https://www.facebook.com/101910271324056/

Dr. Alaa Wagdy, سوهاج (2026)

08/08/2025

بمناسبة حقنه ال 💉
▶️هتكلم عن بعض الحاجات اللى شوفتها خلال رحلتي ف شغلى مع حالات :
⛔️️شفت ام بتجيب عيالها ال4 اللى عندهم ضمور للجلسات 😔
⛔️️شفت اب جايب اللوم والذنب كله ع الام وكأنها هي السبب في مرض ابنها مع ان المرض علشان يظهر لازم يكون الاب والام حاملين للجين المصاب بس متنحى🧬.
⚠️وهنا لازم دور التوعية واهمية التحاليل الجينية اللى لازم تتعمل قبل الزواج او حتى فحالة انهم جابوا طفل كدة علشان يحموا باقى الذرية ومش معنى انه مرض وراثى يعنى الاب والام اقارب لا خااالص.
⛔️️شفت دكاترة بتقنع الأهل بعمليات للاطفال دى وكأنها المعجزة اللى هترجع الطفل إلى طبيعته.
والام تتعلق بالامل ويتكلفوا مصاريف وعمليات والطفل بعدها يبقى اسوء من الاول فبلاش النوع دة من الحالات يتحط فيه مشرط✖️.
وياريت نكون واضحين من البداية مع الاهل بطبيعه المرض وتطوراته.

🔷️ضمور العضلات مرض وراثي نادر ناتج عن طفرات جينية🧬 بتأثر ع الخلايا العصبية أو العضلية فبالتالى تبدء العضلات تضعف وتتدهور تدريجيًا سواء ف الحركة والمشي والبلع والتنفس🩻 . فى منه اكتر من 100 نوع وبيختلف نوعه حسب الجين المصاب وكذلك الأعراض بتختلف والعمر اللى بيظهر فيه المرض ودرجة شدته .

زى (SMA) اللى مشكلته ف جين اسمه SMN1 دة مسئول عن تكوين البروتين ف العضلة الخلل ف الجين دة بيفقد العضلة قدرتها ع الانقباض علشان مافيش بروتين اتكون اصلا .

▶️وبالنسبة للعلاج دور و اهمية العلاج الطبيعى مع الحالات دى يكمن ف العلاج المائي🌀 لان الماية ليها دور كبير فى
✅️زيادة إفراز السيروتونين والدوبامين
✅️تحفيز إنتاج البروتينات زى ال BDNF
✅️تحسين استجابة العضلات للكالسيوم وكل ده مهم لإنقباض العضلات.
✅️بتخفف التحميل وده بيقلل تعب العضلة
✅️تحسين ال(Proprioception)
✅️تنشيط الدورة الدموية

🔻اما الادوية فالخيارات المتاحة عبارة عن ادوية يومية 💊 لمنع تدهور الحالة والحفاظ عليها
▶️وبالنسبة للضمور الشوكى وحقنه الزولجينزما اللى سعرها معدى ال 100 مليون جنية بتتاخد قبل ما الطفل يكمل سنتين لمرة واحدة ف العمر .
دى حقنة بتحتوي على نسخة سليمة من الجين SMN1 المسؤول عن بقاءالخلايا العصبية الحركية بتدخل الخلية وتبدأ تنتج البروتين اللي كان الجسم مش قادر ينتجه فالعضلة يكون عندها القدرة ع الانقباض والحركة بعد كدة .

▶️ انا معرفش نتايجها حقيقة ولا ...بس اتمنى يارب تكون فعاله وتجيب نتيجة مع الطفل على ويبقى باب امل اتفتح 😊 لكن اللى انا متاكدة منه ان اليوم بيفرق جدا ف علاج حالات الضمور. ودمتم سالمين ♥️

30/01/2025

it's my pleasure♥️

20/09/2024

🚩📢 نص المشاكل اللى عند طفل ال CP ( ضعف خلايا المخ) هتتحل لو اتعلم حاجتين✌️
+ .

📌فالتحميل ثم التحميل ثم التحميل 🙂.......
الطفل لما يدوس ويحمل ع ايده ورجله ب alignment صح و ف اوضاع مختلفة 📌ونعلمه ازاى ينقل وزن جسمه ع ايده ورجله ومن الجنب اليمين للشمال والعكس هتتحل معانا مشاكل كتير :

1️⃣-المشاكل الحسية اللى اهمهم الاحساس العميق بالمفاصل اللى بيمنعه اصلا من انه يحس بوضعيه جسمه ويحمل ع ايده 🧘
2️⃣- الافعال الانعاكسية اللى المفروض تكون اختفت عند سن معين لكن للاسف بتكمل معاه لانه ما بيستعملش جسمه صح
3️⃣- وغيرها من مشاكل كتير زى الامساك و مشاكل التنفس وتشوهات العظم .

