عيادة الدكتور ملال لأمراض النساء والتوليد و العقم

27/04/2026

26/04/2026

قال إن الماء البارد سيجمد طفلك؟ 😭😂
لنوقف هذا الخوف اليوم 👇
💧 المرأة الحامل يمكنها شرب الماء البارد.
الحقيقة: طفلك داخل سائل دافئ وليس جليدا
الماء البارد لا يلمس طفلك مباشرة
الماء البارد لن يسبب:
❌ نزلة برد
❌ أذى للرحم
❌ توقف حركة الجنين
❌ صعوبة في الولادة
بل يمكنه أن:
👈 يخفف حرارة الجسم
👈 يساعد في حالات الغثيان
👈 يشجع على شرب الماء
✨👈يدعم صحة الكلى
🚨 القاعدة الوحيدة: إذا كان الماء البارد يسبب لك حرقة في المعدة أو انزعاجا، اختاري الماء الفاتر أو بدرجة حرارة الغرفة.
الحمل ليس عقوبة.
إذا كان جسمك يريد الماء البارد، اشربيه براحة😅


#ولد #بنت

25/04/2026

اللهم احفظه في بطن أمه حفظا يليق بعظمتك 🤍
اللهم اجعله جنينا سليما معافى، تام الخلقة والخلق، لا زيادة فيه ولا نقصان
اللهم يسر له تمام الحمل، واكتبه من عبادك الصالحين
اللهم أنبته نباتا حسنا، واجعله قرة عين لوالديه
اللهم ارزقه صحة وعافية منذ الآن وحتى يكبر
واجعل مستقبله مليئا بالخير والبركة والتوفيق
اللهم احفظه من كل سوء، وقرب يوم لقائه بأهله وهو في أتم صحة وسلامة



#ولد

24/04/2026

متى تكون إفرازات الحمل غير طبيعية؟
الإفرازات في الحمل عادية، بصح كاين حالات لازم نردولها بال
🔹 الإفرازات العادية:
• لونها أبيض ولا شفاف
• ما فيهاش ريحة قوية
• ما تكونش معاها حكة ولا ألم
🔹 متى نقلقو؟
• كي تولي صفراء ولا خضراء
• يكون فيها ريحة خايبة
• حكة ولا حرقة
• ألم في أسفل البطن
• نزول دم ولا إفرازات بنية
📌 التفسير الطبي:
الإفرازات اللي ماشي طبيعية غالبا تكون بسبب التهابات (بكتيريا ولا فطريات) وتحتاج تشخيص وعلاج مناسب
📌 متى نروحو للطبيب؟
كي تبان أي حاجة من هاذ الأعراض، لازم زيارة الطبيب في أقرب وقت
متابعة مليحة = حمل آمن 🍤

23/04/2026

هل قصر مدة الدورة الشهرية أمر عادي أم قد يخفي خللًا هرمونيًا؟

21/04/2026

لحظة لا تنسى… وبداية حياة جديدة
بفضل الله، تمت ولادة قيصرية ناجحة واستقبال مولود جديد بصحة وعافية 🤍👶
في كل عملية… لا نجري جراحة فقط
بل نشارك عائلة فرحتها، ونكون جزءا من قصة أمل جديدة
مبارك للأم هذه النعمة الغالية
ونسأل الله أن يحفظ المولود ويجعله من الصالحين 🤲💙
👨‍⚕️ دكتور ملال



#الحمل

19/04/2026

أسباب الصداع المتكرر عند الحامل
الصداع في الحمل حاجة شائعة، بصح كي يولي يتعاود بزاف لازم ننتبهو له
🔹 الأسباب الأكثر شيوعا:
• التغيرات الهرمونية
• هبوط السكر بسبب قلة الماكلة
• الجفاف وقلة شرب الماء
• فقر الدم (نقص الحديد)
• قلة النوم ولا التعب
• التوتر والضغط النفسي
• حبس القهوة فجأة (الكافيين)
• مشاكل الجيوب الانفية
• مشاكل النظر ولا تعب العينين
🔹 وقتاش نقلقو؟
• اذا الصداع كان قوي وجا فجأة
• مع زغللة ولا تشوش في الرؤية
• مع ارتفاع ضغط الدم
• ولا ما يتحسنش بالراحة
📌 النصيحة:
حاولي تاكلي بانتظام، تشربي الماء كفاية، وترقدي مليح
واذا بقى الصداع ولا زاد، لازم تروحي للطبيب باش تعرفي السبب
معاك لحمل آمن وصحي

