https://www.facebook.com/101612491198214/

Amany Mohamed, Alexandria (2025)

19/08/2025

ليه المفروض أعمل ﻹبني اختبار الذكاء ( I.Q test ) 🤔
أهم خطوه المفروض نقوم بيها قبل مانفكر ندخل ولادنا مدرسة إيه هو إننا نعرف مستوى ذكاءهم ...

لان للاسف عدم تقييمنا لمستوى ذكاء طفلنا قبل مايدخل المدرسه أو في السنين اﻷولى لدراسته عادة بتكون مصدر رئيسي لمشاكل كتير هيعاني منها في المستقبل !!

لو مش مصدقين طيب تعالوا معايا نتصور كده طفل ذكاؤه كان متوسط وأهله قرروا يدخلوه مدرسه لغات على أمل إنه يبقى متفوق وبيحاولوا يذاكروا معاه بكل الطرق وهو كل سنه ينجح بالعافية !!
متخيلين المعاناه النفسيه والماديه على الطفل و أسرته هتكون عامله إزاي ؟!!
للاسف كتير من اﻷسر بتحرم نفسها علشان تعلم ابنها تعليم مش هيبقى مفيد بالعكس هيخليه يتعقد ويكتئب ويكره التعليم ويصاب باﻹضطرابات السلوكية

شفنا كتير أهل اتصدموا في ولادهم علشان مادخلوش كلية قمه رغم إن مستوى ذكاء أولادهم مايسمحش بكده أبدا ..

طيب إيه هو إختبار الذكاء وإزاي بعض اﻷسئله تقدر تحدد مستوى ذكاء إبني وتقيم مستواه التعليمي والثقافي ؟؟؟

إختبارات الذكاء دي اختبارات اتصممت بطريقه علميه علشان تغطي كل الجوانب والقدرات العقليه اللي بيعتمد عليها الفرد ﻹنجاز مهمه عقليه وعلى أساس إجابات الطفل اللي بيسأله فيها أحد اﻷخصائيين النفسيين المدربين لعمل هذا اﻹختبار بيتم تجميع درجات هذا اﻹختبار وتحديد مستوى ذكاء إبننا ...

لو النتيجه طلعت :

أكثر من 140 يبقى ده معناه إن ابنك عبقري وده معناه إنك لازم تطوري من قدرات ابنك 💪💪

ولو طلع من 120 إلى 140 فده معناه إن طفلك ذكي جدا وهتقدري مع بعض اﻹهتمام بيه إنه يبقى من الناس الشاطره جدا واللي هيقدر يحقق كل اللي انتي عايزاه منه تعليميا 💪

أما بقى لو طفلك طلع مستوى ذكاؤه من 110 إلى 120 فده معناه إن مستوى ذكاء طفلنا فوق المتوسط وإنه هيقدر ينجز في دراسته الجامعية 👍

لو مستوى الذكاء بيتراوح من 90 إلى 110 فده معناه إن طفلنا متوسط الذكاء وده بيدينا إنطباع إنه هيقدر يأدي في حياته كويس لكن مانطلبش منه أو نضغط عليه إنه يخش كليات قمه 😞

لو لقينا مستوى الذكاء بيتراوح من 80 إلى 90 فده معناه مستوى ذكاء إبننا تحت المتوسط وأرجوكم بلاش ساعتها المدارس الصعبه وبلاش نقارنه خالص بحد من العيله ولازم نعيد الشرح كتير علشان يتحسن اﻹستيعاب بتاعه 😑

أما بقى لو مستوى الذكاء من 70 إلى 80 فأرجوكم بلاش طريق الثانويه العامه ده وعلى فكره ابنكم هيكون ناجح جدا في الشغل المهني واليدوي وهيكون فاشل جدا في دراسته الجامعيه ... عايزين ابنكم ينجح ولا يفشل 😡 ؟!!!

لو اختبار الذكاء أقل من 70 فغالباً اﻷهل بيكونوا شايفين ده وبيكون غالبا عمل اختبار ذكاء قبل كده وبنبدأ العمل معاه في جلسات تنمية المهارات 😊
من الاخر اختبار الذكاء مهم علشان تعرفى قدرات ابنك وتتعاملى على اساسها👌👍

27/07/2025

💢 التسلسل النمائي للمهارات 💢

مفيش مهارة بتُكتسب من غير ما تكون المهارات اللي بتدعمها اتأسست واتقنت فعليًا.

