Dr.Emad Abdallah ENT Clinic - د عماد عبدالله للأنف و الأذن و الحنجرة

25/08/2025

مطلوب لعيادة دكتور عماد عبدالله فرع الحصرى
سكرتيرة
مواعيد العمل من ٤ ل ١١ مساء
يشترط التفرغ
مؤهل عالى او متوسط
يفضل خبرة سابقة فى المجال الطبى او call center

برجاء ارسال السيرة الذاتية واتس آب على رقم

01020956000

14/10/2019

10/08/2019

كل عام و انتم بخير بمناسبة حلول عيد الأضحى المبارك
أعاده الله علينا و على الأمة الإسلامية بالخير و اليمن و البركات

30/07/2019

انت تعرف ان ٣٠ % من الناس عندهم انحراف الحاجز الانفي , وعدد كبير جدا بيشكو من انحراف شكل الأنف 🤔

تعالوا نعرف ايه هو الحاجز الأنفى ؟و ايه هي اعراضه ؟؟
⬇️⬇️
الحاجز الانفي هو عبارة عن جدار بيفصل الأنف إلى فتحتين متساويتين تقريباً . وبيتكون من جزء غضروفي أمامي وجزء عظمي خلفي وهو مبطن بغشاء رقيق .
الحاجز الأنفي بيكون في النص من أول الولاده لغاية فترة الطفولة , لكن مع النمو في فترة المراهقه بينحرف الحاجز الانفي إلى جهة من الاتنين من غير سبب واضح .
التعرض لضربات على الأنف من اهم الاسباب اللي بتسبب انحراف الحاجز الانفي وبالتالي بتسبب انحراف منظر الأنف الخارجي.
لما بيحصل انحراف للحاجز الى إحدى الجهتين فده بيسبب قفل لمجرى التنفس في الجهة دي .

الأعراض والمضاعفات :
اعوجاج الحاجز الأنفي بيسبب كتيرمن المضاعفات بسبب انسداد مجرى التنفس وعدم دخول الهواء وترطيب الأغشية الأنفية وبيكون سبب مباشر فى :
- صداع مزمن
- انسداد مزمن في الانف
- الشخير
- التهاب مزمن في الجيوب الأنفية
- التهابات متكررة في الأذن الوسطى بسبب غلق قناة استاكيوس اللي بتصل بين الأذن والانف
- التهابات الحلق المتكررة
- تشوه منظر الأنف الخارجي وانحرافه احيانا
- النزيف الأنفي بسبب جفاف الاغشية الانفية و عدم ترطيب الهواء .
- انسداد الانف من الجهة المقابلة للانحراف : بسبب تضخم الرفوف الأنفية السفلية في الجهة الاخرى بسبب وجود فراغ كبير في الفتحة الانفية المقابلة للانحراف .

طيب امتى نعمل عملية انحراف الحاجز الأنفى ؟؟
تابعونا فى البوست الجاى عشان تعرفوا ان شاء الله ....
👍👍

=====
للحجز والإستعلام:
Dr.Emad Abdallah ENT Clinic - د عماد عبدالله للأنف و الأذن و الحنجرة
د عماد عبدالله للأنف و الأذن و الحنجرة
📞 ٠١٠٣٣٣٣٥٣٧٤
ولو عندكم أي استفسار ابعتولنا على رسايل الصفحة والدكتور 👨‍⚕️ هيرد عليكم بنفسه 💬
ووعوا الآباء والأمهات

29/07/2019

اتكلمنا فى البوست اللى فات عن انسداد الأذن بسبب الزكام لكن طبعا فى أسباب كتيرة لانسداد الأذن غير الزكام تعالوا نعرفها مع بعض ..

