتقديم بدائل مثل الأنشطة الرياضية والهوايات يساعد الطفل على تقبّل القرار والشعور بالأمان، مع ساعة في اليوم من الهاتف فقط

أخيرًا، تذكّر: هؤلاء أطفالك وأنت من يملك زمام الأمور، وليس هم

لا تخضع لضغط المجتمع أو نظرة الآخرين، فمسؤوليتك الأساسية هي حماية مصلحة طفلك ومستقبله، لا إرضاء التصورات الاجتماعية المؤقتة

12/02/2026

أخطاء نطيحو فيها بلا قصد ونأثرو بها على كلام ولادنا:

1️⃣ نهدرو في بلاصتو:
الطفل لازم يحاول يهدر، حتى لو غلط. لما نهدروا عوضو ، نحبسوله تطور الكلام، ويولي يعجز عل الكلام.

2️⃣ نطلبو منو يهدر دايمن صحيح:
« قولها صح »، « عاود »، « اهدر »… الضغط يخليه يسكت أكثر، فالبدايات نتقبلو الخطأ عادي، لكن مع مرور الوقت نصحح الخطأ.

3️⃣ نرضاو بالإشارة ونفهموه بلا كلام:
كي يشير باليد وإحنا نعطيوه واش يحب، ما يكون حتى سبب باش يهدر.

4️⃣ نهدروا بسرعة:
الطفل يحتاج كلام بسيط، واضح، ومكرر وببطء.

5️⃣ نخلّيو الشاشة تهدر بلاصتو:
التلفاز والتلفون ما يعلموش الكلام… غير يسمع، ما يتفاعلش، وتمنع تطور الطفل.

6️⃣ نهدروا معاه غير وقت الحاجة:
اللغة تتبنى بالحديث اليومي، اللعب، والقصص، مش غير بالأوامر.

7️⃣ نستناو “حتى يكبر”:
الانتظار هو أكبر خطأ. كل ما كان التدخل بكري، النتيجة تكون أحسن.

🟢 إذا حسيتي بلي طفلك متأخر في الكلام،
ماشي ذنبك… لكن السكوت يطوّل المشكل.
الوعي أول خطوة للعلاج.

لحجز موعد معنا يرجى التواصل على الرقم: 0797459975

08/02/2026

🗣️ عند 3 سنوات … الكلام لازم يكون هكّا 👇

إذا ولدك عندو 3 سنوات، غالبًا لازم يكون قادر على: 👇

✔️ يهدر بجمل صغار (كلمتين–3 كلمات).
✔️ يقول اسمو ولا اسم ماما/بابا.
✔️ يطلب حاجة بالكلام، ماشي غير بالإشارة.
✔️ يفهم أوامر بسيطة: “جيب… حط… عطيني”.
✔️ يحكي شوية على واش راهو يدير.
✔️ الناس القريبين يفهمو كلامو (حتى لو ليس بالكامل).

🧠 مهم نفهمو أن:
كل طفل يختلف…
لكن الكلام عندو مراحل.
و3 سنين مرحلة مهمّة بزاف بزاف.

📌 إذا شكيتي، التقييم عند الأرطفونيست ما يضرش بالعكس ينفعك أنت وولدك، ويوجهك فالمراحل القادمة.

📌 التدخل المبكر يسهّل بزاف.

📌 لحجز موعد معنا حول أي شيء يرجى التواصل معنا فالرقم :

0797459975

👉 المنشور الجاي: أخطاء نطيحو فيها بلا قصد… ونأثرو بها على كلام ولادنا.

06/02/2026

كثير من الأولياء يخلطوا بين كثرة الحركة الطبيعية عند الأطفال والاضطرابات النمائية الحقيقية.

في هذه الصور، نوضّح الفرق بين السلوك الطبيعي في سن مبكرة والتشخيص الطبي الدقيق، مع توضيح تأثير الشاشات،

السكريات ونمط الحياة على تركيز الطفل.

📌 الفهم الصحيح يحمي الطفل من التشخيص الخاطئ.

📩 للاستفسار أو حجز موعد، راسلونا.