لو اشتغلت على مهارة من النص قبل ما تتأسس اللي قبلها، الطفل هيتلخبط ومش هيستجيب.

⸻

عشان الطفل يقدر يتعلم ويتفاعل مع البيئة من حوله، لازم يمر بمراحل نمو مرتبة ومنظمة، وكل مرحلة بتمهد للمرحلة اللي بعدها.
يعني مفيش مهارة بتطلع فجأة، كل مهارة معتمدة على مهارات تانية قبلها، اسمها المهارات التأسيسية أو المهارات السابقة (Prerequisite Skills).
وده اللي بنسميه التسلسل النمائي للمهارات (Developmental Sequence of Skills).

⸻

🧠 البداية: الانتباه والإدراك

أول حاجة بيتعلمها الطفل فعليًا هي الانتباه البصري (Visual Attention)، يعني يقدر يركّز عينيه على شخص أو شيء ثابت.
وده بيقوده بعد كده لتعلم الانتباه المشترك (Joint Attention)، وده معناه إنه يقدر يشارك شخص بالغ الانتباه لحاجة معينة، زي إنه يبص على لعبة لما حد يشاور له عليها.

من غير الاتنين دول، الطفل مش هيقدر يتابع ولا يتعلم، حتى ولا يتواصل.

بعد كده الطفل يبدأ يلاحظ الأصوات حواليه، وده اسمه الإدراك السمعي (Auditory Awareness).
لما يسمع صوت أمه أو اسمه أو لعبة معينة ويركز معاها، دي بداية كويسة جدًا.

وبعدين ننتقل إلى التمييز السمعي (Auditory Discrimination)، يعني يفرّق بين الأصوات والكلمات، ويبدأ ينفذ تعليمات بسيطة من خطوة واحدة (One-Step Instructions)، زي “هات الكرة” أو “اقفل الباب”.

⸻

اللعب والمعالجة البصرية 🧸

بعد كده، الطفل يبدأ يتفاعل مع الألعاب، لكن مش أي نوع من اللعب.
أول مرحلة هي اللعب الفردي (Independent Play)، إنه يقدر يلعب لوحده من غير توجيه.
ثم اللعب الوظيفي (Functional Play)، يعني يستخدم اللعبة بالطريقة الصحيحة، زي إنه يدفع عربية أو يقرّب المعلقة لفمه.

هنا الطفل بيبدأ يكتسب مهارات التمييز البصري (Visual Discrimination)، ودي مهمة جدًا لأنه بيشوف الفرق بين لون ولون أو شكل وشكل.
وده بيقوده لمرحلة المطابقة (Matching)، إنه يطابق شكلين متشابهين، وبعدها التصنيف حسب خاصية واحدة (Categorization)، زي إنه يحط كل الكرات مع بعض أو كل الحيوانات مع بعض.

⸻

🖐️ التنسيق الحركي البصري والمهارات التمهيدية

مع التقدم، الطفل يبدأ يستخدم إيده وعينه مع بعض، وده بنسميه التآزر البصري الحركي (Visual-Motor Integration)، زي إنه يدخل قطعة في مكانها أو يتتبع خط بعينه وبإيده.

بعد ما يتقن المهارة دي، نبدأ ندخله في مهارات ما قبل الأكاديمي (Pre-Academic Skills)، زي إنه:
• يمسك القلم بطريقة صحيحة (Tripod Grasp)
• يلوّن جوه الخط
• ينسخ أشكال (Copying Shapes)
• يتتبع خطوط أو مسارات

من غير الخطوات دي، الطفل مش هيعرف يكتب أو يرسم أو يشتغل على أنشطة أكاديمية لاحقًا.

⸻

🎭 اللعب الرمزي والتخيل

بعد ما يكون الطفل فاهم وظيفة الأدوات، بنبدأ نشتغل على اللعب التخيلي (Pretend Play) أو اللعب الرمزي (Symbolic Play).
في المرحلة دي، الطفل يبدأ يستخدم شيء على إنه شيء تاني، زي إنه يطعم الدمية أو يتظاهر إنه بيطبخ.
اللعب ده مهم جدًا لأنه بيطوّر التفكير الرمزي (Representational Thinking) وبيفتح له مجال التعبير والخيال.

