24/06/2023
المضادات الحيويه
مينفعش اتكلم عن المضاد الحيوي من غير ما نعرف التارجت اللي المضاد بيستهدفه وبيشتغل عليه وهوmicroorganism وبيتعمل اختصار له وهو MO
البكتيريا نوع من الكائنات الدقيقة المجهرية ولا ترى بالعين المجردة وتنتمي إلى مجموعة prokaryotes ودي مجموعة من الكائنات الأولية ليس لها نواة وليس لها أي membrane bound organelle يعنى شكل بدائي من اشكال الحياة فتلاقى المادة الوراثيةDNA وكمان الريبوسومات والبلاسميدز كله سايح في السيتوبلازم
Classification of Bacteria:
1- According to Pathogenicity:
Non-pathogenic bacteria, Pathogenic bacteria البكتيريا ممكن نقسمها إلى
A- Non-pathogenic
النوع الاول واضح من اسمه انه لا يسبب الامراض المعدية وممكن يتواجد في اجسامنا بصورة عادية وبيطلق عليه اسم normal flora بل بالعكس هنلاقى ان له فائدة يعنى عندك مثلا:
• الفلورا بتاعة الامعاء بتصنع فيتامين ب المركب.
• والفلورا على الجلد بتحافظ علىpH للجلد )اللي تقريبا حمضية وهى 5.5( وبالتالى تمنع أي عدوى بكتيرية للجلد وكمان بتمنع مثلا تعفن الجلد لو ابتل عند الوضوء او الاستحمام لأنها بتمنع نمو الفطريات على جلدنا، من اشهر أنواعهاStaphylococcus epidermidis وواضح من اسمها انها بتعيش علىepidermis يعنى خلايا البشرة الخارجية.
• فى الامعاء الدقيقة بنلاقى Lactobacillus acidophilus ودى بتحافظ على حركية الامعاء ولما بتقل ممكن يحصل اسهال وعشان كدة هنلاقى فى الصيدلية اكياس لاكتيول ®lacteol لعلاج الاسهال وهى بتحتوى على خلاصة مجففة من البكتيريا النافعة دى
بس خلى بالك مش معنى ان البكتيريا نورمال فلورا انك اصبحت بمأمن من شرها لان ببساطةممكن تستوحش وتتحول الىpathogenic bacteria ازاى الكلام ده ؟؟؟؟
يعنى مثلا لو جهاز المناعة وقع بشكل كبير زى مثلا شخص واصيب بكانسر او عمل زرع اعضاء او بياخد مثبطات للمناعة زى cyclosporine - tacrolimus
او لو حصل والبكتيريا غيرت مكانها اللى ربنا خلقها فيه وراحت اتمشت فى مكان تانى يعنى عملت تغيير للموضع بتاعها وبيسموه Translocation مش فاهمين، يعنى ايه ؟؟؟ هو بمزاجها ؟؟
لا طبعا مش بمزاجها. بس افترض ان حصل جرح فى الجلد او شق جراحىsurgical incision فساعتها الفلورا بتاعة الجلد زىS. aureus هاتدخل بمنتهى البساطة للانسجة التحتية وللدم وطبعا ده مش مكانها الطبيعى وتعمل عدوى وعشان كدة بيتم اعطاء مضادات واقية قبل العمليات الجراحية ومن أشهرهاcephazoline اللى هو ®Zinol
كمان الاشخاص فى الرعاية الحرجة بنحاول قدر الامكان نشجعهم انهم يبدوا ياكلوا عادى لو حالتهم الصحية اتحسنت لان كثرة الاعتماد على التغذية الوريديةTPN بيضعف جدار الجهاز الهضمى كله وبالتالى يبقى سهل على الفلورا اللى عايشة بصورة طبيعية جواه انها تخترقه لانه أصبح جدار ضعيف بسبب انه مش شغال اصلا وبالتالى الفلورا توصل للدم وده ممكن يعمل intra-abdominal infections
B- Pathogenicالنوع الثانى وده واضح من اسمه انه بيسبب امراض معدية وده اللى بنخاف منه وبناخد مضادات حيوية لعلاجه يعنى مثلا:
Neisseria gonorrhea ودي بتسبب مرض السيلان وده من الامراض المشهورة التى تنتقل عن طريق العلاقة الجنسية
هنلاقى كمان Streptococcus pneumoniae ودي بتسبب مثلا الالتهاب الرئوي pneumonia وممكن تعمل التهاب سحائى اللى هوmeningitis
2- According to Shape:
ممكن اقسمها حسب الشكل الى نوعين رئيسين وهما :
A- Cocciالنوع الأول بيكون عبارة عن كرات يعنى كروى الشكل . ساعات الكرات دى تبقى متصلة ببعضها فى سلسلةchains ودى زى مثلا البكتيريا السبحية بتبقى شكل السبحة كدةSterptococci وساعات تبقى فى شكل عناقيد زى العنب ده زى البكتيريا العنقوديةStaphylococci
B- Rods or Bacilli أما النوع الثانى Bacilli فده اسمه البكتيريا العصوية بتكون شكل العصاية الرفيعة كدة ومن
Bacillus - E.coli - Pseudomonas أشهر أنواعها
3- According to Growth Requirement:
احنا قسمنا البكتيريا حسب قدرتها على احداث عدوى من عدمه وعلى حسب الشكل. التقسيمة الثالثة هاتكون على حسب الظروف التى تنمو بها
A- Aerobicsواضح من الاسم ان النوع الاول بينمو فقط فى وجود الاوكسجين وده بيمثل الغالبية العظمى من البكتيريا
B- Anaerobics
اما النوع الثانى بيمثل البكتيريا التى تنمو فى غياب الاكسجين وعشان كدة اسمها بكتيريا لا هوائية ودى من اشهر انواعها حسب البورد نوعين بس طبعا فيه انواع اكثر من كدة بس
Clostridium - Bacteroides الاشهر هم
البكتيريا اللاهوائية مهمة اوى لان مش كل المضادات شغالة عليها، هنلاقى مضادات معينة شغالة على النوع ده من البكتيريا وعشان البكتيريا اللاهوائية دى مشهورة جدا فى امراض الفم واللثة وخراريج الاسنان بنلاقى دكاترة الاسنان لا تكاد روشتاتهم تخلو منspirazole forte وده بيحتوى علىmetronidazole وبكدة نكون عرفنا اول مضاد فعال ضد البكتيريا اللاهوائية وكمان بيكتبوا كثير جدا الـ Dalacin® اللي هوclindamycin ولسه هنتعرف أكثر لما نتكلمزيادة فى الموضوع ان شاء الله
4- According to Gram Staining:
ايه الكلام ده ؟؟؟
جرامGram ده اسم عالم مايكروبيولوجى وهو اللى اخترع طريقة الصبغة دى للتفريق بين نوعين جوهرين من البكتيريا واحدة منهم موجبة الصبغة والاخرى سالبة
ببساطة جرام ده لاحظ من دراسته لتركيب البكتيريا انها كائنات اولية وبدائية زى ما شرحنا امبارح وأنها كلها تقريبا محاطة بجدار خلويcell wall وده مش موجود والحمد لله فى خلايانا البشرية وعشان كدة هاعتبره تارجت مهم لمضادات حيوية قاتلة للبكتيريا زى ما هانعرف بعدين بحيث ان المضاد يكونselective يعنى اختيارى او انتقائى يشتغل بصورة كبيرة على خلايا البكتيريا بينما يسبب اقل الضرر للخلايا البشرية لانها ببساطة تخلو من التارجت ومفيش عندها جدار خلوى يمكن للمضاد مهاجمته
A- Gram positive (Gm+ve)
جرام ده لاحظ ان فيه بكتيريا بتحتوى على جدار خلوى سميك جدا وتحت الجدار الخلوى بيوجد الغشاء السيتوبلازمى العادىcell membrane ودى سماها بكتيريا موجبة الجرام
B- Gram negative (Gm-ve)
أما النوع الثانى بيحتوى برضه على جدار خلوى بس رفيع وتحت منه عادى خالص بيوجد cell membrane بس فوق منه كمان بيوجد غلاف خارجى زيادة اسمهouter envelope وده بيحتوى بصفة رئيسية على دهون وسكريات واسمه lipopolysaccaride واختصاره LPS والنوع ده اسمه بكتيريا سالبة.