#اضطرابات #نطق #كلام #لغة #الجزائر #مستغانم

04/02/2026

🔹1- الطفل لي يتكلم غير بالإشارات وما يقولش حتى كلمة “ماما” بعد عامين، ماشي “كسول في الكلام” 😅، لازم تقييم عند أخصائي النطق.

🔸2- كي الأم تقول: “ما نحكيش معاه بزاف باش يتعلم وحدو” 🙈… لا! بالعكس، لازم يسمع كلمات كثيرة باش يتعلم ينطق.

🔹3- كي الطفل ما ينطقش بعض الأصوات (س، ش، ر…) بعد 5 سنوات، ماشي طبيعي نقولو “راح يتصلح وحدو”، لازم تقييم عند أخصائي النطق و جلسات بسيطة تنفع بزاف.

🔸4- كي تلاحظيه يبدل الحروف “ت” بـ “ك” أو “س” بـ “ش” 👅، ما تضحكيش عليه، راكي تزيدي تقلقيه من الكلام. ساعديه بلطف.

🔹5- الطفل لي ما يحبش يقرى أو يكتب مش دايماً “كسول” 😤… مرات يكون عندو صعوبات تعلم و يحتاج متابعة.

🔸6- كي يكون فمه محلول ديما، ويتنفس من فمه، لازم تشوفي طبيب أنف أذن حنجرة، خاطر هذا يأثر على النطق بزاف.

🔹7- الطفل لي يتكلم بزاف وما تخليهش يكمل كلامه 😅، مع الوقت راح يولي يتردد وجيه التأتأة.

🔸8- ماشي كل طفل “ينطق مليح” مع العائلة راح يكون نفسه مع الناس، الخجل الزايد يقدر يخبي مشكل تواصل.

🔹9- الطفل لي عنده تأتأة (بِكاء، تكرار، توقفات)، ما تقوليش “يخاف بزاف”، راه محتاج مساعدة مبكرة و تقييم عند أخصائي النطق، وممكن أيضا عند أخصائي نفساني.

🔸10- والطفل لي ما يحبش يتكلم، ماشي “ما يحبش الناس”، مرات فقط التواصل صعيب عليه، ساعدوه ما تفرضوش عليه 💛

لطلب إستشارة أو أي إستفسار يرجى التواصل على هذا الرقم :

0797459975.

“من القلب… باش نفهمو ولادنا أكثر ❤️”

02/02/2026

الخلاصة ما يُعرض هنا حقيقي ومقلق.
تراجع المهارات الحركية الدقيقة لدى الأطفال أصبح واقعًا ملموسًا.
ما الذي نلاحظه؟
صعوبة في مسك القلم، القص بالمقص، إغلاق السحاب، تقليب صفحات الكتاب.
حركات كانت بسيطة أصبحت تتطلب مجهودًا أكبر.
الاستعمال المفرط للشاشات لا يعوّض اللعب اليدوي الحقيقي.
لماذا هذا خطير؟
الحركية الدقيقة أساس الكتابة، الانتباه، والاستقلالية.
نقص التلاعب بالأدوات يؤدي إلى ضعف الدقة وسرعة التعب.
الطفل يحبط بسرعة ويتجنب المهام التي تتطلب تركيزًا وجهدًا.
نقطة مهمة يجب توضيحها التطبيقات والألعاب الرقمية قد تكون تعليمية،
لكنها لا تنمّي اليد:
لا مقاومة، لا تنسيق دقيق، لا إحساس حسي كافٍ. الدماغ لا يتطور بنفس الطريقة.
نظرة للمستقبل إذا استمر الوضع:
ارتفاع صعوبات الكتابة،
زيادة مشاكل الانتباه،
تدخلات علاجية متأخرة وأكثر تعقيدًا.
رسالة واضحة للأولياء
الطفل يحتاج إلى اللمس والتجربة قبل الشاشة.
العجين، الرمل، الأقلام، المقص، المكعبات: أساس وليست كماليات.
الشاشة لا يجب أن تكون بديلًا عن اللعب الحركي واليدوي.

02/02/2026

#اضطرابات #نطق #كلام #لغة #الجزائر #مستغانم