⸻

🧩 التفكير وحل المشكلات

دلوقتي الطفل يقدر يبدأ يحل مشكلات بسيطة، وده اسمه حل المشكلات (Problem Solving).
يعني مثلًا يوصل لحل لو اللعبة وقعت، أو يستخدم كرسي عشان يوصل لحاجة.

وبيبدأ كمان يظهر عنده التفكير الاستدلالي (Inferential Thinking)، إنه يربط سبب ونتيجة، أو يستنتج حاجة من موقف معين.

⸻

🧘‍♂️ التنظيم وضبط النفس

في المرحلة دي، الطفل بيتعلم التنظيم الذاتي (Self-Regulation) وضبط النفس (Inhibitory Control)،
يعني يقدر:
• يستنى دوره (Waiting)
• ما يندفعش فجأة (Impulse Control)
• يلتزم بتعليمات في نشاط جماعي

ودي من أكتر المهارات اللي بتؤهل الطفل للدمج أو للتعامل في الفصول.

⸻

🧠 الوظائف التنفيذية

أعلى مستوى بيوصل له الطفل هو اكتساب مهارات الوظائف التنفيذية (Executive Function Skills)، وهي:
• التخطيط (Planning): يعرف يخطط لسلسلة خطوات
• المرونة المعرفية (Cognitive Flexibility): يغير طريقته لو الأولى ما نفعتش
• الانتباه الموجه (Directed Attention): يركز على شيء لفترة طويلة
• الذاكرة العاملة (Working Memory): يحتفظ بالمعلومة في دماغه عشان يستخدمها بعد ثوانٍ أو دقائق

المهارات دي أساسية جدًا في المهام الدراسية، والتواصل، والاستقلالية.

27/07/2025

العناد عند الأطفال يعتبر جزءًا طبيعيًا من مراحل النمو و القلق بشأنه ليس مطلوبًا ✋🏻
و يجب التعامل معه على تحفيز الطفل للتصرف بإيجابية عبر القصص المشجعة 👏🏻

20/07/2025

💥 ازاي تعاقبي طفلك من غير ضرب؟!

(في 5 خطوات بسيطة وسحرية ✋)

🔹 1. اتكلمي معاه بهدوء (حتى لو انتي مش هادية 😤)
خديه على جنب، وانزلي لمستواه، وبصّي في عينيه وقولي له "اللي عملته ده غلط، وده ليه عواقب". صوتك الهادي أقوى من الصريخ.

🔹 2. عقاب له معنى مش عشوائي
يعني لو كسّر لعبة، يبقى مش هيلعب بيها تاني. لو اتأخر في المذاكرة، مفيش كارتون. اربطي العقاب بالتصرف الغلط عشان يفهم.

🔹 3. الـ"تايم أوت" الذكي 🕒
ادّيه وقت يقعد فيه لوحده (دقيقه لكل سنة من عمره)، يراجع نفسه، ويرجعلك أهدى. مش ركنة تهزيق، لكن لحظة تهدئة.

🔹 4. خليه يصلّح غلطه
لو شتم، يعتذر. لو خبّط، يساعد في التنضيف. كده بيتعلم يتحمّل مسؤولية تصرفاته.

🔹 5. شجّعيه لما يعمل الصح ❤️
كل ما يعبر عن نفسه بطريقة كويسة، أو يسمع الكلام، امدحيه، واظهري له إنك شايفة وبتقدّري تصرفه.

💡 خليكي فاكرة دايمًا:
إنتي الموديل اللي ابنك بيقلده. لو شافك بتتحكّمي في غضبك، هيتعلم يعمل كده.

19/07/2025

🧩 لماذا ينزعج طفل التوحد من العناق أو القبلة؟

كثير من الأمهات تشتكي:
“طفلي لا يحبني؟ يبتعد لما أضمه؟ يرفض القُبلة؟”

والإجابة ببساطة:
هو لا يرفض الحب… لكنه يشعر به بطريقة مختلفة.

💡 أطفال التوحد غالبًا يعانون من حساسية حسّية.
يعني:
• العناق = ضغط مفاجئ
• القبلة = ملمس مزعج
• التلامس = تهديد أو فقدان للسيطرة

🧠 دماغه يفسر العناق بشكل مختلف… مش زي باقي الأطفال.