وكده اتضح ليه البكتيريا السالبة بتدوخنى فى العلاج لانها ببساطة محمية ب 3 طبقات والغلاف الاخير ده المكون منLPS بيشكل عازل واقى بيمنع اختراق اغلب المضادات الحيوية بس ربنا من رحمته خلق فى الجدار الخارجى ده قنوات صغيورة اوى اسمهاporins يعنى شبه الثقوب الرفيعة الضيقة ودي اللى بتسمح للمضادات انها تمر من خلالها وتخترق الخلية البكتيرية بسطبعا مش اى مضاد هيمر من الثقوب دى، لازم يكون مضاد عامل دايت ورشيق زى المانيكان كدة او تكون الثقوب واسعة شويتين
الجدار الخلوى ده فى كل انواع البكتيريا سواء سالبة او موجبة بيحتوى على مادة اساسية اسمها peptidoglycan وواضح من اسمها انها عبارة عن بروتين عشان كلمةpeptido ودي معناها رابطة بتربط الاحماض الامينية ببعضها وكمان بتحتوى على سكريات عشان كلمةglycan جاية من كلمة جلوكوز والمواد دى مربوطة ببعضها بروابط قوية اسمهاtranspeptide bonds
عشان تتخيلوا معايا المنظر، تخيل ان الpeptidoglycan ده عبارة عن قوالب طوب وكل قالب مرصوص جنب التانى وبعدين الصف يخلص تحط فوق منه قوالب جديدة عشان تعمل دور تانى كأنك بتبنى جدار مرتفع. بس القوالب دى لو رصيتها وخلاص جنب بعضها هاتكون ضعيفة وتقع انما لو حطيت اسمنت بين كل صف والتانى هاتخلى الصفوف مترابطة مع بعضها وتبقى قوية وده اللى بسميهtranspeptide وكلمهtrans لانها روابط بتتكون بين صفوف متتالية فوق بعض
يا ريت تفهموا الحتة دى كويس لان مضادات كثير بتشتغل على الجدار وعشان تفهم شغلها لازم تفهم تكوينة الجدار
Principle of Gram Stain:
هايتصرف ازاى عم جراهام ؟
هو ببساطة جاب شريحة زجاجية ووضع عليها عينة البكتيريا وحط عليها نقطة من صبغة اسمها crystal violet الصبغة دى بتصبغ كل البكتيريا اللى على الشريحة الموجبة والسالبة مش بتفرق بينهم اصلا وبالتالى البكتيريا كلها تظهر تحت الميكروسكوب باللون الازرق او البنفسجى راح حاطط بعد كدة نقطة من اليود Iodine ، هنا اليود بيتحد مع الصبغة وبيكون مركب stable اسمهcrystal violet-iodine complex
لحد كدة كله تمام والبكتيريا كلها واخدة نفس اللون، راح جاى غسل الشريحة بمحلول الكحولالايثيلى الطبى العادى خالص بتاعنا ده وبص تانى تحت الميكروسكوب لقى ايه يا ترى بعد الغسيل ؟؟؟
لقى ان فيه بكتيريا لسة محتفظة باللون البنفسجى ودي هى البكتيريا الموجبة وده لان جدارها الخلوى سميك اوى وبالتالى نجح فى تكوين كمية كبيرة منstable complex ونجح فى الاحتقاظ بالصبغة بسبب سمكه الكبير
أما البكتيريا التانية ببساطة فقدت لونها واصبحت عديمة اللون لان الكحول وهو مذيب قوى للدهون طبعا نجح فى اذابةLPS وهو الغلاف الخارجى ودخل علىcell wall اللى هو رفيع اصلا وبالتالى نجح فى اذابة لون الcomplex واصبحت البكتيريا عديمة اللون
آخر حاجة عملها جرام انه نزل بالصبغة التانية وهيSafranin ودي ببساطة راحت صبغت البكتيريا عديمة اللون اللى فقدت لونها البنفسجى فى الغسيل وبالتالى ظهرت بلون بمبى pink اما البكتيريا الموجبة فدى ما شاء الله محتفظة بالصبغة ولم تتاثر باضافة الصبغة التانية اصلا
يبقى صبغة الجرام ممكن تصبغ البكتيريا بنفسجى او ازرق وفى الحالة دى تبقى بكتيريا موجبة زىStaph. - Strepto او تصبغ البكتيريا بمبى وتبقى بكتيريا سالبة زى E.coli - Salmonella – Shigella
C- Non-Gram Stain bacteria (Atypical bacteria)
بس خلى بالك افترض البكتيريا بتاعتك لم تصبغ ولا باللون الازرق ولا باللون البمبى. ده ايه ده بقى ؟؟؟؟؟؟؟؟؟
دى اسمهاatypical bacteria يعنى بكتيريا غير نمطية شذت عن القاعدة، مش زى ما قال الكتاب
يعنى زى ايه مثلا ؟؟ وليه حصل كدة ؟؟؟
• مثلا لو البكتيريا لا تحتوي اصلا على جدار خلوى يبقى مش هاتتصبغ زى Mycoplasma • لو البكتيريا فيها جدار خلوى بس لا يحتوى علىpeptidoglycans يبقى برضه مشهاتتصبغ زى Chlamydia – Mycobacteria
• لو البكتيريا مش بتنمو اصلا على الأجار وصعب زرعها وجدوا برضه انها لا تقبل الصبغة ومن اشهر انواعهاLegionella
يا ريت نذاكر اسماء البكتيريا لانها هاتفرق معانا فى الشغل لاحقا
5- According to Practical Experience:
قسمنا البكتيريا قبل كده الى 4 أنواع بس اسمحولى أخليهم 6 أنواع:
A- Gram positive bacteria
B- Gram negative bacteria
C- Anaerobic bacteria
D- Atypical bacteria
E- MRSA
F- Pseudomonas
ودول ايه بقى ؟؟؟
هاقولك ان الاولى نوع مهم من البكتيريا الموجبة واسمها Methicillin-resistant Staphylococcus aureus وبيسموها بالعربى الميرسا هى ليه مهمة اوى كدة ؟؟؟
لانها شرسة جدا وبتعمل عدوى خطيرة فى الجلد والاغشية المخاطية skin and complicatedsoft tissue infections وكمان بتقاوم اغلب المضادات الحيوية وعشان كدة المضاد اللى هايشتغل عليها يستحق تعظيم سلام
والنوع الثانى ده نوع شرس برضه من البكتيريا السالبة وبتعمل عدوى خطيرة وبتقاوم اغلب المضادات الحيوية وده بسبب ان ال porins اللى اتكلمنا عنها البوست اللى فات واللى موجودة فى الجدار الخارجىouter envelope ضيقة جدا جدا وبالتالى مش بتسمح لاغلب المضاداتباختراق البكتيريا وبتكتسب مقاومة هائلة وبالتالى اى مضاد شغال على البكتيريا دى برضه يستحق تعظيم سلام
تعالوا بقى نتعرف على ال 4 انواع الباقية:
1- البكتيريا الموجبة الجرام ودي قلنا هاتقبل الصبغة وتظهر بلون ازرق او بنفسجى، وقاعدة عامة عشان نرتاح ان اغلب البكتيريا الموجبة بتكون Cocci وعشان كدة اى بكتيريا بتنتهى بلفظ coccus وانت مغمض تقسم على انها موجبة زى مثلا:
• Streptococcus Pneumonia ودى بتعمل التهاب رئوى والتهاب سحائى والتهاب اذن وسطى
• ودى بتعمل خراج اللثة وتسوس الاسنان Viridans Streptococcus ودى بتعمل عدوى فى الجلد )Group A strep( Streptococcus pyogenes • ودى بتعمل التهاب سحائى فى (Group B strep) Streptococcus agalactiae • الرضع
• Staphylococcus aureus ودى بتعمل عدوى فى الجلد وفيه منها نوعين: نوع شرس واتكلمنا عليه وسميناه الميرسا ونوع اخر وديع وسهل القضاء عليه وهانسميه الميسا MSSA ودى اختصارها Methicillin-Sensitive Staphylococcus aureus
• Staphylococcus epidermidis وقلنا انها بتمثل جزء طبيعى من فلورا الجلد
• Enterococcus ودى ممكن تعمل التهاب داخلى للقلب، يعنى بتعمل infective endocarditis
اتفقنا ان اغلب البكتيريا الموجبة بتكون cocci بس الاقلية منها بتكون Bacilli وعشان نحفظهم بسهولة يبقى اول واحد نبدأ به هايكون بنفس الاسم:
• Bacillus anthracis وده بيعمل الجمرة الخبيثة
• Propionibacterium acnes ودى بتعمل حب الشباب زى ما هو واضح من الاسم
• Corynebacterium diphtheria وواضح برضه انها بتعمل الدفتيريا او الخناق ولاحظان اسمها قريب فى النطق من اسم البكتيريا اللى قبلها عشان نسهل الحفظ
• Clostridium difficile ودى عرفنا سابقا انها بكتيريا لا هوائية ودلوقتى بنعرف انها ايضا بكتيريا موجبة الجرام ولكن من الاقلية يعنى عصوية الشكل ودى بتسبب اسهال شديد.
