Yasmine ElSahwy ياسمين السهوى

14/10/2025

https://youtu.be/Onml0ATcoEk?si=nWx3yLfLDX2cPAdw
من احب الحلقات الى قلبى

شارع النهار | الحب عن طريق السوشيال ميديا وازاي تختار شريك العمر مع ياسمين السهوي مدربة علم النفس الإيجابي | حلقة 15 اكتوبر 2019 -----------------Join, Follo...

07/01/2024

و يجى بقى السر الخفى ورا كل حاجه و هى (البركه )

اللى ممكن تختفى مع الكتير و تزيد اوى مع القليل او مع الكتير و البركه تطمنك و تحسسك بالامان و ان رزقك فى السماء موجود بس بمعاده حيوصلك اطمن .
البركه تأكل ٥٠ نفر من حاجه تكفى ١٠ و متعرفش ازاى
البركه تخلى محفظتك مليانه مع انك فاكرها فضيت
البركه ان بيتك مفتوح مع ان الحسبه بتقول ازاى
البركه ان صحتك بتتحسن مع ان الدكاتره مقالوش كده
البركه ان يطلعلك شخص متعرفوش يقولك روح يا شيخ ربنا يفتحها فى وشك مع انك كنت لسه فاكرها قفلت.
البركه ان لبسك اللى بقالوا ميت سنه يبقى احلى لبس و انت فرحان بنفسك فيه.
البركه انك تلاقى ١٠٠ جنيه فى جيب الجاكت و تفرح بيهم فرحه ال ١٠٠ الف.
البركه انك اما تدخل سريرك تقول الحمد لله ايه الكرم ده يارب مع انه عادى سريرك اللى بتنام فيه كل يوم قلقان من بكره.

البركه ان كل الحسابات بتقول حكمل الشهر ازاى و …بتكمل الشهر .

بتضيق و تخلص كل اللى معاك و تفضل تفكر فى الف فكره حعمل ايه
و تفرج لوحدها بالقليل بس يبقى ساعتها كتير و لما يبقى معاك الكتير تحس انه قليل .

و تطلع اخر ما عندك و تفرج كرب حد و تحتار ده كان صح و لا غلط و تفرج و بسرعه ربنا يقولك كان صح عشان متلحقش تندم.

البركه موجوده بس احنا اوقات مش بناخد بالنا.

06/01/2024

شكراً للظروف اللى خرجتنا من كوكب البسكوت لكوكب الحياه.

شكراً لكل قريب قرر يبقى غريب و يبعد. و محاولش يواجهك بزعله منك عشان العشره اكبر الف مره.

شكراً لكل من تغافل من اجل ابقاء الود. مش من خاصم فجر و فجر نفسه و اللى حواليه .
شكراً لكل وجع جسمانى بعد الم نفسى و قهره ووجع قلب ده علمنا ان الصحه نعمه و ياما اهدرناها.
شكرا لكل حرف او كلمه عدله اتجبر بيها خاطرنا و دخلت على قلوبنا الفرحه.

شكرا لكل كلمه قاسيه و لحظه خوف اتكسر بيها نفسنا هى معلمتناش هى علمت علينا و كرهتنا فى حياتنا و قست قلوبنا ….بس بعد كده قوتنا

شكرا لكل كلمه جارحه تحت مسمى بنصحك زى انتى تخينتى و لا فين ايام زمان و لا اى كلمه تنويه لده تاكد ان محدش قرر يزيد وزنه عبثاً مثلاً و ان فيه الف سبب قوى وراء ده اوعك توجع حد فى النقطه دى لان اولا الدنيا دواره حتتخن و بلا مقدمات و ماهما عملتى عمليات تجميل الكون فده مش مبرر لجرح غيرك تحت شعار….بنصحها!! لاء انتى بتدمريها نفسياً. ما انتوا كنتوا بتموتا غيره منها و هى احلى منكم كلكم فاتهدوا بقى شويه و العمليه ممكن تبوظ و تضربى ٢٠٠ كيلو زياده!

شكرا لكل ظرف مادى قاصى خلانا مديونين و مش عارفين نشوف بكره حنكمله ازاى ،ده خلانا نسيبها على الله ونعيش.

شكرا لكل من باع بارخص الاتمان فجأه باع مين؟ اكتر حد وقف جنبه .

شكرا لكل من قطع فينا كلام و بعديها ندم اما عرف ان الله حق .

شكرا لكل من اجتمع على وجعك و احتفل بيه .

شكرا لكل حد بوظلك حياتك و هما حياتهم زى ما هى ماشيه.
شكراً ده انتم علمتونا الف درس طبقناه فى حياتنا و قوينا و خرجنا من كوكب البسكوت اللى بتدوب فى الشاى لكوكب الحياه الواقعيه بنكسر و نقوم اقوى الف مره من الأول.
#سنه2024

02/11/2023

عن تربيه الاولاد...
اوعك ترهب ولادك اما يجى يقولك الصراحه ...حتى لو انت مخضوض من كلامه!!....حتخليهم بارعين فى الكدب عليك
اوعك تعمل مؤامرات ضد ولادك بحجه انك عايز مصلحتهم!!
اوعك متنميش الحب بين الاخوات لانه لو راح ...عمره ما حيرجع !!
اوعك تجرح ولادك و تحسسهم بالوحده لو اخدوا قرار مش عاجبك مثلاً !!
اوعك تبقى قاسى عليهم فيدوروا على الراحه بره !!
اوعك ترهبهم و اوعك تقول لواحد فيهم انا ابنى اللى اعرفه مات و ده واحد تانى فى لحظه غضب...لانك ببساطه بتخليه يتمنى الموت بجد!!
صاحبهم و جاريهم و خليهم يدفعوا ثمن اختيارتهم او اخطأهم بس مترميهمش فى وحده معنويه !!
اوعك تنسى تسألهم ...انت مش محتاج حاجه ؟؟لانه اكيد محتاج حاجات منك!!
متتعسش ولادك و انت نيتك عظيمه معاهم عشان شويه و حيمشوا و مش حتلاقيهم فى حياتك و ده زمن دلوقت ...كله بيمشى بسهوله!!