#الحمل




#الولادة

18/04/2026

وأخيرا… كلمة أنا حامل🍤 ☺️
بعد رحلة من الصبر، المتابعة، والأمل…
اليوم فرحتها ما تتوصف 🥰
هذه ليست مجرد نتيجة تحليل…
هذه قصة إصرار، دعاء، وثقة بالله ثم بالطب 🤩
كل حالة لها طريقها الخاص…
وكل تأخر فيه حكمة…
لكن الأمل دائما موجود
الحمد لله على هذه اللحظة
ونسأل الله أن يتمم لها حملها على خير ويرزق كل مشتاق 💞




#الحمل

18/04/2026

وقتاش نلجأو لتحريض الولادة؟ 🤔🤔
تحريض الولادة هو إجراء طبي نلجأولو كي تكون مصلحة الأم ولا البيبي تفرض نبدأو الولادة بدل ما نستناوها تجي وحدها
🔹 الحالات الشائعة:
👈كي يفوت الحمل الأسبوع 40–41
👈كي ينزل ماء الجنين وما يبانش الطلق
👈نقص في نمو الجنين
👈قلة السائل الأمنيوسي
👈ارتفاع ضغط الدم ولا تسمم الحمل
👈 سكري الحمل وماهوش متحكم فيه مليح
👈 وفاة الجنين لا قدر الله
🔹 كيفاش يتم التحريض؟
👈أدوية تحفز الطلق
👈ولا إجراءات كيما توسيع عنق الرحم
📌 هل هو آمن؟
يكون تحت مراقبة طبية دقيقة في المستشفى، وغالبا يكون آمن كي تتختار الحالة المناسبة
📌 الخلاصة:
التحريض قرار طبي يتاخذ حسب حالة كل حامل، والهدف ديما هو سلامة الأم والبيبي
عيادة الدكتور ملال

#الولادة
#الحمل

16/04/2026

نهاية أسبوع… وبداية حياة 🌸
من داخل غرفة العمليات… تبدأ أجمل قصة
لحظة قيصرية مليئة بالمشاعر…
🔹 صبر أم
🔹 تركيز فريق طبي
🔹 وصرخة أولى تعلن قدوم روح جديدة إلى الدنيا
في ثوان… يتحول الألم إلى فرح لا يوصف
وفي حضن الأم… يجد القلب مكانه الأول 💞
👩‍⚕️ العملية القيصرية ليست مجرد تدخل جراحي
بل هي ولادة للأمل… عندما تكون سلامة الأم والطفل هي الأولوية دائما
💫 كل ولادة هي معجزة…
وكل أم هي قصة قوة لا تحكى بالكلمات
🤍 نسأل الله الصحة لكل الأمهات…
والفرح لكل من تنتظر هذه اللحظة

#ولادة
#أمومة



#سوقاهراس

13/04/2026

إذا عندك تكيس المبايض… كاين سر صغير لازم تعرفيه
ليس دايما تأخر الحمل سببو غير التبويض…
كاين مرات السبب الحقيقي هو مقاومة الانسولين
🔹 وش معناها؟
يعني جسمك ما يتعاملش مع السكر بطريقة طبيعية
وهذا يأثر على الهرمونات ويخلي التبويض ما يكونش منتظم
🔹 النتيجة:
• دورة مشي منتظمة
• ضعف ولا تأخر في التبويض
• زيادة في الوزن ولا صعوبة في نزولو
🔹 السر الحقيقي 👇
تنظيم الماكلة ونمط الحياة يقدر يحسن التبويض بزاف حتى قبل الدوا
✔ نقصي السكريات
✔ ركزي على البروتين والخضرة
✔ ديري نشاط يومي حتى لو غير مشي خفيف
📌 ومع المتابعة الطبية، تقدر تتنظم الدورة وتتحسن فرص الحمل بشكل واضح
معاك خطوة بخطوة لتنظيم الهرمونات








#سوقاهراس