الأسباب دى هى :
- تغيير الضغط للأذن وده معروف باسم (أذن الطائرة) : والحاله دي بتحصل بسبب تغيير ضغط الهوا بين خارج غشاء الطبله وداخله .
- عدوى الأذن: ممكن تؤدي عدوى الأذن لزيادة إنتاج السوايل، وده هيأدي لانسداد الأذن، والمعروف باسم (التهاب الأذن الوسطى) ،بيحصل التهاب الأذن لما السوايل بتتراكم في الأذن وهنا بيبدأ الفيروس أو البكتيريا في التكاثر في السائل، وطبعا بيسبب الألم والإحساس بالأذن المسدودة، وغالبًا عدوى الأذن بيصاب بيها الناس بعد الإصابة بالبرد أو أي نوع تاني من الأمراض اللي بتؤدي لزيادة إنتاج المخاط في الرأس واللي بتأدي للاصابه بالتهاب الأذن .
- شمع الأذن:الإنتاج المفرط لشمع الأذن بيسبب تراكم الشمع اللي ممكن يسد قناة الأذن، فبيسبب احساس بانسدادها وكمان ارتداء سماعات الأذن لأوقات طويلة ممكن يتسبب في تراكم شمع الأذن وانسدادها بسبب منعه من الخروج من الأذن بسبب السماعات .
- جسم غريب في الأذن: ممكن للأجهزة الصغيرة اللي بيستخدمها الشخص عشان تنضيف الودان زي عيدان القطن أنها تستقر في قناة الأذن، وكمان ممكن للأطفال أنهم يدخلوا حاجات صغيره في ودانهم وده هيسبب انسداد في الأذن.
- دخول المياه للأذن معروفة علميا باسم (أذن السباح): الحاله دي بتحصل لما تتعرض الودن للميه وتكون الميه محشوره في الودن هتتسبب في انسداد الأذن، وعلى الرغم من أن السباحين هما اكتر الناس تعرضًا للحالة دي لكن ممكن تحصل كمان عند الاستحمام أو التواجد في بيئة رطبة.

===
للحجز والإستعلام:
Dr.Emad Abdallah ENT Clinic - د عماد عبدالله للأنف و الأذن...
📞 ٠١٠٣٣٣٣٥٣٧٤
ولو عندكم أي استفسار ابعتولنا على رسايل الصفحة والدكتور 👨‍⚕️ هيرد عليكم بنفسه 💬
ووعوا الآباء والأمهات

28/07/2019

✅ اتكلمنا فى البوست اللى فات عن حساسية الأنف اللى بيسببها التراب اللى موجود فى الجو اليومين دول
النهاردة هنكمل كلامنا بس عن حساسية الأذن

🚩 لما بنتعرض للتراب بيسبب التهابات في الاذن وده بسبب الحساسية اللي بيسببها التراب الناعم وبيحس المريض بحكة شديدة في الاذن وبألم شديد.

✅ علاج حساسية الأذن :
حساسية الاذن بتتعالج بنقط موضعية ومسكنات للالم، ولما الطبيب بيوصف مضادات الهستامين للتخفيف من أعراض الحساسية بيوصف معاه أدوية تمنع الجفاف اللي بتسببه مضادات الهستامين .

✅ طرق الوقاية من أضرار التراب :
- تجنب التراب قدر الإمكان والابتعاد عنه في حالة حدوث العواصف.
- ارتداء الكمامات في حالة ممارسة العمل في أماكن وجود الأتربة زي المهندسين والعمال.
- قفل الشبابيك كويس اثناء حدوث العواصف، وتنضيف البيت كويس جدا بعد عواصف التراب خاصةً غرف النوم والأغطية.
- قفل نوافذ السيارة بإحكام وتشغيل المكيف أثناء القيادة فترة حدوث العواصف.

=====================
⭕ للحجز والإستعلام:
Dr.Emad Abdallah ENT Clinic - د عماد عبدالله للأنف و الأذن و الحنجرة
📞 ٠١٠٣٣٣٣٥٣٧٤
ولو عندكم أي استفسار ابعتولنا على رسايل الصفحة والدكتور 👨‍⚕️ هيرد عليكم بنفسه 💬
ووعوا الآباء والأمهات

27/07/2019

ناس كتير بتشتكي في فصل الشتا من صداع فظيع ويقولك ان سببه الجيوب الانفيه ؛ تعالوا نعرف يعني ايه الكلام ده ؟
🤔🤔
في الاول تعالوا نعرف يعني ايه الجيوب الانفيه ؟

✅ الجيوب الأنفية هي تجاويف موجوده داخل عظام الجمجمة مليانة بالهوا بتحيط بالعينين والأنف، وبترتبط بتجاويف الأنف من خلال فتحات صغيرة .

