Dr. Mohammed Abd Elhameed Clinic د. محمد عبدالحميد شرف الدين

28/10/2023

السادة عملائنا الكرام
مواعيدنا الجديدة
السبت من ١٢ ظهرًا -٣ عصرًا
الاثنين من ١٠ صباحًا-١٢ ظهرًا
الأربعاء من ٥ مساءًا - ٨ مساءًا
العنوان عيادات نصيب محور الكفراوي قبل البنك الأهلي في إتجاه مسجد عماد راغب
تليفون
٠١١٢١٩٨٥٨٥٨

18/07/2020

طب لو نازلة الشارع جارتكوا قالت لها إيه الجمال ده راحت واقعة ورجلها اتكسرت، هتوديها لشيخ واللا لدكتور.

07/07/2020

افضلي قارنيه بأخوه لحد مايكرهك ويكره نفسه . . ويكره أخوه

29/06/2020

في أي علاقة بيبقى فيه أحيانا حد بيميل على التاني شوية وأحيانا كتير عاوزين نقوله خللي بالك المرتبة نفسها لو فضلت على جنب واحد كتير وماقلبتهاش كل شوية . . هتهبط

04/11/2019

الأدوية النفسية (3)

- طب يا دكتور إيه رأيك في اللي بتعمله أدوية الإكتئاب🤨؟

- بتعمل إيه🤔؟

- بيقولوا بتخلي الواحد مش حاسس بحاجة لا مبسوط ولا متضايق ومتنح زي الزومبي😑 ومش بيستمتع بأي حاجة.

- طيب أحب الأول أأكد على حاجة، وهي إن الإكتئاب مش شوية زعل وخلاص😭، وإن جزء منه هو فقدان الإستمتاع بالأنشطة اللي كانت ممتعة قبل كدة😔، والجزئية دي تحديدًا مش شرط تتحسن بالعلاج الأولي اللي ساعد على تحسن المزاج، لكن أحيانًا بتحتاج تعديلات بأدوية مساعدة، كتير من العيانين مابيكملوش علاج لغاية المرحلة دي وده بيسيب عندهم أفكار مغلوطة بينقلوها بدورهم لأي حد بيسأل عن الأدوية دي خصوصًا في جروبات الدعم النفسي.




#الإكتئاب

18/10/2019

دكتور محمد عبد الحميد شرف الدين
أخصائي الأمراض النفسية والعصبية وعلاج الإدمان
للحجز والاستعلام 01121985858 - 01065587991

Mohmmed Imad Rageb - Al Tahrir St, First 6th of October, Giza Governorate, Egypt

09/10/2019

الأدوية النفسية (2)

- طب يا دكتور.. هو أنا هأفضل ماشي على الدوا ده على طول؟
- حاجات كتير بتحكم الفترة اللي العيان المفروض ياخد الدوا فيها زي هل دي أول مرة يتعب واللا التعب ده متكرر، شدة التعب نفسه وفترة التعب بدون علاج ومدى انتظام المريض على العلاج.
لكن بشكل عام بنقول إن فيه قسم من المرضى هياخد العلاج لفترة معينة ولما نوقفه مش هنحتاج نرجعله تاني💪
وقسم تاني من المرضى هيمشي على العلاج لفترة زي الأولاني لكن مش هيوقف العلاج كله وهيفضل ماشي على جرعات صغيرة مع إنه بقى كويس جدًا ده مع المتابعة الدورية كل فترة 👍
أما القسم التالت فده بيبقى متحسن لكنه مش متعافي بشكل كلي فبيمشي على العلاج مدى الحياة مع تدخلات تأهيلية له ولأسرته وبتكون متابعاته الدورية أكثر تكرارًا ولازم عنينا عليه دايمًا 👀 لكن لحسن الحظ نسبته مش كتير.
- طب يا دكتور ماهم الاتنين التانيين دول كدة زي المدمن على الدوا 🤔
- لأ طبعًا المريض ده اسمه مريض مزمن زي مريض السكر أو الضغط بيبقى محتاج الدوا علشان يبقى كويس ولو بطله بيرجعله نفس التعب بتاعه - ضغطه يعلى أو سكره يتلخبط أو يرجعله التعب النفسي - لكن مبيبقاش مدمن عليه.



#الإكتئاب

02/10/2019

بنسمع أسئلة كتير عن الأدوية النفسية من المرضى أو من الأهل بعضها بيكون أساطير متداولة وملهاش أي أساس من الصحة، هنحاول نرد على بعض الأسئلة دي من خلال الصفحة في بوستات منفصلة

الأدوية النفسية (1)

- يا دكتور هو الدوا ده ممكن يعمل إدمان أو ممكن أتعود عليه🤔

- طبعًا دي واحدة من أشهر الأساطير المتعلقة بالأدوية النفسية لكن فعليًا ليس لها أي أساس😌 ، مش كدة وبس ده كتير ممكن الدوا يخلص فيكسل المريض إنه يجيبه😀 بعكس المواد الإدمانية اللي بتيجي معاها رغبة ولهفة بتخلي العيان يكررها وده طبعًا مش بيحصل مع الأدوية بتاعتنا

تابعوا بقية البوستات عشان تعرفوا أكتر عن الأدوية النفسية..

دكتور محمد عبد الحميد شرف الدين
أخصائي الأمراض النفسية والعصبية وعلاج الإدمان

عنوان العيادة: 6 أكتوبر الحي الثالث 1725 محور الكفراوي الدور الرابع أمام مسجد عماد راغب
للحجز والاستعلام 01121985858 - 01065587991




#الإكتئاب