2- ندخل على النوع الثانى وهو البكتيريا السالبة ودى الاغلبية فيها بتكون Bacilli والاقلية بتكون Cocci يعنى عكس البكتيريا الموجبة تماما
عشان نكون اذكياء يبقى نركز على الاقلية عشان اى حاجة تانية تقابلنى فى السكة هاتبقى اكيد bacilli . مش محتاجة ذكاء ، وعشان كدة هنبدأ بالبكتيريا السالبة من cocci وعشان نسهل الحفظ لاحظ ان سالب يعنى نيجاتيف وبيبدأ بحرف N والبكتيريا دى عبارة عن Neisseria وبرضه بتبدأ بحرف ال N
• Neisseria meningitidis ودى واضح جدا انها بتعمل التهاب سحائي • Neisseria gonorrhea ودى بتعمل سيلان
نيجى بقى للأغلبية. اى حاجة تانية تعتبر بكتيريا سالبة عصوية
• E.coli بتعمل التهابات بولية طبعا وممكن تعمل تسمم غذائى
• .Salmonella spp ودى بتعمل حمى التيفود والباراتيفود
• .Shigella spp ودى بتعمل تسمم غذائي
• Vibrio Cholerae طبعا واضح من الاسم انها بتعمل الكوليرا
• Gardnerella vaginalis واضح جدا انها بتعمل التهابات مهبلية بكتيرية
• Helicobacter pylori غنى عن التعريف وهو الميكروب الحلزونى للمعدة واللى بيعمل التهابات فى المعدة وقرحة معدة
• .Enterobacter spp هنا خلى بالك هناك فرق بين enterococcus ودى موجبة الجرام عشان اخرها coccus وبين enterobacter ودى سالبة الجرام عشان اخرها bacter
وبالتالى اى بكتيريا بتنتهى بباكتر تبقى وانت مغمض سالبة زى citrobacter –Acinetobacter
• Bacteroides ودى بكتيريا لا هوائية زى ما عرفنا سابقا وهانزود دلوقتى انها عصوية سالبة الجرام
• Pseudomonas auruginosa طبعا قلنا النوع ده شرس ومهم جدا نعرفه والمضاد اللى بيشتغل عليه بيحتاج تعظيم سلام
3- نيجى للبكتيريا اللاهوائية وهنهتم بنوعين فقط ،والاتين بكتيريا عصوية بس واحدة موجبة وهى clostridium والثانية سالبة وهى Bacteroides ويا ريت نرجع لنفس البوست ده لانى شارحة الكلام ده فوق يعنى الفقرة دى كلاكيت تانى مرة
4- اخر نوع معانا هى البكتيريا اللانمطية
o Mycoplasma
o Mycobacteria
o Chlamydia
o Legionella o Treponema pallidum والنوع ده مهم لانه بيسبب مرض خطير جدا وهو
مرض الزهرى اللى بنقول عليه syphilis
كده الحمد لله خلصنا العلقة بتاعة البكتيريا. يا ريت واحنا بنذاكر المضادات الحيوية نعمل لانفسنا جدول بسيط مكون من ال 6 عواميد دول بانواع البكتيريا واى مضاد نذاكره نكتبه فى صف ونعمل علامة صح قدام البكتيريا اللى هو فعال تجاهها
الكورس ده مرهق ومحتاج مذاكرة وصحصحة بس لو اتفهم واتذاكر كانك فعلا بتلعب شطرنج وتعرف تطلع المضاد الصح لانك هاتبقى فاهم قواعد اللعبة جيدا
Classification of Infection:
خلونا نقسم العدوى الى 3 انواع من الناحية الاكلينيكية:
1- Community-acquired infections
ودي معناها عدوى تم اكتسابها من المجتمع. حد عيان عادى خالص وبينقل العدوى الى الناس اللى بتتعامل معاه فى المدرسة - الكلّية - المواصلات -العمل - المحلات والمولات والاماكن العامة.
2- Hospital-acquired infections (Nosocomial infections)ودي عدوى بيتم اكتسابها من المستشفى بمعنى ان مريض دخل المستشفى عشان جراحة مثلا ومضطر يقعد فى المستشفى اكثر من يوم يعنى هيبات هناك وممكن يقضى ايام كثيرة على حسب شكواه وفى الحالة دى ممكن يلقط العدوى من المستشفى بس مش شرط الاعراض تظهر عليه وهو لسة محجوز فى المستشفى لان طبعا كلنا عارفين ان فيه حاجة اسمها incubation period ودى الميكروب بيستغرق وقت بين دخوله فى الجسم وبين بداية ظهور الاعراض.
3- Health care associated infections ودي معناها شخص بيروح مستشفى او مستوصف او عيادة خارجية بس مش بيبات هناك .يعنى مثلا راح يعمل اشعة ويروح او يجبس رجله المكسورة ويروح او يعمل قسطرة او جراحة يوم واحد او يغير على جرح او ياخد جلسة نفس ويروح. كثرة التعرض للمواقف دى ممكن يخلى المريض يلقط عدوى من هناك
خلونا نعرف شوية فروقات بسيطة. يعنى مثلا :
الفرق بينantibiotic and antimicrobial الانتيبيوتيك ده ببساطة المضاد الحيوى وده مش بيقضى غير على البكتيريا يعني Antibiotic = antibacterial only
اماantimicrobial فده لفظ شامل وجامع ومعناه انه بيقضى على كل انواع الMO
Antimicrobial = Antibacterial + Antifungal + Antiviral + Antiprotozoal
Classification of Antibiotics:
1- According to Spectrum:
A- Narrow-spectrum antibiotics:
هنا المضاد فعال فقط تجاه سلالات قليلة ومحددة من البكتيريا. خد عندك مثال Aztreonam (®(Azactam وده فعال تجاه البكتيريا السالبة الجرام فقط، أو Bacitracin وده فعال تجاه البكتيريا الموجبة الجرام فقط.