⸻

🎯 كيف أُظهر له الحب؟
• احترمي حدوده
• جربي لمسات بسيطة مثل لمس الكتف أو “هاي فايف”
• شاركيه اللعب أو الجلوس بجانبه
• وإذا قبل العناق لاحقًا: جربي عناق الضغط الهادئ والثابت

⸻

طفلك يحبك… فقط بلغته هو ❤️

17/07/2025

" العند اللي ملوش زرار OFF "

( طفلك + العند = ميني نسخة منك بس ضدك )

🎬 المشهد :

– الأم: "قوم نلبس"
– الطفل: "لااااااااااااااااااا"
– "طب ناكل؟"
– "لاااااااااااااا"
– "طب نعيط؟"
– "آه!"

ما بين سن سنتين لـ ٥ سنوات…
أنت مش بتربي طفل،
أنت بتتفاوض مع دبلوماسي صغير عنده رغبة قوية في قول "لا" بدون سبب

طب ليه بيعنّد؟ 🤔

▪️الطفل بدأ يكتشف إنه "شخص مستقل"
▪️بيحب يجرب يقول "لأ" ويشوف إيه هيحصل
▪️ساعات بيكون تعبان، زهقان، جعان أو نعسان
▪️أو ببساطة… "عنده مزاج"

مهم نعرف :
العند مش دايمًا تحدي ليكي،
هو أحيانًا وسيلة الطفل يقول "أنا ليّا رأي!"
( حتى لو الرأي ده إن الجوارب تتلبس على الراس )

✅ نعمل إيه مع العند :

1- اختيارات بدل أوامر :

"البس البنطلون!"
✅ "تحب تلبس البنطلون الأحمر ولا الأزرق؟"
( هو كده حس إنه اختار… لكن انتِ اللي كسبتي )

2- استخدمي "عداد التهيئة" :

"بعد ٥ دقايق هنقفل الكرتون ونلبس"
( مش هنقفل فجأة ونستقبل زلزال العياط )

3- العند محتاج هدوء… مش عصبية

كل ما تعصّبتي، هو بيحس بقوته أكتر
بالعند = الطفل بيجرب "مين اللي بيسيطر؟"

4- حولي الموقف للعبة

– "يلا نشوف مين يلبس أسرع!"
– "البنطلون هيزعل لو ما تلبسش!"
– "إنت البطل اللي هيحط الشوز النهارده!"

5- قولي "أنا فاهمة" قبل ما تطلبي

"أنا عارفة إنك مش عايز تنام، بس جسمك محتاج يرتاح"
( المفاجأة: الاعتراف بمشاعره بيقلل عنده جدًا )

مشهد حقيقي :

– الأم: "قوم نروح النادي"
– الطفل: "لأ"
– الأم: "ليه؟"
– الطفل: "علشان بحبك"
( الطفل هنا بلغ مستوى متقدّم جدًا في فلسفة العند )

💡 معلومة مهمة :
العند في السن ده طبيعي
لكن مهم نفرّق بين "العند الصحي" اللي بيعبر عن استقلال
وبين العند الزائد اللي بيأثر على علاقاته أو نومه أو أكله

✋ نصيحة ذهبية :
لما تبقي بتتعصّبي بسبب العند…
خدي نفس، وافتكري :
" العند مرحلة… مش نهاية العالم"
( بس أحيانًا بيبقى نهاية أعصابك )

25/08/2024

اتعامل ازاي مع الطفل الحركي🤸🤸

الطفل ده محتاج مني اقبله وافهمه واساعده يستغل الحركه والنشاط بطريقه صح ( بس كده )

اول مرحله علشان اعرف اتعامل مع الطفل كثير الحركه هي القبول والتفهم ان الموضوع مش بمزاجه ومش بايده وهو مش عايز يضايقنا على فكره ولا قاصد يستفزنا دى طبيعة شخصية ( فبلاش ناخذ الموضوع بشخصنة )

علشان كده لازم اقبل شخصيه الطفل زي ما هي من غير انتقادات ومن غير مسميات غريبه او القاب مش كويسه بخصوص الحركه بتاعته وخصوصا قدام الناس ( اصله بيتشقلب- ده زي القرد بيتنطط طول النهار- اصله بيمشي على الحيطه ) والكلام ده كله مش صح خالص

ودي شويه خطوات عمليه ممكن تساعدك :-

١/ الروتين اليومي :-

الطفل ده غالبا بيبقى عشوائي وفوضوي ومش منظم احنا محتاجين نساعده يكون ملتزم ومنظم علشان كده كويس ان يكون في روتين يومي للطفل زي وقت النوم ووقت الصحيان ووقت الاكل ووقت اللعب ده بيساعده يكون ملتزم اكثر علشان كده اعملي جدول انتى وطفلك وخليه يكتب او يرسم بايده علشان يكون متعاون اكثر هنعمل ايه طول اليوم او طول الاسبوع

