Movere Prosthetics and Orthotics

02/02/2026

✨هنكمل النهاردة آخر جزء من سلسله انواع الكراسي✨
وهنختم معاكم بالكرسي الكهربائي 👨‍🦼وكرسي أطفال الشلل الدماغي (CP) 🧑‍🦽

👨‍🦼 نبدأ بالكرسي الكهربائي:
الكرسي ده مناسب لو عضلاتك كويسة وظهرك ثابت وتقدر تسند نفسك، بس محتاج حاجة تساعدك تتحرك براحتك خصوصًا في المشاوير الطويلة.

-مريح جدًا للمشاوير الطويلة.

-عملي جدًا للناس اللي عندهم ضعف أو صعوبة في الدفع (لأنه بيتحرك بالريموت).

- مناسب للخروج برا البيت لأنه عليه فرامل، نور، إشارات وعواكس.

- لازم ناخد بالنا إن وزنه تقيل مش سهل يتشال في أي مكان، وأوقات بيكون مش قابل للطي.

-افتكر بردو إن الكرسي محتاج شحن دوري وصيانة بسيطة للبطارية والموتور.

🧑‍🦽 النوع الأخير: كرسي أطفال الشلل الدماغي (CP wheelchair):
الكرسي ده معمول مخصوص للأطفال اللي عندهم حركة لا إرادية أو عنيفة.

-بيقدم أمان عالي مع حرية حركة.

-بيوفر تثبيت ممتاز للأطفال اللي حركتهم لا إرادية أو عنيفة.

في النهاية مهم جدًا تحديد المقاسات بدقة، علشان ده بيفرق في الراحة والوظيفة وكمان بيمنع قرح الضغط.

لو محتاج مساعدة تختار الكرسي المناسب ليك أو لحد من أسرتك، كلمنا على الخاص أو على الرقم ده:
📩 +20 15 57831668
وإحنا هنساعدك وهنكون معاك خطوة بخطوة 🌸
#موفيري #تأهيل

08/01/2026

بتحس كإن في دبابيس بتتغرز في كعب رجلك؟ 😣
وكل ما تقف أو تمشي الألم بيخليك عايز تصرخ؟
طب إيه الحكاية؟
تخيل إن في "شوكة عظم صغيرة" نبتت جوه الكعب بتاعك (مش شوكة حقيقية طبعاً 😅) ده نتوء عظمي صغير بيتكون داخل الكعب.
وده اللي بيحصل غالبا:
• ألم شديد أول ما تصحى من النوم
• كل ما تمشي أكتر الألم بيزيد
• مش قادر تقف براحتك خالص
طب الحل؟
أولاً لازم تروح للدكتور طبعاً
وبعدين تستخدم مستلزمات تريحك وأنت ماشي

احنا في موفيري عندنا حلول هيفرقوا معاك جدا:
أما...
💙 الكعب السيليكون الطبي
وده تحطه في أي جزمة، مريح، وفيه مكان مفرغ بالظبط على الشوكة
أو..
💙 فرشة طبية كاملة
دي بتوزع وزنك على القدم كلها مش بس على الكعب
وكأنك ماشي على سحابة ☁️
كلمنا وهنساعدك:
📲 01557831668
💬 أو ابعتلنا رسالة هنا
رجلك بتشيلك كل يوم... خليك رحيم عليها ❤️

23/12/2025

✨ مكملين معاكم في سلسلتنا عن أنواع الكراسي المتحركة ✨
والنهاردة هنجاوب على سؤال مهم: إزاي نختار الكرسي المناسب؟

أول خطوة إننا نعرف إيه هي الأنواع المختلفة ونشوف كل واحد مناسب لمين.

مبدئيًا ، عندنا ٤ أنواع أساسية :
(عادي – نشط – كهربائي – CP)
والنهاردة هنتكلم عن أول نوعين 👇

النوع الأول :
🦽 الكرسي المتحرك العادي (Standard):
🔹 الكرسي ده مخصص للاستخدام في المستشفيات، وهدفه الأساسي إن الشخص يتنقل من مكان للتاني بس.

🔹كرسي خفيف وسهل يتقفل ويتخزن، لكن استخدامه قصير المدى، ومش مناسب خالص للحركة برا أو للاستهلاك اليومي الكتير. يعني نقدر نقول إنه عملي جدًا في النقل البسيط، لكن ملوش أي وظائف تانية.

بالنسبة للنوع التاني :
👩‍🦽 الكرسي النشط (Active):
النوع ده بيكون مثالي للناس اللي عندها قدرة حركية جزئية أو قوية نسبيًا، وعايزين يعتمدوا على نفسهم أكتر.

🔹خفيف وسهل الطي برضو، لكن المميز فيه إنه مرن جدًا وسهل التوجيه، وبيخلي الشخص يتحرك بحرية وسلاسة أكبر من الكرسي العادي.