⚠️ فكفاية اوضاع غلط❌ لفترات طويلة ويقضى حياته لاما قاعد طول اليوم ع كرسي🧑🏻‍🦼 او نايم ع ضهره فنضعفه بزيادة ونحرمه من انه يستخدم جسمه وعضلاته ومستقبلاته الحسية اللى ربنا خلقها له علشان يقدر يتحرك ف كل الاتجاهات ويقاوم الجاذبية ويكتشف البيئة اللى حواليه👣.

10/06/2024

🟥هنتكلم انهاردة عن ال( )👶🏻⏳..

📌تيجى تسأل الام الحنونة 🤱🏻 ..
- انتى بتنومى طفلك ع بطنه بالنهار وهو صاحى 😌
= لا خاالص
- من ساعة ما اتولد 🙄 !!!
= اصلى مش بيحب و بيقعد يعيط
- دة انا اللى هعيط منكم والله😢.

🟥 بنشوف اطفال عندها 10شهور مثلا ولسة ما تقلبتش ولا قعدت ولا اتحركت من مكانها تيجى تكشف مفيش مشكلة عصبية تمنعها من دة اومال ما اتحركتش لية🧸؟؟؟

🔷وهنا احد عوامل تأخر النمو الحركى ف الغالب بيكون نقص ال vitamins 💊 وعادة الشيل المستمر للطفل وحرمانه من النوم ع البطن ( tummy time) اللى مهم جدااااااا اننا نعمله من اول ما نحس ان الطفل بقا يعرف يرفع راسه منه.

⬅️حطيه ولاعبيه ف الوضع وهو يحبه و خلى عينيك عليه ما دام معندهوش مشكلة تمنعه عن دة وما يكونش اكيد لسة مخلص رضاعه و تنوميه ع بطنه🙂 .
♦️النوم ع البطن بيساعد ف تطورات الطفل الحركية بشكل كبير:
1️⃣ بيقوى عضلات الرقبة و الظهر والحوض .
2️⃣بيعلم الطفل التحميل وتقوية عضلات اليد .
3️⃣ بيبدء الطفل من خلاله تعلم حركه التقليب او الزحف.
4️⃣بينمى الققدرات البصرية والمعرفية للطفل🔮 .
5️⃣بيخفف من الم المغص والإمساك⚡ .

فمتنسوش تعملوا الحاجات البسيطة دى اللى بتفرق كتيير جدا ♥️😊.

17/10/2023

اللهم هذا ظلم لا يرضيك وقولك حق ووعدك حق
وأنت حسبنا ونعم الوكيل فاللهم انصر دينك وكتابك وسنة نبيك وعبادك المؤمنين وثبت اقدامهم وجمع كلمتهم واعز الاسلام والمسلمين.. امين امين امين

07/10/2023

♥️
📌 لية مهم نعرف اوضاع الجلوس لاطفال
ال cp (الشلل الدماغى) ؟
👈 لانه بيقعد وقت طويل في البيت فلازم نختار وضع صح ومستقيم و ف نفس الوقت الطفل يقدر يتفاعل معانا فيه.

🟦وعلشان نحدد اية الوضع المناسب للطفل لازم نشوف هو هيعمل نشاط اية ف الوقت ده.

🖇️و اهم حاجة ف القعدة يتوفر فيها عاملين✌️ :
1️⃣-اعتدال الجزع اللي هيخلي الطفل قعدته متوازنة و يقدر يحافظ عليها وقت أطول .
2️⃣- وان يكون عنده الفرصه انه يقدر يستخدم ايده ف مهارات مختلفه زي الاكل واللعب والكتابه بدل من انه يسند نفسه بيهم بس.

🟦القعدة ع الارض بتسمح للطفل الانتقال الي اوضاع مختلفه زي مثلا لو اللعبه بعدت عنه ممكن يبدأ يحبى او يتحرك لوضعيه النوم ع البطن عشان يزحف ويجيب اللعبه فمثلا :

♦️ الجلوس بالجنب side sitting
دة وضع سهل انه يتحرك منه لوضع اخر علشان كدة اوقات كتيير بنعلمه للطفل بس مشكلة الوضع ده في بعض الحالات بيكون فيه خلع ف مفصل الحوض فمينفعش مفصل الفخد يكون ملفوف لجوة زي مابيحصل في الوضع ده🦿.
دة غير لو طفل عنده ضعف شديد ف عضلات الجذع ممكن يعمل انحناء فيه.