B- Broad spectrum antibiotics:
هنا المضاد فعال تجاه سلالات كثيرة ومختلفة من البكتيريا زى مثلا :
chloramphenicol - tetracyclines هنلاقيهم بيشتغلوا على البكتيريا السالبة والبكتيريا الموجبة والبكتيريا اللا هوائية وكمان البكتيريا اللا نمطية
2- According to Effect on bacteria: A- Bacteriostatic:
وده بيوقف نمو البكتيريا فقط ولكن بتظل البكتيريا حية وبيقوم جهاز المناعة بطردها خارج
Macrolides, Tetracyclines & Hydroxyqionolines الجسم والمثال على كدهB- Bactericidal:
وده بيقتل البكتيريا تماما والمثال المشهور هو كل مجموعة البيتالاكتام، وممكن كمان نقسمها حسب التركيب الكيميائى زى ما درسنا فى الكلية إلى:
Penicillins, Cephalosporins, Carbapenems, Monobactams, Quinolones, Aminoglycosides, Macrolides, Tetracyclines, Glycopeptides, Sulpha drugs & others (such as Clindamycin, Metronidazole, Fosfomycin & Rifampicin)
3- :According to MOAأما التقسيمة اللى هانشرح عليها فى البوستات فهى حسب الميكانيزم وهانقسمهم إلى:
A- Cell wall inhibitors: Beta-lactams , Glycopeptides : مضادات بتمنع وظيفة الجدار الخلوى، ودى مثال عليها
B- Protein synthesis inhibitors: Macrolides, Tetracyclines :مضادات بتمنع تكوين البروتين، مثال عليها
C- DNA synthesis inhibitors: Quinolones , Sulpha drugs :مضادات بتمنع وظيفة المادة الوراثية، ودى مثال عليها
D- Miscellaneous:
منهم مضادات Cell membrane inhibitor زي Polymyxins ، وفيهم اللي مش معروف طريقة عمله حتى الآن، وفيهم Cell wall inhibitor بس بميكانيزم تاني غير البيتالاكتامز زي
Fosfomycin
Rule of How to select the proper Antibiotic:
خلوني بقى اعترف بسر صغيور، كنت زمان وانا لسة طالبة اقول فى عقل بالى ان لو شخص احتاج مضاد حيوى يبقى افضل حاجة انى اعطيه مضاد واسع المجال واخلص نفسى واحس انى عبقرية زمانى وضربت عش عصافير بحجر واحد. يعنى مثلا مش هحتاج مزرعة ولا يهمنى اعرف اسم البكتيريا اللى عند المريضة لان المضاد شغال بمجال واسع وهايقتل كل حاجة بما فيها البكتيريا المستهدفة من غير ما اضطر اعمل مزرعة واعرف اسمها بس لما كبرت اكتشفت كم كنت ساذجة
تعالوا اقربكم شوية من الصورة
لو تخيلنا دولة فيها مجموعة حرامية واحتجزوا رهائن معاهم فى حجرة مقفولة والبوليس وصل بس معرفش يحرر الرهائن فاضطر يفتح الرشاش على كل الموجودين وعمل إبادة جماعية.
الدولة دى نقدر نقول ان الجهاز الشرطى بتاعها ممتاز ؟؟؟؟؟؟ لا طبعا
لو أعدنا تمثيل المشهد ودخل البوليس ونشن بس على الحرامية وساب الرهائن الابرياء أحياء.
ايه رايكم كده ؟ ضربة معلم
هو ده الحاصل بالضبط. انت عندك فلورا من البكتيريا موجودة ربانى فى جسمنا عشان تعمل توازن وتحمينا من اصابات أكثر شراسة وخطورة ممكن تسببها بكتيريا دخيلة وساعتها الفلورا بتقاتل عشاننا وعشان مفيش بكتيريا خارجية تزاحمها فى مكان حياتها ورزقها، فلما سيادتك توصف مضاد واسع المجال هيدخل يبيد كل حاجة، الاخضر واليابس ويقتل البكتيريا اللى سببت المرض وكمان يقتل معاها الفلورا البريئة
طيب ايه المشكلة ؟؟
المشكلة ان اخر جزء فى الامعاء الدقيقةileum وكمان القولون فيهم من ضمن الفلورا بكتيريا اسمهاClostridium ودى اتفقنا انها بكتيريا لاهوائية وعصوية الشكل وموجبة الجرام) راجع تقسيم البكتيريا( وقلت انها شرسة جدا وبتسبب اسهال قاتل بس هى اقلية وعددها قليل ونشاطها محدود لان الفلورا التانية محجماها وموقفاها عند حدودها.
مشكلة الClostridium أنها بتقاوم اغلب المضادات الحيوية وعشان كدة المضاد الواسع المجال بيقتل كل حاجة الا دى، هتلاقى الملعب فاضى ومحدش بيوقفها عند حدها، ساعتها تتفرعن وتنمو وتتكاثر والشخص يجيلهpseudomembranous colitis ولاحظوا كلمة Colitis يعنى فى القولون وممكن الشخص يروح فيها ودي اسمها supra-infections or secondry infections لأني تسبب فى عدوى ثانوية نتجت عن استخدام غير رشيد للمضاد الحيوي.
معلش رغيت كثير بس كان لازم تفهموا مزايا المضاد ضيق المجال لانه عبارة عن رجل بوليسى وبيلعب رماية بامتياز وساعتها بيطخ بس البكتيريا المستهدفة ومش هايجى ناحية الفلورا البريئة وبالتالى مفيش عدوى ثانوية ومش بس كدة ده كمان هايقلل فرص المقاومة resistance لان الفلورا لو ماتت واتعرضت كذا مرة لنفس المضاد واسع المجال ممكن تكون مقاومة له وساعتها لو المناعة وقعت او حصلtranslocation للفلورا ووصلت مكان تانى وعملت عدوى اصبح المضاد واسع المجال اللى كان بيقضى عليها زمان ولا له اى لزوم لان الفلورا اتعرضت له زمان وعرفت اخره معاها ايه وطورت من نفسها وعملت مقاومة محترمة يبقى انا كدة حرقت مضاد حيوى كان فعال بسبب سوء الاستخدام
بس عشان استخدم مضاد ضيق المجال لازم اكون عارفة اسم البكتيريا وده بيتم عن طريق عمل مزرعةculture test
طيب وماذا عن الgram stain ؟؟؟
هايلة وممتازة. لو عندك مريض ومحتاج مضاد. عشان تختار صح بتاخد عينة من المريض حسب شكواه. يعنى مثلا لو عنده بلغم بتاخد عينة منه ولو عنده التهاب حلق بتعمل مسحة حلق ولو عنده حرقان فى البول بتاخد عينة بول او ممكن اسحب عينة دم فى بعض الحالات
اسحب العينة واطلب صبغة جرام. دى هتعرفك البكتيريا موجودة اصلا ولا لا فى العينة ولو موجودة هاتقولك هى سالبة ولا موجبة وهاتقولك هىCocci or bacilli
هاستفيد ايه ؟؟؟
افرض مثلا النتيجة كانتgram positive cocci يبقى ساعتها ذهنك بيروح علىStrepto. or staph ، ساعتها هاتفكر فى مضاد شغال عليهم زى البيتا لاكتام
طيب لو كانت Gram negative cocci يبقى خلاص دى اكيدNeisseria وانت مغمض وممكن تستجيب للبنسيللين والسيفترياكسون
E.coli - Pseudomonas - يبقى لازم افكر فى gram negative rods طيب لو طلعت وساعتها لازم افكر فى مضاد شغال على البكتيريا السالبة زى ، haemophilus influenza quinolones - Aztreonam
وهكذا ..
