دكتوره نسرين عبدالرحمن مبروك استشارى أمراض النسا والتوليد

15/09/2025

المفروض كل يوم في ايام السنة يكون عيد للمرأة
تحية لكل أم تعبت في حمل وولادة ورضاعة وسهر ليالي وتربية ودروس وتمارين وخلافه عشان تشوف اولادها في اسعد حال
تحية لكل أم اتنازلت عن أحلامها عشان تكون عتبة في سلم أحلام أولادها
ربنا يؤجرك ويرزقك بر أولادك

12/09/2025

انواع الازواج الي بييجوا مع مداماتهم عياده دكتور امراض النساء

١- الزوج العاطفي: ده بيكون كلامه من نوعية : اساعدك يا حبيبتي او يا ماما؟ ، او هي فعلا تعبانه يا دكتور وممكن يقوم يساعدها و هي بتطلع و تنزل من علي سرير الكشف ، وده اكتر واحد تقلق منه و غالبا بيكون متجوز عليها 😀

٢- الزوج الصامت: ده غالبا طول الزيارات ساكت و ما بيتكلمش و غالبا كتير بيجيله تليفون وسط الكشف و بيخرج و يرجع تاني، مالوش اي طلبات و في الاغلب بيكون مخبر او ضابط امن دوله 😀

٣-الزوج المادي: ده اهم حاجه هو معرفه أسعار كل حاجه بحجه انه يجهز نفسه: سعر المتابعه ، سعر الولاده ، سعر اللولب، سعر البيج ماك، و في الاغلب هيفاصل معاك و اي سعر هيطلع كتير يا دكتور 🤪
و لو شرب حاجه ساقعه ف المستشفي هيطلب بيها فاتوره

٤- الزوج القلوق: ده من بتوع: هي الحاله خطر يا دكتورة؟ هنحتاج رعايه و نقل دم؟ طيب لو حصل ولاده فجأه اعمل ايه؟ طيب حضرتك مش مسافر يا دكتور؟ و ده غالبا الي بيحصل معاه مشكله و يقولك كان قلبي حاسس🤨

٥- الزوج المعترض: الانتظار كان كتير النهارده ، السكرتيره بصتلي بقرف، التكييف ف الريسيبشن ساقع اوي
عايز ادخل مامتي و حماتي و بنت خالتي و جارتنا معايا يشوفوا البيبي و السكرتاريه ما رضيوش!!! 🙁

٧- الزوج المسيطر: كل ما تسأل مراته حاجه هو الي يجاوب بدالها و هي غالبا بتكون ساكته و بصاله او باصه ف الارض، فا في الاخر انت بتكبر دماغك و بتسأله هو و بتطنش مراته، و بتعتبره هو الي حامل🥱

٨- الزوج الكوميدي: ده بيكون معتبر كل شكوي من مراته دلع و شغل ستات ، و لو اتريقت علبها بيدخل معاك قافيه و يهزر معاك و يقولك كلامك صح يا دكتور
ده غالبا بتتخانق معاه ف البيت بعد كده ، او بينام من غير عشا😜

١٠- الزوج الخفي: ده ما بيظهرش اصلا طول المتابعه و الولاده: و في كذا حجه: مسافر ، مشغول ، عيان
و الحالات دي في الاغلب بيكونوا منفصلين او مش طايقين بعض🤪

هذا البوست هزلي
وجايين نهدي النفوس
جوزك طلع نمرة كام
CPD

09/09/2025

اه يا ركبي اه يا عضـمي اه يا ضهـري اه يا مفـاصلي اه يا دماغي اه ي شبابي اللي رااح بدري .. في ايه يا دنيا ما بالراحه شويه كنت وردة
مفتحة🥀 بقيت بطة مكـسحة 🤧و فجـلة مملـحه🙆🙆🤦
الحامل في التاسع😅

04/09/2025

02/09/2025

❤️❤️

01/09/2025

لما الحامل تدخل الشهر التاسع😅😅😅

28/08/2025

هدية جميلة من الجميلة Samar Semsma وزوجها الخلوقIbrahim Fawzy
اجمل مافيها انها معمولة بحب💕💕💕
حمد الله عالسلامة وربنا يبارك في بنوتتكم وعقبال المرات الجاية🌷🌷🌷

27/08/2025

🛑 هل ممكن يحصل حمل بعد سن ال ٤٠ 🤰

⭕️ فرصة الحمل بعد سن الاربعين بتنخفض تدريجيا بسبب انخفاض الخصوبة لكن كل مشكلة ولها حل ان شاء الله

⭕ الحمل بعد سن ال ٤٠ ممكن جدا يحصل بكل سهوله ولكن الحامل بتحتاج مزيد من الرعاية اثناء فترة الحمل

👈 ضروري تبداي حمض الفوليك بجرعة عالية قبل الترتيب للحمل ب ٣ شهور
👈 ضروري تعملي السونار الرباعي مرتين على الاقل في الحمل لاستبعاد وجود تشوهات كروموسومية لا قدر الله
👈متابعاتك لازم تكون كل اسبوعين لانه حمل حرج

🛑 فرصتك انك تكوني ام بعد سن ال ٣٥ او ال ٤٠ لسه موجودة ب اذن الله ف متقلقيش 😍🌸

🤰🏻========
#الاورام _الليفية _جودة_الحيوانات_المنوية #عقم
🤰===========
📱 : 01270844978 - 01147656715
☎️ : 035824632
🎀 العنوان : الأسكندرية - فلمنج - ٦ ش طمازين - امام شبايك - فوق محمصة مفيد ( الدور الاول )
🎀 المواعيد : يوميا من ٥ م الى ٩ م ماعدا الخميس والجمعة

18/08/2025

وده حاييجي يكشف برضه ولا حايعالج نفسه بنفسه🙄
ومش حايتصل عنده اسنشارة الساعة ٣ الصبح؟
ويوجب معانا بقة ونظبطه يولد الصبح مش الفجر😅

12/08/2025

مش انا عيد ميلادي النهاردة🎉🎉🎉
يالا شهيصوني😅💗