♦️الجلوس والرجل مربعه cross sitting 🧘
وضع فيه ثبات كتيير ينفع لطفل لسه بيبدأ يتعلم الجلوس بس بيكون مش سهل ع الطفل للانتقال لوضع تانى

♦️ الجلوس والرجل مفرودة للأمام long sitting
وضع فيه ثبات كتير وفي نفس الوقت سهل الانتقال منه لوضع اخر ، بس مشكلته ان لو العضله الخلفيه(ورا الركبه) hamstring قصيره، الوضع بيكون صعب والتوازن بيختل
وقتها ممكن نعدل في الوضع شويه زي اننا نحط مخده مثلا تحت الحوض عشان نقلل ال stretch ع العضله الخلفيه.

🟦الجلوس ع الكرسي👌🧑‍🦼
هو الأفضل ع الاطلاق ف استقامه الجزع و إتاحة التوازن المطلوب للطفل وبيقدر يستخدم فيه مهارات اليد وتحسينها زي الكتابه والتلوين مثلا او الاكل لان ممكن يكون فيه ترابيزه امام الكرسي للمهارات ديه وفي نفس الوقت لو العضله الخلفيه قصيره مش هاتعمل مشكله علي مستوي الحوض (لحد معين طبعا) .

♥️♥️ علشان كدة ديما بننصح باخذ مقاسات كرسى لطفل الcp سواء كرسى عربيه ونضيف ليه التعديلات اللازمة او كرسى صنع خصيصا لتوفير القعدة الآمنة له 😊.

دمتم سالمين ♥️

23/06/2023

📢📌 هنتكلم انهاردة ع أطعمة مهمة للاطفال
وخاصة طفل ال (cp) ضعف خلايا المخ 🥗
اللى بيكونوا عرضة للتشنج وهشاشة العظام والألم
وصعوبات التعلم وسوء التغذية ومشاكل الهضم.
فمهم اننا نضيف الاطعمة دى إلى نظامهم الغذائي للمساعدة ف منع المشكلات دى أو تقليلها ☺️.

1-البيض 🥚
البيض مصدر كبير للبروتين والكولين ، يلعب تناول البروتين دور رئيسي ف منع وعلاج ضمور العضلات لدى الأطفال المصابين بالشلل الدماغي ، الكولين عنصر غذائي ضروري لإنتاج أستيل كولين (ناقل عصبي يؤثر على الحالة المزاجية والذاكرة والتحكم في العضلات )

2-الأفوكادو 🥑
الأفوكادو من الفواكه عالية الدهون والسعرات الحرارية المليئة بالعناصر الغذائية المختلفة ، ف حاله ان معظم اطفال ال cp بتعانى من سوء التغدية فبالتالى الافوكادو هيضمنلك الحصول على الفيتامينات والمعادن التي يحتاجها للتمتع بصحة جيدة.
3- زيت الزيتون 🍾
يمكن أن يعزز زيت الزيتون مادة ال BDNF هي مادة كيميائية تعزز تكوين خلايا دماغية جديدة ، مما يجعلها مثالية لعلاج تلف الدماغ ويمكن أن تساعد في تحسين التعلم والذاكرة.

4- الخضروات الداكنة 🥦
مثل السبانخ تحتوي على فيتامين K الضروري لصحة الدماغ وعظام قوية. تحتوي على حمض الفوليك و فيتامين ب12 الضروري في تحسين الحالة المزاجية وقد تساعد في تنظيم المشكلات السلوكية المتزايدة الشائعة عند أطفال الشلل الدماغي.

5- الحبوب الكاملة 🫘
مثل الشوفان والأرز البني والقمح التى تحتوي على الألياف ، حيث يجلس الكثير من مرضى الشلل الدماغي ع كرسي متحرك معظم يومهم مما يؤدى إلى ضغط عضلات البطن لفترات طويلة ، فيبطئ عملية الهضم ويقلل من تدفق الدم فبيكونوا عرضة لمشاكل الهضم مثل الإمساك ، لذا فإن إضافة الألياف إلى نظامهم الغذائي يمكن أن يساعد في حركة المعدة .. البريبايوتكس هي نوع من الألياف الغذائية الموجودة في العديد من الحبوب الكاملة التي تساعد في بناء البكتيريا الصحية في الأمعاء وتساعد على الهضم.

6- الزبادي اليونانى🍚
غني بالكالسيوم ، وهو ضروري لصحة العظام وإصلاح بناء العضلات وفي تعزيز صحة الجهاز الهضمي.

7- الزنجبيل🫚
له خصائص مضادة للالتهابات يمكن أن تقلل آلام المفاصل والعضلات تدريجيا و مليء أيضًا بمضادات الأكسدة فيمكن أن يساعد في مكافحة الإجهاد التأكسدي في الدماغ لتحسين الإدراك.

8-السلمون 🐟
السلمون غني بأحماض أوميغا 3 الدهنية حيث وجدت دراسة أن الأطفال الذين لديهم كميات متزايدة من أحماض أوميغا 3 الدهنية كان أداؤهم أفضل في المدرسة و ف القراءة والهجاء ولديهم مشاكل سلوكية اقل.
و هو من الأطعمة التى تحتوي على فيتامين د بشكل طبيعي ، وحيث يرتبط نقص فيتامين د بضعف الذاكرة والإدراك.