٢/ ثاني حاجه التغذيه المناسبه :-

الطفل كثير الحركه فيه اطعمه معينه بتخلي الطفل يكون نشاطه عالي اوي حاولي تبعدي عنها قدر الامكان زي السكريات والمواد الحافظه والمشروبات الغازيه والشيكولاته والكافيين والايس كريم والنشويات بكميات مبالغ فيها حاولي تعتمدي اكثر على البروتين والخضار والفاكهه اكثر حاجه

٣/ الخروج الى الطبيعة :-

الطفل ده محتاج جدا يخرج لاماكن مفتوحه علشان يخرج طاقته بطريقه صح بعيدا عن الانتقاد والانتهار والزعيق وبلاش التنطيط والكلام ده كله خليه يخرج في اماكن مفتوحه ويطلع طاقته فيها بدل ما يطلعها عليكى انتى في البيت

٤/ الطفل ده لازم يكون ليه دور في البيت :-

لو عرفتي تستغليه صح بأمانة هيكون معاكي كأنه حد كبير تقدري تعتمدي عليه من الاخر خليه يساعدك في كل حاجه ادي له مهام طول الوقت يلا ننظف البيت سوا يلا ننشر الغسيل يلا نطبق الهدوم ساعدني في غسيل الخضار يلا اعمل السلطه ( طبعا سكينه بلاستيك ) امسح الاوضه بتاعتك يلا نرتب الالعاب لمع السفره اي حاجه بتعمليها خليه يساعدك فيها بس طولي بالك وعلميه بشويش واتفرجي بجد على النتيجه احساس الاهميه ده رائع جدا للاطفال وبيعدل كثير قوي من سلوكياتهم

٥/ التمارين الرياضية :-

ممارسه التمارين دي نقطه اساسيه جدا لو طفلك حركي لازم يتمرن لو في البيت ممكن المشي والجري والقفز والرقص ولو بره البيت او في النادي طبعا هيكون حاجه كويسه جدا

25/08/2024

💥 مشاكل الأطفال وحلها 💥

😡 المشكله : طفل عنيد
🙂 الحل : لا تعانده أثناء عناده فهو يطبق ما يري امنحه مزيدا من الحب والحضن .

😡 المشكلة : طفل كثير الحركة
🙂 الحل : اشغله بأنشطة حركية وليخفف من تناول السكريات لأنها تزيد من حيويته أعطه مسئوليات.

😡 المشكله : طفل لا يأكل جيدا
🙂 الحل : لا تغضبه أبدا حول تناوله للطعام إلي لعبه أو منافسة زين له الطعام بالفواكه الملونه .

😡 المشكله : طفل يكذب
🙂 الحل : أعطه الأمان فالطفل لا يكذب إلا إذا كان خائف وتحت ضغط التهديد أشعره بالأمان ثم عزز له قيمه الصدق .

😡 المشكله : طفل يتلفظ بألفاظ بذيئة
🙂 الحل : لا تصرخ عليه بل نبهه باللين وأخبره بأن نظافة اللسان من نظافة القلب وحاول معرفه المصدر .

😡 المشكله : طفلك يعاند ويبكي أثناء استيقاظه
🙂 الحل : امسح على رأسه بهدوء وناده بأحب اسماؤه وأقرأ أيه الكرسي بدل الصراخ .

😡 المشكلة : طفلك يتأتأ اثناء النطق
🙂 الحل : امدحه وأكثر من تشجيعه لا تضحك على ما يقول واعرضه على اخصائي تخاطب لتدريبه على الكلام وحل المشكلة.

23/08/2024

كيف نتعامل مع الطفل العنيد 🤔

أولاً لازم نعرف ان العناد نوعان :

👈 العناد الإيجابي :
عناد الطفل و إصراره على تكرار عمل ما فشل فيه وهذا مقبول ولازم نشجع الطفل عليه باستمرار .

