22/12/2025
"يا شباب، إيه أكتر حاجة ممكن نعملها النهاردة... وتفرق جداً في نفسية ومستوى الطالب اللي بيذاكر للـ USMLE، ولسه معملنهاش؟"
القصة بدأت من السؤال البسيط دا، سألته للتيم المبدع بتاعنا في اجتماعنا الأخير
النقاش كان طويل، وأفكار كتير اتقالت، لحد ما واحد من التيم قال جملة وقفت عندها:
"دكتور، أكتر حاجة بتعمل توتر يوم الامتحان... هي إن شكل السوفتوير الحقيقي بيكون مختلف عن اللي اتعودوا عليه طول شهور المذاكرة (شكل اليوورلد)."
الجملة دي كانت في الجون. 🎯
إحساس إنك أول مرة تشوف شكل الشاشة دي، وأنت أصلاً متوتر، ده لوحده ممكن يضيع تركيزك في أول كام سؤال، وأنت مش حمل تضييع ربع درجة.
ومن هنا... قررنا إن التحديث الجاي على الداشبورد مش مجرد تحديث عادي، ده "نقلة" في تجربتك. 🚀
الأسبوع ده إن شاء الله، بنعلن عن ميزة جديدة وحصرية في الـ Qbank بتاعنا:
1️⃣ وضع المذاكرة (Tutor Mode): هيفضل بنفس الشكل اللي أنتم متعودين عليه وبتحبوه (شبه اليوورلد) عشان المذاكرة تبقى سلسلة.
2️⃣ المفاجأة.. وضع الامتحان (Exam Mode): وده الجديد كلياً! لما تختاره، شكل الداشبورد هيتغير بالكامل وهيبقى صورة طبق الأصل من شكل الامتحان الحقيقي. 🖥️
إيه فايدة ده ليك؟
ببساطة.. "الرهبة هتموت". عينك هتاخد على شكل الامتحان الحقيقي، وأزراره، وطريقة عرضه، من وأنت قاعد في بيتك. لما تدخل الامتحان، هتحس إنك قاعد على نفس الجهاز اللي كنت بتدرب عليه كل يوم.
الصورة اللي في البوست بتوضحلك الشكل الجديد اللي هتشوفه لما تختار الـ Exam Mode.
احنا مش بس بنقدملك داتا تذاكر منها، احنا بنهيأك نفسياً وتكنولوجياً ليوم الامتحان عشان ميبقاش فيه أي مفاجآت.
