Recovery Center

20/11/2023

عالم النفس والاجتماع "فيليب زيمباردو" قام بتجربة سنة 1969 لما ساب عربيتين أبوابهم مفتوحة ولوحات أرقامهم مفقودة في منطقة فقيرة ومنطقة غنية، وفي دقايق بدأ الناس في المنطقة الفقيرة يسرقوا ويكسروا العربية لحد ما تدمرت تماما في 3 أيام

أما في المنطقة الغنية الناس أخدت وقت، وده اللي دفع "زيمباردو" أنه يكسر شبابيك العربية عشان يدفعهم يبدأوا، وفعلا الناس بدأت تتحرك وتكسر الشبابيك وتسرق العربية، لحد ما تحولت في الاخر لقطعة خردة

التجربة أكدت كلام نظرية النافذة المكسورة اللي بتقول إننا لما بنهمل معالجة مشكلة، ده بيأثر سلبيا على تصرفاتنا، وحجم المشكلة بيكبر أكتر، على عكس لما نحاول نعالجها فتبدأ تغير من شكل البيئة الموجودين فيها.

19/11/2023

اليوم الصعب بيخلينا مش قادرين نقوم بأي مجهود. محتاج مننا نتقبل وجوده ومشاعرنا فيه، نحاول نكون رحيمين بنفسنا، ونوجه تركيزنا على أبسط الحاجات المناسبة لينا في الوقت ده.

15/11/2023

عجلة المشاعر بتسهل علينا نعرف الشعور اللي حاسين بيه، لأن أوقات مش بنعرف نسميه ونلاقي طريقة للتعامل معاه.

مشاعرنا جزء مننا، وأي شعور بنحس بيه مهما كان مزعج هو إشارة، بتنبهنا إن في حاجة محتاجه ترجع طبيعية تاني.

14/11/2023

التغير اللي بيحصل لكل واحد فينا لما يتعرض لحدث مؤلم، ونحس معاه اننا مش قادرين نتفاعل مع اي حاجة تاني في حياتنا
هو تغير طبيعي، محتاج إننا نعترف بيه ونتقبله، عشان نعرف ندير مشاعرنا بشكل سليم.

*اتفرج على حلقة العلاج المعرفي السلوكي مع أ/ ريم سعيد، وأعرف إزاي ممكن يفرق كتير في رؤيتك لنفسك والعالم*

اللينك في الكومنتات ⬇️

13/11/2023

محاولة تركيزنا على الحاجات اللي نقدر نتحكم فيها مهارة، بتخلينا مع الوقت قادرين نتعامل مع
الأزمات، وبتسهل علينا مخاوفنا من اللي جاي.

*اتفرج على فيديو القبول والتغير مع د/ وائل كمال، اللي هيعرفك إيه اللي محتاجه عشان تكتسب مهارة التكيف*

اللينك في الكومنتات ⬇️

12/11/2023

أوقات بيكون من السهل علينا إننا نشوف نفسنا أشخاص مش جميلة أو محبوبة، كبديل من الاعتراف إننا اتأذينا أو اتعرضنا لحدث صادم.

*اتفرج على فيديو مراحل علاج الصدمات مع د/ وائل كمال، عشان تكون واعي بماهية الصدمة وطرق علاجها*
اللينك في الكومنتات ⬇️

09/11/2023

08/11/2023

التفكير الزائد ممكن يحصلنا كلنا في مرحلة ما من حياتنا، خصوصًا في الاوقات اللي بنحس فيها بالضغط والقلق والخوف، مع ذلك نقدر نديره ونقلل من حدته لو عرفنا نتعامل معاه كويس.

07/11/2023

من حقك ترتاح و تاخد هدنة .. تشوف فيلم بتحبه أو بس تنام كويس، عشان تقدر تواصل حياتك بشكل طبيعي.

