12/10/2025
كل واحد فينا جواه آلام وأوجاع كتيرة يمكن محدش يعرفها ، مش لمجرد صورة واحد نشرها وفرحان بيها تبقا حياته جميلة ، انت مشوفتش غير الجانب الجميل وهو بيضحك في الصورة لكن متعرفش كواليس حياته فيها إيه ! ممكن يكون بيواجه متاعب ومصاعب انت نفسك متقدرش تسمع عنها مش تعيشها كمان
إوعاك في يوم تقلل من غيرك او تضحك علي حياته وإنه ضعيف او بيتدلع ! صدقني لو تقدر تعيش اللي هو عايشه كان ربنا خلاّك زيه بالظبط لكن من جمال ربنا في حياتنا إن حتي إبتلاءاتنا كأنها متفصّلة علينا علشان تيجي علي مقاسنا بالظبط ونعرف نتعامل معاها ،
طبطبوا علي قلوب بعض يمكن الطبطبة دى تكون سبب في راحة كبيرة جواكوا وتبعد عنكوا أحاسيس كتير مش مرغوب فيها ،
دمتم بخير ...