✅والتهاب الجيوب الأنفية المقصود بيه التهاب الغشاء المحيط بالجيوب دي أوالتجاويف المبطنة بغشاء رقيق بيفرز المخاط، وبتقوم خلايا شعرية باخراج المخاط عشان تطرد الجسيمات الغريبة والكائنات
الدقيقه زي البكتريا والفيروسات وكمان التراب .
في الحالات الطبيعيه بيتم تصريف المخاط ده من خلال فتحات صغيرة بين الجيوب الانفية والأنف ، التهاب الجيوب الأنفية بقى بيحصل لما يحصل انسداد للنظام الطبيعي في الصرف، وبيحصل معاه غالبا عدوى بتسبب الزكام وبيكون الوضع مؤلم جدا.

✅ ويشفى التهاب الجيوب عادة من غيرعلاج، بس ممكن يرجع تاني بأعراض اشد واصعب من اللي قبلها وبيستمر االالتهاب في الحالات دي لأشهر عديده والاعراض دي عباره عن :
صداع، ارتفاع في الحرارة، انسداد الأنف وتقرحه مع إفراز كثيف، إحساس بالألم فوق الجيب المصاب، إحمرار حول العينين في بعض الأحيان، الشعور بامتلاء الرأس عند الانحناء إلى الأمام، ألم في العينين أو الخدين، في بعض الأحيان يرافق الحالة ألم في الأسنان الموجودة أسفل الجيب الأنفي مباشرة .

وطبعا البرد هو اكتر سبب بيثيرالتهاب الجيوب الانفيه .
والشخص البالغ يصاب في المتوسط بنزلتين لتلت نزلات من البرد في السنه .
أما الطفل فبيصاب بيها من 6 إلى 10 نزلات في السنه.
ونزلات البرد بتحصل عند الإصابة بالفيروسات، وليس البكتريا، عشان كده المضادات الحيوية غير مفيدة في علاجها. والفيروسات بتتسبب في تورم أنسجة الأنف، وده اللي بيأدي أحيانا إلى انسداد الجيوب الأنفية. وكمان البرد بيغير من شكل المخاط، وبيمنعه من تأدية دوره العادي في اصطياد البكتريا. وده بيخلي الشخص المصاب يحس بضغط في الجيوب الأنفية عند إصابته بالبرد .

🛡 علاج الجيوب الانفيه :

-الجيوب الانفيه بتتعالج بطريقه من الطريقتين دول اما عن طريق المضادات الحيويه واكتر المصابين بالتهاب الجيوب الانفيه بيشفوا من غير استخدام المضادات الحيويه .
والطريقه التانيه هي باتباع طريقة التفريغ او العنايه الذاتيه من خلال بعض الإجراءات؛ منها: -
شرب كميات كبيرة من الميه لأن التروية المائية بتساعد على إبقاء المخاط خفيف وسائل.
استنشاق البخار وده هيحصل باشكال كتيره زي الاستحمام فترة أطول بالمايه السخنه، أو بغلي ميه في إناء واسع والانحناء فوقه واستنشاق البخار.
فالعنصر الفاعل هنا هو البخار، وعلى المريض أن يستنشق البخار من 3 لـ 4 مرات كل يوم .

👈 ولو كان الألم عند الشخص المريض في جانب واحد بس ، فلازم ينام على جنب وشه الخالي من الألم على المخده ، وممكن استخدام مسكنات الألم البسيطة، وأن يحاول البقاء داخل حرارة معتدلة. أما لو اعراض الالتهاب دي استمرت من غير اي تحسن من 3 لـ 7 أيام فيجب التوجه الى الطبيب .

===
للحجز والإستعلام:
Dr.Emad Abdallah ENT Clinic - د عماد عبدالله للأنف و الأذن...
📞 ٠١٠٣٣٣٣٥٣٧٤
ولو عندكم أي استفسار ابعتولنا على رسايل الصفحة والدكتور 👨‍⚕️ هيرد عليكم بنفسه 💬
ووعوا الآباء والأمهات

26/07/2019

ايه اهمية عملية أنابيب تهوية الأذن؟

في حالة وجود إرتشاح سائل مخاطي خلف طبلة الأذن لأسباب متعددة أشهرها تضخم اللحمية ونزلات البرد المتكررة.