👈 العناد السلبي :
عناد الطفل لأهله كرفضه الذهاب إلى النوم عندما يطلب من الوالدين ذلك أو رفضه تناول الطعام مثلا وهذا هو العناد الذي سوف نتكلم عنه في هذا المنشور

تربية الطفل العنيد تحتاج الى بعض المجهود من الاب والام حيث يترتب على هذه التريبة اما شخصية سوية للطفل او ان يزداد عناد الطفل ويفقد الاب والام السيطرة على افعاله وسلوكياته
وعشان كذا لازم نعرف كيف نتعامل مع الطفل العنيد

اليكم طرق التعامل مع الطفل العنيد :

اولاً 👈 التشجيع والمجاملة :
من اهم الاسباب التى تدفع الطفل الى العناد هى عدم شعوره بالامان وان الاب والام لايحبونه ولايقدرون مجهوده ولذلك فان افضل وسيلة للتعامل مع الطفل العنيد هى المحاولات الدائمة من الاباء والامهات لمجاملة الطفل وتشجيعه واظهار التقدير والاعجاب بسلوكياته الحسنه

ثانياً 👈 الرقابة الحازمة :
من المهم ان يعطي الطفل العنيد مساحة من الحرية وان يحاول الاب والام ان يعطوه فرصة للاختيار ولكن كل هذا يكون تحت رقابة شديدة وصارمة لان اعطاء الطفل العنيد حرية وفرصة للاختيار دون رقابة يجعله يتمادى فى عناده ويرتكب العديد من الاخطاء

ثالثاً 👈 الهدوء :
العصبيه لاتساعد مطلقا فى التعامل مع الطفل العنيد حيث تزيد هذه العصبية حدة عناد الطفل وتجعله شديد التخبط ولذلك من المهم ان يحرص الاب والام على هدوئهما اثناء التعامل مع الطفل

رابعاً 👈 التجاهل :
احيانا يكون الاهتمام الزائد من الاسباب التى تدفع الطفل الى العناد ولذلك فأن من الطرق الجيدة للتعامل مع الطفل العنيد هى تجاهل الاباء والامهات لمطالبه وخصوصاً لو كانت كثيره وزائده عن مقدرة الام والاب في هذه الحالة يكون التجاهل هو افضل حل

خامساً 👈 عدم وصف الطفل بأنه عنيد:
او اي صفه سلبيه اخري لانه بهذه الطريقه سوف يتمسك بكل السلوكيات السلبيه

سادسا 👈 خلق جو اسري مترابط:
بمعني إن التفاهم بين الزوجين يساعد الابناء إن يكونو اسوياء ومشاركة الام والاب معاً في حل مشكلات الطفل تساعد الطفل في ان يكون عنصر إيجابي في المجتمع

سابعاً 👈 الشرح والتبرير :
لايمكن معاقبة الطفل العنيد على احد سلوكياته السيئة دون ان نبرر له سبب هذا العقاب ونشرح له عواقب سلوكه السئ

ثامناً 👈 عدم الشكوي من الطفل امام احد لان الشكوي من الابناء امام الاخرين يجرح الابناء كثيرا وممكن يتسبب هذا السلوك في اثر نفسي للطفل ويزيد من حده عناده

21/08/2024

هناك 8 نقاط رئيسيه يجب التركيز عليهم اثناء تقيمك للطفل وهم :

الانتباه السمعي :
ويتمثل في النداء علي الطفل هل ينظر الطفل عند المنداه عليه ام ولا يلتفت وهل ينتبه من المره الاولي ام الثانيه ام الثالثه؟
وهل ينتبه اثناء انشغاله بشي يحبه ؟
وهل ينتبه الطفل لحدوث صوت خلفه ( يلفت وجهه لمصدر الصوت )؟

الانتباه البصري :
هل ينتبه لشي يصدر ضوء ( كشاف - العصا المضيئه )؟
وهل ينتبه لشي متحرك ؟
هل بينته لوجهه الشخص الي يحدثه؟
هل ينتبه لشي متحرك بشكل دائري مثل النحله ؟
هل ينتبه لشئ بيتحرك بشكل راسي او افقي ؟

التركيز :
ما المده التي يستطيع ان يجلس فيها الطفل تحت ضغط الاخصائي؟
ما المده التي يستطيع ان يجلس فيها الطفل وهو يمارس نشاط محبب له ؟

الاهتمام بالاشياء :
وفيها نلاحظ طريقه لعب الطفل هل يلعب بشكل طبيعي او انه يهتم بجزء من اللعبه ( عجله السيارة ) والمده التي يجلس فيها يمارس نشاطه

فهم اللغه :
نلاحظ فهه للاوامر البسيطه ( هات - خد ) .
فهمه لاعضاء جسمه ( فين ايدك ).
فهمه للاشياء المحيطه به ( فين الكرسي ).