يبقى اختبار صبغة الجرام بيعطيك حل سريع لان النتائج بتظهر بسرعة وبتساعدك تختار مضاد حيوى بشكل سريع لو شخص محجوز فى العناية او عندهsevere infection ومحتاج تعالجه بسرعة وفى الحالة دى المضاد ده بيتم اعطائه فورا بمجرد سحب العينة ومعرفة صبغة الجرام وده اسمه empiric therapy
العينة بتاخد وقت طويل ممكن ايام عشان يتعمل عليها مزرعة وتتعرف النتائج وزى ما قلنا فى الحالات الشديدة او مرضى الرعاية مش هقعد جنبهم لحد نتيجة المزرعة ما تبان ولازم اتصرف بسرعة وعشان كدة صبغة الجرام بتقلل الاحتمالات اللى قدامى وبتساعدنى اختار مضاد بصورة empiric يعنى بالاستنتاج لحد ما نتيجة المزرعة تطلع واعرف اسم الميكروب بالضبط وساعتها بختار مضاد ضيق المجال قدر الامكان يغطى الميكروب ده وده بسميهspecific therapy
MIC and MBC
1- Minimum Inhibitory Concentration (MIC) :
نصيحة منى لحضراتكم، لما تشوف term لاول مرة وانت متعرفش عنه اى داتا. اقرأ اللفظ اكثر من مرة وحاول تعمل له definition فى دماغك لان دى اولى خطوات الفهم. تعالوا مثلا نطبق هنا
المعنى بيقول أقل تركيز minimum بيعمل inhibition يبقى اقل تركيز من المضاد يقدر يمنع نمو البكتيريا فى الجسم. واكيد واضح انى لو نزلت عن الرقم ده هايبقى المضاد زى قلته لانى بتكلم على اقل تركيز يبقى بالتبعية فهمت ان لازم تركيز المضاد فى الدم يكون اعلى من ال MIC عشان يقدر يشتغل
إزاي أحسبه بقى ؟
هانجيب مجموعة من ال test tubes واضع فيها تركيزات مختلفة من المضاد الحيوى ودي بسميها serial dilutions يعنى بخفف المضاد بنسب معينة بحيث بعض الانابيب يكون فيها محلول المضاد مركز والتانية مخفف
يعنى مثلا تكون الانابيب فيها التركيزات دى من المضاد الحيوى: 0.5 - 1 - 2 - 4 - 8 - 16 - 32 - 64 مجم لكل ديسيلتر
طبعا أول أنبوبة التركيز فيها مخفف وآخر أنبوبة مركز. والتركيزات ماشية بنسبة 1 : 2 )كل أنبوبة نصف تركيز اللي بعدها( يعني الأنبوبة الثانية ضعف الأنبوبة الأولى، والأنبوبة الثالثة ضعف الثانية، والأنبوبة الرابعة ضعف الثالثة، وهكذا
هنحط البكتيريا بتاعتنا بنفس النسبة فى كل الأنابيب ودي بسميها inoculation يعنى بدخل البكتيريا جوة الانابيب
هآخد الانابيب وعلى الحضانة incubation واسيبها لمدة 24 ساعة بعد 24 ساعة اخرج الانابيب من الحضانة واتفرج. هلاقى ايه ؟؟؟؟
هلاقى انابيب فيها نمو بكتيرى وانابيب تانية نضيفة وزى الفل. طيب ليه ده حصل ؟؟؟
أكيد الانابيب اللى فيها تركيزات مخففة من المضاد مقدرتش تمنع نمو البكتيريا لان التركيز ضعيف وبالتالى البكتيريا طلعت له لسانها وقدرت تنمو عادى انما لما التركيز ابتدى يعلى ويصل الى درجة معينة ساعتها هو اللى طلع لسانه وقدر يمنع نمو البكتيريا
التركيز ده هو اول تركيز يعنى اقل تركيز وقف نمو البكتيرا لان الانابيب اللى بعده فيها تركيزات اعلى
يعنى لو لقيت اول انبوبتين فيهم bacterial growth والانبوبة الثالثة مفيهاش يبقى اكيد ال MIC هايبقى هو نفسه تركيز الانبوبة الثالثة يعنى تركيز mg/dl2 هايبقى هو ده ال MIC بتاعى للى يخص المضاد ده للبكتيريا دى بالذات
يبقى ببساطة ال MIC هو تركيز أول انبوبة لا يوجد بها اى نمو بكتيري
2- Minimum Bactericidal Concentration (MBC) :
دى بقى معناها اقل تركيز من المضاد هايقتل البكتيريا )مش مجرد يوقف نموها ويتركها حية( المرة دى انا عايزة دم. بتكلم فى قتل هانعمل ايه ؟؟؟؟؟
بمنتهى البساطة هاخد الانابيب النضيفة من الاختبار اللى فات . يعنى من اول الانبوبة اللى تركيزها 2 والانابيب اللى وراها 4 - 8 - 16 - 32 - 64
طبعا أول أنبوبتين 0.5 - 1 هارميهم لان دى تركيزات مقدرتش توقف نمو بكتيريا فمنطقى مش هاخدها عشان اختبرها فى القتل هاعمل ايه بالانابيب دى ؟؟؟
هاتزرعها فى طبق اجار agar petri dish ، البكتيريا واقف نموها بس هى لسة حية ولما انقلها على الاجار اللى هو وجبة الغذاء بتاعتها هاتقدر تنمو تانى لو لسة حية انما لو ماتت يبقى شكرا مش هاتكل الاجار ومش هاتنمو لانها اصبحت المرحومة دلوقتى هاسيب الاطباق بتاعة الاجار بالحضانة لمدة 24 ساعة
هاتفرج على النتايج هلاقى بعض الاطباق عليها نمو بكتيرى واطباق تانية نضيفة نضافة الصينى بعد غسيله
هابص على اول طبق نضيف بيحتوى على اقل تركيز يبقى هو ده MBC
مثلا لو لقيت نمو فى الاطباق بتاعة 2 - 4 - 8 - 16 بينما لقيت الاطباق 32 - 64 نضيفة يبقى اكيد تركيز 32 هو ده ال MBC
واضح طبعا ان تركيز 2 الى 16 تركيزات ضعيفة نسبيا قدرت بس توقف نمو البكتيريا لكن لم تقتلها وفضلت البكتيريا حية بالانابيب وبالتالى لما زرعتها فى اجار كثير اتغذت ونمت انما الانابيب اللى فيها تركيز 32 و 64 دى كانت التركيزات عالية لدرجة انها قتلت البكتيريا فى الانبوبة وبالتالى لما زرعتها على الاجار كانت ميتة اصلا وبالتالى معرفتش تنمو وهى دى التركيزات القاتلة
يبقى تركيز اول طبق نضيف هو ده ال MBC
فايدة الكلام ده ايه ؟؟؟؟
ان ده هو الشغل بتاع الابحاث اللى اتعمل عشان اعرف منه ايه الجرعات اللى المفروض اعطيها للمريض عشان تحقق فى الدم تركيز اعلى من MIC
كمان بيعرفنا لكل مضاد ايه هو peak and trough concentration وده شغل الصيادلة الاكلينيكيين
Peak and Trough Concentration:
Peak conc. :
ده أعلى تركيز بيوصل له المضاد فى الدم وبيتقاس غالبا بعد اعطاء الجرعة بحوالى نص ساعة عشان يكون خلص distribution فى الجسم لو اتاخد بالحقن او التنقيط الوريدى وده بيكون له قيمة معينة عشان لو اصبح اعلى من كدة فمعناه toxicity للمريض
Trough conc. :
ده اقل تركيز للمضاد في الدم وده بيتقاس غالبا قبل إعطاء الجرعة مباشرة وطبعا لو أصبح أقل من القيمة بتاعته فمعناها ان المضاد فقد فعاليته جوه الجسم وبالتالى لازم اعرف trough conc. كويس لانه بيحدد لى امتى ادخل بالجرعة التالية عشان احافظ على فعالية المضاد جوة الجسم وبالتالى بيساعدنى أحدد frequency of doses وعشان كدة بعض المضادات بتتاخد كل 8 ساعات زى الاموكيسيللين والبعض كل 6 ساعات زى الامبيسيللين والبعض كل 12 ساعة زى السيبروفلوكساسين والبعض كل 24 ساعة زى الليفوفلوكساسين.
