02/12/2023
🍥🍥 خنفرة الأنف او إنسداد الأنف المتكرر في الرضع 🍥🍥👇👇👇👇👇👇👇👇👇👇👇👇👇👇👇❤❤❤
🔘 من أشهر الشكاوي اللي بنشوفها فالعيادة والمستشفيات بيبي رضيع مامته دايماً بتشتكي من خنفرة الأنف عند طفلها : يا دكتور ابني مناخيره مش بتسلك خالص علطول مخنفر وبطّلع صوت ، او بتسلك وترجع تاني مع إني باستخدم باستمرار نقط محلول الملح اللي حضرتك قولتلي عليه !!!!!!! وحضرتك قولتلي علي بخاخة ماء البحر وجبتها برضه لسه بيخنفر !!!!!!!
🔘 طبيعي اني الأم تخاف وتقلق من ده بس لا تقلقي إن شاءالله الخنفرة دي طبيعية أول 4-6 شهور عشان بيكون مجرى التنفس الانفى ضيق بحكم صغر الحجم و الوزن , في الأغلب بتبتدي تقل عند الشهر الثالث او الرابع و تختفي عند الشهر السادس.
🔘 طبيعى جدااااااً أن تتكون إفرازات باستمرار فى مجرى التنفس والأنف ، وتزداد مع الجو البرد 🌨🌧🌦وده يزودلنا الخنفرة اللي ممكن أساساً تكون موجودة.
🔘 الرُضّع لا يملكون القدرة علي تنظيف أنفهم ، والتخلص من المخاط بأنفسهم).
🔘 عند إصابة الطفل بالبرد 🗣🗣🗣 واحتقان الأنف طبعاً انسداد الأنف هيزيد والرضاعة هتبقي صعبة شوية.
🔘 أحياناً صوت انسداد الأنف ووجود إفرازات بها يسمّع علي صدر الطفل ، فتيجي الأم تشتكي من صوت خروشة وإفرازات بصدر الطفل وعلي ضهره وهيا حاطّة ايديها عليه ، ولما نسمع صدر الطفل وضهره بالسماعة بنكتشف إني الصوت ده نابع من انسداد الأنف وليس صدره، مجرد تسميع فقط (يعني المشكلة فالأنف مش الصدر).
🔘 الأطفال حديثي الولادة يعتمدون بشكل كبير جدااااااااا ً في التنفس عالأنف ولا يستطيعون التنفس عن طريق الفم ، ومن هنا ممكن تحصل المشكلة، وبالتالي فان انسداد الانف الكامل قد يتعارض مع الرضاعة 🍼🍼🍼وهنا المشكلة ويجب التعامل معها جيداااااا (ان شاء الله نقول ازاي).
💮 إمتي تقلقي وتخافي وتروحي للدكتور 💮 🚑🚑🚑 ?????
⬅⬅⬅ الخنفرة في الرُضّع متقلقش مدام مش مصاحبها أعراض تانية :- زي ايه ???
1- الطفل مش عارف يرضع !! يعني بيمسك ويسيب ويقطّع فالرضاعة. (يعني مش بيرضع باستمرار وده الأم هتلاحظه اووووي)...
2- الطفل بيشرق ويكح مع الرضاعة.
3- الخنفرة مأثّرة علي نومه يعنى مش عارف ينام كي شوية يصحي ويعيّط.
4- لو فيه كحة🗣🗣🗣🗣 او تزييق بالصدر او نهجان او حرارة.
5- لو الافرازات بتاعت الأنف أصبحت ملونه (مش شفافة).
6- لو معاها زرقان فالشفايف.😱😱👹👹👿👿 إجري علي أقرب مستشفي 🚑🚑🚑🚑🚑.
7- فيه وضع خطر💣💣💣 الصراحة لازم نذكره (هو فالأغلب ان شاء الله بيكتشف من طبيب الأطفال اللي بيستقبل الطفل في غرفة الولادة) وهو الإنسداد العظمي الخلفي للأنف (Choanal atresia) ، وده وضع صعب يعدّي من غرفة الولادة بصراحة بس لازم يذكر ، وبيبقي الطفل من ساعة ميتولد الرضاعة صعبة جداااااااااااااااااااً ومعاه زٌرقة بالشفايف ولازم تدخل سريع وفورررررري.
