What are the opening hours?

Wednesday 5pm - 7pm Saturday 6pm - 8pm Sunday 1pm - 3pm

https://www.facebook.com/2328501364097850/

د.هايدى حسينDR.Haidy Hussein

Home
Egypt
6 October City
د.هايدى حسينDR.Haidy Hussein

بكالورويوس الطب والجراحة _ القصر العيني
دبلومة الجمعية الأوروبية للتغذية الإكلينيكية
دبلومة التغذية العلاجية _ المعهد القومي للتغذية

07/11/2020

اللهم أشهدك اني حاولت أن ادفع منكرا بأضعف الإيمان واشهدك انه خالصا لوجهك الكريم دفاعا عن اشرف الخلق ونصرة لديني فاحشرني مع نبيك ﷺ

.أنت الأحسن لا مثيل لك
ﷺ םבםב رسول ٱɑɺɺ ﷺ ♥️
الهاشتاج ده باللغه الفرنسيه

#اللَّهُمَّ_صَلِّی_عَلَی_مُحَمَّدٍ_وَّعَلَی_آلِ_مُحَمَّدِِ_challenge

.

22/06/2019

كلنا عارفين ان المواد الحافظه والمضافه للأكل مضره بس لو بصينا للجدول ده هنلاقي انها درجات في منها الخطير جدا والخطير والمسببه للسرطان وفي منها الاقل خطوره اللي بتسبب ألم بالمعده او التهاب بالجلد او بتأثر على ضغط الدم.
ياريت نحاول نقلل من استخدام اي حاجه فيها ماده حافظه وخصوصا للأطفال لأننا لو بصينا على كيس مغلف من الحلويات اللي الأطفال بياكلوها وقارنا المواد الحافظه الموجوده فيها مع الجدول ده هنكتشف اد ايه بنضرهم بالحاجات دي ولو هما في سن يقدر يستوعب ممكن نخليهم يشوفو بنفسهم ونفهمهم الاضرار اللي ممكن يتسبب فيها الاكثار من الحاجات المحفوظه دي. ربنا يحفظ ولادنا كلهم ❤️

15/06/2019

انهارده هنعمل نظام للاوزان الاكتر ( نظام ١٦٠٠ سعر) وده طبعا مع رياضه او على الاقل مشي لمده ساعه ه ايام في الأسبوع والاهتمام بشرب الميه. النظام ده ينفع للاوزان من ١٠٠ كيلو واكتر.
الفطار
كوب لبن خالي الدسم (يمكن اضافه ملعقه نسكافيه او قهوه) + نصف رغيف بلدي + ٣ ملاعق جبن قريش + خياره متوسطه
سناك : تفاحه
الغداء
طبق خضار صغير ( ملوخيه- باميه- كوسه - سبانخ مطبوخه بملعقه صغيره زيت) + ٦ ملاعق ارز + ٩٠ جرام فراخ او لحمه او سمك مسلوق او مشوي + سلطه
سناك : سلطه فواكه عباره عن موزه صغيره مقطعه مع ٦ حبات فراوله متوسطه
العشاء: كوب زبادي خالي الدسم + ٣ ملاعق شوفان او كورن فليكس

11/06/2019

🔊🔊لما تكون بره البيت وجعان وعاوز تاخد اي حاجه سريعه من السوبر ماركت لغايه ما تروح البيت بلاش تاخد اي حاجه وخلاص. لو بصينا على الجدول الصغير اللي في ظهر اي غلاف او علبه ( معلومات غذائيه) هنلاقي تفاصيل السعرات والمكونات بتاعت المنتج ده من دهون وكاربوهيدرات وسكر مضاف وبروتين وغيره.
هيفرق جدا وقتها الاختيار ما بين حاجه سعراتها اقل وحاجه سعراتها أعلى. واكيد مننساش نشوف كميه السكر المضاف فيها والدهون المهدرجه واللي ضررها بيكون كبير جدا( trasfat)

09/06/2019

صباح الرشاقه😁💪
رمضان خلص والعيد كمان يعني مبقاش في اي حجه خلاص علشان نبتدي نصلح اللي بوظناه 🙈😁
ده نظام غذائي ١٢٠٠ سعر اكيد مش هيناسب كل الأوزان لكن هو متوازن جدا وصحي. طبعا مع مشي او لعب رياضه ساعه يوميا وشرب ميه كتير 🥛🥛
الفطار
نصف رغيف بلدي + كوب لبن خالي الدسم ( ممكن نضيفه معلقه نسكافيه) + بيضه مسلوقه او ٢ معلقه جبنه قريش + خياره متوسطه
ممكن نبدل نصف الرغيف ب ٦ معالق بليله او شوفان مع اللبن