9-الكركم🥃
الكركمين مركب موجود في الكركم يحتوي على نسبة عالية من مضادات الأكسدة ويمكن أن يقلل الإجهاد التأكسدي في الدماغ. كما أنه يزيد من مستويات BDNF في الدماغ لتعزيز وتحسين وظائف المخ.

دى اطعمة مليانه بالفيتامينات والمعادن اللى ممكن تساعد ع تقوية وظائف الدماغ والحفاظ على قوة الجسم☺️.

15/03/2023

📌
🟦 التشنجات 😬
هى اضطرابات عصبية ناتجة عن زيادة كهربا المخ تنتج حركات لا إرادية ومجموعة من الأحاسيس المُختلفة بشكل مؤقت وبتختلف ع حسب أسبابها ونوعها

🟦 طيب ف حالة اصابه الطفل بنوبه التشنجات نعمل اية لمنع حدوث اي مضاعفات :

♦️ أولاً حماية الطفل من إيذاء نفسه و التعامل معه بهدوء ومنحاولش نهزه او نثبته او نفرد اطرافه
♦️نتاكد من تنفس الطفل ونساعده ع الاستلقاء ع جانبه وفك الملابس الضيقة للحفاظ ع مجرى تنفسه
♦️لا نضع أي شيء في فم الطفل لمحاولة إيقاف النوبة
♦️وضع الطفل ع الارض لتجنب سقوطه من مكان مرتفع
♦️ملاحظه معدل تنفسه و لون الوجه و الاطراف
♦️بعد انتهاء النوبة نضع الطفل ع جانب واحد ونبقا معه حتى يستيقظ
♦️إذا كان الطفل يعاني من الحمى فيجب نزول درجة الحرارة
♦️ اذا زاد مده تشنج الطفل عن ١٠ دقائق يجب نقله الى المستشفى
.. و دمتم سالمين 😊♥️♥️

💪👣

31/08/2022

a lot of love for our little heroes ♥️♥️..
أسود ف البر 🦁 نسور ف الجو🦅 وحوش ف البحر 🐋
ابطال ابطال ابطال 💙💙 ..

29/05/2022

📢
📌 العضلة الخلفية Hamstring muscle :

من اهم العضلات اللى لازم نكون واخدين بالنا منها ف طفل ال CP (ضعف خلايا المخ ) لانها بتعدى على مفصلي الحوض والركبة وعندها القدرة انها تشتغل لوقت طويل فبتكون معرضة للقصر اسرع عن الباقى ..
وعندنا علامات بنشوفها ع الطفل من البداية ف مراحل حركية مختلفة بتسهل علينا ملاحظه لو فيها قصر ولا لا :

👈زى ان الطفل وهو نايم علطول بتكون ركبته متنيه مش مفرودة .. ولو جيت تقعده هيتزحلق لتحت ومش هيقعد.

👈ولما يجى يقوم يقعد من وهو نايم مش بيقوم من على ضهره لا بيلف على بطنه وبعدين يعمل وضع القطة وبعدين يقعد وغالبا بيقعد فى وضع W shape ودة علشان انه اغلب الوقت بيبقى عاوز يتنى ركبته .

👈ولو قاعد مابيعرفش يقعد فارد رجله قدامه long sitting ولو حصل وعرف يعملها بيبقى ضهره مقوس بشكل كبير وراسه بتبقى نازله لتحت ومبيعرفش يرفع ايده لفوق ..

👈 ولو واقف بمساعده صعب يرفع رجله ويفردها علشان يشوط كورة او حاجة مثلا ..

👈وفى المشى لما بيجى ياخد الخطوة ويرفع رجله عشان ينقلها بتنزل فى نفس مكانها لان العضلة الخلفيه هنا بتمنع عظمة الساق tibia انها تتنقل لقدام و بتشتغل زى الفرامل كل ما الطفل يجى ياخد الخطوة تمنعه والرجل تنزل فى مكانها او قدام حاجة بسيطة short step length(خطوة قصيرة)

📌علشان كدة من البداية خالص لطفل ال Cp بنقيس طول العضلة الخلفية .. ونحافظ ع اوضاع الاطاله باستمرار و ع لبس الجباير اثناء النوم القدم + والركبه

ف ياريت متنسوش تلبسو الجباير انهاردة قبل ما تناموا ♥️

💪👣

Dr. Alaa Wagdy

08/08/2025

30/01/2025

20/09/2024

10/06/2024

17/10/2023

07/10/2023

23/06/2023

15/03/2023

31/08/2022

29/05/2022

Address

Website

Alerts

Shortcuts

Share

Category