❎❎ الممنوعاااااااااات (الأخطاء الشائعة) ❎❎
⬅⬅ مبدأياً لازم نعرف الآتي:-
1- أدوية البرد ممنوعة في السن ده خااااااااااااالص يعني مينفعش ندي الأدوية اللي بياخدها الأطفال الكبار (كونجيستال ، دولودي ، ترايمنيك ، ....... ) مستحيل 🚫🚫 ❌❌❌❌❎❎❎ غلط والله العظيم اوعي.
2- ممنوع ندي نقط الأنف بتاعت الأطفال زي اوتريفين أطفال او اوكسيمت او رينكس ،، كل ده مينفعش لحديثي الولادة غلط غلط غلط غلط غلط.
3- ممنوع أدوية كحة لعلاج الكحة اللي سببها انسداد الانف ، الأولي والأصح هو علاج السبب فالكحة تخف ان شاء الله.
4- ممنوع إطلاقاً مضادات حيوية من نفسك إلاّ في حالات مطوّلة معينة والطبيب اللي يوصفها.
🔘 إزاي هنتعامل مع الطفل اللي عنده خنفره واحتقان بالأنف??? 🔘
1- حاولي تخلّي الطفل بوضعية عامودية قدر الإمكان طول اليوم خاصة فالنوم والرضاعة ، استخدمي مخدّات فايبر طبعا عشان متتعبيش ضهره ونفسه يبقي شوية مستريح.
2- متقّليش عليه فالرضاعة يعني رضعات قليله متكررة يعني قطّعي فالرضعة (متكتميش نفسه بصدرك ولا بالرضاعة المستمرة يعني يرضع شوية وشيلي صدرك وهكذا.... ).
3- شيلي الإفرازات او المخاط الظاهر فقط من الأنف بالراحة ومتحاوليش تستخدمي سلاّكة الودان ممكن تعوريه غصب عنك.
4- محلول الملح او نقط اوتريفين بيبى سالين او لايس او سالينكس أو ماء بحر ( ماريمير ، فسيومير بيبي ، يونيمير للبيبي) هو العلاج الأمثل والأصلح بدون اي أضرار ان شاء الله.
5- بنستخدم النقط او البخاخ قبل الرضاعة وقبل النوم لانه مش حيعرف يرضع الا لما تحطيله في مناخيره ، بنحط بوذ القطارة نفسها جوة الأنف ونضغط ضغطتين ( يعني منقطّرش من بره) وده بكل أنف قبل الرضاعة بخمس دقايق.
6- طريقة وضع النقط في الأنف : نيّمي طفلك على ضهره وحُطّي ايديكي تحت رقبته ( يعني رأسه مائل لورا بسيط) ودخلي بوذ القطارة في الأنف واضغطي ضغطتين تلاتة بكل فتحة قبل الرضاعة وقبل النوم ب5 دقايق.
7- في بعض الأحيان قد نلجأ الطبيب الي استخدام بعض الأدوية زي مضادات الحساسية لإزالة الإحتقان وده عن طريق الطبيب.
8- شفاط الأنف :-
⬅ بصراحة من الطرق الفعالة لعلاج انسداد الأنف بالإفرازات (له صور تحت).
⬅وده بيستخدم عشان نشفط الإفرازات التقيله السميكة من الأنف بعد منحط محلول ملحي بالأنف.
⬅ الأمهات بتخاف تستخدمه وفيه البعض مش واثق في نتايجه بس من خلال التجارب المتكررة مع المرضي اثبت وجوده وفعاليته الرهيبة جدااااااااً.
⬅ فكرته اني فيه بعض الإفرازا بتبقي غليظة اوي وسميكة جوة الأنف ومش هتطلع لوحدها حتي لو حاولنا نطلعها ونذوبّها بالنقط ، دي محتاجة قوة شفط تشدّها لبره ،، تمام????
⬅ لازم قبل منستخدمه تكوني شوفتي الطبيب وهو بيعمله الأول عشان تستخدميه صح.