سناك تفاحه او موزه حجمها متوسط

الغداء
٤ معالق مكرونه + فاهيتا فراخ ( مكوناتها قطعه فراخ في حجم كف الايد بدون الأصابع مع نصف بصله وفلفل أخضر ومعلقه زيت صغيره) + سلطه

سناك طبق فيشار ( ٣ معالق ذره مع معلقه صغيره زيت)

العشاء كوب زبادي او لبن خالي الدسم + موزه صغيره

مين هيبتدي معانا 💪🤩

10/04/2019

كتير مننا سمع عن مضادات الاكسده واهميتها في حمايه خلايا الجسم من التلف والشيخوخه وتكوين الخلايا السرطانية. مضادات الاكسده هي اللي بتعادل المواد المضره اللي بتتكون نتيجه التمثيل الغذائي (الشوارد او الجذور الحره).
الاكل هو المصدر الأساسي اللي بناخد منه مضادات الاكسده واللي اهمها هو فيتامين سي وده من اقوى مضادات الاكسده وكمان فيتامين E
بالنسبه لاهم الأكلات اللي فيها مضادات اكسده فهي الفراوله والتوت الأسود والأحمر والخرشوف والكريز والعنب الأحمر والمكسرات وكمان الشاي والقهوه والشكولاته الدارك😉

23/02/2019

مشكله السمنه عند الأطفال بقت منتشره جدا وليها اسباب كتير اهمها الاعتماد على الوجبات السريعه وقله الحركه ( اغلب الأطفال ماسكين موبايل طول الوقت بدل ما يتحركو او يلعبو رياضه) والاكل أمام التلفزيون ده غير طبيعه الاكل اللي كلها مقليات وسكريات (خصوصا لانش بوكس المدرسه اللي مليان ناجتس وبانيه 🙈).
طيب ايه الحل؟ أول وأهم خطوه اني ممنعش الطفل او احرمه لان ده هيجيب نتيجه عكسيه لكن مدخلش البيت غير الاكل اللي انا عاوزاه ياكله. يعني يكون دايما موجود قدامه خضار، فاكهه، مكسرات والاكل يكون معمول بطريقه صحيه بدل المشروبات الغازيه والاغذيه المحفوظه وغيرها من الأكلات المضره. وطبعا البيت كله ياكل من الاكل الصحي مش معقول يلاقي مامته وباباه بياكلو حاجه ويرجعو يقولو للطفل دي مضره بلاش تأكلها 😃.
اخيرا الرياضه دايما هي الحل 💪💪.

19/01/2019

تعتبر وجبه بعد التمرين هي أهم وجبه لأي رياضي لأن دي اللي بيحصل من خلالها أستشفاء العضلات . الوجبه دي بتتاخد بعد التمرين مباشرة او في خلال نصف ساعه من نهايه التمرين . مكونات الوجبه بالأساس كاربوهيدرات بسيطه علشان تعلي السكر في الدم بسرعه وتوصل العضلات اللي محتاجه مصدر طاقه سريع علشان تعيد بناء المخزون بتاعها ( الجليكوجين) ممكن تاخد موزه مثلا او قطعه توست ابيض بمعلقه مربى او عسل أبيض.تاني مكون أساسي للوجبه هو البروتين علشان اعاده بناء العضلات وأحسن نوع بروتين في الوقت ده ممكن ناخده من اللبن خالي الدسم او بياض البيض . مكونات الوجبه بتتحسب كمياتها ونسبتها بدقه حسب وزن كل لاعب.

Address

6 أكتوبر المحور المركزى/سنتر فراج أعلى اسماك الشيف بعد مسجد الحصرى بجوار التوحيد والنور/الدور الرابع, 6 October City
6 October City

Opening Hours

Wednesday	5pm - 7pm
Saturday	6pm - 8pm
Sunday	1pm - 3pm

Telephone

01204127513

Website

facebook.com

Alerts

Be the first to know and let us send you an email when د.هايدى حسينDR.Haidy Hussein posts news and promotions. Your email address will not be used for any other purpose, and you can unsubscribe at any time.

Shortcuts

Want your practice to be the top-listed Clinic in 6 October City?