Quelles sont les heures d'ouverture ?

Lundi 08:30 - 16:00 19:00 - 22:00 Mardi 08:30 - 16:00 19:00 - 22:00 Mercredi 08:30 - 16:00 19:00 - 22:00 Jeudi 08:30 - 16:00 19:00 - 22:00 Vendredi 10:00 - 12:00 Samedi 08:30 - 16:00 19:00 - 22:00 Dimanche 08:30 - 16:00 19:00 - 22:00

Quel est le site Web ?

https://www.facebook.com/105499064807919/

طبيب الأطفال د. مزوار عبد الرحيم مستغانم dr. mezouar Pédiatre mostaganem

Page d'Accueil
Algérie
Mostaganem
طبيب الأطفال د. مزوار عبد الرحيم مستغانم dr. mezouar Pédiatre mostaganem

صفحة طبية نقدم فيها نصائح و توجيهات حول كل ما يخص صحة الطفل 👶👨‍👩‍👧‍👧
(4)

30/11/2025

صباح الخير 🙂

29/11/2025

🔹1-أنتِ تاني ولدك 👶 مخرجك من عقلك 🤯 بصح غي يرقد يأنبك ضميرك و تتوحشيه🥹.
🔸2-أنتِ تاني ولدك يخليك حتى تبدليله لاكوش و يعاود يهرهرها على النقاوة 🤭.
🔹3-أنتِ تاني رضيعك النهار كامل نورمال.. يجيه البكا😭 غي مين تكوني ميتة بالنعاس😴 و تحطي راسك ولا مين تكوني جيعانة و تحطي الفطور سيرتو يلا كان بنين😜.
🔸4-أنتِ تاني ولدك يدير كلش في فمه، مفاتيح🔑🗝️، تيليكوموند، تيليفون 📱، قرلو🪳.. غي الماكلة لي ماتدخلش😎.
🔹5-أنتِ تاني راكي تنوضي مرة مرة في الليل تشوفي مولودك الجديد إذا راه يتنفس ولا لا 👀.
🔸6-أنتِ تاني مين تحاولي تخويله انفه بالسيروم مايخرج والو و مين تديه للطبيب يجبد العجب😅.
🔹7-أنتِ تاني يكونو عندك بزاف الأسئلة في راسك و مين توصلي للطبيب تنساي كلش؟
🔸8-أنتِ تاني ولدك يكون فشلان مايرفدش راسه بالمرض🤒 غي توصلو عند الطبيب يفطن ويبدا يلعب تقولي كنت تكذبي😁.
🔹9-أنتِ تاني ولدك عنده كل خير في الدار بصح تديه معك ضياف عند الناس ويحطولكم الأكل يفضحك تقولي جامي شاف في حياته بنان🍌 أو تفاح🍎 أو ڨاطو🍰 😂.
🔸10- الطبيب إنسان عادي عنده مشاعر وهو تاني يحب يڨصر ويضحك و ممكن يغضب ويتكلم كيما الناس ، كاين لي حاسب الطبيب مين يزعف يقول تفو عليك ثلاث مرات في اليوم بعد الأكل لمدة أسبوع 🤦

كتبه

29/11/2025

مين نقولكم ماديروش الكحل و الحنتيت والخالوطة هذيك للأطفال تحسبو راني نلعب و نضحك شوفو واش نشرت مصلحة طب السموم بالمستشفى الجامعي باب الواد بالعاصمة
أول تعليق (بالفرنسية والعربية)👇

29/11/2025

تنبيه خارج الموضوع
كاين امرأة أظنها مريضة نفسيا عندها عدة حسابات مزيفة راها تراسل المتابعين وأي شخص تشعر أنه يعرفني للحصول
على معلومات شخصية تخصني وعائلتي فيرجى الحذر

28/11/2025

يتابعونا بزاف حوامل 🫄🫄 وراهم حايرين في اختيار الإسم شاركونا أسماء أطفالكم يشوفو جمال الأسماء ❤️ نبدا أنا : سلمى ،وسيلة،أسامة و يوسف

28/11/2025

لي ولدها ضعيف الشهية ومايركزش مليح ودايما تعبان جربوها وردولي الخبر👇
100g زبيب
100g ڨرڨاع(جوز)
100g لوز
75g كاجو
75g بندق
75g بستاش
75g زريعة نوار الشمس
75g جلجلان
75g مشمش مجفف
كلش محمص و نزيدو العسل

