د.عمر طِلِب

10/09/2025

ازاي مانستغلش التكنولوجيا الحديثة في تسهيل حياة الأطباء، زي مابنستخدمها في شغلنا؟
ترخيص العيادات والمنشآت الطبية لازم يكون رقمي من خلال تطبيق النقابة، وكذلك التسجيل وتجديد اشتراك النقابة واستخراج الشهادات.
الطبيب لازم يكون وقته ومجهوده مكرس لشغله وللمعرفة والتعلم، وهنا هنوفر ورش عمل وكورسات أونلاين وشبكة للتواصل مع الأطباء المصريين بالخارج، لإن الوقت ده علمك أولى بيه.
انتخب د. عمر طلب في قائمة ائتلاف أطباء مصر على مقعد تحت السن رقم 6 في النقابة العامة لأطباء مصر ومقعد تحت السن رقم 3 في نقابة أطباء الإسماعيلية.

09/09/2025

أي حد عايز يضمن رعاية صحية على مستوى للمصريين لازم يفكر في إنه يحافظ على الكوادر الطبية اللي على مستوى عالي من الخبرة، وإن الكوادر دي ماتهربش بسبب سوء أحوالها الاقتصادية، وإلا الطب في مصر هيكون في خطر.
برنامج د. عمر طلب الانتخابي، مرشح ائتلاف أطباء مصر في انتخابات التجديد النصفي لنقابة الأطباء، بيعتمد بشكل أساسي على تحسين الأوضاع المالية للأطباء، عن طريق التقاضي الجماعي والتفاوض على تحسين الأجور بحيث تواكب معدلات التضخم، وزيادة الحد الأدنى لبدل العدوى.
تحسين أوضاع الأطباء هو اللي بيضمن خدمة صحية تليق بالمصريين.
انتخب د. عمر طلب في قائمة ائتلاف أطباء مصر على مقعد تحت السن رقم 6 في النقابة العامة لأطباء مصر ومقعد تحت السن رقم 3 في نقابة أطباء الإسماعيلية.

08/09/2025

ماينفعش الطبيب يروح شغله وهو متوقع إنه ممكن يتضرب أو يتهان من المواطنين اللي بيخدمهم!
ماينفعش الطبيب يشتغل أكتر من 12 ساعة إلا في حالة النوبتجية، وفي الحالة دي لازم تاني يوم يكون أجازة.
برنامج د. عمر طلب، المرشح في قائمة ائتلاف أطباء مصر، بيهتم بالقضاء على ظاهرة الاعتداء على الأطقم الطبية في المستشفيات، وده عن طريق تفعيل شبكة "محامي الطوارئ" اللي تقدر تتحرك خلال ساعة واحدة لتقديم الدعم القانوني للطبيب المعتدى عليه في مكان عمله.
الائتلاف كمان بيخطط لإنشاء مرصد نقابي يرفع تقرير سنوي لتقييم مدى أمان المستشفيات للبرلمان ووزارة الصحة.
أمان الطبيب هو اللي بيضمن إن المنظومة الصحية تتطور وتقدم أفضل خدمة للمواطن.
انتخب د. عمر طلب في قائمة ائتلاف أطباء مصر على مقعد تحت السن رقم 6 في النقابة العامة لأطباء مصر ومقعد تحت السن رقم 3 في نقابة أطباء الإسماعيلية.

07/09/2025

البرنامج الانتخابي لقائمة ائتلاف أطباء مصر بيأكد إنهم مجموعة لامسة هموم الأطباء من أرض الواقع، وعندهم أهداف كبيرة وخطط حقيقية عشان يوصلوا لها.
تحسين أجور الأطباء: لازم الأجور تواكب معدلات التضخم والمستحقات المتأخرة تتدفع، وده مش هيحصل غير بالتقاضي الجماعي وإطلاق مبادرة "مرصد مستحقات الأطباء" اللي هتتابع مستحقات الأطباء المتأخرة، ورفع الحد الأدنى لبدل العدوى.
القضاء على ظاهرة الاعتداء على الأطقم الطبية: وده عن طريق تفعيل شبكة "محامي الطوارئ" اللي تقدر تتحرك خلال ساعة واحدة لتقديم الدعم القانوني للطبيب المعتدى عليه في مكان عمله، وتقديم تقرير سنوي عن مدى أمان المستشفيات للبرلمان ووزارة الصحة.
ائتلاف أطباء مصر بيرفض الحبس الاحتياطي للأطباء في القضايا المهنية إلا في حالات الإهمال الجسيم.
الائتلاف كمان هيقدم اقتراح قانون يمنح الضبطية القضائية لمقرري المنشآت الطبية في النقابات الفرعية للكشف عن أي حد ينتحل صفة طبيب.
انتخبوا قائمة ائتلاف أطباء مصر اللي بتسعى لوضع أفضل للأطباء.

