26/11/2025
حياة الرجالة بعد الجواز كلها نعم والله، يعني تخيل أدي مراتي حاجة -واجبة عليا- بطيب نفس وبنية كويس فأبقى كده بعمل خير وباخد حسنات، تخيل كلمة طيبة ليها باخد عليها حسنات، كظم غيظ باخد عليه حسنات، تفويت أو تغافل تاخد عليه حسنات، ده كأن ربنا بيجوزنا عشان يساعدنا سبحانه وتعالى ندخل الجنة. ❤️
ولا أطفالك، شقاوة أطفالك ربنا بيديك عليها حسنات، لعبك معاهم حسنات، الحاجة الحلوة وأنت طالع حسنات، الفسحة حسنات، تربيتك ليهم حسنات، ده غير إنك بتهذب نفسك وتتربى من جديد معاهم وأنت بتربيهم. ❤️
يعني تعبك وشقاك اللي أكيد متعبين ومش بالسهل كل ده أنت اللي محتاجه، بجد نعمة عظيمة أوي، كفاية دعواتهم ليك، والحب اللي مش ممكن تلاقيه في أي مكان تاني، أنا مبسوط أوي من نعم ربنا عليا ولطفه بيا واختياره الصح ليا، كل يوم بفكر كان إيه في الدنيا ممكن يديني القدر ده من السعادة والحسنات غير بناء أسرة والحقيقة مش بلاقي، بجد طريق للجنة ربنا بيبعته ليك من غير أي مجهود، ربنا يجوزكم ويحفظلكم أسركم ويسعدكم باختياراتكم ❤️
