30/12/2024
❌سؤال جميل حبيت اجاوب عليه للافادة 👇👇
اولا مش من حق اعتي اخصائي فالبلد انه يتدخل في اي علاج دوائي اخرنا بنقول لحضراتكم استشيري طبيب اخر لان الدوا ده له اضرار لكن نوقف او نمنع لا لا لا لا انا ١٨ سنه اخصائي نطق ولغه لا اقدر اوصف دوا ولا اقول جرعه ولا اوقف او امنع بالرغم من المعرفه الطبيه ولله الحمد
من جهل من تكلم لحضرتك وبيقول انه اخصائي انه ادعي ان البرد يعالج بالمضادات الحيويه 😳 اصلا اي فيروس لا يتم وصف مضادات حيويه ليه وبيتم الاكتفاء بخافض الحرارة من باب اولي يحذرك من ارتفاع حراره الطفل لان ده ممكن ياثر علي ادراكه تركيزه او تطوره بشكل عام خصوصا لو لا قدر الله حصلت نوبات تشنجات حراريه وكل ده مش قصتنا هنا
انما انه يدعي ان المضادات الحيوية بتاثر وتضيع شغلنا فده ادعاء مبني علي الهبد 😂 طالما لم يكمل جملته بكثره المضادات الحيويه واللي لها تاثير سلبي علي صحة اي طفل
ولذلك نصيحة نتجه لطبيب اطفال قبل اعطاء الطفل اي مضادات حيوية نصبر عالحرارة ٣ ايام و نشتغل فيهم وخافض فقط ومتخافوش الطفل مش حيتأثر ولا حيفقد ما تم اكتسابه
اخصائي النطق واللغة
مدير فني مركز جنة
أ/ هبه خميس
ب ماجيستير صوتيات كليه الاداب جامعه الاسكندرية