05/09/2025

شارك معانا بصوتك..
قبل ما نعلن برنامجنا الانتخابي، محتاجين نسمع منكم أنتم.
انضموا لينا في Webinar مباشر، وسجلوا بيناتكم من هنا: https://shorturl.at/PD0SP

عملنا الـ Webinar بين المرشحين للانتخابات وبينكم، يوم الجمعة 12 سبتمبر 2025 الساعة 9:30 مساءً، بهدف إننا نسمع صوتكم ونناقش معاكم قضاياكم بشكل مفتوح.
خلال الويبينار، هتقدروا:
- تسألوا وتشاركوا استفساراتكم مباشرة مع المرشحين.
- تشاركوا بأفكاركم ومقترحاتكم لتطوير النقابة وتحسين ظروف العمل للأطباء.
- تفهموا إزاي مشاركتكم في الانتخابات هتأثر على حقوقكم ومستقبلكم المهني.

03/09/2025

د. عمر مش بس طبيب شاطر واستشاري أمراض نساء وتوليد، ولكن سيرته الذاتية بتأكد اهتمامه ببلده ومجتمعه والوطن العربي كله.
د. عمر طلب هو المدير التنفيذي لشركة Governile للسياحة العلاجية، واللي بتقدم تجربة فريدة واحترافية خصوصًا لأبناء الوطن العربي، ودي في حد ذاتها دعاية لمصر كبلد سياحية وكدولة متقدمة طبيًا من حيث التقنيات والخبرات وده الأهم.
وصل لمنصب أمين عام نقابة أطباء الإسماعيلية و، وكان له مشاركة في أعمال لجنة مصر العطاء بنقابة أطباء مصر بالمساعدات الطبية في غزة خلال الإبادة الأخيرة.
برنامجه الانتخابي اللي بيركز فيها على الإنقاذ المالي للأطباء وحل أزمة الأجور من خلال التقاضي الجماعي والتفاوض مع الدولة، وتحسين ظروف العمل وحل ظاهرة الاعتداء على الأطقم الطبية.
المنسق العام لمبادرة "قنطرة بلا كوفيد-19"، وده بيأكد على اهتمامه بمجتمعه وإنه بيشوف الطبيب عضو فعال قادر على التغيير مش مجرد ممارس لمهنة الطب.
شغل منصب نائب إداري في مستشفى الإسماعيلية العام ورئيس قسم الطوارئ فيها وده اللي بيأكد على إنه عقلية إدارية قوية.
دي كلها أسباب كافية تخليك تنتخبه في قائمة ائتلاف أطباء مصر في انتخابات التجديد النصفي لنقابة الأطباء.
انتخب د. عمر طلب في قائمة ائتلاف أطباء مصر على مقعد تحت السن رقم 6 في النقابة العامة لأطباء مصر ومقعد تحت السن رقم 3 في نقابة أطباء الإسماعيلية.

01/08/2025

اهالينا في القنطرة غرب وشرق وضواحيهم ،بإذن الله متواجد بمواعيد عيادتي بمستشفى القنطرة غرب يوم الخميس من كل أسبوع من ٧،٣٠ ص الى ٢،٣٠ م لمرضى التأمين الصحي الشامل الراغبين بتشرفينا في المستشفى

مواعيد عيادتي الخاصة كما هي طوال الاسبوع من ٦ م ل ١٠ م عدا الخميس من ٧،٣٠ م ل ١٠،٣٠ م

13/04/2025

04/04/2025

نعود السبت القادم ٥ ابريل باذن لمواعيد العيادة قبل رمضان من فترتين
١ ظ ل ٤ م فترة اولى
٦ م ل ١٠ م فترة ثانية

للاستعلام 0122870229
الحجز باولوية الحضور

28/02/2025

كل سنة وانتم طيبين، رمضان كريم عليكم وعلى اهاليكم واولادكم و حبايبكم

مواعيد العيادة في الشهر الكريم
من ٦،٣٠ م الي ١١ م فترة واحدة فقط، العودة باذن الله

د.عمر طلب
استشاري التوليد وامراض النساء وعلاج العقم