https://www.facebook.com/102429582962567/

Reham adel, الاسكندريه (2025)

28/06/2024

احنا مش بايدينا نغير الماضى وذكريات طفولتنا 💔

بس بايدينا نصنع مستقبل

وذكريات جميله لاولادنا🌷🌷

27/06/2024

عارفين ايه اللى يخلى شخص وجوده فى قلبك ثابت وليه جذور لدرجه انك تكون متونس بيه حتى لو هو مش موجود ..

متطمن بيه وحاسس بوجوده فى حياتك حتى وهو بعيد عنك ..

ان الطرف او الشخص ده يكون بيحب يسمع ليك بيصغى ليك بكل مشاعره واحساسه ❤️❤️

انه يقبلك ويحبك ويحترمك من غير شروط 👌👌

انه ميحكمش عليك ويحط نفسه مكانك ويحس بيك وبمشاعرك ..

انه يكون صادق ومخلص ويهتم بيك فى غيابك

واهمهم كمان ان العلاقه دى متكونش مقفوله عليكم انتوا وبس 🤍🤍

24/06/2024

عيش حياتك زى ماانت تحب تعيشها.. وافتكر انك هتدور فى يوم ما على الناس اللى عشت علشانهم ونسيت نفسك
وربما مش هتلاقيهم 👌

صباح الخير 🌷

19/06/2024

للاسف معظم الاضطرابات النفسيه اللى بنشوفها

حوالينا سببها أب وأم قرروا انهم يعيشوا مع بعض علشان

الاولاد ...

04/06/2024

جميل جدا ان يكون فى حياتك علاقات مريحه 😍
يعنى بتكون مرتاح فى كلامك معاها .. بتكون مرتاح لما تشوفها ..بتكون مرتاح بس لوجودها فى حياتك 💛
الراحه اهم من الحب وده مش لازم يكون فى شريك حياتك بس لا ممكن يكون فى صديق او قريب او حتى شخص كبير بتثق فيه .

صباح الخير 💛💛

26/05/2024

مهم اوى فى اى علاقه انها تكون واضحه وليها معالم ومسمى..

ومهم اكتر ان اصحابها يكونوا عارفين اولها من آخرها ..يعنى عارفين هنعمل ايه وامتى مش سايبين كل حاجه زى ما تيجى
علشان العلاقات دى بتاخد من طاقتنا ومشاعرنا وقلبنا ومجهودنا ونفسنا جدااا لدرجه فعلا تخوف 💔💔

ياريت كل حد فينا يشوف نفسه هو فين فى العلاقه او اللى انا فيه ده اسمه ايه بس من غير ما نكذب على نفسنا ؟؟

22/05/2024

فكره انك تحط معايير عاليه فى كل امور حياتك ده امر صعب جدا ويكاد ان يكون مستحيل .. 👌
رتب اولوياتك وشوف ايه اللى انت محتاج تحط ليه معايير عاليه طبقًا لاهميته بالنسبالك وركز انكً تتعلم وتعرف كل حاجه عنه ..
You have to know something about everything and everything about something

20/05/2024

صدق احساس قلبك لما يقولك انه مش مرتاح

مش لازم يكون فى اسباب .. بس هتعرف بعد كده انه كان صح

صباح الخير 💛

18/05/2024

-فاكر فى مره لما كان عندى ٨ سنين كنت شاطر اوى فى المدرسه وبطلع من الاوائل وكان بابا بيقولى انا عايزك احسن واحد واشطر ولد .

-طيب تقدر تقولى كنت بتحس ب ايه لما كان بيقولك كده ؟
-كنت بحس ان فوق كتفى حمل كبييير اوى انا مش قادر عليه ومش قادر اقاومه ولازم لازم احقق اللى بابا عايزه يا اما مش هيحبنى 💔💔

-ليه بتقول انه مش هيحبك؟

- لانه دائما كان بيقولى لازم تبقى شاطر علشان احبك ( حب مشروط )

-تعرفى انى كنت بغير جدا من اصحابى اللى كانوا اقل منى فى الدراسه 🥺

- ازاى

- لانى كنت دايما بلاقيهم بيخرجوا ويلعبوا ويتبسطوا بس انا مكنش عندى الحق انى اعمل كده ... انا مكانش عندى حتى الحق انى اعيط 😭

بابا كان بيقولى ان انت قوى انت راجل والراجل مبيعيطش (كبت مشاعر )

حتى لحد دلوقتي الناس اللى حواليا شايفنى قوى وناجح ومسؤل بس انا فى الحقيقه ضعيف اوى ونفسى اعيط ......

انا دلوقتي زعلان ان بابا اتوفى بس مش قادر اسامحه علشان حرمنى من انى اعيش ✋.

احنا فى تربيتنا لاولادنا بنبقى عايزينهم احسن الناس اللى فى الدنيا بس واحنا بنمشى فى رحله التربية مش بناخد بالنا اذا كنا بنربى معاهم العقد النفسيه ولا بنربى فيهم اشخاص سعداء اسوياء نفسيًا قادرين يواجهوا صعوبات الحياه .

بنزرع فيهم الثقه وقبول النفس ولا جلد الذات وتحقيرها

بنحاول نخليهم سعداء ولا بنكمل بيهم النقص اللى عندنا 😔

فكروا قبل ما تسعوا الى الكمال لان الكمال مش من صفات البشر .
وان اعتراف الانسان بحاجته او حتى عجزه لا يمثل مشكله ،، والمشكله الحقيقيه فى ان الانسان يدعى عكس احساسه ..
عرفوهم وطمنوهم ان انتوا بتحبوهم حب غير مشروط ..
وافتكروا انكم تسيبوهم سعداء واثقين فى نفسهم وعارفين يقبلوها احسن بكتير من انكم تسيبوهم وهما كارهين حتى صورتهم قدام المرايا..

18/05/2024

ولعل ما تتمناه وتدعوا الله به قد كتبه الله لك 🤲

صباح الخير 💛

16/05/2024

انت انسان وده كافى جدا

انت ربنا كرّمك عن باقى كل المخلوقات وجعلك خليفه ليه

انت اللى الشياطين غاروا منك وقالوا لربنا ان الانسان ده هيفسد فى الارض قال لهم سأغفرن لهم ما داموا يستغفرون

متدورش على المظاهر اللى بتعتقد انها بتديك قيمه ..قيمتك فى الحياه انك انسان ومسؤل عن عمار الارض

انت انسان من غير بلس +

صباح الخير 💛

15/05/2024

رمانه ميزان اى علاقه فى الدنيا هى التبادل 💛
تبادل المشاعر .. تبادل الحب .. تبادل العطاء .

حتى فى العلاقه الغريزية بين الام ورضيعها بيكون فيها تبادل زى ما الام بتهتم بيه وبتحضنه بتلاقيه هو كمان بيحط ايده على وشها او بيمسك ايديها ويتبت فيها 👩‍👦
كأنه بيقولها انا كمان بحبك ..

هى دى فطرتنا اللى اتخلقنا بيها يعنى متصدقوش اى حد بيقولكم انه بيحب وهو تصرفاته عكس كده .. متصدقوش اى حد فى الدنيا عايز يخرب فطرتكم الطبيعيه ويقولك انه العادى انك تدى بلا مقابل ...

متعملوش المستحيل لأى حد مش قادر حتى يعمل علشانكم
الممكن .

Reham adel

28/06/2024

27/06/2024

24/06/2024

19/06/2024

04/06/2024

26/05/2024

22/05/2024

20/05/2024

18/05/2024

18/05/2024

16/05/2024

15/05/2024

Address

Website

Alerts

Shortcuts

Share

Category