د آلاء غنيم استشاري النساء و التوليد و الحقن المجهري. Dr Alaa Ghoneim

Home
Egypt
Alexandria
د آلاء غنيم استشاري النساء و التوليد و الحقن المجهري. Dr Alaa Ghoneim

د/ آلاء غنيم
استشاري النساء و التوليد. استشاري الحقن المجهري
ماجستير الحقن المجهري -اسبانيا

16/10/2025

مسك و و عد اساميهم حلوة زيهم ❤️❤️ مسك و وعد بنوتين زي القمر اتولدو علي ايدي 😍
المتابعة الجيدة في الحمل مهمة و لازم كل حالة يبقي ليها اهتمام خاص دايما بقول ان المتابعة اهم من الولادة نفسها .
ساعات امعات كتير مع ضغوط الحياه خصوصا لو في بيبي معاها بتكسل او بتأجل متابعاتها و ده مش صح.
لو بقالك اكتر من شهر مروحتيش للدكتور لازم تروحي تطمني و تتابعي حملك 👍👍

14/10/2025

مش كل ورم في المبيض خطر، لازم نفهم الفرق:
معظم أورام المبايض بتكون حميدة، وبتظهر في أي سن، وغالبًا بتتعالج بسهولة أو حتى تختفي لوحدها.

🌀 لكن إمتى نقلق؟ لو الورم:
* بيكبر بسرعة.
* شكله مش طبيعي في الأشعة (جدران سميكة – صلب مش كيس سايل).
* فيه أعراض زي
- انتفاخ مستمر بالبطن.
- ألم أو تقلصات مش بتروح.
- تغير في الدورة.
- فقدان وزن بدون سبب واضح.
* لو ظهر في سن ما بعد انقطاع الدورة.

🌀 في الحالة دي الدكتور بيطلب تحاليل معينة وسونار أو رنين لتحديد نوع الورم بالضبط.
ضروري تعرفي:
مش كل “كيس” أو “ورم” خطر، لكن المتابعة هي المفتاح.
كل ما اكتشفناه بدري، كل ما كان علاجه أسهل وأأمن 💪
--‐------‐------------------------‐‐----
عشان تعرفي اكتر ابعتيلنا علي رسايل الصفحة 📩 وتابعينا
01556614072
01145394131
️ 033856240
العنوان: الاسكندرية ٤ عمارات الوطنية آخر كوبري ١٤ مايو امام جامعة فاروس الدور الخامس

13/10/2025

ليه دايما بطلب من الحالات تيجي تتابع علي اللوب و متنسهوش،
لان للاسف بيحصل كتير اوي ان اللوب يتحرك ممن مكانه او يبقي عامل مشاكل و الحالة مش رابطة ان ده بسبب اللوب ،
ده منظر لوب متركب مظبوط و في مكانه بنتابع عليه بالاشعة ال 3d في العيادة عشان نطمن انه مظبوط و في التحويف بتاع الرحم 👍

10/10/2025

أكتر سؤال بيشغل كل زوجين بيعملوا حقن مجهري: هو إيه اللي بيحصل جوه المعمل؟!
تعالوا نكشف جزء من الكواليس:

* استقبال البويضات: بعد السحب، البويضات بتتحط في حضانات خاصة بدرجة حرارة وغازات شبه جسم الأم بالظبط.

* اختيار الحيوانات المنوية: الفريق بيختار أفضل وأصح حيوان منوي تحت الميكروسكوب، وده بيكون بدقة عالية جدًا.

* الحقن المجهري: باستخدام إبرة دقيقة جدًا، الحيوان المنوي بيتحقن جوه البويضة مباشرة.

*متابعة الانقسام: الأجنة بتتراقب يوم بيوم هل بتنقسم صح؟ هل شكلها وجودتها كويسة؟

* اختيار الأجنة: قبل الإرجاع، الفريق بيحدد أنسب الأجنة اللي عندها أعلى فرصة للنجاح.
*** السر الحقيقي إن المعمل بيشتغل بدقة متناهية في بيئة معقمة جدًا، وكل تفصيلة صغيرة بتفرق في النتيجة النهائية.

ودايمًا نقول: العلم والطب سبب.. والرزق في الأول والآخر من ربنا.
لمعرفة باكديج الحقن المجهري مع د.آلاء غنيم سيبلنا كومنت وهنرد عليكي بكل التفاصيل🥰
--‐------‐------------------------‐‐----
عشان تعرفي اكتر ابعتيلنا علي رسايل الصفحة 📩 وتابعينا
01556614072
01145394131
️ 033856240
العنوان: الاسكندرية ٤ عمارات الوطنية آخر كوبري ١٤ مايو امام جامعة فاروس الدور الخامس

09/10/2025

الواد الصغنن ده نور الدنيا و كان اجمل مفاجأة حصلت ❤️
الام كانت عاملة
و ربنا رزقنا ببنتين زي الفل و فجأة و هي مش متوقعة اكتشفت حملها بالبيبي ده من غير اس تحضير او متابعة ❤️

05/10/2025

الواد الحلو صاصا 😂😂
سليم ابني البكري و فريده القمر اللي جت نورت العيلة ❤️
بفرح لما بشوف وللدي بيكبرو و بيبقي عندهم حب انهم بيجو العيادة و بفرح اكتر لما بشوفهم بيتابعو معايا البيبي الجديد و يبقو متحمسين ليه ❤️
العيادة بتكبر بيكم و ليكم و يا رب ابقي عند حسن ظنكم 🤲🏻

03/10/2025

امتى استئصال الورم الليفي بيكون ضروري؟

الورم الليفي مش دايمًا محتاج تدخل جراحي، لكن في بعض الحالات بيكون الحل الأمثل:
_ نزيف رحمي غزير مسبب أنيميا وتعب مستمر.
_ آلام قوية أو ضغط على المثانة أو المستقيم.
_ الورم حجمه كبير أو بينمو بسرعة.
_ لو بيأثر على فرص الحمل أو بيسبب إجهاض متكرر.
_ وجود شك في نوع الورم.

