25/11/2025
فترة الشتاء الحالية من أكتر المواسم اللي بشوف فيها ارتفاع في:
• التهابات الشعب الهوائية
• الصفير التنفسي في الصغار
• الإنفلونزا القوية
• الـ RSV خاصة أقل من سنتين
وكلهم يقدروا يسببوا حرارة مرتفعة وكحة مرهقة للطفل.
إمتى تقلقي (علامات خطر):
• سرعة التنفس: -لازم تتعلني تعدي نفس طفلك -
أكثر من 40 نفس/دقيقة فوق 5 سنين
أكثر من 50 نفس/دقيقة تحت 5 سنين
أكثر من 60 نفس/دقيقة للرضع
• زرقة حول الفم
• جفاف وقلة تبول
• قيء يمنع شرب السوائل
• عصبية أو خمول زائد
أعراض مطمئنة نسبيًا (عادة فيروسية):
• حرارة تستجيب للخوافض
• كحة بتزيد بالليل لكنها مش مصحوبة بمجهود
• انسداد أنف
• فقدان شهية بسيط
ليه الكحة بتطوّل؟
لأن بطانة مجرى النفس بعد الالتهاب محتاجة من 10–21 يوم للشفاء الكامل.
ده طبيعي وموثق في الاكاديمية الامريكية لطب الأطفال.
إزاي تقللي العدوى في البيت؟
• مناديل تستخدم مرة واحدة فقط
• شرب المياه باستمرار
• بخار مياه دافئ 10 دقائق
• تهوية الغرف
• فصل أدوات الطفل المريض
خطأ شائع:
“كل كحة أو حرارة لازم مضاد.”
ده غير صحيح.
٨٠٪ من أدوار الجهاز التنفسي فيروسية ولا تحتاج مضادات
ودا منصوص عليه في (CDC 2024).
خلاصة الكلام:
تابعي التنفس… ده أهم مؤشر على حالة الطفل. 👌
والتقييم الصحيح في الوقت المناسب هو اللي بيمنع أي مضاعفات
د. محمد جمال
استشاري طب الأطفال وحديثي الولادة
استشاري حساسيات الجهاز التنفسي والهضمي
#حرارة #كحة #عدوى