والإرتشاح ده بيسبب تضاؤل بالسمع التوصيلي فبنلاحظ إن الشخص فاقد للتركيز ودايماً بيعلي صوت اي حاجه عن المعدل الطبيعي

بعض الحالات ممكن تستجيب للعلاج لكن في حالات تانية بيكون الحل تركيب أنابيب تهوية للأذن علشان الشخص يقدر يرجع يسمع تاني بشكل طبيعي.

---------------------------------------------------------------
للحجز والإستعلام:
Dr.Emad Abdallah ENT Clinic 📞 01111803030
ولو عنكم أي استفسار ابعتولنا على رسايل الصفحة والدكتور هيرد عليكم بنفسه 💬

ووعوا الآباء والأمهات

25/07/2019

ليه طبلة الاذن عضو مهم جدا في جسمك ؟
- لان طبلة الاذن بتحميك من البكتريا ودخول الماء والاجسام الغريبه
طبعا بخلاف انها بتساعد على تجميع الصوت بشكل افضل
---------------------------------------------------------------
مفيش كلام ان اى ثقب هيأثر السمع و يعمل التهاب متكرر فى الأذن الوسطى و قد يؤدى الى تسوس بعظام الأذن
ولذلك تتم عملية ترقيع الاذن
---------------------------------------------------------------
للحجز والإستعلام:
Dr.Emad Abdallah ENT Clinic 📞 ٠١٠٣٣٣٣٥٣٧٤
ولو عنكم أي استفسار ابعتولنا على رسايل الصفحة والدكتور هيرد عليكم بنفسه 💬

24/07/2019

لو حصلك نزيف او لحد قريب منك لازم تكون عارف طريقة علاجه عشان تقدر تساعده 😷
و عشان تتصرف صح 👍👍 اعمل الخطوات دى بالترتيب :

١ - اضغط على الأجزاء الناعمة للأنف بايدك بين الإبهام والسبابة.
٢ - مسك الأنف لمدة ١٠ دقائق على الأقل (يكرر حسب الضرورة حتى توقف نزيف الأنف).
٣ - الجلوس بهدوء، والحفاظ على رأس أعلى من مستوى القلب ،مع عدم إمالة الرأس الى الأمام أو الخلف .
٤ - لو لم يتوقف النزيف يجب الذهاب لأقرب مستشفى لتلقى الإسعافات اللازمة .

=====
للحجز والإستعلام:
Dr.Emad Abdallah ENT Clinic - د عماد عبدالله للأنف و الأذن و الحنجرة
📞 ٠١٠٣٣٣٣٥٣٧٤
ولو عندكم أي استفسار ابعتولنا على رسايل الصفحة والدكتور 👨‍⚕️ هيرد عليكم بنفسه 💬
ووعوا الآباء والأمهات

23/07/2019

س : بقالى فترة عندى ألم فى ودنى يا دكتور عاوز اعرف ده سببه ايه؟؟؟؟؟❗❗

✅ اهلا بحضرتك
لألم الأذن اسباب كتيرة ممكن نقسمها الى مجموعتين :

أولا: أسباب مصدرها أمراض داخل الأذن .. زى التهاب القناة الأذنية الخارجية، شمع الأذن المتراكم، التهابات الأذن الوسطى
ثانيا: أسباب مصدرها أمراض خارج الأذن لكن الألم بيتنقل إلى الأذن عن طريق الأعصاب .. زى آلام الرقبة، والتهابات الحنجرة، وتسوس الأسنان، والتهاب مفصل الفك

و الطريقة الوحيدة عشان تعرف السبب بالظبط هو الكشف عند مختص

=====================
⭕ للحجز والإستعلام:
Dr.Emad Abdallah ENT Clinic - د عماد عبدالله للأنف و الأذن و الحنجرة
📞 ٠١٠٣٣٣٣٥٣٧٤
ولو عندكم أي استفسار ابعتولنا على رسايل الصفحة والدكتور 👨‍⚕️ هيرد عليكم بنفسه 💬
ووعوا الآباء والأمهات