✨️ مش كل ورم ليفي لازم يتشال، القرار بيكون حسب الأعراض وتأثيرها على صحتك وحياتك.

لو عندك أي أعراض أو قلق، احجزي مع د. آلاء غنيم لمتابعة دقيقة وتشخيص صحيح. صحتك أهم خطوة.

📍 العنوان: عمارات الوطنية آخر كوبري مايو امام جامعة فاروس الدور الخامس
📞 للحجز والاستفسار :
01145394131
01556614072

02/10/2025

اجمل حاجة حصلت في العيادة من فترة ❤️❤️❤️ البطلة الصغنونة دي كانت عندها بطولة قبل ولادة مامتها بيوم، الام ما شاء الله جابت توأم زي الفل 👯.
و اتفاحأت بالقمر الصغنن اللي كشبت في البطولة و شرفتنا جت اديتني الميدالية الدعب بتاعتها و بتقولي عشان انتي البطلة الحقيقية 😍😍😍
فرحت اوي اوي عشان بجد حسيت انها حاجة غالية عليها اوي و علي مامتها انها تديهالي،
و الصراةة كمان فرحت عشان دي اول مرة اخد ميدالية 😂😂😂 انا طول عمري بتاعة مذاكرة و بس 🙈

29/09/2025

❤️❤️❤️❤️ والله انا اللي ببوسها 😍 بفرح اوي ان الحالات بتفتكرني و تدعيلي بظهر غيب❤️
يعني دي اهم حاجة والله في الشغلانة بتاعتنا 🙏🙏

22/09/2025

حالتي السودانية الجميلة،
ربنا كرمها بتوأم بعد اكثر من ١٠ سنوات، بعد عملية ناجحة
ربنا يا رب سكمل حملها علي خير 🤲🏻🤲🏻🤲🏻

21/09/2025

أسرار نجاح الحقن المجهري

الحقن المجهري مش صدفة ولا حظ… هو معادلة محتاجة تظبيط في كل خطوة.

🔑 : اختيار المركز والدكتور.
لأن الخبرة والتجهيزات الدقيقة بتفرق جدًا في كل خطوة، من التحاليل لحد متابعة الأجنة.
🔑 : الفحوصات قبل البداية.
الكشف عن أي مشكلة في الهرمونات أو التحاليل أو الرحم بيوفر وقت ومجهود وبيزود نسب النجاح.
🔑 : استجابة المبيض وجودة البويضات والأجنة.
ده بيتأثر بالسن ونمط حياتك والتغذية… وكل ما الجودة أحسن، الفرصة تكبر.
🔑 : جاهزية الرحم
الرحم لازم يكون مهيأ عشان يستقبل الجنين ويحتضنه في بيئة مناسبة للنمو.
🔑 : التزامك أنتِ
الالتزام بالأدوية، الراحة النفسية، والمتابعة مع الدكتور بيفرقوا أضعاف ما تتخيلي.
🌟 وأهم سر فوق كل ده: توفيق وإرادة ربنا سبحانه وتعالى.

لو بتدوري على الخبرة ، ونجاحات ثبتت مكانتها، وحد يعرف ياخدك بخطوات مدروسة من أول الفحص لحد سماع كلمة "مبروك"
د. آلاء غنيم…معاها إن شاء الله مشوارك يبقى أوضح، أضمن، وأقرب للحلم الكبير ❤️

18/09/2025

صحيت من النوم عندي احباط شديد و تعبانة نفسيا و جسديا و من الآخر كدة خلصانة معنديش طاقة ولا نفس و فاقدة الشغف 😂
لقيت رسايل كتير الاء بصي البوست ده و ناس عمالة تبعتلي اني ادخل اشوف نفس البوست. قلت يا رب كملت حلاقي بوست حد ممثل بجثتي 😂
فتحت لقيت الكلام الجميل ده من ناس اجمل ❤️❤️
انا عارفة منهم كتير افتكرتهم و افتكرت زكرياتهم في العيادة حالات انا مولداها من كذا سنة لسة فاكرني بالخير و بيقولو كلام حلو عني يا رب اكون استحقه !
بجد فرحت قعدت ادعي ربنا ان طول ما انا فية نفس ربنا يقدرني علي عملي و يستخدمني و طول ما انا واقفة علي رجلي ابقي شغالة و قادرة ادي اكتر و اكتر.
ادعولي كتير اللي منكم فاكرني بالخير ربنا يقدرني و يعني 🤲🏻🤲🏻

Address

٤ عمارات الوطنية، الدور الخامس ، آخر كوبري ١٤ مايو امام جامعة فاروس . سموحة الاسكندرية
Alexandria
12121

Telephone

+201556614072

Website

http://www.dralaaghoneim.com/

Alerts

Be the first to know and let us send you an email when د آلاء غنيم استشاري النساء و التوليد و الحقن المجهري. Dr Alaa Ghoneim posts news and promotions. Your email address will not be used for any other purpose, and you can unsubscribe at any time.

Shortcuts

Want your practice to be the top-listed Clinic in Alexandria?