راني دخلتكم للصالة مرحبا بيكم جوزو 😅

28/11/2025

صباح الخير
الدنيا ماتستاهلش أنك تصبح زعفان وفاقد الأمل، صح أحيانا تعطيك ضربات موجعة لكن في طياتها الفرج و الفرح، عندما ترتكب خطأ ستتعلم و العلم مليح لذلك زيد ارتكب الأخطاء باش تتعلم أكثر وأكثر 😅 المهم والأهم لا تبتعد عن دينك و تهلا في عائلتك و المخلوقة لي عندك 👰 ودير مجهودك في تربية أولادك وخطيك من التربية الحديثة و الكلام الفارغ هذاك، اعطيهم كل الحب لي يحتاجوه و في نفس الوقت لازم الصرامة و الاحترام نظرة ثم كلمة ثم طريحة تبرد الڨلب👊
هذي رسالة تفاؤل بانتلي صباح لله وراني نشوف في روحي وليت تاني دكتور في الحياة ياو 😎😂
جاتني لحظة إدراك أن عندي أفضل متابعين على الإطلاق ربي يحفظكم و يخليكم ليا ، من كثرة محبتي لكم لو تقولولي ارمي روحك من الريدشوسي (الطابق الأرضي) نرمي روحي 🔥🙃

كتبه

27/11/2025

🔹1- دايما خلي تريكو أو شي من ملابسك عند رأس الرضيع يشم رائحتك يطمئن و يرتاح .
🔸2-التلقيح لا يسبب اضطراب طيف التوحد.
🔹3-حذار من التسممات و النزلات المعوية هذا الأيام اجتنبو المبالغة في الفواكه الموسمية (يعني كول بالطبع) واغسل وعاود قبل الإستهلاك.
🔸4-التيرمومتر استعملو النوع التقليدي المتعارف عليه و الأفضل يكون مرن في حافته لكي لا يؤذي الرضيع في فتحة الشرج.
🔹5-بعض مشاكل الرضاعة الصناعية يكون سببها النوعية الرديئة للبيبرون أو الفتح الزائد لثقب الحلمة.
🔸6-حتى شميعات دوليبران ومانتقلقوش نديروها إذا كان ارتفاع خفيف في درجة الحرارة و الطفل يلعب و مستحمل فما بالك بالمضادات الحيوية وغيرها من الأدوية.
🔹7-الاكزيما المستمرة وطفح الحفاظ لي ما يبغيش يرتاح منه الرضيع يخلينا نشكو في حساسية بروتين حليب البقر.
🔸8-لا مانع أن ياكل الطفل بيضة🥚 يوميا.
🔹9-الطفل لي يعاني من اضطراب "الديسغرافيا" (إعاقات الكتابة اليدوية) لازم يبدا يتعلم الكتابة بالكمبيوتر كبديل في وقت مبكر.
🔸10- كل واحد فينا عنده حلم في هذا الوقت، كاين لي حلمها ترقد زوج سوايع متواصلة 😴،كاين لي حلمها وليدها ياكل و يكمل الطبسي 🤦 كاين لي تتمنى تجرجر عجوزتها من الشعر❤️ 😂 وحلمي أنا هذه الصفحة تلحق مليون متابع 😍 بصح على حساب الشوفة الحالة مطولة

كتبه #مزوارعبدالرحيم

27/11/2025

❌1- شوف ولد جارتنا فتحيّة كي شباب و عاقل وأنت مافيك حتى حاجة تعجب..
❌2-ها راه ولد عمك بوعلام قدك في العمر قافز مع روحه ما كانش لي يحڨره مش كيما أنت ...
❌3-واش بيك ديما مسخ شوف صحابك في المدرسة لباسهم نظيف خير منك..
❌4- خوك أصغر منك و يعرف يهدر مع الناس و أنت لا....
❌5-أنت باغي تولي طبيب هههه بهذا الغباء لي راه عندك ماشكيتش...

بمثل هذه العبارات راكم تحطمو في ولادكم بأيديكم .