07/05/2023

فيه ناس اكن ال software بتاعهم عباره عن قلبهم..
قلبهم بيحركهم فى الدنيا…
قلبهم بيوجعهم اما يزعلوا..
قلبهم بيتخلع منه حته ..
قلبهم بينفطر من العياط مش عنيهم اللى بتعيط اكن دموعهم بتنزل من قلبهم…
قلبهم و مش عقلهم
الدنيا مش حسبه mathematics
معادله رقميه و اكنها excel sheet
خانه تنقل خانه و تطلع معادله فى الأخر !!…
لاء دول مش بيعرفوا يحسبوا حاجه بالمنطق و العقل و ال facts كل حاجه بقلبهم
اهم دول اللى بيجلهم سكته قلبيه ( مش شرط بالمعنى الطبى) اكن قلبهم وقف مع كل موقف فوق احتمالهم هما حتى لو مش كبير

لا دول وحشين و لا دول حلوين
بس اللى قلبهم بيحكرهم دول بيقبوا نفسهم يسرخوا بصوت عالى يقولوا كلمه واحده بس فى أى موقف …حسوا بيا …إنتم مش حاسيين بيا إزاى…فاهمين اه بس حاسين بيا؟…
مين فينا زى دول و مين فينا زى دول؟.. كلنا كل حاجه بس احنا مختلفين انماط بشريه مختلفه متقسمه مجموعات عشان كده ردود افعالنا مختلفه فى مواقف مختلفه
بس اوعك تقلل من حد …قلبه موجوع حتى لو مش فاهم معنى الكلمه بالمنطق.

23/02/2023

اللهم ادهشنا بعطائك🙌

30/12/2022

كله واخد لفه و راجع (كما تدين تدان)

زعلت أبوك إبنك حيقهرك ..

كسرت بنت حتيجى بنت و تكسرك..

زى ما دخلت حياه ناس و بوظتها حتيجى ناس تدخل حياتك و تبوظ حياتك..

دخلت فرحه فى قلب حد حيجى حد و يدخل الفرحه فى قلبك..
الأنسان سبب فى كل حاجه بتحصله و الجزاء من جنس العمل اللى بيعمل خير بيترد له و اللى بيعمل شر بيترد له!!…

كل واحد بيحصد اللى زرعه ..
زرعت حب حتحصد حب
زرعت غل و غضب حتحصد غل و غضب

خد بالك انت بتعمل إيه …عشان حتدفع ثمنه كله بعدين

29/10/2022

هذه صفحتى الجديده ..بعتذر عن عدم وجود الصفحه القديمه لاسباب فنيه بعتذر الى ٣٠ الاف متابع ..و لعله خير ان نبداء من جديد🙌

13/10/2022

رأى فى مسلسل زينه فى برنامج الحكايه
قول رأيك
فى مسلسل الليله و اللى فيها
هل شايف ان الجانب المظلم فى الأنسان قد يحوله الى هذا الشخص ؟
هل شايف ان دفن الجانب المظلم يعرض الأنسان ان يكون قنبله موقوته؟

11/10/2022

رساله إلى أوجاعى و الامى ..
شكراً على كل الم و خوف و قلق و ضربات قلب وجعت قلبى فى يوم من الايام تعلمت ان الخوف لا يمنع الموت الخوف يمنع الحياه
شكرا على كل من خذلنى ووجعنى و قهرنى تعلمت القوه منكم
شكراً لكل لحظه بكيت فيها لوحدى و لم يعلم عنها احد..تعلمت اننا بنشيل اوجاعنا لوحدنا و بنمرض صحياً و محدش حيرجعلى صحتى
شكراً لكل شخص سلمت عليه و رد السلام بلاء مش بسلم تعلمت ان التسامح مش صفه عند الكل
شكراً على كل كلمه اتقالت فى ضهرى …تعلمت اننا كلنا عملنا كده فى بعض
شكراً لكل من افشى سر قولتهوله …تعلمت انى محكيش حاجه
شكراً لكل من كان عزيز و غالى و باعنى …تعلمت ان الغالى ميتبعش رخيص و انى احافظ على الغاليين بجد
شكراً لكل الظروف الماديه الصعبه…تعلمت ان الفلوس بتروح و تيجى
شكراً لنفسى الى شكلها اتغير و كانت احلى زمان بس يمكن من بره …تعلمت ان القلب اهم من الشكل
شكراً لكل من احبطنى فى رحله نجاحى …تعلمت ان الشقه مش بهدله لاء هى دى رحله النجاح
شكراً لكل مره كان نفسى اروح مكان و خايفه اقابل ناس تعاملنى وحش…اتعلمت انى ادفع بالتى هى احسن و اقدم الخير حلاقيه

شكراً يا الامى لو لم تكونى قاسيه جدااا….لم اكون و لن اكون هذا الشخص الأن لانى تألمت فتعلمت و تغيرت و الى الام جديده لانها حيااه و لكن بتأثير مختلف قد يكون تعلم و ليس وقوع بلا رجعه

و كذلك انتم اشكروا اوجاعكم لانكم تعلمتم …….