🔹 مناسب جدًا للاستخدام اليومي برا وداخل البيت.

🔹 بيسمح للمستخدم يعتمد على نفسه في الحركة (Self-propelled) ، ممكن يستخدمه في الشارع أو الكلية أو الشغل

بإختصار:
🔄 العادي = تنقل قصير بمساعدة مرافق.
🔄 النشط = حياة يومية مستقلة وحركة حرة.

ولسه مكملين معاكم.. استنونا في البوست الجاي عشان نتعرف على النوعين التانيين: الكهربائي وكرسي الـ CP ✨

#موفيري #تأهيل

16/12/2025

رجلك بتوجعك وجع شديد؟ 😣 ومش قادر ترفعها من الأرض؟ 💔
حاسين بوجعك ومقدرين اللي بتمر بيه...
لكن لازم تركز في كلامنا لأن فيه معلومات مهمة جداً هتساعدك 👇
يلا بينا ❤️
لو بتسحب رجلك على الأرض وانت ماشي، أو بتبذل مجهود كبير في رفع الركبة علشان تحرك القدم...
يبقى كده عندك حاجة اسمها سقوط القدم (Foot Drop)

طب ليه بيحصل؟

السبب الرئيسي: ضعف أو شلل في العضلات اللي بترفع القدم، وده بيكون غالباً بسبب:
• مشكلة في العصب الشظوي (اللي بيغذي عضلات مقدمة الساق)
• انضغاط عصبي في الظهر
• إصابة في الركبة أو الساق
• بعض الأمراض العصبية أو العضلية
• السكتة الدماغية

‼️نقطة مهمة جداً ‼️
بمجرد ما تحس إنك مش قادر تمشي بشكل طبيعي، لازم تراجع الطبيب فوراً

العلاج بيكون إزاي؟
• متابعة مع أخصائي العلاج الطبيعي
• تمارين علاجية متخصصة
• دعامة القدم الطبية (جزء أساسي من العلاج وموجودة عندنا 📍)

للاستفسار والحجز، تواصل معانا على رسائل الصفحة أو على الأرقام الخاصه بالفروع

01/12/2025

"اختيار الكراسي الطبية العشوائي هيبوظ حياتك"

أيوه، زي ما قريتوا الجملة بالظبط ، تعالوا أقولكم ليه 👇🏼

لما تيجي تشتري كرسي طبي وتقول "أي كرسي وخلاص" من غير ما تراعي احتياجاتك أو حالتك الصحية، صدقني النتايج هتكون كارثية:

🔹ألم شديد وصعب تتحمله

🔹 قرح مزعجة وجروح كبيرة

🔹 تنميل جامد ووجع في الضهر بيزيد مع الوقت

والموضوع بيتطور للأسوأ كل شوية.💔

الموضوع مش في الشكل أو السعر ، أهم حاجة إن الكرسي يكون مناسب لمقاساتك وحالتك.

طيب، عايز تعرف إزاي تختار الكرسي المناسب ليك؟ تابعونا في الجزء التاني من السلسلة.

#موفيري

23/10/2025

الفلات فوت - Flat Foot 👣

أكيد أغلبكم سمع الكلمة دي، ودايمًا بييجي في بالك هو إيه الفلات فوت ده؟

تعالوا نقولكم 👇

طبعًا زي ما انتوا عارفين شكل الرجل الطبيعي بيبقى فيه تقوس من تحت، وفي جزء بيكون أعلى من السطح اللي واقف عليه..
طيب لو رجلك كلها بقت مسطحة على الأرض وعلى مستوى واحد، ساعتها بنسميه Flat foot.

تعالوا نشوف أنواعه:
١- فلات فوت مرن- Flexable Flatfoot:

وده بيبان لما تقف.. يعني وإنت قاعد أو مرتاح رجلك مقوسة عادي، أول ما تقوم يظهر، وأول ما ترجع يختفي تاني.

٢- فلات فوت صلب - Rigid Flatfoot :
النوع ده بيبان في كل الحالات.
وبيخليك تحس بوجع شديد وكمان صعب تني رجلك بسهولة.

٣- فلات فوت مكتسب - Aquired Flatfoot:
وده بيتسمى "القوس الساقط"

اللي بيحصل فيه إن قوس القدم بيقع بشكل غير متوقع، وبيخلي الرجل تميل لبرا.
وأكتر سبب شائع بيكون التهاب أو تمزق في وتر الساق.

٤- فلات فوت الكاحل العمودي - vertical talus :
وده كمان بيتقال عليه "القدم السفلى".
وبيكون سببه عيب خلقي اسمه الكاحل العمودي أو الكاحل الرأسي، واللي بيمنع تكوين الأقواس.