31/08/2023

كتير بنحس اننا مش جزء من المكان اللي موجودين فيه حتى لو كان البيت، مش بنحس بالانتماء كأن مكاننا الحقيقي مش هنا ..
بس مفكرتش قبل كده ان ممكن يكون أصل البيت ده جواك؟

الهوية والانتماء مرتبطين ببعض، وكل ما نحس اننا بنبعد اكتر كل ما كان مهم نفكر في هويتنا والحالة اللي احنا عليها هنا ودلوقتي
لان جايز الاحساس بعدم الانتماء يكون مرتبط بالثقافة، العادات، التقاليد والقيم اللي اتولدنا عليها..

والاحساس بوجوك كإنسان قادر ينتمي لـ المكان، الوطن، الدين، الجنس، وأي فئة مجتمعية بيساعدك تحدد مكانتك في المجتمع، وتتضامن مع البيئة حوليك .. عشان تقدر تحدد الرؤية والمكان اللي يناسبك.. بيتك الحقيقي.

30/08/2023

يعني ايه هوية محدودة؟ ويا ترى في هوية محدودة وهوية كاملة؟

الهوية في أصلها مش محدودة ولا ثابتة على مدار حياتنا، بتفضل تتغير وتطور مع نضوج شخصياتنا وتبني مبادئ وأفكار جديدة.

لكن في ناس كتير بتكون محصورة جوا إطار معين، بتتعامل من خلاله مع المجتمعات وبيكون ليهم نظرة معينة عن الثقافات المختلفة

الهوية المحدودة مش منفتحة مع الناس ولا بتتغير، وده لان تعاملها مع العالم الخارجي ضيق ومحصور، كمان بتكون خايفة من تأثير الثقافات عليها وقد ايه ممكن تغيرها.

مهم نعرف ان الهوية المحدودة بتحصل نتيجة للتعصب الثقافي او الانغلاق على ثقافة معينة بذاتها، وده اللي بيخلي أصحابها مش عارفين يحترموا أو يتعرفوا على ثقافات غيرهم..

وبالتالي وجود النوع ده من الهوية غير صالح للتعايش السلمي والتفاهم بين الثقافات.

29/08/2023

في زحمة الحياة والعمل المتواصل، ممكن نتجاهل أي مصطلحات قدامنا غرضها التنمية الذاتية، وده لاننا شايفين إن يومنا فيه حاجات أكتر تستاهل.

وما بين كل يوم ويوم بتزيد الفجوات والمواقف المتراكمة اللي مش بس بتكون نتيجة لمحاولتنا الدايمة في نسيانها، لكن كمان في محاولة نسيان نفسنا.. بنحب إيه؟ بنستمتع بإيه؟ وإيه اللي ممكن يخرجها من فترات ضلمة كتير بتعدي عليها.

5 خطوات هتقربك من نفسك أكتر:

1. حلل شخصيتك: حاول تعرف إيه أكتر أنشطة بتحب تمارسها أكتر؟ الانشطة الهادية ولا النشطة؟ بتحب العمل الفردي ولا الجماعي؟

2. حدد الاهتمامات: اعرف نوعية الانشطة اللي بتحمسك وتحفزك زي لو كنت بتحب الفنون أو الرياضة؟ أو كنت بتحب القراءة أو السفر؟

3. الأنشطة المتاحة: فكر في الانشطة المتاحة في مجتمعك واللي ممكن تكون جزء منها، زي النوادي الرياضية، المراكز الثقافية، أو الانشطة التطوعية.

4. التجربة: جرب أنشطة مختلفة وجديدة تناسب اهتماماتك، ولو كنت مش عارف هي إيه، فـ هتحتاج تجرب أنشطة مختلفة عشان تكون عارف أنهي أنشطة/ نشاط مناسب ليك أكتر.

5. نصائح الاخرين: تجارب ونصائح الاخرين ممكن تبقى خطوة نستفيد منها في إننا نصنع تجربتنا الخاصة، كمان نستفيد من تجاربهم اللي فاتت في تشكيل خطوات لسه جاية لينا.