إلى الغد نلتقي ان شاء الله
Infection & Colonization
1- Infection
ودى معناها وجود Pathogenic MO فى اى حتة فى الجسم وبتؤدى الى ظهور اعراض للعدوى ومن اهمها السخونية fever وارتفاع كرات الدم البيضاء leukocytosis
2- Colonization
ودى معناها وجود non pathogenic MO واتفقنا ان اسمها الفلورا ولكنها تتواجد بصورة طبيعية فى اماكن معينة فى الجسم ولا تؤدى الى ظهور عدوى الا لو اختل جهاز المناعة او قامت البكتيريا بتغيير موضعها translocation او استخدم الشخص مضاد حيوى واسع المجال بصورة خاطئة وتسبب فى عدوى ثانوية or suprainfection secondry
تفهم من الكلام اللى فوق ايه ؟؟؟
تفهم ان فيه مواضع فى الجسم محرمة حتى على الفلورا والمواضع دى بقول عليها normally sterile sites طيب زى ايه ؟؟؟ blood - urine - CSF - lower respiratory tract
انما ال upper respiratory tract بيحتوى على فلورا عادى لكن السفلى فده معقم ولو فكرنا ليه ؟؟؟ لان الجهاز التنفسى السفلى هو المسئول عن تبادل الغازات مع الدم ومستحيل الدم وهو سائل الحياة يكون فيه فلورا أصلاً. سبحانك يا ربى
وعشان كدة لو عملنا مزرعة بول أو دم فالمفروض ميطلعش بكتيريا انما لو طلع يبقى كدة خلاص عدوى وش.
انما لو اخدنا مسحة من الحلق او من الجلد وزرعناها فساعتها طبيعى الاقى بكتيريا اللى هى الفلورا الا طبعا لو لقيت بكتيريا مش من الفلورا او لقيت فلورا باعداد أكثر من اللزوم مع وجود اعراض وعلامات للعدوى يبقى كدة خلاص عدوى
Bacterial resistance:
زى ما عرفنا فى البوستات السابقة ان تعرض الميكروب بصورة متكررة للمضاد الحيوى بيخلى الميكروب يعرف يطور من نفسه ويحمى نفسه من هجمات المضاد الحيوى وهو ده بالضبط
)resistance( مبدأ
طيب ده بيحصل ازاى ؟؟؟ بيحصل ب 4 ميكانيزم.
تعالوا نتخيل المشهد ؛؛
لو افترضنا انك قاعد فى بيتك فى امان الله ورن عليك الجرس شخص عدو ليك وبيتمنى لك الشر والأذى. هاتحمى نفسك ازاى منه ؟؟؟
1- تبص من العين السحرية ومتفتحش الباب.
2- تفتح الباب وتسيبه يدخل وبعدين تنتقم منه وتطرده.
3- تفتح الباب وتسيبه يدخل وتذله وترفض تسلم عليه أو تعمل أى تواصل معاه
4- تفتح الباب وتسيبه يدخل وتقوم مديله علقة موت
هو ده بالضبط اللى بيحصل. البكتيريا قاعدة فى جسمك وانت اخدت مضاد حيوى عشان يهاجمها ويقضى عليها فهى هاتحمى نفسها بنفس الطرق دى
1- متسمحش للمضاد اصلا بالدخول وده عن طريق انها تقلل عدد او حجم الفتحات الصغيرة porins الموجودة على سطحها الخارجى وبالتالى تمنع دخول المضاد اصلا وافتكروا لما قلت لحضراتكم ان ال pseudomonas اصلا خلقة ربنا عنده ال porins دى ضيقة جدااااا وعشان كدة هو بيقاوم اغلب المضادات وان المضاد اللى هايشتغل عليه يستحق تعظيم سلام
2- ان البكتيريا تسمح للمضاد الحيوى انه يدخل جواها وبعد كدة تطرده براها عن طريق efflux pumps ودى مضخات بتطرد المضاد لبرة الخلية البكتيرية وبالتالى مش بيعرف يشتغل 3- ان البكتيريا تعمل طفرة mutation وبالتالى تصنع بروتينات وانزيمات غريبة وتسمح للمضاد بالدخول عادى بس المضاد مش هايعرف يعمل contact مع الانزيم او البروتين اللى كان متعود يشبك معاه ويبطل مفعوله ويهاجم البكتيرا عن طريقه
4- ان البكتيريا تسمح للمضاد بالدخول وبعدين تطلق عليه انزيم مخصوص زى ال beta lactamase enzyme والانزيم ده بقى هو اللى يهاجم المضاد ويديله علقة موت ويكسر حلقة البيتالاكتام وبالتالى المضاد فقد كل فعاليته وتاثيره
Penicillin G
Natural Penicillin V
Benzathine penicillin (long-acting)
Anti-staphylococcal Methicillin
Nafcillin
Oxacillin
Cloxacillin
Dicloxacillin
Flucloxacillin
Aminopenicillins Amoxicillin
Ampicillin
Broad-spectrum Ampicillin/Cloxacillin
Ampicillin/Dicloxacillin
Amoxicillin/Flucloxacillin
Beta-lactamase Inhibitors Clavulanic Acid
Sulbactam
Tazobactam
1st Gen. Cephalexin
Cephradine
Cephardroxil Cephazoline
2nd Gen. Cefuroxime Cefaclor
Cefprozil Cefoxitin
Cefotetan
3rd Gen. Cefixime
Cefpodoxime
Cefdinir
Cefditoren
Cefoperazone
Cefotaxime
Ceftazidime
Ceftriaxone
4th Gen. Cefipime
Cefpirome
5th Gen. Ceftaroline
βeta Lactams
Sulfadoxine/Pyrimethamine
Sulfadiazine/Pyrimethamine
Dapsone
Sulfamethoxazole/Trimethoprim (Co-trimoxazole)
Silver Sulfadiazine
Mafenide
Sulfasalazine
AminoSalicylic Acid (Mesalazine) (5-ASA)
1st Gen. Naldixic Acid
2nd Gen. Norfloxacin
Ciprofloxacin
Ofloxacin Enoxacin
Lomifloxacin
3rd Gen. Levofloxacin
Gatifloxacin
Gemifloxacin
Sparfloxacin
Moxifloxacin
4th Gen. Trovafloxacin
DNA
Synthesis inhibitors
Miscellaneous Cell Membrane Inhibitors
Bacterial Metabolism
Cell Wall Inhibitors
Anti-Mycobacterium
Polymyxins (Colistin, Polymyxin B, Gramicidin & Bacitracin)
Nitrofurans
Thiazolides
Fosfomycin
Isoniazid
Pyrazinamide
Ethambutol
Dapsone
RNA Synthesis Inhibitors
Rifamycins
Ansamycins
Fusidic Acid
Mupirocin
Unknown Mechanism Quinolines (Clioquinol &
Iodoquinol)
β-Lactams:
المجموعة دى اسمها كده لان فيها حلقة كيميائية شهيرة اسمها beta lactam ودي عبارة عن مربع زاويته اليمين السفلى عبارة عن ذرة نيتروجين والزاوية الشمال السفلى عبارة عن مجموعة كربونيل c=o وكلهم بيحتوا على الحلقة دي.
