23/05/2025
تأمل في آية (( ولا تأكلوا مما لم يذكر اسم الله عليه)) العلماء فسروها بتحريم مالم يذكر اسم الله عليه عند الذبح.. بس ربنا محددش في الآيه انها للحوم فقط .. لكن الآيه شامله لكل ما يؤكل.. والله طبعا اعلم .
فلو تأملنا ان أغلب أكلنا كلنا كله فعليا مش صحي مهما حاولت تاكل اكل صحي هتلاقيه برضه مش صحي ١٠٠٪ .. اللحوم والفراخ علميا كترها مسرطن!! الاسماك زئبق ومزارع سمكيه مليانه عفن وامراض.. الخضار والفاكهه مرشوشين مبيدات ده غير السماد الكيماوي.. حاجات السوبر ماركت كلها مواد حافظه يا دهون مهدرجه يا ألوان يا فركتوز مصنع يا تشكيله منهم!! المايه والعبوات في بلاستيك اللي علميا برضه مصنف مسرطن!! وحاجه استغفر الله العظيم.
نرجع للآيه ((ولا تأكلوا مما لم يذكر اسم الله عليه)) ذكر الله علي اي اكل او شرب هو الحافظ ولا يضر مع اسمه شيء سبحانه..
الحمدلله علي نعمة الإسلام ونعمة التدبر في القرآن
سمي علي اي اكل او شرب.. وعلم اولادك وعودهم علي ذكر الله دايما.
وربنا يحفظ الجميع ويرزقكم الصحه والعافيه
