Monica Mousa أخصائية الموهوبين

Monica Mousa أخصائية الموهوبين ميس ميكي أخصائية ( تخاطب _ تنمية مهارات )

✨ تجربة جديدة حبيت أشاركها معاكم ✨ورشة الديسبراكسيا اللفظية 🗣- مع د. أحمد صبّاغ رغم إن السفر للمنصورة كان مرهق وطويل ، ل...
19/10/2025

✨ تجربة جديدة حبيت أشاركها معاكم ✨
ورشة الديسبراكسيا اللفظية 🗣- مع د. أحمد صبّاغ

رغم إن السفر للمنصورة كان مرهق وطويل ، لكن تعب اليومين دول كان يستحق فعلًا 👏💪
الورشة كانت من أغنى وأعمق التجارب اللي حضرتها في مجال التخاطب — مليانة علم، تحليل دقيق، وتطبيقات عملية على أعلى مستوى 🧠📚

اتعلمت تفاصيل مهمة عن تشخيص وطرق تأهيل الديسبراكسيا اللفظية، وازاي أفرّقها بدقة عن اضطرابات النطق التانية 🔍🗣️
كل لحظة كانت استثمار حقيقي في الخبرة والعلم 🙏💫

كل الشكر والتقدير لدكتور أحمد صبّاغ على علمه، تواضعه، وطريقته الممتعة في توصيل المعلومة 👌🏻♥️🌟

مش مجرد ورشة… دي كانت خطوة في طريق الحلم.🫶🏻♥️
#تخاطب

24/09/2025

أشطر كارملا 🍯♥️♥️♥️♥️

23/09/2025

بازل قطعتين = تركيز 👀 + إدراك بصري 🧩 + مهارات دقيقة ✋🧠

#تخاطب #بازل

هل لاحظت إن في أطفال لما يدخلوا مكان جديد…👦 طفل يجري يلعب ويعرّف نفسه👧 وطفل تاني يقعد في الكورنر ساكت ومش عارف يتواصل؟ال...
22/09/2025

هل لاحظت إن في أطفال لما يدخلوا مكان جديد…
👦 طفل يجري يلعب ويعرّف نفسه
👧 وطفل تاني يقعد في الكورنر ساكت ومش عارف يتواصل؟
الفرق هنا مش بس "جرأة" أو "كسوف"…

الفرق إن في مهارات أساسية لازم الطفل يتعلمها عشان يعرف يتعامل مع الناس:
✨ يبدأ حوار بسيط
✨ يطلب المساعدة من غير خوف
✨ يقول "لأ" لما حد يضايقه
✨ يعبر عن نفسه وسط أصحابه

💡 الحقيقة: تنمية المهارات الاجتماعية مش أقل أهمية من الكلام واللغة.
لأن الطفل اللي يعرف يتكلم من غير ما يعرف يتواصل… هيفضل حاسس بالوحدة 💔
📩 دورنا مش بس نعلّم أطفالنا أصوات وكلمات،نجهزهم يعيشوا حياة مليانة ثقة وعلاقات صحية 🌟🤝

#تخاطب #طفلي

22/09/2025

قبل التدريب، مريومة رتبت ألوان القطع جنب بعض 🎨
لكن معرفتش تركّبهم وتكوّن الشكل المطلوب.
بعد فترة تدريب 👩‍🏫💡
قدرت تعشق القطع وتكوّن الشكل كامل ✨
وده بيوضح تطوّر الانتباه والتركيز عندها 👀🧠

📌 الطفلة كانت بتعاني من تشتت انتباه مأثر أكاديميًا، لكن مع التدريب ظهر فرق كبير 💪🌟

إيه أكتر لعبة بتحسوا إنها بتشد انتباه أولادكم؟ 🎲👇
#تخاطب #تركيز #انتباه #أطفال

10/09/2025

🌟 هل فكرت قبل كده إن التخاطب مش بس "ابني ينطق كلمات"؟

التخاطب = تواصل 🤝
يعني طفلك يعرف:
✔️ يطلب احتياجاته من غير صراخ 🍎
✔️ يقول "أنا زعلان" بدل ما يعيط 😢
✔️ يرد على صحابه ويلعب معاهم 🎲
✔️ يشارك في الفصل من غير خوف 🏫

💔 الطفل اللي مش بيعرف يعبر… بيتعب نفسياً قبل ما يتعب لغوياً.

🎯 جلسات التخاطب بتدي لطفلك مش "كلام" بس،
بتدي له صوت + ثقة + فرصة يعيش حياته بشكل طبيعي.

📩 لو حابب تعرف إزاي نساعد طفلك يبني مهارات تواصل مش بس كلمات، ابعتلنا دلوقتي ✨

#تخاطب #تواصل

🔵 السلوكيات التكرارية عند طفل التوحد 🧩كتير من الأهالي بيسألوا: ليه ابني طول الوقت بيرفرف بإيده؟ بيلف حوالين نفسه؟ بيرتب ...
09/09/2025

🔵 السلوكيات التكرارية عند طفل التوحد 🧩

كتير من الأهالي بيسألوا: ليه ابني طول الوقت بيرفرف بإيده؟ بيلف حوالين نفسه؟ بيرتب لعبه بطريقة معينة؟ أو بيردد نفس الكلمة؟ 🤔

الحقيقة إن دي اسمها السلوكيات التكرارية (Repetitive Behaviors) وهي من العلامات الأساسية لاضطراب طيف التوحد.

