AIU Center for Student Welfare

19/02/2026

يهنئكم مركز الدعم الطلابي بقدوم شهر رمضان المبارك وكل سنة وانتم طيبين رمضان كريم 😍🌙

17/02/2026

مقتطفات من حضور ندوة السعادة والصحة النفسية "كيف نهيئ أنفسنا نفسيا لاستقبال رمضان المبارك"

سعدنا بوجودكم نورتونا وشرفتونا 😍😍

12/02/2026

12/02/2026

بمناسبة الترم الجديد ودخول رمضان علينا كل سنة وانتوا طيبين ورمضان كريم عليكم 😍

أوقات كتير بندوّر على بداية جديدة…
عادات جديدة نحب نكسبها،
وعادات تانية نفسنا نبعد عنها،
ودلوقتي عندنا فرصة مثالية للتغيير الحقيقي
مع دخول شهر رمضان المبارك 🌙✨

فلو حاسس بضغط، توتر، لخبطة مشاعر
أو محتاج تبدأ رمضان وانت متوازن نفسيًا
فتعال معانا نتكلم مع بعض فى أجواء رمضانية عن:

* علاقة الروحانيات بالصحة النفسية
* معنى السعادة الحقيقي والفرق بينها وبين الرضا النفسي
* الاستعداد النفسي لشهر رمضان والتكيف مع التغيرات
* إدارة التوتر والمشاعر السلبية أثناء الصيام
* تمارين عملية للتنفس والاسترخاء
* أدوات بسيطة تساعدك تبدأ رمضان بطاقة نفسية صحية.

وتفاصيل تانية كتير مهمة 💚

في انتظاركم
مع:
د. منة الله النجار
أ. عبدالكريم محمد

يوم الأحد 15 / 2 / 2026
من 12:00 إلى 1:30 ظهرًا
مبنى 8 – قاعة 1066

للتسجيل على اللينك التالى:
https://forms.office.com/Pages/ResponsePage.aspx?id=lCWgN_ciHEGasVu16Kaq7f8jXS63QQNLodjDbVBX9SdUNzRURllaVkc2TFhWNk44WjJLSThTWUcwWS4u

25/01/2026

يفخر مركز الدعم الطلابي ومتطوعوه من الطلاب المتميزين بالمشاركة في هذا الإنجاز الريادي، نحو جامعة معززة للصحة.

15/01/2026

تحت رعاية السيد الأستاذ الدكتور عصام الكردي، رئيس جامعة العلمين الدولية، وإشراف السيد الأستاذ الدكتور هشام جابر، نائب رئيس الجامعة للشؤون الأكاديمية وفي إطار خطة الأنشطة الطلابية بالجامعة.

تنظم جامعة العلمين الدولية رحلة إلى مدينة أسوان والقرية النوبية لمدة أربعة أيام (ثلاث ليالي) في الفترة من الخميس ١٢ فبراير الي الأحد ١٥ فبراير ٢٠٢٦.

على أن يكون التحرك مساء يوم الأربعاء ١١ فبراير ٢٠٢٦ من الاسكندرية.

ونظرا لرغبة الطلاب فى الانتقال من الاسكندرية إلى أسوان بالقطار تم تغيير وسيلة الانتقال على ان يكون سعر الإشتراك ٥٨٥٠ جنيهاً للطالب.

​🚨 آخر موعد لحجز الرحلة يوم الثلاثاء الموافق ٢٠ يناير ٢٠٢٦ او حتى اكتمال الاعداد

للحجز يرجي التوجه لمكتب الأنشطة الطلابية: B11-G-1047

23/12/2025

من فعاليات التوعوية باضطراب الاكتئاب، نورتونا وشرفتونا فى مركز الدعم الطلابي بجامعة العلمين الدولية 😍

20/12/2025

مقتطفات من فعاليات التوعوية بإضطراب الاكتئاب
اتبسطنا جدا معاكم وافتكرو دايما انكم مش لوحدكم، مركز الدعم الطلابي موجود ليكم دائما
مكانا فى مبنى ٢ مكتب ٦٩ و ٧٠
نورتونا 😍

13/12/2025

في إطار حرص جامعة العلمين على دعم الصحة النفسية للطلاب،
تُعلن وحدة الدعم النفسي عن بدء:

Support Group للاكتئاب

الجروب مُخصص للطلاب اللي بيعانوا من:
• شعور مستمر بالحزن أو الضيق
• فقدان الشغف والطاقة
• ضغط نفسي أو إرهاق عاطفي
• صعوبة في التعبير عن المشاعر

الجروب مساحة آمنة للدعم، الفهم، والمشاركة بدون حكم.

