29/09/2025
📌 هل الـ AI مساعد أم منافس في مجال التغذية العلاجية؟! 🤔
علشان نجاوب على السؤال، خلينا نبدأ من الأول ⏪
مع التطور الكبير في التكنولوجيا، ظهر مفهوم "الوكيل الذكي – AI Agent" 📲، واللي ممكن نعتبره مساعد رقمي شخصي. مش بس بيرد على الأسئلة، لكن كمان بيفكر ويقترح حلول مناسبة للحالة.
ولو ربطنا الموضوع بالتغذية العلاجية 🪄 هنلاقي إن الـ AI Agent يقدر يلعب دور مهم جدًا. مثلاً مريض سكر أو ضغط ممكن الوكيل الذكي يتابع أكله يوم بيوم، يقترح وجبات مناسبة🥣، يذكره بمواعيد الأكل ⏱️ أو الدواء 💊، ولو لاحظ أي خطر – زي ارتفاع السكر – ينبه الدكتور 👨🏼⚕️ أو المريض🙇🏻 قبل ما تتفاقم المشكلة.
الميزة الحقيقية إن الوكيل الذكي بيتعلم مع الوقت. كل معلومة جديدة أو تحليل طبي🔬 يضيفها المريض، بتخلي الخطة الغذائية أدق وأكثر تخصيص 📑. النتيجة؟ التزام أعلى وصحة أفضل، لأن المريض حاسس إن في حد بيتابعه ويشجعه 💪🏻 طول الوقت.
وفي النهاية ⏪ وجود وكيل ذكي في التغذية العلاجية مش رفاهية، لكنه خطوة كبيرة نحو مستقبل الرعاية الصحية. تخيل يكون عند كل واحد فينا "مستشار غذائي ذكي" في جيبه! 😉👌🏻✨
✦ لكن نقدر نقول إن الـ AI مش هيستبدل أخصائي التغذية، إنما الأخصائي اللي يعرف يستخدمه صح، هو اللي هيتميز.
💡 كـ DACT استفدنا جدًا من زيارة مؤتمر FOODEX2025 ومقابلة نخبة رائعة من الكوادر في المجال، والتجربة دي أكدت لنا إن الدمج بين الذكاء الاصطناعي والخبرة البشرية هو سر المستقبل في التغذية العلاجية.