عايزة حضرتك اول ما تسمع لفظ بيتالاكتامز يجى فى ذهنك علطول المعلومات الآتية:
1- أن هذه المجموعة بتؤثر على الجدار الخلوىcell wall inhibitor
2- أنها لا تعمل الا على البكتيريا التى تحتوى على جدار خلوى او على مادة peptidoglycans فى الجدار الخلوى وبالتالى فلا تاثير لها على البكتيريا اللا نمطيةatypical bacteria
3- أن هذه المجموعة تدمر الجدار الخلوى وتؤدى الى تناثر محتويات الخلية البكتيرية وبالتالى فهى ذات تاثير قاتل للبكتيرياbactericidal
4- أن المجموعة دى كلها بتشترك فى نفس الاثار الجانبية للبنسيللينات وهى )الحساسية - التهاب الكلى - اضطرابات الجهاز الهضمى وخاصة الاسهال - ارتفاع انزيمات الكبد - قصور نخاع العظام مع طول الاستخدام - التشنجات اذا تراكمت فى مرضى الكلى(
5- المجموعة دى كلها بيتم التخلص منها عن طريق الكلى وبالتالى لازم اقلل الجرعة او ازود الفترات بين الجرعات فى حالة مرضى القصور الكلوى )عدا الجيل الثالث من السيفالوسبورينز( 6- المجموعة دى كلها بتعبر المشيمة ولا تاثير يذكر لها على الاجنة وبالتالى فهى مصنفة Category B ما عدا مضاد واحد ولسة هنتكلم عليه النهاردة ان شاء الله النقاط التجميعية دى بتسهل علينا المذاكرة جداااا وبالتالى ال 6نقاط دول لازم اعيهم كويس واهضمهم بشكل ممتاز لانى هاقولهم لو اتكلمت عن البيتالاكتامز.
نرجع نقسم البيتالاكتام الى 4 مجموعات فرعية وهي:
- Penicillins - Carbapenems
- Cephalosporins - Monobactams
1- Penicillins
derivatives of 6-aminopenicillanic acid المجموعة دى كيميائياً عبارة عن
معنى كدة كصيادلة دارسين كيمياء حتى النخاع هانعرف ان الموقع رقم 6 بيحتوى على مجموعة امينو والمجموعة دى بتتصل ب side chain اسمها Acyl group يعنى عبارة عن R-C=O كل اللعب بيتم فى مجموعة الألكايل R وبالتالى بحصل على مضادات كثير فى المجموعة دى يعنى مثلا لو كانت ال R عبارة عن حلقة بنزين متصلة فيها ميثيل يعنى مجموعة بنزيل هايبقى اسم المضاد benzyl penicillin or penicillin G
أما لو كانت R عبارة عن حلقة بنزين متصلة بذرة اوكسجين ثم مجموعة ميثيل بقى اسمها phenoxy methyl penicillin or Penicillen V وكمان فيه long-acting form من Penicillin G وده اسمه benzathine penicillin G أو اختصاراً benzathine penicillin اللي هو حقن البنسلين طويل المفعول
الفروق الصغيرة دى بتميزنا عن الطبيب لان الصيدلى عارف ان penicillin G مش ممكن يتاخد بالفم لانه هايتكسر بحمض المعدة بينما Penicillen V ممكن يتاخد بالفم عادي.
طيب ليه ؟؟؟ دى كيمياء بحتة
لو بصيت للتركيب الكيميائى للاتنين هتلاقيهم typical زى بعض ما عدا فرق واحد وهو وجود ذرة اوكسجين اتحشرت كدة فى ال side chain. ذرة واحدة قلبت كل الموازين لان ببساطة الاوكسجين عمل مجموعة phenoxy ودى بقى electron withdrawal group يعنى تقدر تقلل electron density بتاعة مجموعة الكاربونيل اللى شابكة مع ال R مباشرة لانها بتسحب الالكترونات ناحيتها وبالتالى تقلل ال nucleophilicity بتاعة الكاربونيل لان كثافة الالكترونات قلت وبالتالى رغبتها فى الاتحاد بالشحنات الموجبة nucleophilicity هاتقل ومعنى كدة ان الكاربونيل هاتهدى ومش هتهاجم الشحنات الموجبة بتاعة حلقة البيتا لاكتام الرباعية فى الوسط الحمضى وبالتالى حلقة البيتا لاكتام مش هاتتكسر وبالتالى اقدر اخدها بالفم عادى وهى دى فكرة تصنيع بنسيللين بالفم ان العلماء فهموا ان اللعبة كلها فى مجموعة ال R وانهم لو حطوا مجموعات ساحبة للالكترونات هايتغلبوا على مشكلة تكسير المضاد جوة المعدة المجموعة دي بتشتغل إزاى؟
MOA:
زى ما العنوان واضح هى بتمنع تخليق الجدار الخلوى واحنا كنا قلنا انه بيتكون من peptidoglycans وانه عامل زى قوالب الطوب المرصوصة فوق بعضها والمثبتة بروابط transpeptides
ببساطة هو بيمنع اخر خطوة فى تخليق الجدار الخلوى لانه بيوقف انزيم اسمه transpeptidase وبالتالى بيمنع تكوين الروابط من نوع transpeptide bonds وبكدة منع تكوين الاسمنت اللى بيمسك قوالب الطوب ببعض وده بيضعف الجدار.
مش بس كدة . ده كمان بيتحد مع بروتينات اسمها PBP = penicillin binding proteins ودى بروتينات موجودة على الغشاء cell membrane بس بتلعب دور مهم فى تكوين الجدار وبالتالى لو اتحدت مع المضاد هايمنعها من شغلها ومش هاتقدر تكون قوالب الطوب من اصله يبقى هو بيمنع تكوين الجدار عن طريق منع تكوين القوالب يعنى البوليمر نفسه مش بيتكون وحتى لو اتكون مش بيلصق مع بعضه لانه منع تكوين الروابط اللى هى الاسمنت والنتيجة بتكون ان الخلية بتفقد الجدار الخلوى تماما ويصبح الغشاء بتاعها مكشوف ولانه رقيق وضعيف مش بيتحمل الضغط الاسموزى وبينفجر وبالتالى كل محتويات الخلية البكتيرية بتتبعثر وتتطاير
تعالوا نشغل مخنا ونستنتج شوية معلومات من الميكانيزم
طالما الخلية هاتتناثر محتوياتها كدة يبقى الخلية ماتت يبقى البنسيللينز عبارة عن bactericidal agents
طالما البنسيللينات بتشتغل فقط على الجدار الخلوى يبقى طبيعى انها مش هاتشتغل اصلا على البكتيريا اللانمطية لان اغلبها معندوش جدار اصلا او أضعف الايمان معندوش
peptidoglycans وبالتالى NO atypical coverage كمان لاحظوا ان البنسيللينات بتشتغل على البكتيريا النشيطة اللى بتنمو بسرعة.
طيب ده يفيدنى فى ايه ؟؟؟؟؟ اقولك انا بقى:
Usage in combination with other Antibiotic:
لو استخدمت البنسيللينات مع bacteriostatic agent زى مثلا tetracyclines هايفقد المضاد كل فعاليته وده لان التيتراسيكلين هاتوقف نشاط ونمو البكتيريا ونظرا لان البنسيللين مش بيشتغل الا على البكتيريا النشيطة بس يبقى انا كدة فقدت وظيفته ك bactericidal وعشان كدة ممنوع تماما استخدام penicillins مع any bacteriostatics
لكن بما ان البنسيللينات بتدمر الجدار الخلوى فممكن استخدمها مع Aminoglycosides وده لان الجدار هايتدمر وبالتالى يبقى سهل على ال aminoglycosides انها تدخل الخلية البكتيرية اللى صعب عليها تدخلها من الاول بسبب الجدار الخلوى المتماسك فهنا البنسيللين يهدم الجدار والامينو يدخل ببساطة ويمنع تكوين البروتينات ويعطونى synergistic effect
بس خلى بالك ال combination ده لا يتم اعطائه فى نفس المحلول وريديا. ليه ؟؟؟؟ Aminoglycosides contains amino group ودى عليها شحنة موجبة والـ penicillins (derivative of 6-aminopenicillanic acids) contains carboxyl group ودى عليها شحنة سالبة، لو اتحطوا مع بعض الشحنة الموجبة هتتفاعل مع السالبة وتعمل inactive complex وبكدة اخسر الاتنين مع بعض
Classification:
1- Natural penicillins. 4- Broad-spectrum penicillins.