* مشاركة المشاعر في بيئة آمنة
* فهم الاكتئاب وتأثيره النفسي
* تمارين نفسية بسيطة للتعامل مع الأفكار السلبية
* دعم جماعي بإشراف متخصص

إشراف:
د. منه النجار
دكتوراه علم النفس الطبي الإكلينيكي

* السرية والخصوصية مضمونة
* المشاركة اختيارية حسب راحة الطالب

لو مش عاوز تحس انك لوحدك…
الجروب ده معمول علشانك.

منتظريكم يوم الاتنين 15 ديسمبر 2025 الساعة 11:00 ص إلى 12:30 م فى مبنى 8 قاعة 1066
الاعداد محدود جدا جدا

لتسجيل الحضور من خلال الفورم التالى:
https://forms.cloud.microsoft/Pages/ResponsePage.aspx?id=lCWgN_ciHEGasVu16Kaq7f8jXS63QQNLodjDbVBX9SdUODU4U0FTU1ZKU05ZV0hRSEkxQkdEUjhDMi4u

07/12/2025

هل سبق وحسيتم إنكم "مش أنتم"، أو إن اليوم بيمر تقيل ومش فاهمين ليه؟

الاكتئاب من أكثر الاضطرابات انتشاراً… وفهمه هو أول خطوة للعلاج والدعم.

من خلال الندوة التفاعلية هنتعرف على
:
الفرق بين الحزن الطبيعي والاكتئاب؟

ايه هو الإكتئاب وايه تأثيره؟

إزاى نميّز علاماته عند نفسنا أو أصحابنا؟

انواع الإكتئاب واسبابه ؟

لو انا او حد عزيز عليا بيمر بالإكتئاب ازاي ممكن نساعده؟

إمتى نطلب مساعدة مختص؟

ومعلومات تانيه كتير هتفرق معاكم ومع الناس اللي بتحبوها.

هنستناكم يوم الاربعاء 10\12\2025 الساعة 12:00ظهراً إلى 1:30 ظهراً فى مبنى 8 قاعة 1066 مع أ. عبدالكريم محمد


ملاحظة: الفعالية اختيارية لكن حضوركم ممكن يغيّر حياة حد ❤️
ويا ريت اللى يقدر يلبس أبيض دعمًا للصحة النفسية.

شاركونا… واعرفوا أكتر، وادعموا غيركم

للتسجيل من خلال اللينك
https://forms.office.com/Pages/ResponsePage.aspx?id=lCWgN_ciHEGasVu16Kaq7f8jXS63QQNLodjDbVBX9SdURUdSNTdGUzgxVTNLNzRJSUs3V1ZaTkw1RC4u

25/11/2025

مقتطفات من ورشة العمل ADHD
اتبسطنا جدا معاكم وفى انتظاركم فى الفعالية القادمة انتظرونا 😍

20/11/2025

فى اطار مبادرة جامعة معززة بالصحة
تحت رعاية الأستاذ الدكتور عصام الكردي رئيس جامعة العلمين الدولية، والأستاذ الدكتور هشام جابر نائب رئيس الجامعة للشئون الأكاديمية، ينظم مركز الدعم الطلابي ورشة عمل عن اضطراب ADHD لنشر الوعى ..
هل سمعت قبل كده عن اضطراب ADHD؟
هل حاسس إنك ساعات بيكون عندك تشتت، صعوبة في التركيز، أو طاقة زيادة ومش عارف تتحكم فيها؟
أو تعرف ناس حواليك عندهم نفس التحديات دى وعايز تفهم أكتر

مركز الدعم الطلابي بيقدم لكم سيشن توعوي خاص عن اضطراب فرط النشاط ونقص التحكم فى الانتباه (ADHD)
هنتكلم فيه عن:
- معناها الحقيقي
- أعراضها
- إزاي نتعامل معاها بشكل صحي
- ايه هى الماكولات الغذائية اللى بتقلل من حدة الاضطراب
- إزاي نتعامل مع التشتت والاندفاع؟
- وإزاي ندعم نفسنا وندعم الناس اللي حوالينا؟

واكتر من كدا مع اخصائية الدعم الطلابى أ. بسنت عبد العزيز والمعالجة النفسية د. منة النجار فى يوم الاثنين ٢٥ نوفمبر ٢٠٢٥ الساعة 12:00م الى 2:00 م

للتجسيل من خلال الفورم
https://forms.office.com/Pages/ResponsePage.aspx?id=lCWgN_ciHEGasVu16Kaq7f8jXS63QQNLodjDbVBX9SdUNEFPODRRODRZT1BJWVFIV1VWTlZZWFVaNy4u