✨ ليه الطفل بيعمل السلوكيات دي؟

1️⃣ تنظيم ذاتي: الطفل ممكن يكون حاسس بقلق أو توتر، فيعمل حركة يكررها عشان يهدّى نفسه.
2️⃣ متعة حسية: بعض الأطفال بيلاقوا متعة في الصوت أو الحركة المتكررة.
3️⃣ محاولة للسيطرة: العالم بالنسباله مليان مفاجآت، فالتكرار بيديله إحساس بالأمان.
4️⃣ نقص بدائل: ساعات الطفل معندوش أنشطة بديلة تشغله، فيلجأ للسلوك المتكرر.

✅ إزاي نتعامل معاها؟

♦️️نتجاهل السلوك لو مش مؤذي: لو ابنك بيرتب العربيات بطريقة معينة، مفيش داعي نتدخل طول الوقت.

♦️️لاحظ الموقف: سجلي إمتى بيظهر السلوك (قبل النوم؟ وقت الزحمة؟ عند العصبية؟) عشان نعرف المحفز.

♦️️نقدم بديل مناسب: بدل ما يرفرف بإيده → نديه لعبة ضغط (Squishy) أو نشاط حركي.

♦️️نقلل المثيرات: لو الضوضاء السبب، وفرّي له مكان هادي.

♦️نشجّع السلوك المرغوب: كل مرة يعمل بديل كويس → امدحيه أو كافئيه.

💡 السلوك التكراري مش “عناد” ولا “دلّع”، لكنه لغة الطفل للتعبير عن نفسه. كل ما نفهم الرسالة اللي ورا السلوك، نقدر نساعده يعبّر بطريقة أفضل 🌱.

#تخاطب

27/08/2025

📌 هكلمكم النهاردة عن "الأخصائي الشامل" 👩‍⚕️

اللي يقولك بشتغل كل الأقسام في جلسة واحدة مع طفل ⬇️
الاخصائي ماسك كور ومكعبات: كده شغال تنمية مهارات🤹‍♀️
ماسك كتاب وكشاكيل: أكيد شغال صعوبات تعلم📖
بينطق أصوات: معروفة تخاطب🗣️
بيدي أوامر: ده تعديل سلوك🧠
وطبعًا مستنيين في الآخر نتيجة سحرية مع الطفل 😅
لكن الحقيقة 👇
ده غلط × غلط … إحنا مش ماسكين ريموت نغير قنوات كل شوية 📺

✔️ مهم إن الأخصائي يبقى عنده معرفة بكل المجالات،
لكن كل مجال ليه تخصص وجلسات مستقلة.
يعني مثلًا:
• التخاطب لازم يبقى من جلستين لـ3 في الأسبوع 🗣️ حسب الحالة واحتياجها بيتحدد عدد جلسات .
• وهكذا ينطبق على باقي الأقسام (صعوبات تعلم – تنمية مهارات – تعديل سلوك …) 🎯

دورك كأخصائي: تكون واقعي مع الأهالي وتوضح الصورة، مش تديهم وهم إن كل حاجة تتعمل في جلسة واحدة.
دورك كأب أو أم👨‍👩‍👧 : متدورش على "الأخصائي الشامل" اللي هيعمل كل حاجة في ساعة!
لأن اللي هيشتغل كده، عمره ما هيجيب نتيجة حقيقية مع الطفل ⛔


#التخاطب

27/08/2025

أجمل ضحكة من ملاك صغير.. لما كتب اسمي وقال بيحبني.✨🤍🤍🤍🤍🫶🏻

26/08/2025

👀 هل لاحظت إن الموبايل بقى "الاهتمام الأول" عند الطفل بدل اللعب والكلام؟
في الحقيقة الموبايل والشاشات مش بتسلي الطفل بس… دي كمان بتسحب منه حاجات غالية جدًا!👇🏻

❌ قلة التواصل البصري 👁️➡️ الطفل بيهرب من العيون ويدور في الشاشات.
❌ ضعف اللغة 🗣️➡️ يسمع أصوات وصور سريعة لكن مفيش حوار حقيقي.
❌ تأخر في التفاعل الاجتماعي 👨‍👩‍👧➡️ مفيش لعب مع بابا وماما أو أصحاب، بس زرار On/Off.

💡 نصيحة ميس ميكي:
"كل دقيقة حوار بينك وبين طفلك… أهم مليون مرة من فيديو كارتون"

#تخاطب

26/08/2025

شرف كبير ليا إني أُكرم من أ.د/ عادل عبدالله 🌹
عميد كلية علوم ذوي الإعاقة سابقًا ✨♿️
لحظات زي دي بتكون حافز إني أكمل وأدي أفضل ما عندي ❤️🌸

#تكريم #نجاح #فخر #قدوة #الهام #ابداع #تميز #قوة #تقدير #تربية #تعليم #اطفال #مواهب

Address

10Th Of Ramadan City

Telephone

+201067970160

Website

Alerts

Be the first to know and let us send you an email when Monica Mousa أخصائية الموهوبين posts news and promotions. Your email address will not be used for any other purpose, and you can unsubscribe at any time.

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category