23/09/2025
خلي بالك من البوستات المنتشرة عن الباراسيتامول
اليومين دول طلع كلام بيقول إن استخدام الباراسيتامول أثناء الحمل ممكن يسبب توحد للأطفال. الحقيقة إن فيه شوية أبحاث اتكلمت عن النقطة دي، بس لحد دلوقتي النتائج مش مؤكدة ومش متسقة، ومفيش أي توصيات طبية بتقول نتجنب الباراسيتامول.
✅ الباراسيتامول لسه هو الخيار الآمن الأول لعلاج الصداع أو الألم أو الحرارة أثناء الحمل.
⚠ ارتفاع درجة حرارة الأم نفسها أخطر بكتير على الجنين من أي شكوك حوالين الدوا.
👉 النصيحة:
استخدمي الباراسيتامول بالجرعات المظبوطة.
بلاش تنجري ورا البوستات التريند اللي بتخوف الناس من غير دليل قوي.
واسألي دايمًا دكتورك أو الصيدلي قبل ما تاخدي أي دواء.
