Dr. Amr Salem children clinic

15/09/2025

هل تعلم أنة فى مثل هذا اليوم (١٥/٩) فى الثمانينات أنجبت أ.د/ عزة الشماع و أ.د/محمد سالم " رحمة الله علية " أتنين أخوات { كريم و عمرو } ❤️ كريم تخصص أمراض باطنة و كلى زى والدتى و أنا تخصصت أطفال مع ان والدى كان نساء و توليد .. قصة معقدة صح 🤣بس اكيد عارفين أختى {بسنت } بس هى مش نفس تاريخ الميلاد بس بنحاول دلوقتى نضمها لنفس اليوم 😍😍
لا لا مش عايزك تتوه منى النهاردة بجد عيد ميلادى بس أنا فى العيادة عادى 🫣🫣🫣

04/09/2025

أمبارح حصل موقف أثر معايا أوى 👌.. حصل خطأ من طرفى فى تظبيط ميعاد خاص بى.. المهم سكرتيرة العيادة كلمت والدة الأطفال قالتلها معادك بعد فترة قريبة ..🏃‍♂️🏃‍♂️🏃‍♂️ اللى شوفتة بقى من أم بتزرع فى أولادها الألتزام أن يلا بينا جرى حتى مش هنلحق نغير المايوة يلا بالبرنس لازم نلحق نكون فى الميعاد بجد أثرت فيا جداً و أزاى اللى بنزرعة فى أولادنا دلوقتى من قيم و مبادئ هيعيش معاهم طول العمر ..
ربنا يبارك فى اولادكم جميعا .. على و ليلى أبطال عشان والدتهم هى البطلة الأساسية 💪💪💪
كل سنة و أنتم طيبين و بخير يارب ❤️❤️

27/08/2025

Back to clinic

26/08/2025

أول يوم عمل الأربعاء عيادة زايد بأذن الله

26/08/2025

عااااجل !!! أنباء مؤكدة عن أنتهاء د عمرو سالم من الحفرة اللى كان واخد اجازة عشانها و ان شاءالله راجع بكره الاربعاء على عيادة زايد بعد أن يتم أغلاق الحفرة مره اخرى ..
أستأذنكم بكره هنحجز الاول للحالات الطارئة اللى بقالها ماشية على بروفين و سيتال ١٢ يوم بس والله ربنا يمد فى عمرنا أنا كل يوم موجود خلاص مافيش سفر يعنى لو مش حاجه طارئة خلينا الخميس ..
أشوفكم على خير .. تابعوا مع رقم الحجز 01005799957 عشان مش هيكون عندى شبكه من دلوقتى لمده ١٨ ساعه .. شكراً 🙏🙏

12/08/2025

حان وقت الرحيل 👌أجازتى السنوية لمده ١٠ أيام .. فعلا مش بشوف أهلى خالص و دة مالوش علاقة بمسلسل " كتالوج " عشان الامهات اللى سألتنى النهاردة 🥹🥹 من بكره هيكون فى فريق مساعد ليا بثق فيهم جداً .. هيكونوا متواجدين فى عيادة الشيخ زايد و عيادة اكتوبر ، هيشوفوا الحالات بدالى و أنا اول ما ارجع بعد ١٠ ايام هشوف نفس الحالات ، الأستشارة هتكون معايا ..
الواتس آب الشخصى هيكون معايا بس مش بيكون متاح طول اليوم بس هحاول بقدر المستطاع
بمجرد انك تكشف مع حد من الفريق المساعد هتبعتلى الروشتة على رقمى الشخصى و هتابع معاك لحد ما اشوف الطفل لما ارجع ان شاءالله.. أشوفكم على خير 🙏❤️🙏❤️🙏

04/08/2025

الصورة دى لما تبصلها من أى ناحية هتكتشف ان أجازتى السنوية الأسبوع القادم 😭😭 هحاول أنزلكم فيديو مبسط هنوصل ازاى لبعض و أنا اجازه و مين هيكون متواجد بدالى فى العيادة أسبوعين الإجازة 🙏🙏🙏

18/07/2025

تطعيم الحمى الشوكية الجديد !!! هو ده الألتهاب السحائي ؟؟ طب هو منتشر دلوقتى و فعلا فى أطفال توفت ؟؟ طب هو مهم و لازم ناخدة ؟؟ من من عمر قد أيه ؟؟ طب ده بديل للتطعيم اللى أخدناه زمان ؟؟ يارب أكون عرفت أجاوب على كل الاسئلة اللى أتبعتت لى .. أشوفكم على خير دايما يارب 🙏❤️🙏❤️

17/07/2025

من الواضح ان نص مصر بتسأل النص التانى عن موضوع الحمى الشوكية و الالتهاب السحائي و الاطفال اللى توفت 😭 و ده طبعا منعكس على الواتس آب عندى .. بس أنا فعلا فعلا مسافر النهاردة بكره بدرى نعمل فيديو فيه شرح الموضوع ببساطة و نعمل ايه .. حقكم عليا لو مش عارف ارد النهاردة على الواتس آب بس لو فى حاجه طارئة استأذنكم الاتصال بيا مباشراً 🙏🙏🙏

16/07/2025