24/04/2024
تعالي نتكلم عن نقل الدم🙏🤍
بص نقل الدم ليه تحضيرات قبلها وهي انك بتستلم كيس الدم تتأكد من الداتا بتاعت المريض اللي عليه من الاسم والفصيلة وكده🤍
طيب هتسيب الدم لمدة ٢٠ دقيقة في درجة حرارة الغرفة يدفي شويه🤍
بعد كده هتبدأ نقل الدم المفروض يتنقل من ٣_٤ ساعات
هتمشي الدم ف الاول بطئ وتتابع vital signs للعيان اللي انت قايسها اصلا قبل نقل الدم طيب لو لقيت المريض بيسخن او ضغطه بيعلي نفسه بيتقل او وشه وجسمه ييحمر وبيهرش تعمل اي؟؟؟
هتوقف نقل الدم وتبلغ الدكتور حالا وهو هيقلك في الغالب ادي امبول ديكسا وامبول افيل في ١٠ سم ملح♥️
**طيب تفتكر ليه بندي امبول لازكس بعد نقل الدم في بعض الحالات؟
بنخاف علي الحالة تخش في hypervolemia و overlord علي القلب وتبقي congested ف بنديه🤍
**تفتكر ليه بندي كالسيوم بعد نقل الدم بردو؟
لان ف الدم حاجه اسمها calcium citrate ودي بعد نقل الدم بتمسك في الكالسيوم اللي ف الدم فيقل وتعمل hypocalcemia ف عشان كده بندي أمبول كالسيوم🤍
الدم بيمشي في كانولا كبيرة خضراء او رصاصي والافضل يبقي في jugular cannula او cvc🤍
**وخلي بالك البرفلجان والادويه عموما مينفعش تمشي مع الدم في نفس اللاين ♥️♥️
*****اي رأيك لو الدم ماشي تقيل امشي معاه سلاين ولا رينجر وليه؟؟؟؟
دمتم موفقين♥️
بنمشي saline عشان مينفعش اصلاا نمشي معاه رينجر لانه الماده المانعه للتجلط ( citrate ) الموجودة ف كيس الدم هتتفاعل مع ايونات الكالسيوم الل ف الرنجر وتكون زي particles كدا