#الأقدام #موفيري # #

21/10/2025

تخيل تقدر تتحرك براحتك من غير ألم.. حتى بعد الإصابة 💙

النهاردة هنعرفكم على الـAir walker ، من أهم الأجهزة اللي بنستخدمها لدعم القدم والكاحل بعد الاصابه بالعمليات .

بيثبت الكاحل أو القدم وبيقلل الضغط عليهم، وده طبعًا بيساعد في تقليل الألم وسرعة الشفاء.

طيب بنستخدمه في حالات ايه ؟

🔹بعد كسر في الكاحل أو مشط الرجل

🔹 لو حصل تمزق في الأربطة (زي حالة قدم شاركوت)

🔹 بعد عملية جراحية في القدم أو الكاحل

🔹في حالات الالتواء الشديد

الجميل في الـAir Walker إنه بديل مريح للجبس، وسهل تلبسه وتشيله، وبيخلي الحركة أسهل بكتير 👌

📩 لو محتاج تعرف أكتر أو مش عارف إذا كان مناسب لحالتك أو لا ... ممكن تكلمنا أو تبعتلنا رسالة، وإحنا هنساعدك فورًا.

متوفر بجميع المقاسات، وبسعر مناسب جدًا👏

#موفيري #كسور

19/10/2025

تعرف إنك لو حرّكت عضلة صغيرة في ايدك، تقدر تتحكّم في طرف صناعي كامل 😧؟

طب إزاي ده بيحصل 😳؟

تعالوا نتعرف على الـMyoelectric Prosthesis

في نوع مميّز من الأطراف الصناعية بيكون فيه sensors (حساسات) 👌
الـحساسات دي بتحس وتلقط الإشارات الكهربية (EMG) اللي بتظهر من انقباض عضلات إيدك، وعلى طول الطرف بيتحرّك بسهولة نتيجة للإشارة اللي خرجت من إيدك 😍 الموضوع بيحتاج تدريب وتأهيل بسيط في الأول، لكن بعد كده الحركة بتبقى طبيعية جدًا.

يعني بتقدر بالطرف دا :
✋ تفتح إيدك
✊ تقفلها
🤾🏽 تمسك حاجة وتفكها

وده لو الطرف بسيط كمان. لكن لو الطرف متعدد القنوات أو ذكي، تقدر تمسك:
🖊 قلم
🔑 مفتاح
📱 موبايل
وأي حاجة تانية بسهولة

ولسة التطوير شغال
دلوقتي بيتم تطوير أطراف صناعية بتوصّل إحساس اللمس للمستخدم كأنها إيد طبيعية بالظبط😮✨
يلا مستني إيه 😄؟
لو محتاج استشارة ابعتلنا ✉️
أو تواصل معانا على رقمنا 📞
01557831668

#موفيري #تقنية #صحة #تأهيل

05/06/2025

لو انت طالب هندسة طبية وعايز تبدأ طريقك العملي في مجال الأطراف الصناعية والأجهزة التعويضية 🦿✨

التدريب الصيفي ده معمول علشانك!

في خلال أسبوعين هتتعلم الأساسيات والمفاهيم المتقدمة، تشتغل بإيدك في الورشة، تتعامل مع حالات واقعية، وتعرض فكرتك في آخر التدريب وكمان ممكن تشتغل عليها بجد!

التدريب هيكون في القاهرة أو المنصورة، وانت بتختار المكان الأنسب ليك 📍، والأولوية للحجز المبكر، فسجل بسرعة واستغل الفرصة دي قبل ما تفوتك! ⏳

سجل بيناتك في الفورم و هنتواصل معاك فورا👌
https://forms.gle/7MyNDWtmxJq1k9Q39

05/06/2025

تقبل الله منا و منكم صالح الاعمال 🤲
كل عام و انتم بخير✨️✨️

14/05/2025

هل استخدمت كرسي متحرك قبل كده؟ 🦽 أو بتفكر تشتري واحد قريب؟ 🤔
استنونا ⏳ علشان هنبدأ معاكم سلسلة مميزة عن الكراسي المتحركة:
أنواعها ✅، استخداماتها 🛠️، وإزاي تختار المناسب ليك! ⚖️
تابعونا … 🔜

عندنا خبر سار ليك لو انت مستخدم للكراسي المتحركة او هتشتري كرسي قريب

👈🏻الفترة الجاية هنتكلم عن استخدام الكراسي المتحركة بطريقة صحيحة في المناطق المختلفة، وكمان هنغطي:
(انواع - ومميزات - واستخدام الكراسي المختلفة) اللي بنوفرها وبننصح بيها في #موفيري عشان نخلي الاختيار سهل عليكم، وده حرصا مننا على مساعدتكم في التكيف السريع على الكرسي.

تابعونا...🤩

للإستفسار والحجز كلم فريق موڤيري على رقم: 01557831668