أخصائية التغذية خلود - غليزان

01/11/2025

🇩🇿 تحيا الجزائر حرة أبية 🇩🇿
في مثل هذا اليوم من عام 1954، دوّى صوت الأحرار معلنًا انطلاق ثورة المجد والكرامة.
ثورة أول نوفمبر لم تكن مجرد رصاصة، بل كانت وعدًا بالحرية، وصرخة في وجه الاستعمار، ونقطة تحوّل في تاريخ أمة لا تُقهر.
فلنُحيِ الذكرى وفاءً لتضحيات الشهداء، ولنجعل من حب الوطن رسالة نُجددها كل يوم.
المجد والخلود لشهدائنا الأبرار.

14/10/2025

🔶️ يشرفني ويُسعدني أن أكون جزءًا من هذا اليوم التحسيسي المميز الذي نظمته جمعية سند لمساعدة مرضى السرطان التي تترأسها السيدة خيرة عدة عبو بولاية غليزان. لقد كان حضوركم وتفاعلكم مصدر إلهام حقيقي، وجسّدتم بروحكم النبيلة معنى التضامن والأمل.

🔶️ أود أن أعبر عن خالص امتناني للجمعية على دعوتها الكريمة، وعلى جهودها المستمرة في دعم المرضى ومرافقتهم في رحلتهم العلاجية بكل حب وإنسانية. مشاركتي اليوم كانت فرصة ثمينة للتواصل، للتوعية، ولزرع بذور الأمل في قلوبنا جميعًا.

🔶️ لكل من حضر، لكل من ساهم، ولكل من آمن برسالة سند: شكراً من القلب. أنتم النور الذي يضيء طريق التعافي، وأنتم السند الحقيقي في وجه التحديات.

🔶️ هذه المشاركة كانت السنة الماضية، للأسف هذه السنة لم أستطع المشاركة معهم.

13/10/2025

تعقلوا منتجات الحليب تاع مجمع جيبلي لي كانو حاضرين في معرض Alimentario لي كان خاص بالأغذية و الزراعة و درتلكم عليهم ستوري، عقلتوا ولا والو 🙄، المهم زميلي مختص التغذية إسلام صاحب صفحة بيت التغذية House Of Nutrition - بيت التغذية قام بمبادرة جد قيمة ولي هيا زيارة ملبنة عريب ملبنة عريب Groupe Lait Giplait Arib ،التابعة لمجمع جيبلي شوفو الفيديو مليح و متبخلوش علينا بجام و كومونتار و إذا عجبتكم المبادرة راح يزور عدة مصانع أخرى و نديرولكم فقرة تحت مسمى " كيف صنعت أو أنتجت

10/10/2025

🔶️ الكمية لكل 100غ من البطاطا المقلية مقابل البطاطا على المقلاة الهوائية أو في الفرن 🍟

🔶️ شفتو كيفاش نقدرو نقصوا سعرات حرارية ماعندها حتى فايدة لوكان نزيدوها و في نفس الوقت نتهلاو في صحتنا 😉

🔶️ شكون لي يستعمل المقلاة الهوائية ؟ قولولي في التعليقات 💬 👇

#تغذية #حياةصحية #الجزائر

10/10/2025

🔸️كي تزيد مصدر للبروتين أو الدهون الصحية للنشويات يديرلك فرق كبير بزاف ! يخلينا نحسوا بالشبع لفترة طويلة لأنه هكا غادي نتحكموا بمستوى السكر بالدم وعليه نتحكموا بالأنسولين، و هاذ الحاجة متخليناش نجوعوا بلخف . 👌✅️

🔸️ أسكو كنتوا تعرفوا هاذ المعلومة ؟ متنساوش دعموني بلايك إذا عجبكم البوست 😉
#التغذية #حياةصحية

10/10/2025

🔶️ كاين بزاف أغذية لي فيها السكر و حنا معلابالناش، بغيت نوريلكم بعض الأغذية لي فيها سكر و في معظم الأحيان منكونوش منتبهين .

🔶️ تفكروا دايما باش تقراو و تشوفو المعلومات الغذائية تاع المنتجات و الكميات و أنتبهوا لكمية السكر و خاصة السكر المضاف 👌

قولولي، تاكلو السكر بكميات كبيرة ؟ خبروني في التعليقات 💬

#التغذية #السكر #السكري

09/10/2025

#التغذية

08/10/2025

ديرو جام و شاركو المعلومة مع صحابكم 😉

08/10/2025

🔶️ هاذ السناك ( وجبة خفيفة ) نبغيها بزاف، علاه ! لأنها غنية بالبروتين و توجد في دقيقة 👌

🔶️ نحتاجو حمص مغلي + ياغورت يوناني و شوية ملح و كمون مظنيتش كاين وصفة ساهلة عليها و زيد فيها 17 غرام بروتين 💪

07/10/2025

🔶️ كاين أغذية بزاف رانا ناكلوها عندها أثر كبير على عقلنا و جسمنا .

🔶️ مثلا الأطعمة المصنعة مفيهاش دهون صحية و بروتينات و فيها كميات كبيرة من النشويات و السكر و هذا يخلينا نتعلقوا بيها و يولي عندنا إدمان عليها 💭 .

🔶️ الأفضل انه نركزو على الأغذية الكاملة لي مراهيش مصنعة، كيما التفاح مثلا ميجيش في باطة ( علبة ) هو عبارة عن تفاح بشكل طبيعي، مهوش مصنع 🍏

01/10/2025

🔶️ تعلموا تختارو صح ✅️ الحرمان عمره ماكان حل باش تنقصوا، الحل هو أنكم تبعوا نظام غذائي صحي و متوازن و يكون خاص بيكم و بالكميات لي تناسبكم كيما دايما نقولكم 🤌🤌

🔶️ قولو الصح، شكون لي موالف يحرم روحه و يقطع السكريات و الخبز ضربة وحدة و يتبع الريجيمات تاع الحرمان باش ينقص بلخف ؟ احكولي تجاربكم في التعليقات 💬 👇

24/09/2025