2- Antistaphylococcal penicillins. 5- Antipseudomonal penicillins.
3- Aminopenicillins.
1- Natural penicillins:
أول نوع وهو البنسيللينات الطبيعية ودول 3 أنواع:
Penicillin G (Pfizerpen®) - Penicillin V (Ospen®) - Benzathine penicillin
(Retarpen®)بنسيللين جى بيتاخد حقن فقط وريد او عضل، بنسيللين فى بيتاخد بالفم وشرحنا ليه.
آخر نوع ده البنسيللين طويل المفعول وده حقن عضلى فقط ولازم اختبار حساسية قبل كل حقنة حتى لو هاعطى الحقنة رقم 100 للمريض
المجموعة دى بتتكسر ببساطة بانزيم penicillinase or beta lactamase enzyme وبتفقد كل فعاليتها
Spectrum of activity:البنسيللينات بوجه عام شغالة أكثر على البكتيريا الموجبة وده بسبب انها polar and hydrophilic خاصة انها بتحتوى على carboxyl group وعشان كدة البكتيريا السالبة بتكون محاطة بغشاء خارجى من LPS يعنى فيه دهون ومش بتسمح اصلا للبنسيللينات بالمرور الا بعض الانواع البسيطة من البكتيريا السالبة
عشان كدة هى فعالة تجاه Streptococci وكمان فعالة تجاه البكتيريا العصوية الموجبة زى Bacillus بتاع الجمرة الخبيثة وكمان فعالة ضد البكتيريا الكروية السالبة يعنى كل مجموعة Neisseria وبالتالى ممكن استخدمهم فى السيلان والالتهاب السحائى
خلى بالك، هل انا جبت سيرة ال Staph. ؟ لا، ليه ؟
لأن البكتيريا من الستاف بتنتج انزيم beta lactamase enzyme وبالتالى هاتكسر المجموعة
Natuarl penicillins do NOT cover staphylococci .دى تماماً
Dosing:
البنسيللين طويل المفعول بيستخدم اصلا للوقاية من الحمى الروماتيزمية، وهو حقن عن طريق العضل وتركيزه مليون و200 ألف وحدة، الجرعة بالنسبة للاطفال اقل من 27 كيلو هى نص فيال يعنى 600 ألف وحدة دولية.
بينما الوزن الاعلى من 27 كجم فالجرعة بتكون فيال كاملة بتعطى عضل كل 3 او 4 أسابيع
وكمان هو فعال جداااااااااا فى علاج الزهرى syphilis وبيعطى بجرعة واحدة فقط فى حالات primary and secondary syphilis وهى 2.4 مليون وحدة يعنى حقنتين معاً فى العضل مرة واحدة single dose وبتقضى على الزهرى فى مهده والعلاج ده فعال حتى يومنا هذا.
2- Anti-staphylococcal penicillins :المجموعة دى فيها
Methicillin - nafcillin - oxacillin - cloxacillin - dicloxacillin - flucloxacillin
اول واحد وهو methicillin فده اتسحب تماما من السوق لانه بيعمل سمية عالية جدا فى الكلى وبيعمل التهاب كلوى شديد وعشان كدة اتسحب بس بيستخدم لسة فى مكان واحد مالوش تانى وهو المعامل عشان بيتم الاستعانة به للتفرقة بين نوعين من البكتيريا . افتكر كدة معايا MSSA = methicillin-sensitive staphylococcus aureus
MRSA = methicillin-resistant staphylococcus aureus .وطبعا النوع الثانى هو الاشرس
طيب بالنسبة لل nafcillin, oxacillin دول متوفرين حقن فقط ومش موجودين فى مصر، الثلاثة الباقيين متوفرين على شكل اقراص تؤخذ بالفم وموجودين فى مصر
Spectrum of activity:
المجموعة دى من اسمها بتقضى على ال staph. على عكس البنسيللينات الطبيعية اللى كانت مش بتقضى على الستاف . يبقى ايه الفرق بين المجموعتين دول من البنسيللينات ؟؟؟
الفرق ان المجموعة دى بتقاوم انزيم البيتالاكتاميز beta lactamase resistant وبالتالى مش بتتكسر بالانزيم ده وتقدر تقضى على بكتيريا الستاف ببساطة. بس أنهي ستاف ؟؟؟؟ الستاف الوديعة الطيبة MSSA فقط لا غير
انما natural penicillins كانت بتتكسر بالانزيم ده والانزيم ده بتفرزه بكتيريا الستاف وعشان كدة مش بتشتغل على الستاف خالص
مشكلة المجموعة دى ان نطاق عملها محدود جداااااااا of activity very narrow spectrum وده لانها شغالة فقط على الستاف وخاصة MSSA وعشان كدة استخدامها مكنش كثير لان لازم عشان استخدمها اعمل مزرعة واعرف ان البكتيريا ستاف عشان أقدر اوصفها عشان كدة العلماء اشتغلوا اكثر وغيروا فى مجموعة R عشان يوصلوا للمجموعة التالية وهى Aminopenicillins :Aminopenicillins -3
المجموعة دى بتضم : ِAmoxicillin - Ampicillin الاتيين دول شبه بعض جدا . ممكن يؤخذوا بالفم لانهم acid stable بس بيتكسروا بانزيم البيتا لاكتاميز . يبقى هل تتوقع ان يكون ليهم اى antistaph. effect ؟؟ طبعا لالالالا
Spectrum of activity:
ايه الميزة بقى عن Ospen®( pencillin V( ؟؟؟ ده الاتين بيؤخذوا بالفم وبيتكسروا بالبيتالاكتاميز
هاقولك ان وجود مجموعة امينو فى المضادات دى aminopenicillins وسعت المجال. يعنى ايه ؟؟؟ تعالوا نراجع البنسيللينات الطبيعية كانت شغالة على ايه
* Gram-positive cocci except STAPHYLOCOCCI كابيتال عشان تتذكرها
* Gram-positive bacilli such as bacillus
* Gram-negative cocci such as Neisseria * Treponema pallidum بتاع الزهرى وده للبنسيللين طويل المفعول فقط
؟؟؟؟ لا gram negative bacilli هل جبت سيرة
في المجموعة دى هتيجي سيرتها، يبقى نفس الكلام بالضبط ما عدا الزهرى وهيبقى مكانه:
* Gram-negative bacillii such as Haemophilus influenza - E.coli - Proteus mirabilis - Salmonella typhi بتاعة حمى التيفود
يبقى هى شغالة على 4 فقط من البكتيريا العصوية سالبة الجرام ويا ريت نحفظهم
طيب ايه الفرق بين الأموكسيللين والأمبيسيللين ؟؟؟
زى بعض. بس الاموكسيللين لا يتاثر امتصاصه بالطعام وممكن اخده فى اى وقت انما الامبيسيللين بيتاثر بالطعام ولازم يتاخد زى الاوسبن ospen على معدة فاضية يعنى قبل الأكل بساعة او بعد الاكل بساعتين، العلماء فرحوا جدا انهم قدروا يغطوا جزء من البكتيريا الساالبة بس لسة زعلانين عشان مش عارفين يغطوا الستاف
Dosing:
3 جرعة الاموكسيللين من 60 الى 90 مجم لكل كيلو جرام يوميا وتقسم كل 8 ساعات يعنىمرات يوميا
4 جرعة الامبيسيللين هى 50 الى 100 مجم لكل كيلوجرام يوميا وتقسم كل 6 ساعات يعنىمرات يوميا )على معدة