كتبه

25/11/2025

يا من ترزق عبدك من حيث لا يحتسب ارزقنا حجّة إلى
بيتك الحرام هذا العام😭🕋

25/11/2025

🔹1-باش ما يضركمش اللحم لازم تمضغوه أكثر من 20 مرة قبل ما تبلعوه ، يقول واحد جربتها وبعدها حطيت يدي في الطبسي نلقاهم يسربو في لاتاي 🫖🫖💔🤣.
🔸2-الكحة مع الفيروسات لي كاينة هذي الأيام ممكن تطول حتى شهر المهم ما تاثرش على الرضيع في النوم و الأكل وبدون ضيق تنفس.
🔹3-خذها من عندي رسمي، ماضيعش دراهمك ماكان حتى سيرو أو خلطة تزيد في طول الطفل.
🔸4-الرضيع إذا كان يبكي بطريقة هستيرية و غير اعتيادية قد تكون في بعض الحالات الحمد لله قليلة تعبير عن الصرع يعني لاكريز.
🔹5- إذا شفت عين الرضيع غي تعمش منذ للولادة ولعدة أشهر معناها عنده انسداد في القناة الدمعية لازمه مساج يومي يفهملك الطببب وإذا ماتحسنش يعالجه طبيب العيون هو يفتح الانسداد.
🔸6- ماكانش حاجة سموها زاد مطهر طهروه الملايكة اديه فوت عليه لازم بني آدم يديروله عملية 😅
🔹7-دايما نقول ونعاود إذا الطفل بلع شيء معين ما دخلش اصبعك في فمه باش تخرجه و إذا شرب جافيل أو مادة خطرة ما تحاولش تقييه أو تشربه الحليب أو أي شيء آخر لانه تجي تكحلها تعميها ..اديه للمستشفى.
🔸8- القيء المفاجئ و الآلام في البطن و الدوخة عند الطفل لي مايرتاحش بالعلاج المعتاد دايما لازم نشك في مرض السكري و ارتفاع النسبة في الدم.
🔹9-الرضيع ماقعدش..فيتامين د، ماوقفش بكري..فيتامين د، مامشاش..فيتامين د، خرجت غي سنة وحدة..فيتامين د، ماله مشنف اليوم....فيتامين د 🙃 هذي تصرفات خطيرة أرجوك ماتفتيش من راسك دايما شاور طبيبك قبل ما تمد أي دواء لطفلك.
🔸10-سأقوم بحملة فرز واسعة في الصفحة ..الجماعة لي راهم يتفرجو برك 👀و شادين بلاصة راه كمل العام غادي نطلعلكم في الكراء، طمنونا عليكم يا سيدي غي بكحة 👋

كتبه #مزوارعبدالرحيم

24/11/2025

🔹1-حمبوك إذا شكِّيت في ابنك قصير القامة لا تنتظر حتى 13 أو 14 سنة باش تفوت عليه عند الطبيب!
🔸2-حمبوك إذا ابنك الرضيع عنده قيء أخضر 🤮و عنده توقف في إخراج البراز و الغازات خذه مباشرة للمستشفى..
🔹3- حمبوك إذا قالك الطبيب ما تحبسش لابنك الدواء الفلاني لمدة شهر أو شهرين اسمع لكلامه.
🔸4- حمبوك إذا ختنت ابنك و كان سمين شوية لازم تقوم بفسخ موضع الختان يوميا لكي لا يحتاج لجراحة أخرى..
🔹5- حمبوك إذا ابنك عنده حمى خفيفة🌡️ و يضحك و يلعب ماتتقلقش على المضادات الحيوية..
🔸6-حمبوك إذا ماتعرفش كيفية تقديم فيتامين د للرضيع ماتغامرش به و ديه لكاش طبيب يفهمك أو يشربهاله.
🔹7- حمبوك إذا ابنك عنده كسر في العظم 🦴أو جرح مفتوح أو أي إصابة ماديرلهش "دوا العرب" عند الجبار بدون استشارة طبيبك.
🔸8- حمبوك إذا سقطت اللهاية (السوسات) على الأرض ماديريهاش في فمك ثم تمديها للرضيع 😳👶..
🔹9-حمبوك راقبي ولدك ماتخليهش يدير لي جاست و تصرفات البنات...الرجولة خط أحمر وتبدا منذ الصغر.
🔸10- التالية راها باينة 😁 حمبوك دير جام و بارطاج 🤣❤️

ملاحظة : حمبوك معناها أرجوك أو بليز 😅

كتبه

Adresse

X465+43M
Mostaganem
27000

Heures d'ouverture

Lundi	08:30 - 16:00
	19:00 - 22:00
Mardi	08:30 - 16:00
	19:00 - 22:00
Mercredi	08:30 - 16:00
	19:00 - 22:00
Jeudi	08:30 - 16:00
	19:00 - 22:00
Vendredi	10:00 - 12:00
Samedi	08:30 - 16:00
	19:00 - 22:00
Dimanche	08:30 - 16:00
	19:00 - 22:00

Téléphone

+213697272128

Site Web

facebook.com

Notifications

Soyez le premier à savoir et laissez-nous vous envoyer un courriel lorsque طبيب الأطفال د. مزوار عبد الرحيم مستغانم dr. mezouar Pédiatre mostaganem publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.