اللغه التعبيريه :
هل الطفل يعبر بالاشاره ام بالحديث ام ياخذ يد الام للشئ الذي يريده ؟

التقليد :
هل الطفل يقلد الحركات البسيطه مثل ( رفع اليد والخبط علي المنضده ) ام لا يستطيع التقليد ؟

ملاحظات الاخصائي :
هل لدي الطفل اي انماط حركيه وتكرارات هل هناك شي يثير غضبه .

21/08/2024

اضطراب فرط الحركة وتشتت الانتباه (ADHD) 🤸🏻

هو أكثر من مجرد حالة طبية؛ إنه رحلة معقدة يعيشها الأطفال والكبار على حد سواء، حيث يمتزج النشاط المفرط بالحيوية التي تفيض عن السيطرة، مع شرود الذهن الذي يجعل التركيز أشبه بمهمة مستحيلة. يعاني الأشخاص المصابون بـADHD من صعوبة في تنظيم أفكارهم، مما يؤدي إلى صراع مستمر مع الحياة اليومية، سواء في المدرسة، أو العمل، أو حتى في العلاقات الاجتماعية. ✨

ملامح الاضطراب: 💁🏻
- فرط النشاط:
تخيل شخصًا يسابق الزمن، دائم الحركة، لا يتوقف عن الاندفاع إلى الأمام وكأن شيئًا داخله يدفعه بلا هوادة. هذا النشاط الزائد قد يبدو كقوة إيجابية، لكنه في الحقيقة يعرقل الهدوء والتركيز.

- الاندفاعية: 💁🏻
الأشخاص المصابون بـADHD يتصرفون بسرعة، يتخذون قرارات دون تفكير عميق، ويواجهون صعوبة في تأجيل ردود أفعالهم. إنهم يعبرون عن أفكارهم ومشاعرهم باندفاع دون أن يأخذوا وقتًا للتفكير في العواقب.

- تشتت الانتباه: 💁🏻
يواجهون صعوبة في التركيز على مهمة واحدة لفترة طويلة. عقولهم تتنقل من فكرة لأخرى بسرعة كبيرة، مما يجعل إتمام المهام تحديًا حقيقيًا.

السبب وراء الأعراض: 💁🏻
لا يوجد سبب واحد يفسر ظهور ADHD، بل هو نتيجة لتداخل مجموعة من العوامل البيولوجية، الوراثية، والبيئية. يعاني المصابون بهذا الاضطراب من تغيرات في مناطق معينة في الدماغ المسؤولة عن التحكم في الانتباه والنشاط.

كيفية التعامل مع الاضطراب: 🤷🏻
- العلاج الدوائي:
يلعب دورًا مهمًا في مساعدة الدماغ على تنظيم التركيز والنشاط. ((وهذا لا انصح به ))

- العلاج السلوكي: 🫴🏻
هو حجر الزاوية في مساعدة الشخص على تطوير مهارات تنظيم الذات والتحكم في السلوك. ((انصح به))

- الدعم التعليمي: 🫴🏻
لابد من تصميم بيئة تعليمية تلائم احتياجات الطفل، مع وجود تعديلات خاصة في أساليب التدريس والمناهج لتناسب قدراته.
((انصح به))

الخلاصة: 🤌🏻

في اشخاص كتير عندهم الاضطراب ده وهما مش عارفين كده ومش عارفين ليه هما عندهم اندفاع أو مشتتين أو عندهم افكار كتير في عقلهم وصراع يومي وهكذا كتير ...من خلال انهم يعرفو انهم مصابين بالاضطراب ده يمكن انهم يحولوا التحدي إلى قوة تدفعهم نحو النجاح، متمسكين بقدرتهم على الإبداع والتفكير خارج الصندوق.

23/02/2024

"طول ما انت مش مكان المُبتلي، تأدَّب"

Amany Mohamed

19/08/2025

27/07/2025

27/07/2025

20/07/2025

19/07/2025

17/07/2025

25/08/2024

25/08/2024

23/08/2024

21/08/2024

21/08/2024

23/02/2024

Address

Telephone

Website

Alerts

Contact The Practice

Shortcuts

Share

Category